THRÜNTAN 14
14
Abramnü Lot Khümkhitkhi
1Ju kim ching Shinar#Babilon kiulongthsüpuh Amraphel, Ellasar kiulongthsüpuh Ariok, Elam kiulongthsüpuh Kedorlaomer tüsho Goiim kiulongthsüpuh Tidal arübo, 2Sodom kiulongthsüpuh Bera, Gomorra kiulongthsüpuh Birsha, Adma kiulongthsüpuh Shinab, Zeboiim kiulongthsüpuh tüsho Bela (ju Zoar) kiulongthsüpuh Shemeber bede thirithsüpü yü. 3Harü kiulongthsürü phüngü ju Siddim jindükhün ching rukhüh thsüru (ju Thimi Keto). 4Arü kam thürükheak mahne Kedorlaomer bukkhüp la, tüshe kam thürükheak asampü ching arünü azhih. 5Kam thürükheak phüyipü ching Kedorlaomer tüsho api lung kiulongthsürübo arihbah wukhiuk tüsho Ashterothkarnaim ching Rhepharü, Ham ching Zuzimrü, Shave-kiriathaim ching Emirü 6tüsho loshelo phüni El-paran khiungde Seir awung lomi ching Horrü yan. 7Jushu arübo rholo tüsho Enmishpat (ju Kadesh) lim yü, tüsho Amalekrü lomi alala, Hazezontamar ching larü Amorrü she kukabah.
8Judüki Sodom kiulongthsüpuh, Gomorra kiulongthsüpuh, Adma kiulongthsüpuh, Zeboiim tüsho Bela (ju Zoar) kiulongthsüpuh Siddim dükhün ching thirithsüpü, 9Elam kiulongthsüpuh Kedorlaomer, Goiim kiulongthsüpuh Tidal, Shinar kiulongthsüpuh Amraphel tüsho Ellasar kiulongthsüpuh Ariok azhihde kiulongthsürü phüngünü kiulongthsürü phüyi azhih. 10Siddim dükhün ju loneakjipjip khünnü mia lakheah; tüsho Sodom le Gomorra kiulongthsürübo ju ching shande yü; khürü ju ching keamyuk, tüsho aningkhi awungbo ching tsode yü. 11Judüki arünü Sodom tüsho Gomorra kukrukbo tüsho arü tsühyungbebo alala lubah arü limro ching tso. 12Arünü Sodom ching lakhi Abram niurü tsührü Lot she api kukrukbo bede lubah tso.
13Tüshe atsokhitkhi mihtsürü khülangnü, Amorrü Mamre arüngako sangdungbo thüninde alakhi Ibrirü Abram ki thiyusheak alala jih. Mamre le akeoniorübo Eshkol tüsho Aner ju Abram müshiprü lakheah. 14Küyimki Abramnü api keoniorü ramde atsokhi sokhea, apinü anihbuh yam ching zübebah anokhitkhi yamlarü 318 zülu yihjih, tüsho Dan khiungde müshamde yü. 15Apinü arü azhihde azhing ching api mihtsürübo chamnak tüsho api le yamlarübonü arü zündode Damaska dukulim lakhi Hoba khiungde arü müsham. 16Junangde apinü kukruk alala, akeoniorü Lot tüsho api kukrukbo, aliberübo tüsho mihtsürübo she belode arü.
Melkizedeknü Abram Müngühjih
17Abramnü Kedorlaomer tüsho api müshiprü kiulongthsürübo kukbah arü dunglim Sodom kiulongthsüpuhnü Shave Jindükhün (ju kiulongthsüpuh Jindükhün) ching api shorupü akhiuk. 18Tüsho Salem#Jirusalem kiulongthsüpuh Melkizedeknü yikhap tüsho yukhu lude arü; api ju Khide Achang Thrünpuh amükeamrü lakheah. 19Apinü anihbuh müngühjihde tha: “Thüning tüsho alomi Thrünrü, Khide Achang Thrünpuhnü Abram müngühshang. 20Tüsho nü riribo nü khah ching yukjihbuh Khide Achang Thrünpuh shiang.” Tüsho Abramnü alala yo thürü shihcham api kilim jih.
21Sodom kiulongthsüpuhnü Abram ki tha, “I kilim mihtsürübo jihang, tüsho kukrukbo a nü luang.”
22Tüshe Abramnü Sodom kiulongthsüpuh ki tha, “Inü thüning tüsho alomi Thrünrü Khide Achang Thrünpuh ki I khah chungkihdo, tüsho thiyuchihchim ludo, 23junangde inü nü yo tümü lang she mulu, hing büm khülang yungsho jingkhümpü zhi khülang she mulu, junangde ‘Inü Abram alarü kamshihkheah’ de nünü müthakhukde alabah. 24Inü tümü she müleangkhi tüshe I mihtsürübonü atsühkhi tüsho I lung yürü Aner, Eshkol tüsho Mamre arü shihcham lushang.”
