Luka 24
24
Yesu u ɗenga̱i a̱ ukpisa̱
(Mat. 28:1-10; Mar. 16:1-8; Yah. 20:1-10)
1N usana wa Aladi ka̱lika̱li, ɗa a̱ma̱ci o yoku a banai a kasaun ke Yesu, ɗa a ɗikai ucanuku u ma̱gula̱ni u na a kubana a̱ tsunku keven ka. 2Ana a yawai, ɗa a cinai katali ka na a palakai kasaun kaꞋa ugida̱la̱kpi. 3Ana a uwai, a cina keven ke Yesu ba. 4Ele lo a kuyaꞋan mereve ma kakuna ma, ɗa aza e re o yoku a yawai lo, nu ntogu ma̱ a̱ri buga̱-buga̱. 5Adama o wovon ɗa a̱ma̱ci a a̱ za̱lika̱i. Amma ɗa uma a a danai le, “Yi ɗa̱i i zuwai ɗa yi a̱ kula̱nsa̱ vuma vu wuma a̱ ubuta̱ wa̱ a̱kpisa̱? 6U buwa punu ba. U ɗenga̱ ta̱ ɗe! Ciɓai uteku u na u danai ɗa̱ na ɗe a̱ Ga̱lili, 7‘I ta̱ e kuneke Maku ma Vuma a̱ ubuta̱ u uma a̱ unushi, adama a na a una yi a maɗanga ma atakaci, amma a kanna ka tatsu wi ta̱ a̱ kuɗenga̱.’ ” 8Ɗa a̱ma̱ci a a ciɓai a na Yesu u danai le ɗe kakuna ka nam pa.
9Ana o bonoi a̱ ubuta̱ u kasaun, ɗa a danai uma kupa n vuza te va n aza a na a buwai. 10Aza a na a banai a kasaun ka, ele ɗa Meri Magadaliya, n Yuwana, m Meri† a̱na̱ku a Yakubu, n aza o yoku. Ele ɗa a danai le kadanshi ka. 11Amma uma a a̱ ushuku n kadanshi ka ba. Adama a na i ta̱ a kinda kadanshi ke le ka an kadanshi ke ketepu. 12Ɗa Biturusu u ɗenga̱i ɗa u sumai a kubana a kasaun ka. Ana u yawai, ɗa u ka̱lika̱i u la̱na̱i kasaun ka, we ene punu keven ke Yesu ba. Sai arikinlai a ɗa we enei koci. Ɗa u lazai u ka̱na̱i mereve uteku u ni n u danai, “Yi ɗa̱i tamkpamu nahannai?”
Nwalu a kubana a Imawu
(Mar. 16:12-13)
13A kanna ka nan lo, aza o kutoni e Yesu o yoku, aza e re, ele a kubana a̱ likuci i kenu i yoku. Kula ku likuci ka ku ɗaɗa Imawu, u yawa ta̱ meli vi cindere,#24:13 NdaꞋin n na ubuta̱ u nam pa wi a kadanshi na. U ɗaɗa meli vi 7 wi ta̱ derere n kilomita 11 vu na u kuyawa vuza u yaꞋan nwalu n ene ali ɗevu n iyum i re. a kubana a Urishelima. 14Ɗa a̱ ka̱na̱i kadanshi adama a ili i na i yaꞋin punu a̱ likuci i Urishelima ya. 15Ele lo a kadanshi ka, ɗa Yesu u yawai ɗevu n ele ɗa u ka̱na̱i nwalu n ele. 16E enei ni, amma Ka̱shile ka zuwai a fuɗa e yeve ko yayi ba.
17Ɗa Yesu we ecei le, “Yi ɗa̱i i ciya̱i a kudansa uteku u ɗa̱ n i walai?”
Ɗa a shamgbai n asuvu e le una̱mgbi. 18Ɗa vuza te, kula ku ni ku ɗa Kiliyoba, ɗa we ecei ni, “Avu komoci kaꞋa vi punu a Urishelima, ɗa vu kpa̱ɗa̱i kuyeve ili i na i yaꞋin a ayin a nam pa?”
19We ecei, “Yi ɗa̱i i yaꞋin?”
