Chivkeeb 10
10
Nau-as Cov Tub Tej Cajces
(1 Xwmtxheej Vajntxwv 1:5-23)
1No yog cajces ntawm Nau-as peb tug tub uas yog Sees, Has thiab Yafej. Lawv peb tug no muaj tubki tomqab uas dej nyab ntiajteb.
2Yafej cov tub: Nkaumaw, Mankos, Madais, Yavas, Tunpas, Mesej thiab Tilas. Lawv cov no yog yawgkoob ntawm cov tibneeg uas tseem ris lawv lub npe. 3Nkaumaw cajces yog tsav tibneeg Asakenas, Lifas thiab Taunkamas. 4Yavas cajces yog Elisas, Thasis, Khithis, thiab Laudes; 5lawv yog yawgkoob ntawm cov tibneeg uas nyob raws tej ntug hiavtxwv thiab raws tej povtxwv. Cov no yog Yafej cajces, lawv nyias nyob nyias ib lub tebchaws rawsli nyias xeem, rawsli nyias pab, thiab rawsli nyias yam lus.
6Has cov tub: Khuses, Iziv, Linpias, thiab Kana-as. Lawv cov no yog yawgkoob ntawm cov tibneeg uas ris lawv lub npe. 7Khuses cajces: Xenpas, Havilas, Satas, La-amas, thiab Satekas. La-amas cajces yog cov tibneeg Senpas thiab cov Dedas. 8Khuses muaj ib tug tub hu ua Nimelaus; nws yog thawjtug tibneeg nyob hauv ntiajteb no uas dhau mus ua ib tug muaj hwjchim ntaus yeej tebchaws. 9Los ntawm Vajtswv txoj kev pab, nws thiaj ua tau ib tug tibneeg tua nqaij uas ua tau heev; vimli no tej tibneeg thiaj pheej hais tias, “Thov tus TSWV ua kom koj yog ib tug tibneeg tua nqaij uas ua tau ib yam li Nimelaus!” 10Lub nroog Npanpiloos, Elej, thiab Akas, yog thawj cov nroog uas nws xub kav; peb lub nroog no puavleej nyob hauv tebchaws Npanpiloos. 11Nws tau tawm hauv lub tebchaws ntawd mus rau tebchaws Axilias thiab mus tsim lub nroog Nineves, Lehaunpauj Aws, Khalas 12thiab Lesees, uas nyob hauv ntu nruabnrab ntawm lub nroog Nineves thiab lub nroog loj uas yog Khalas.
13Iziv cajces yog cov tibneeg Lidias, Anas, Lehaj, Nafetus, 14Pathelus, Kaselus thiab Khetes uas cov tibneeg Filixatees yog lawv li cajces.#10:14: Nqe no sau hais tias Khetes … li cajces; phau lus Henplais hais tias cov Filixatees yog cajces los ntawm Khetes.
15Kana-as cov tub: Xidoos, yog tus tub hlob, thiab Hej yog yawgkoob ntawm cov tibneeg uas tseem ris nkawd lub npe. 16Kana-as yog yawgkoob ntawm cov Yenpus, cov Amaules, cov Nkawkasis, 17cov Hivis, cov Akis, cov Xinis, 18cov Alevas, cov Xemalis, thiab cov Hamaj. Tej xeem ntawm cov Kana-as tau tawm nyias mus nyob nyias, 19ua rau cov Kana-as tej ciam tebchaws uas pib ntawm Xidoos sab qabteb mus txog rau Nkelas uas ze rau ntawm Nkaxas, thiab sab hnubtuaj mus txog rau ntawm Xaudoos, Kaumaulas, Amas thiab Xenpauyees uas nyob ze rau Lasas. 20Cov no yog Has cajces, lawv nyias nyob nyias ib lub tebchaws rawsli nyias xeem, rawsli nyias pab, thiab rawsli nyias yam lus.
21Sees uas yog Yafej tus tijlaug, nws yog tagnrho cov tibneeg Henplais tus yawgkoob. 22Sees cov tub: Elas, Asus, Apakesas, Lus, thiab Alas. Lawv puavleej yog yawgkoob ntawm cov tibneeg uas ris lawv lub npe. 23Alas cajces yog cov Uxes, Hus, Nkethaws thiab cov Mesej. 24Apakesas yog Selas txiv thiab Selas yog Enpaws txiv. 25Enpaws muaj ob tug tub: ib tug hu ua Pelej,#10:25: Pelej: Lub npe no hais muaj ntsis thooj li lolus Henplais uas hais tias “sibfaib.” rauqhov tiam uas nws ua neej nyob ntawd cov tibneeg hauv ntiajteb no tau sibfaib lawm, thiab dua li ib tug hu ua Yautas. 26Yautas cajces yog cov Alamudas, Selej, Haxemaves, Yelas, 27Hadaulas, Uxas, Dikelas, 28Aunpas, Anpima-ees, Senpas, 29Aufis, Havilas, thiab Yaunpas. Tagnrho cov no puavleej yog Yautas cajces. 30Lub tebchaws uas lawv nyob mas txij ntua ntawm Mesas mus txog rau ntawm Sefas uas nyob tim lub laj roob siab hnubtuaj. 31Cov no yog Sees cajces, lawv nyias nyob nyias ib lub tebchaws rawsli nyias xeem, rawsli nyias pab, thiab rawsli nyias yam lus.
32Tagnrho cov tibneeg no yog Nau-as li cajces, ib tsav tibneeg dhau rau ib tsav tibneeg, rawsli lawv tej cajces. Tomqab uas dej nyab ntiajteb, txhua tsav tibneeg hauv lub ntiajteb puavleej yog Nau-as cov tub tej cajces.
Ekhethiweyo ngoku:
Chivkeeb 10: MWW2022
Qaqambisa
Yabelana
Kopa
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2022 United Bible Societies. All rights reserved.