Matiu 13
13
Iesusa kam roor ianna gaind nakerina, ramoot ianna witna lourmo aŋgɨra warɨŋna inik nakerina
(Mak 4.1-9 na Luk 8.4-8)
1Na an ra mbuŋa Iesusa an kac tɨkcarica laruca, ma taŋga mɨar roumb mambiracat. 2#Lk 5.1-3Ri, meikramtaɨr wɨt aniac ŋgoinna man ndambuŋ nakɨpri, aintik ma kor ian naŋgabukca mbiracatke, meikramtaɨra mina maŋarmbaia wɨtɨkca eacri. 3Ainda moca ma mimo kam roor wɨt makeat, na ma gaindopatna, “Ne warac, ramoot ianna ma witna lourmo aŋgɨra taŋga warɨŋna inikca mbukca, ma an witna lourmo an nakeca taŋrina. 4Na ma keca taŋri, witna lour ndeida taup ndiŋ ŋgirikrinan, na ŋgorikca kɨpca maambri. 5Na witna lour ndeida tiacarpaikca watur tambat ndeacrenanna, an nambatta irikat tik, mina tawina gacatna. 6Na ra aŋgɨatke, mana otanna minmo rotaca mina marereca kocnaia gururina. Mina kacrira tiacarpaikmo mba irikri, aintik mina menacrina. 7Na witna lour ndeida lacarta ŋgaɨrta kɨdrɨk ŋgirikca, na an lacarta ŋgaɨra ŋgepca minmo wɨŋga makɨtacat. 8Na witna lour ndeida tiacar laiŋpaik nambat ŋgirikca, an nambat nagacrinanna, mina ŋgepca amta reikca kootrina. Ri, ndeida 100na mɨnna kootrina, na ndeida 60na mɨnna kootrina, na ndeida 30na mɨnna kootrina. 9Na u ramootta koarap, u gan kam mbarac.”
Iesusa titna iroap tik ma kammo kam roor mbuŋ ndoprena
(Mak 4.10-12 na Luk 8.9-10)
10Karica Iesusna iŋa raŋgairena ramtaɨra kɨpca mamo, mana kecapekna kam roorna mɨnɨŋna nda digica, mina aindopatna, “Kaina moca u meikramtaɨrmo kam roor mbuŋa kerena?” 11Ri, ma mina kammo gainda rutica aindopatna, “Tamuŋna auŋna bubuocna kamma tamaia iŋgoroca eacrena mɨnɨŋa, ma nemo wattacarica, ne lamŋia garacrina. Na gan meikramtaɨrmo ma mba wandacri. 12#Mt 25.29, na Mk 4.25, na Lk 8.18, na 19.26Na ramoot ianna ma reikap eacrinanna, Raraŋ Aetaniaca mamo reik ndeida mamo mac neaŋnande, te, ma reik wɨt aniacap. Na ramootta reikca wɨtta wanaiŋ, Raraŋ Aetaniaca mana an reik mbatepmo mo kecarinande. 13#TW 29.4Aintik anna mɨnɨŋna moca, aku minmo kam roor mbuŋa mimo kam roor kerenan. Na mina lamnik puŋga wat te, mina reikca mba watitndai, na mina kour tɨk te, mina kambca waraca landamiŋa mba aŋgɨitndai. 14#Mk 4.12, na In 12.40, na Up 28.26-27#Ais 6.9-10Na an meikramtaɨr puŋga ramma morina ramoot Aisaiana kamma gidik ndarurina. Na ma gaindoprina, ‘Ne kammo memetmbaca waracraŋ, na ne mana mɨnɨŋa mba garacitndai. Na ne memetmbaca watraŋ, na ne reac ianna mba wati garacitndai. 15#Ib 5.11Ainda moca gan meikramtaɨrta nikinik iroar minanna kocnaia mboraca iroar laiŋ kocor, na mina koura kambca waracna ŋaterenanna, mina ndorita lamnikmo purocrinan, moca mina lamnikca reac ianna wat nari, na moca mina koura kamb mbarac nari, na mina nikinik iroara kambta mɨnɨŋa garac nari. Te, mina nikinik iroar uriraca auk ndambuŋ mac nda kɨpca, aku minmo moi laiŋga monandet.’