A̱ ushuki ni, “Ili i na tamkpamu i yaꞋin Yesu vuza va aza Nazara, vuma vu nan lo va keneki kaꞋa. Ka̱shile ki ta̱ a kupanaka yi n uma dem. Ili i na wi a kudanasa i ɗa yi ta̱ n utsura, n i na kpamu u yaꞋansai. 20Anan ganu vu gbagbaꞋin nu nkoshi m gba̱ra̱gba̱ra̱ n tsu e nekei ni a̱ ubuta̱ u na a kuna yi, ɗa ta na a unai ni a maɗanga ma atakaci. 21A̱tsu ta na ci ishi ta̱ tsu dana a̱yi ɗa u kisa Israila a̱ ubuta̱ wu ugbashi u na i a kuyaꞋan. Anana ɗa ayin a tatsu a na ili i nan lo i yaꞋin.
22“A̱ma̱ci a̱ tsu o yoku e neke tsu ta̱ ili i mereve a̱ ɗenga̱i n usana ka̱lika̱li a kubana a kasaun ka. 23Amma, a yawai a cina ɗe keven ka ba. Ɗa a danai a̱shi e le a ɓatsa ta̱, ɗa e ene alingata a̱ Ka̱shile ka na ka danai u ɗenga̱ ta̱ ɗe. 24Ɗa aza a̱ tsu o yoku a banai ɗa o kondoi kasaun, ɗa ta na a cinai nannai uteku u na a̱ma̱ci a a danai. Amma ele e ene yi ba.”
25Ɗa Yesu u danai le, “A̱ɗa̱ yi n ugboji ba? Yi ɗa̱i i zuwai ɗa i ci neke a̱ɗu a̱ ɗa̱ sawu, adama a ili i na eneki a dansai? 26Mayun ɗa Kishi ko kusoꞋo atakaci biꞋi, kafu u uwa a̱ ubuta̱ u tsugbayin u ni ba?” 27Ɗa Yesu u ka̱na̱i kudana le ili i na a dansai adama a̱ ni punu a Katagarda ka Ciɗa. U gita̱i a katagarda ka Musa, ali n iɗani i eneki ra̱ka̱.
28Ana a yawai ɗevu n likuci i na i a kubana, u lazai adanshi wi ta̱ a kubana n kelime. 29Ɗa o folonoi ni, “Shamgba na n a̱tsu. Kanna ka̱ gita̱ ta̱ kukotso, ubuta̱ kpamu u gita̱ ta̱ kulima̱na̱.” Ɗa u tonoi le, ɗa u cipa̱ n ele.
30Ɗa u da̱sa̱ngi adama a na u lyaꞋa ilikulyaꞋa n ele. Ɗa u ɗikai burodi va ɗa u zuwakai vu ɗa una̱singai. Ɗa u wansai vu ɗa, ɗa u nekei le. 31Ɗa a̱shi e le a̱ ɓa̱yuwa̱i, ɗa ta na e yevei ni. Ɗa Yesu u puwa̱nka̱i lo a̱ a̱shi e le. 32Ɗa a̱ ka̱na̱i kudananai, “U yaꞋan ta̱ adanshi akina a̱ ma̱za̱nga̱ a ɗa i punu utashiki punu asuvu a̱ tsu ana u yaꞋin kadanshi n a̱tsu a uye wa, ana kpamu u danai tsu ili i na yi uɗani a Katagarda ka Ciɗa ka.”
33Ɗa a̱ ɗenga̱i gogo va lo, ɗa a lazai a kubana a Urishelima. Ubuta̱ u na a cinai mukumitoni n ni kupa m me te uɓolongi a̱ ubuta̱ u te n aza a na a buwai. 34Ɗa uma a nan lo a danai aza e re a, “Vuzavaguɗu vu tsu u ɗenga̱ ta̱. Mayun ɗa! U yotsongu ta̱ ka̱ci ka̱ ni u Sima.” 35Ɗa uma e re a nan lo a, a̱ ka̱na̱i kudana le ili i na e enei a uye wa, uteku u na kpamu e yevei ni ayin a na u wansai burodi va.
