Iivesi zeBhayibhile ezithandwayo ezisuka Mateo 3

Share

Ustesic ib'a tut e Dios y checsunic ib'a tut e gente que sutpox tut e Dios.

Y tamar era checta inte' nuxi nuc xe' tari tichan xe' che: “Jax era Niunen xe' inyajta ut y xe' intzay inwira”, che e nuc era xe' tari tut e q'uin tichan.

y uch'uyi e Jesús. Y conda loc'oy e Jesús macuir e ja' uwira que pasc'a ut e q'uin tichan, y uwira Unawalir e Dios ecmay tari turuan tamar b'an cocha uwirnar incojt sacsac mut.

Pues nen era war inch'uyma taca e ja' tua' ichectes ib'a que iwactix tunor imab'amb'anir y que sutpoxix tut e Dios. Pero watar otronte' tanipat xe' axin uch'uyox taca Unawalir e Dios y taca e c'ajc. Y jaxir más nojta uc'otorer que nen. Porque nen ma tawaren nien tua' imb'ani ut uxanab' porque meyra ayan uc'otorer jaxir.

Nox larox cocha inte' te', y c'ani inwareox era que ch'arix e hacha tua' ucucruox porque tunor e te' xe' machi ac'awan uc'ani tua' acucurna y tua' ayajra tama e c'ajc.

Pues e Juan era jax xe' cay ojron e profeta Isaías tamar conda che: Ayan inte' winic xe' war o'jron taca inte' nuxi nuc tama e choquem lugar y che: “Ustesic e b'ir tua' Cawinquirar; pasic inte' b'ir tut jaxir xe' war che que e gente uc'ani tua' uyustes uyalmob' tua' uch'amiob' uc'ab'a Cawinquirar.” B'an ch'ar tz'ijb'ab'ir tama uyojroner e Dios.