لَاتَانٛوجِ 4
4
کَيِنُ عٜ حَبِلَ
1ءَادَمُ حَوْتِ بٜى حَوَّ، دٜبّٛ مُوطُمْ؞ عٛرٜىٰدِ؞ عٛدَࢩِ کَيِنُ، عٛوِعِ: «نغَمْ بَرْکَ جَوْمِرَاوٛ، مِحٜࢡِ ࢡِطّٛ غٛرْکٛ؞» 2کَدِبٛو عٛدَࢩِ حَبِلَ،#4:2 حَبِلَ يِطِ وِعْغٛ ݠٛوڢْطٜ، شُورْطٜ؞ لَارْ جَبُورَ 39:6،12؛ 144:4؛ أَيُوبَ 7:16؛ غَازٛووٛ 1:2؞ دٜىٰرْطِرَاوٛ کَيِنُ؞ حَبِلَ لَاتِ غَيْنَاکٛ دَمّٛوجِ، کَيِنُ بٛو دٜمٛووٛ؞
3ࢩَلَادٜ ڢٜىٰرٜ، کَيِنُ وَدَّنِ جَوْمِرَاوٛ دٛکَّلْ حَا ࢨَامْلٜ نغٜسَ مُوطُمْ؞ 4حَبِلَ بٛو وَدِّ دٛکَّلْ حَا عَڢِ دَمّٛوجِ مُوطُمْ؞ عٛلِيعَنِمٛ تَعٜ ࢡُرْطٜ وٛوطُغٛ؞ جَوْمِرَاوٛ يٜرْدِ حَبِلَ عٜ دٛکَّلْ مُمْ#عِبْرَنِنغْکٜعٜنْ 11:4؞؞ 5عَمَّا عٛيٜرْدَاکِ کَيِنُ عٜ دٛکَّلْ مُوطُمْ؞ کَيِنُ تِکِّ مَسِنْ، يٜىٰسٛ مُمْ ࢩِࢡِّ دَلِيلَ مٜتَّمْࢡٜرَمْ؞ 6جَوْمِرَاوٛ ࢨَمِمٛ: «کٛنِ تِکُّطَا؟ کٛنِ ࢩِࢡِّنْطَ يٜىٰسٛ مَ؟ 7تٛ عَوَطِ بٛوطُّمْ، عَࢡَنغْتَنْ حٛورٜ، تٛ نَا نٛنْ حَکّٜوٛلْ طٛنْ طَݠِّنِ حَا دَمُّغَلْ مَاطَ، يِطِ لَامَاغٛ دٛوْ مَاطَ، عَمَّا سٜيْ نجَالٛطَ نغٛلْ؞»
8ندٜنْ کَيِنُ وِعِ دٜىٰرْطِرَاوٛ مُمْ حَبِلَ: «عٜنْ نغُرْتٛ يَاسِ!» ندٜ ࢡٜنجٛتِّ نغٜسَ، کَيِنُ عُمَّنِمٛ، مبَرِمٛ#مَتَّ 23:35؛ لُکَ 11:51؛ 1 يُحَنَّ 3:12؞؞ 9جَوْمِرَاوٛ ࢨَمِ کَيِنُ: «تٛيْ دٜىٰرْطِرَاوٛ مَاطَ حَبِلَ؟» کَيِنُ جَابِ: «مِعَنْدَا؞ مِ عَيْنٛووٛ دٜىٰرْطِرَاوٛ عَمْ نَ؟» 10جَوْمِرَاوٛ وِعِ: «طُمٜ مبَطَّا؟ نَنْ، ࢨِيࢨَمْ دٜىٰرْطِرَاوٛ مَاطَ طٛنْ وٛوکَنَمِّ دِغَ لٜسْدِ#عِبْرَنِنغْکٜعٜنْ 12:24؞! 11جٛنْتَ کَمْ، عَ نَالَاطٛ دِغَ لٜسْدِ ندِعِ، ندِ مَࢡِّتِ حُنْدُکٛ مُوطُمْ نغَمْ جَࢡُغٛ ࢨِيࢨَمْ دٜىٰرْطِرَاوٛ مَاطَ دِغَ جُنغٛ مَ؞ 12تٛ عَرٜمِ نغٜسَ، کَ وَطَنْتَا مَ نَڢُودَ مَاکَ؞ عَلَاتٛتٛ غِيلٛووٛ دٛوْ لٜسْدِ، عَحٜࢡَتَا سِوْتَارٜ؞» 13کَيِنُ وِعِ جَوْمِرَاوٛ: «کِيتَ عَمْ کَعَ تٜدِّ، مِوَاوَتَا عٜڢْتُغٛ کَ؞ 14ندَا، عَرِيوِ يَمْ حَنْدٜ دِغَ لٜسْدِ؞ مِࢩُکّٛتٛ دَايِيطُمْ يٜىٰسٛ مَاطَ، مِلَاتٛتٛ غِيلٛووٛ، وَلَا