Yesu wu uta̱i u mukumitoni n ni
(Mat. 28:16-20; Mar. 16:14-18; Yah. 20:19-23; Azu. 1:6-8)
36Ana uma e re a Imawu i a kudana le, gogo va lo, ɗa Yesu wu uta̱i lo a̱ ubuta̱ wa e mere me le. Ɗa u danai le, “Ma̱ta̱na̱ mo yongo n a̱ɗa̱.”
37Ɗa a panai wovon, adama a na e ene ta̱ adanshi ka̱kpisa̱ kaꞋa i e kene. 38Ɗa u danai le, “Yi ɗa̱i i zuwai ɗa yi a kupana wovon? Yi ɗa̱i i zuwai kpamu ɗa i kpa̱ɗa̱i kushuku? 39La̱na̱i ekiye a̱ va̱ n ataka e ene a̱ va̱ ka̱ta̱ i yeve mpa ɗa. SaꞋwai mu ye ene adama a na ka̱kpisa̱ ki n ikyamba n etele ba, uteku na mpa mi.”
40Ana u danai le ili i nam pa ya, ɗa u yotsongu le ekiye a̱ ni n ataka e ene a̱ ni. 41Amma n nannai dem a ciga kushuku ba. Ɗa ma̱za̱nga̱ ma shanai a̱ɗu e le m mereve. Ɗa we ecei le, “Yi ta̱ lo n ilikulyaꞋa?” 42Ɗa e nekei ni kagimi ka kadan ko yoku uzaciki 43ka na u ɗikai ɗa u takumai lo a̱ a̱shi e le.
44Ɗa u danai le, “Ili i nam pa ya, i ɗa gaji n danai ɗa̱ va ayin a na mi ishi koɓolo n a̱ɗa̱. Ili i na a ɗanai dem punu a̱ Wila̱ u Musa, n iɗani i eneki n i na yi punu a Katagarda ki Ishipa ka sai i shana.”
45Ɗa u ɓa̱yuwa̱i a̱ɗu e le adama a na e yeve kadanshi ka̱ Ka̱shile. 46Ɗa u doku u danai le, “Ili i nam pa, i ɗa yi ta̱ punu uɗani mayun Kishi sai ka ko soꞋo atakaci, ka̱ta̱ u ɗenga̱ a̱ ukpisa̱ a kanna ka tatsu. 47N kula ku ni uma a kuyaꞋanka ta̱ uma kadanshi ka̱ Ka̱shile, adama a na a̱ shika̱ unushi u le, ka̱ta̱ a cinukpa n u ɗa. A̱ gita̱ a Urishelima a kubana a̱ ubuta̱ u uma dem. 48A̱ɗa̱ aza a na e enei ili i nam pa, banai i dana uma kakau dem. 49Mpa n ka̱ci ka̱ va̱ mi ta̱ a kusuꞋuku ɗa̱ Ayinviki a̱ Ka̱shile† a na Dada vu va̱ u yaꞋankai ɗa̱ uzuwakpani. Amma vanai na a Urishelima sai ayin a na Ayinviki a̱ Ka̱shile a̱ ta̱wa̱i wa̱ ɗa̱ ka̱ta̱ e neke ɗa̱ utsura na ɗe gaɗi.”
A ɗikai Yesu a kubana gaɗi
(Mar. 16:19-20; Azu. 1:9-11)
50Ɗa u ɗikai uma kupa n vuza te a n aza a na a buwai va a kubana a̱ a̱wa̱ta̱ a̱ likuci a, ali a kuyawa Bataniya. Ubuta̱ u na u ɗengusa̱i ekiye a̱ ni, ɗa u zuwakai le una̱singai. 51A̱yi a̱ ka̱tsuma̱ ka kuzuwaka le una̱singai, ɗa a ɗikai ni a kubana gaɗi, ɗa u ka̱sa̱kpa̱i le. 52Ɗa e nekei ni tsugbayin. Ɗa e yevei a lazai o kubono a Urishelima. Ma̱za̱nga̱ kpamu ma shanai a̱ a̱ɗu e le. 53Ɗa a uwai a̱ A̱Ꞌisa̱ a Gbayin ɗa o yongosoi punu a kucikpa Ka̱shile.
