Iivesi zeBhayibhile ezithandwayo ezisuka (Evangelio según San Lucas) 22

Yabelana

“Apawah, amesh wakegakmek, wi waitmainaitag nu agkanmitkajuata; tujash wi wakegamu achati, ame wakegamu atí”, tiuwai.

tujash wi aminak segatmagme, dekaskeapi tabaugmia nunú mijakaim tusan. Ame minai ataktú anentaimjam, yatsum aidaush minaig ebetmamjatnume tusan yaigminum tau asan.

Tusa pagkan juki Apajuin see tii puuká, jintintaiji aidaun susa chichaak: —Jujú pagka juka mina iyashig atumiin mantamnatta nuna iwainawai, juka tuke jutiksagmeké atin atajum mina anentaimjuttsajum.

Tusa ashí yuwawagmatai copa juki, chichaak: —Ju copa juka, mina numpajui yamajam chicham apaamu atumiin ukaejatta nuuwai.

Jesusak ni senchi waittsatnuji jegau asamtai anentaimak waitiau asa, nuní senchi Apajuin auju, imaniau asamtai segagbaujig numpa apu aidau nugká kitaama numamtuk wajaidau.

tujash atumek nuninuk amaitsugme. Duka nunitsuk atum ainajum anuiya eme anentai atag takug, datsauch eme anentsá diishtaya nunin anenmamainai. Inamna dushakam tikichin takagna nunin amainai.

Tutai Jesús ayaak: —Pedro, yamai kashia juik atash eke shinatsaig, Jesusnak waintsamjai tusam kampatumá ugtuktatme, tiuwai.