Currently Selected:
THRÜNTAN 14: YIMCBSI
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
THRÜNTAN 14
14
Abramnü Lot Khümkhitkhi
1Ju kim ching Shinar#Babilon kiulongthsüpuh Amraphel, Ellasar kiulongthsüpuh Ariok, Elam kiulongthsüpuh Kedorlaomer tüsho Goiim kiulongthsüpuh Tidal arübo, 2Sodom kiulongthsüpuh Bera, Gomorra kiulongthsüpuh Birsha, Adma kiulongthsüpuh Shinab, Zeboiim kiulongthsüpuh tüsho Bela (ju Zoar) kiulongthsüpuh Shemeber bede thirithsüpü yü. 3Harü kiulongthsürü phüngü ju Siddim jindükhün ching rukhüh thsüru (ju Thimi Keto). 4Arü kam thürükheak mahne Kedorlaomer bukkhüp la, tüshe kam thürükheak asampü ching arünü azhih. 5Kam thürükheak phüyipü ching Kedorlaomer tüsho api lung kiulongthsürübo arihbah wukhiuk tüsho Ashterothkarnaim ching Rhepharü, Ham ching Zuzimrü, Shave-kiriathaim ching Emirü 6tüsho loshelo phüni El-paran khiungde Seir awung lomi ching Horrü yan. 7Jushu arübo rholo tüsho Enmishpat (ju Kadesh) lim yü, tüsho Amalekrü lomi alala, Hazezontamar ching larü Amorrü she kukabah.
8Judüki Sodom kiulongthsüpuh, Gomorra kiulongthsüpuh, Adma kiulongthsüpuh, Zeboiim tüsho Bela (ju Zoar) kiulongthsüpuh Siddim dükhün ching thirithsüpü, 9Elam kiulongthsüpuh Kedorlaomer, Goiim kiulongthsüpuh Tidal, Shinar kiulongthsüpuh Amraphel tüsho Ellasar kiulongthsüpuh Ariok azhihde kiulongthsürü phüngünü kiulongthsürü phüyi azhih. 10Siddim dükhün ju loneakjipjip khünnü mia lakheah; tüsho Sodom le Gomorra kiulongthsürübo ju ching shande yü; khürü ju ching keamyuk, tüsho aningkhi awungbo ching tsode yü. 11Judüki arünü Sodom tüsho Gomorra kukrukbo tüsho arü tsühyungbebo alala lubah arü limro ching tso. 12Arünü Sodom ching lakhi Abram niurü tsührü Lot she api kukrukbo bede lubah tso.
13Tüshe atsokhitkhi mihtsürü khülangnü, Amorrü Mamre arüngako sangdungbo thüninde alakhi Ibrirü Abram ki thiyusheak alala jih. Mamre le akeoniorübo Eshkol tüsho Aner ju Abram müshiprü lakheah. 14Küyimki Abramnü api keoniorü ramde atsokhi sokhea, apinü anihbuh yam ching zübebah anokhitkhi yamlarü 318 zülu yihjih, tüsho Dan khiungde müshamde yü. 15Apinü arü azhihde azhing ching api mihtsürübo chamnak tüsho api le yamlarübonü arü zündode Damaska dukulim lakhi Hoba khiungde arü müsham. 16Junangde apinü kukruk alala, akeoniorü Lot tüsho api kukrukbo, aliberübo tüsho mihtsürübo she belode arü.
Melkizedeknü Abram Müngühjih
17Abramnü Kedorlaomer tüsho api müshiprü kiulongthsürübo kukbah arü dunglim Sodom kiulongthsüpuhnü Shave Jindükhün (ju kiulongthsüpuh Jindükhün) ching api shorupü akhiuk. 18Tüsho Salem#Jirusalem kiulongthsüpuh Melkizedeknü yikhap tüsho yukhu lude arü; api ju Khide Achang Thrünpuh amükeamrü lakheah. 19Apinü anihbuh müngühjihde tha: “Thüning tüsho alomi Thrünrü, Khide Achang Thrünpuhnü Abram müngühshang. 20Tüsho nü riribo nü khah ching yukjihbuh Khide Achang Thrünpuh shiang.” Tüsho Abramnü alala yo thürü shihcham api kilim jih.
21Sodom kiulongthsüpuhnü Abram ki tha, “I kilim mihtsürübo jihang, tüsho kukrukbo a nü luang.”
22Tüshe Abramnü Sodom kiulongthsüpuh ki tha, “Inü thüning tüsho alomi Thrünrü Khide Achang Thrünpuh ki I khah chungkihdo, tüsho thiyuchihchim ludo, 23junangde inü nü yo tümü lang she mulu, hing büm khülang yungsho jingkhümpü zhi khülang she mulu, junangde ‘Inü Abram alarü kamshihkheah’ de nünü müthakhukde alabah. 24Inü tümü she müleangkhi tüshe I mihtsürübonü atsühkhi tüsho I lung yürü Aner, Eshkol tüsho Mamre arü shihcham lushang.”
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.