Currently Selected:
Luka 24: asgNT
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2012 Wycliffe Bible Translators, Inc. All rights reserved
Luka 24
24
Yesu u ɗenga̱i a̱ ukpisa̱
(Mat. 28:1-10; Mar. 16:1-8; Yah. 20:1-10)
1N usana wa Aladi ka̱lika̱li, ɗa a̱ma̱ci o yoku a banai a kasaun ke Yesu, ɗa a ɗikai ucanuku u ma̱gula̱ni u na a kubana a̱ tsunku keven ka. 2Ana a yawai, ɗa a cinai katali ka na a palakai kasaun kaꞋa ugida̱la̱kpi. 3Ana a uwai, a cina keven ke Yesu ba. 4Ele lo a kuyaꞋan mereve ma kakuna ma, ɗa aza e re o yoku a yawai lo, nu ntogu ma̱ a̱ri buga̱-buga̱. 5Adama o wovon ɗa a̱ma̱ci a a̱ za̱lika̱i. Amma ɗa uma a a danai le, “Yi ɗa̱i i zuwai ɗa yi a̱ kula̱nsa̱ vuma vu wuma a̱ ubuta̱ wa̱ a̱kpisa̱? 6U buwa punu ba. U ɗenga̱ ta̱ ɗe! Ciɓai uteku u na u danai ɗa̱ na ɗe a̱ Ga̱lili, 7‘I ta̱ e kuneke Maku ma Vuma a̱ ubuta̱ u uma a̱ unushi, adama a na a una yi a maɗanga ma atakaci, amma a kanna ka tatsu wi ta̱ a̱ kuɗenga̱.’ ” 8Ɗa a̱ma̱ci a a ciɓai a na Yesu u danai le ɗe kakuna ka nam pa.
9Ana o bonoi a̱ ubuta̱ u kasaun, ɗa a danai uma kupa n vuza te va n aza a na a buwai. 10Aza a na a banai a kasaun ka, ele ɗa Meri Magadaliya, n Yuwana, m Meri† a̱na̱ku a Yakubu, n aza o yoku. Ele ɗa a danai le kadanshi ka. 11Amma uma a a̱ ushuku n kadanshi ka ba. Adama a na i ta̱ a kinda kadanshi ke le ka an kadanshi ke ketepu. 12Ɗa Biturusu u ɗenga̱i ɗa u sumai a kubana a kasaun ka. Ana u yawai, ɗa u ka̱lika̱i u la̱na̱i kasaun ka, we ene punu keven ke Yesu ba. Sai arikinlai a ɗa we enei koci. Ɗa u lazai u ka̱na̱i mereve uteku u ni n u danai, “Yi ɗa̱i tamkpamu nahannai?”
Nwalu a kubana a Imawu
(Mar. 16:12-13)
13A kanna ka nan lo, aza o kutoni e Yesu o yoku, aza e re, ele a kubana a̱ likuci i kenu i yoku. Kula ku likuci ka ku ɗaɗa Imawu, u yawa ta̱ meli vi cindere,#24:13 NdaꞋin n na ubuta̱ u nam pa wi a kadanshi na. U ɗaɗa meli vi 7 wi ta̱ derere n kilomita 11 vu na u kuyawa vuza u yaꞋan nwalu n ene ali ɗevu n iyum i re. a kubana a Urishelima. 14Ɗa a̱ ka̱na̱i kadanshi adama a ili i na i yaꞋin punu a̱ likuci i Urishelima ya. 15Ele lo a kadanshi ka, ɗa Yesu u yawai ɗevu n ele ɗa u ka̱na̱i nwalu n ele. 16E enei ni, amma Ka̱shile ka zuwai a fuɗa e yeve ko yayi ba.
17Ɗa Yesu we ecei le, “Yi ɗa̱i i ciya̱i a kudansa uteku u ɗa̱ n i walai?”
Ɗa a shamgbai n asuvu e le una̱mgbi. 18Ɗa vuza te, kula ku ni ku ɗa Kiliyoba, ɗa we ecei ni, “Avu komoci kaꞋa vi punu a Urishelima, ɗa vu kpa̱ɗa̱i kuyeve ili i na i yaꞋin a ayin a nam pa?”
19We ecei, “Yi ɗa̱i i yaꞋin?”