16 #
Lk 10.23-24, na In 8.56, na Ib 11.13, na 1 Pi 1.10-12 “Aintik ne toŋgo, nena lamnikca reikca watrinan, na nena koura kambca waracrenan. 17Na aku nemo gidik ŋgoinna aindopnandet, atua rambca morina ramtaɨr wɨtapa ramtaɨr wandoik laiŋga, an reikca ne mandeaca watrenan, mina an reikca watna toŋtoŋgar anikap, na mina mba watri. Na mina an nena waracrena kambta kambma waracna toŋtoŋgar anikap, na mina mba waracri.”
Witna lourta kam roorna mɨnɨŋ
(Mak 4.13-20 na Luk 8.11-15)
18Karica Iesusa gaind mac mbopatna, “Mandeaca, ne an ramootta witna lourmo warɨŋ inik nakerinanna kam roorna mɨnɨŋa waracnande. 19Na mandaia Raraŋ Aetaniacna bubuocna kam wembaŋa waraca, mana mɨnɨŋa garac ŋgocor, ma ande an witna loura taup ndiŋ ŋgirikrinanna kirar. Iŋmbaia Ramoot Ŋgoreaca kɨpca, Raraŋ Aetaniacna kamma mana iro inik ndeacrenanna tɨki mo kecarinande. 20Na witna loura watur tambatna tiacarpaik ŋgirikrinanna, mana mɨnɨŋa gaind, ramootta Raraŋ Aetaniacna kam mbaraca tawi ŋgoinna aŋgɨca toŋtoŋ ŋgoin. 21Na mina iacndukar kocor, aintik mina rocotta mba eacrenanna, na meikramtaɨra Raraŋ Aetaniacna kammo, mo irik te, na mina an ramootmo, makukca neaŋnande, co mamo tɨp ŋgoreaca mo te, mana rɨtɨpaca tawi ŋgoinna iriknande. 22#Mt 6.19-34, na Lk 12.16-21, na 1 Ti 6.9-10, na 6.17Na witna loura lacarta ŋgaɨrta kɨdrɨk ŋgirikrinanna, anna mɨnɨŋa gaind, ramootta ma kam mbaracrenan, na mana iroa gan tiacarpaikna reikta tamtam ŋgoin ndamŋirena, na ma kituknduk wɨt aniac aŋgɨ wembacna kadmairena. Na an reikca Raraŋ Aetaniacna kammo kɨtac irikca ma gagaimb kocor. 23Na an witna loura tiacar laiŋpaik ŋgirikrinanna, anna mɨnɨŋa gaind, anna meikramtaɨra Raraŋ Aetaniacna kamma waraca mina mana mɨnɨŋa mataua lamŋirenanna. Mina gagaimbca 100na mɨn, na 60na mɨn, na 30na mɨn.”
Katgɨn ŋgoreaca witap kurica warɨŋ nagarina kam roor
24Karica Iesusa mimo kabena kam roor ian mac makeat, na ma aindopatna, “Tamuŋna auŋna bubuoca, ma ramootta witna lour laiŋmo ndona warɨŋ nakerina kirar. 25Na mouŋa meikramtaɨra ŋgori, mana puŋnaŋgepta ianna kɨpca mana warɨŋmo katgɨn ŋgorikmo mana witna lourta warɨŋ inikca keca mataŋri, na an maica ma mataŋgat. 26Ainda moca iŋmbaia an witta gaca amta reik makootri, mina wattatnanna ma katgɨn ŋgorikap kurica eacri. 27Aintik mana mbaiŋna aiŋa morena ramtaɨra taŋga manmo watca aindopatna, ‘Kacoot, aia lamŋirena, u ndona warɨŋmo u witna lour laiŋ tiŋgikna kerinan. Na titoca moca katgar ŋgorikca anap gacre?’
28“Ri, ma mimo aindopatna, ‘Aukna puŋnaŋgepta ianna ndo ainda morina.’ Karica mana mbaiŋna aiŋa morena ramtaɨra aindopatna, ‘Aia taŋca an katgar ŋgorikmo wɨŋi aŋgɨca tumbunna tɨkna, na u toŋgori ki, wanaiŋ?’ 29Karica ma mina kamb rutica aindopatna, ‘Kari, moca ne katgar ŋgorik tarki te, ne witna lourap tarkinande. 30#Mt 3.12Aintik ne watcarica, maniŋa tumbunniŋa ga taŋca amna mɨnna tɨk te, an mɨn mbuŋa aku an aiŋa mona ramtaɨrmo mbopnande, “Ne outta ne an katgar ŋgorikmo tarkica tumbunna tɨkca, kaipa leaca taca rotac. Te, ne witna lourmo aŋgɨ punica aukna amta reik tɨkrena kaca tɨkna.”’”
