Iivesi zeBhayibhile ezithandwayo ezisuka ULUKASI 22

Share

wathi: “Baba, nawuthandako susa ikapho le kimapha, nokho kungabi ngentandwami kodwana kwenziwe yakho.”

kodwana ngikuthandazele Simoni kobana ukukholwa kwakho kungabhalelwa. Wena-ke nasele uphendukile, uqinise abafowenu.”

Yeke wathatha isikwa, wathokoza uZimu, wasihlephula wabanikela, asithi: “Lokhu kumzimbami, onikelwe nina. Yenzani lokhu ukuze ningikhumbule.”

Ngokunjalo, kwathi ngemva kwesidlo santambama, wathatha ikapho wabanikela, asithi: “Ikapho le isivumelwano esitjha eengazini zami ezithululelwa nina.

Kwathi asebuhlungwini njalo, waqinisela khulu emthandazweni, umjulukwakhe waba njengamathosi weengazi athontela equlwanini.

Kodwana anikameli ukuba njalo. Esikhundleni salokho, omkhulu phakathi kwenu kumele abe njengomncani bese kuthi obusako abe njengosebenza etafuleni.

UJesu waphendula wathi: “Ngiyakutjela Pitrosi, ngaphambi kobana umkukurumbu ulile namhlanjesi uzabe sele ungiphike kathathu bona awungazi.”