A̱ ushuki ni, “Ili i na tamkpamu i yaꞋin Yesu vuza va aza Nazara, vuma vu nan lo va keneki kaꞋa. Ka̱shile ki ta̱ a kupanaka yi n uma dem. Ili i na wi a kudanasa i ɗa yi ta̱ n utsura, n i na kpamu u yaꞋansai. 20Anan ganu vu gbagbaꞋin nu nkoshi m gba̱ra̱gba̱ra̱ n tsu e nekei ni a̱ ubuta̱ u na a kuna yi, ɗa ta na a unai ni a maɗanga ma atakaci. 21A̱tsu ta na ci ishi ta̱ tsu dana a̱yi ɗa u kisa Israila a̱ ubuta̱ wu ugbashi u na i a kuyaꞋan. Anana ɗa ayin a tatsu a na ili i nan lo i yaꞋin.
22“A̱ma̱ci a̱ tsu o yoku e neke tsu ta̱ ili i mereve a̱ ɗenga̱i n usana ka̱lika̱li a kubana a kasaun ka. 23Amma, a yawai a cina ɗe keven ka ba. Ɗa a danai a̱shi e le a ɓatsa ta̱, ɗa e ene alingata a̱ Ka̱shile ka na ka danai u ɗenga̱ ta̱ ɗe. 24Ɗa aza a̱ tsu o yoku a banai ɗa o kondoi kasaun, ɗa ta na a cinai nannai uteku u na a̱ma̱ci a a danai. Amma ele e ene yi ba.”
25Ɗa Yesu u danai le, “A̱ɗa̱ yi n ugboji ba? Yi ɗa̱i i zuwai ɗa i ci neke a̱ɗu a̱ ɗa̱ sawu, adama a ili i na eneki a dansai? 26Mayun ɗa Kishi ko kusoꞋo atakaci biꞋi, kafu u uwa a̱ ubuta̱ u tsugbayin u ni ba?” 27Ɗa Yesu u ka̱na̱i kudana le ili i na a dansai adama a̱ ni punu a Katagarda ka Ciɗa. U gita̱i a katagarda ka Musa, ali n iɗani i eneki ra̱ka̱.
28Ana a yawai ɗevu n likuci i na i a kubana, u lazai adanshi wi ta̱ a kubana n kelime. 29Ɗa o folonoi ni, “Shamgba na n a̱tsu. Kanna ka̱ gita̱ ta̱ kukotso, ubuta̱ kpamu u gita̱ ta̱ kulima̱na̱.” Ɗa u tonoi le, ɗa u cipa̱ n ele.
30Ɗa u da̱sa̱ngi adama a na u lyaꞋa ilikulyaꞋa n ele. Ɗa u ɗikai burodi va ɗa u zuwakai vu ɗa una̱singai. Ɗa u wansai vu ɗa, ɗa u nekei le. 31Ɗa a̱shi e le a̱ ɓa̱yuwa̱i, ɗa ta na e yevei ni. Ɗa Yesu u puwa̱nka̱i lo a̱ a̱shi e le. 32Ɗa a̱ ka̱na̱i kudananai, “U yaꞋan ta̱ adanshi akina a̱ ma̱za̱nga̱ a ɗa i punu utashiki punu asuvu a̱ tsu ana u yaꞋin kadanshi n a̱tsu a uye wa, ana kpamu u danai tsu ili i na yi uɗani a Katagarda ka Ciɗa ka.”
33Ɗa a̱ ɗenga̱i gogo va lo, ɗa a lazai a kubana a Urishelima. Ubuta̱ u na a cinai mukumitoni n ni kupa m me te uɓolongi a̱ ubuta̱ u te n aza a na a buwai. 34Ɗa uma a nan lo a danai aza e re a, “Vuzavaguɗu vu tsu u ɗenga̱ ta̱. Mayun ɗa! U yotsongu ta̱ ka̱ci ka̱ ni u Sima.” 35Ɗa uma e re a nan lo a, a̱ ka̱na̱i kudana le ili i na e enei a uye wa, uteku u na kpamu e yevei ni ayin a na u wansai burodi va.