سِوْتَارٜ حَا لٜسْدِ؞ تَوْطٛ يَمْ ڢُو، مبَرَتَمْ؞» 15جَوْمِرَاوٛ وِعِمٛ: «وٛودَا! تٛ غٛطّٛ مبَرِ مَ، سٜيْ يِمْࢡٜ جٛوٜىٰطِطٛ مبَرٜ نغَمْ وَاتَاغٛ مَ؞» جَوْمِرَاوٛ وَطِ مَانْدٛرْدٜ حَا کَيِنُ، نغَمْ تَا غٛطّٛ مبَرَ مٛ، تٛ تَوِمٛ؞ 16کَيِنُ دِلِّ، دَايْتِرِ بٜى جَوْمِرَاوٛ، جٛوطِ ندٜرْ لٜسْدِ نٛودِ، حَا ڢُونَانغٜ عَدْنِنْ؞
دَࢩْغٛلْ کَيِنُ
17کَيِنُ حَوْتِ بٜى دٜبّٛ مُوطُمْ؞ عٛرٜىٰدِ، عٛدَࢩِ حَنٛکْ؞ کَيِنُ ࢩِࢡِ بٜرْنِوٛلْ، عِنِّ نغٛلْ حَنٛکْ بَنَ عِنْدٜ ࢡِيِيکٛ؞ 18حَنٛکْ دَࢩِ عِرَدْ؞ عِرَدْ دَࢩِ مٜحُيَيٜلْ؞ مٜحُيَيٜلْ دَࢩِ مٜتُسَيٜلْ؞ مٜتُسَيٜلْ دَࢩِ لَمٜکْ؞ 19لَمٜکْ تٜعِ رٜوْࢡٜ طِطٛ، عِنْدٜ عَرَنٛ عَدَ، عِنْدٜ طِطَࢡٛ بٛو شِلَّ؞ 20عَدَ دَࢩِ يَبَلْ، کَنغْکٛ وٛنِ بَابَ جٛوطٛتٛوࢡٜ ندٜرْ شُوطِ لَيْمَاجِ عٜ مَرْࢡٜ تٛکّٜ؞ 21عِنْدٜ دٜىٰرْطِيکٛ، يُبَلْ، کَنغْکٛ وٛنِ بَابَ ڢِيٛوࢡٜ مٛولٛوجِ عٜ ڢُوڢٛوࢡٜ عَلْغَيْتَاجِ ڢُو؞ 22شِلَّ بٛو دَࢩِ تُبَلْ-کَيِنُ، تَݠّٛووٛ کُووْرُطٜ نجَمْندِ مبٛطٜىٰرِ عٜ ࢡَلٜىٰرِ؞ دٜىٰرْطِرَاوٛ تُبَلْ-کَيِنُ دٜبّٛ، وٛنِ نَامَ؞
23لَمٜکْ وِعِ رٜوْࢡٜ مُوطُمْ: «عَدَ عٜ شِلَّ، نَنٜىٰطَمْ! عٛنٛنْ رٜوْࢡٜ لَمٜکْ، کٜطِتٜ وٛلْدٜ عَمْ؞ تٛ ࢡٜݠِيِ يَمْ، مِمبَرَنْ غٛطّٛ! تٛ ࢡٜنَاوْنِ يَمْ، مِمبَرَنْ ࢡِنغٜلْ! 24تٛ نِي ࢡٜمبَرَنْ وٛرْࢡٜ نجٛوٜىٰطِطٛ نغَمْ وَاتَاغٛ کَيِنُ، ࢡٜمبَرَنْ شَݠَّنْطٜ نجٛوٜىٰطِطٛ عٜ نجٛوٜىٰطِطٛ نغَمْ وَاتَاغٛ يَمْ!»
تٛکِّتَاکِ دَࢩْغٛلْ ءَادَمُ ࢡَاوٛ مَايْدٜ حَبِلَ
25ءَادَمُ حَوْتِ بٜى دٜبّٛ مُوطُمْ ڢَحِنْ؞ عٛدَࢩِ ࢡِطّٛ غٛرْکٛ، عٛعِنْدِمٛ سٜتُ، عٛوِعِ: «نغَمْ اَللَّه حٛکِّ يَمْ دَࢩْغٛلْ غٛطْنغٛلْ حَا ݠٜلّٜلْ حَبِلَ مٛ کَيِنُ مبَرِ؞» 26سٜتُ بٛو دَࢩِ ࢡِطّٛ غٛرْکٛ، عٛعِنْدِمٛ عٜنٛسْ؞ وَکَّتِ مَاجُمْ ࢡٜݠُطِّ عٜوْنَاغٛ عِنْدٜ جَوْمِرَاوٛ ندٜرْ دٛعَ؞
Currently Selected:
لَاتَانٛوجِ 4: داَ
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Fulfulde Bible Ajamiya © Bible Society of Cameroon, 2016.