Ik mastetna loorna kam roor
(Mak 4.30-32 na Luk 13.18-19)
31Karica Iesusa mimo kabena kam roor ian mac makeat, na ma aindopatna, “Tamuŋna auŋna bubuoca ma ik mastetna loorna kirar. Na ramoot ianna an ikna loormo ndona warɨŋa mutocatna. 32Na ik mastetna loura ma an kabena ikirta lourta kirara wanaiŋ. Mana loura tekirnoik koind, na ma ŋgepi acnai te, ma an warɨŋna ambrena ikirta uprirmo ma gaci kunda ikca monande. Te, raŋna ŋgocraikca mana ŋaikmo kaikca moraŋnande.”
Isna kam roor
(Luk 13.20-21)
33Karica Iesusa mimo kabena kam roor ian mac makeri, na ma mimo aindopatna, “Tamuŋna auŋna bubuoca ma isna kirar. Na meac ianna an is teker emtem aŋgɨca witna kapɨrta kɨndɨb mbonkacmo aŋgɨ tuoŋ aniaca tɨki kuri te, iŋmbaia ma uri gaca bagaraniaca monande.”
Iesusa kam roor mbuŋa meikramtaɨrmo kam ndoprina
(Mak 4.33-34)
34Na an kambca Iesusa meikramtaɨrmo muruŋa minmo keca mboprinanna, ma minmo kam roor mbuŋ ndoprina. Na ma minmo kam ian ndop te, mina garacna mɨnna wanaiŋ, ma minmo kam roor niŋgik mbuŋa keca minmo mboprenan. 35#Ŋap 78.2Ainda moca an kirar mbuŋa ma an ramma morina ramoot ianna atua mboprina kam ndiŋa mbopca larurinanna moca mɨnna tɨknandet. Na ma aindoprina, “Aku nemo kam roor mbuŋa keca mbopraŋnande. Na aku nemo atu ŋgoinna iŋgoroca eacrina reikmo nininande, an mɨnna tiacarpaikca ŋgepca kɨpca gan mɨn.”
Katgɨn ŋgoreacna kam roorna mɨnɨŋ
36Karica Iesusa meikramtaɨrmo tɨkcarica ma kaca mbukri, mana iŋa raŋgairena ramtaɨra kɨpca mamo aindopatna, “U aimo an katgɨn ŋgoreaca warɨŋ inikca garina kam roorna mɨnɨŋa aimo mbopna toc ki?”
37Ri, ma mina kammo gainda rutica aindoprina, “Ramootta witna lour laiŋmo warɨŋna inik nakerinan, anna ande, Ramootna Nuoc. 38#1 Ko 3.9Na warɨŋa ma gade gan tiacarpaik. Na an witna lour laiŋga, anna tamuŋna auŋna bubuocna meikramtaɨr. Na an katgɨn ŋgoreaca anna Ramoot Ŋgoreacna meikramtaɨr. 39Aintik an puŋndamootta, katgar lourmo warɨŋa kerinan, anna Paparuna Ramoot. Na amna reac aŋgɨna ra, anna Raraŋ Aetaniacna ritri waparacna ra. Na aiŋa morena ramtaɨr, anna Raraŋ Aetaniacna mbaiŋna aiŋa morena ŋerŋgaur. 40#Mt 7.16, na In 15.6Na ramtaɨra katgɨn ŋgoreac aŋgɨca kapca tɨkca, tac nake mbukca wɨrrenan, an kirar kabea mina gan tiacarpaikna mamai mbuŋa monande. 41#Mt 24.31, na 25.31-46, na Mk 13.27Ainda moca Ramootna Nuoca ma ndona mbaiŋna aiŋa morena ŋerŋgaurmo mbagɨrinandet, mina an tamuŋna auŋna bubuocna reik ŋgorikmo mo kecarina, an reikca ramootna rɨtɨpaca mo ŋgocrairena, na tɨp wandɨkmo nda ipuŋrena meikramtaɨr toco, mina mimo mo kecarinandet. 42#Mt 8.12Te, mbaiŋna aiŋa morena ŋerŋgaura minmo tac aniac nake mbuknandet, na an tacna inikca mina ndorita ndaɨrmo iriki ikca aeraŋnandet. 43#Dan 12.3, na 1 Ko 15.42, na 15.53, na 15.58Na an mɨnna meikramtaɨr wandoikca mina wapatta rana memetac toc watnande, an mina Aetna bubuocna inikmo metacnande. Na u ramootta koarap, u gan kam mbarac.”