Yesu wu uta̱i u mukumitoni n ni
(Mat. 28:16-20; Mar. 16:14-18; Yah. 20:19-23; Azu. 1:6-8)
36Ana uma e re a Imawu i a kudana le, gogo va lo, ɗa Yesu wu uta̱i lo a̱ ubuta̱ wa e mere me le. Ɗa u danai le, “Ma̱ta̱na̱ mo yongo n a̱ɗa̱.”
37Ɗa a panai wovon, adama a na e ene ta̱ adanshi ka̱kpisa̱ kaꞋa i e kene. 38Ɗa u danai le, “Yi ɗa̱i i zuwai ɗa yi a kupana wovon? Yi ɗa̱i i zuwai kpamu ɗa i kpa̱ɗa̱i kushuku? 39La̱na̱i ekiye a̱ va̱ n ataka e ene a̱ va̱ ka̱ta̱ i yeve mpa ɗa. SaꞋwai mu ye ene adama a na ka̱kpisa̱ ki n ikyamba n etele ba, uteku na mpa mi.”
40Ana u danai le ili i nam pa ya, ɗa u yotsongu le ekiye a̱ ni n ataka e ene a̱ ni. 41Amma n nannai dem a ciga kushuku ba. Ɗa ma̱za̱nga̱ ma shanai a̱ɗu e le m mereve. Ɗa we ecei le, “Yi ta̱ lo n ilikulyaꞋa?” 42Ɗa e nekei ni kagimi ka kadan ko yoku uzaciki 43ka na u ɗikai ɗa u takumai lo a̱ a̱shi e le.
44Ɗa u danai le, “Ili i nam pa ya, i ɗa gaji n danai ɗa̱ va ayin a na mi ishi koɓolo n a̱ɗa̱. Ili i na a ɗanai dem punu a̱ Wila̱ u Musa, n iɗani i eneki n i na yi punu a Katagarda ki Ishipa ka sai i shana.”
45Ɗa u ɓa̱yuwa̱i a̱ɗu e le adama a na e yeve kadanshi ka̱ Ka̱shile. 46Ɗa u doku u danai le, “Ili i nam pa, i ɗa yi ta̱ punu uɗani mayun Kishi sai ka ko soꞋo atakaci, ka̱ta̱ u ɗenga̱ a̱ ukpisa̱ a kanna ka tatsu. 47N kula ku ni uma a kuyaꞋanka ta̱ uma kadanshi ka̱ Ka̱shile, adama a na a̱ shika̱ unushi u le, ka̱ta̱ a cinukpa n u ɗa. A̱ gita̱ a Urishelima a kubana a̱ ubuta̱ u uma dem. 48A̱ɗa̱ aza a na e enei ili i nam pa, banai i dana uma kakau dem. 49Mpa n ka̱ci ka̱ va̱ mi ta̱ a kusuꞋuku ɗa̱ Ayinviki a̱ Ka̱shile† a na Dada vu va̱ u yaꞋankai ɗa̱ uzuwakpani. Amma vanai na a Urishelima sai ayin a na Ayinviki a̱ Ka̱shile a̱ ta̱wa̱i wa̱ ɗa̱ ka̱ta̱ e neke ɗa̱ utsura na ɗe gaɗi.”
A ɗikai Yesu a kubana gaɗi
(Mar. 16:19-20; Azu. 1:9-11)
50Ɗa u ɗikai uma kupa n vuza te a n aza a na a buwai va a kubana a̱ a̱wa̱ta̱ a̱ likuci a, ali a kuyawa Bataniya. Ubuta̱ u na u ɗengusa̱i ekiye a̱ ni, ɗa u zuwakai le una̱singai. 51A̱yi a̱ ka̱tsuma̱ ka kuzuwaka le una̱singai, ɗa a ɗikai ni a kubana gaɗi, ɗa u ka̱sa̱kpa̱i le. 52Ɗa e nekei ni tsugbayin. Ɗa e yevei a lazai o kubono a Urishelima. Ma̱za̱nga̱ kpamu ma shanai a̱ a̱ɗu e le. 53Ɗa a uwai a̱ A̱Ꞌisa̱ a Gbayin ɗa o yongosoi punu a kucikpa Ka̱shile.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2012 Wycliffe Bible Translators, Inc. All rights reserved