Iŋgorocrina kitukndukna kam roor
44 #
Ais 55.1, na Mt 19.29, na Lk 14.33, na Pil 3.7-8, na KIEK 3.18 Karica Iesusa kam roor ian mac makeat, na ma aindopatna, “Tamuŋna auŋna bubuoca ma gaind tocna kirar, kitukndukca mina warɨŋna inikca au iaca aŋgɨca iŋgorocrina kirar. Na ramoot ianna anna watri, aintik ma an kituknduk aŋgɨna toŋtoŋ ŋgoinna moca, ma an kitukndukmo aŋgɨca an warɨŋmo kabena taup mac taŋga kabena au iaca aŋgɨca iŋgorocatna. Na ma ndona reikmo muruŋa mbik tɨkca mina oikatke, ma an kitukndukmo aŋgɨa ma taŋga an warɨŋmo maoikat.”
Kituknduk aniac mbuŋa logotta wiracrena karoretloor ianna kam roor
45Karica Iesusa gaind mac mbopatna, “Kabena kam roor ianna aku gaind mac kenandet, tamuŋna auŋna bubuoca ma kituknduk aniac mbuŋa mina logotta wiracrena karorelour laiŋ, laiŋga oikrena ramoot ianna kirar.#13.45 Karorelourna wapatna kirara ma Matiu sapta 7 wes 6na inikca wat. 46#ML 2.4, na 3.14-15, na 8.10, na 8.19Na ma orea watta taŋga ma logotta wiracrena karoretloor laŋ ian ŋgoinna wat te, ma taŋca ndona reikmo mbik tɨkca mina oik te, ma kituknduk aŋgɨca taŋca an kituknduk aniac mbuŋa logotta wiracrena karoretloor kabe an oiknande.”
Weaŋna kam roor
47 #
Mt 22.9-10
Karica Iesusa gaind mac mbopatna, “Kabena kam roora gaind nakerena, tamuŋna auŋna bubuoca, ma an weaŋa mina mɨar nakerena kirar, na ma ainta ŋgoaebap aŋgɨrena. 48Na weaŋa ŋgoaebca mbukca mɨnna tɨk te, mina wɨŋ gaca, mina mbiraca mimo riacnande. Na ŋgoaeb laiŋmo mina aŋgɨca taumma tɨk te, ŋgoaeb ŋgorikmo mina aŋgɨ kecarinandet. 49#Mt 25.32Na ritri waparacna ra, gan tiacarpaikca ma aind ndarunande. Raraŋ Aetaniacna mbaiŋna aiŋa morena ŋerŋgaura mina kɨpca ramtaɨr ŋgorikmo an ramtaɨr wandoikta rɨkca tɨkca riac aŋgɨnandet. 50#Mt 13.42, na Lk 13.28Te, ramtaɨr ŋgorikmo aŋgɨca tac aniac nake mbuknande. Na an tacna inikca mina ndorita ndaɨrmo iriki ikca aeraŋnandet.”
51Ri, ma ndona iŋa raŋgairena ramtaɨrmo ainda digiatna, “Ne an kamb roura aku muruŋa kerinanna, ne mina mɨnɨŋa lamŋica garacre ki?” Na mina rutica aindopatna, “Ore.” 52Karica ma mimo aindopatna, “Aintik tɨpemb wandik tamŋirena ramtaɨra mina tamuŋna auŋna bubuocna kamna mɨnɨŋa mina lamŋirenan, na mina kac aniac ianna aetna kirar. Na ma ndona kac aniaca mbukca ma ndona reik ŋgaib laiŋapa reik bagrar laiŋmo tumbunna tɨkca aŋgɨ kɨpnande.”
Nasaretnanda Iesusmo iŋ neaŋrina
(Mak 6.1-6 na Luk 4.16-30)
53 #
Mt 7.28
Karica Iesusa kam roora keca maicatke, ma ŋgepca an tɨkcarica mataŋgat. 54#Mt 2.23, na Mk 6.1, na Lk 4.16, na 4.22, na In 7.15Ri, ma taŋga ndona auŋ malaruat, na ma taŋga mina Iudana mimitpac aŋgɨrena kaca mbukca minmo Raraŋ Aetaniacna kam mariptiri. Na mina mana kamma waraca ŋgep ŋgoreac naŋgepca, mina aindopatna, “Gan ramootta ma an landamŋimo, ten ŋgoinna tɨkca aŋgɨatna? Na ma titoca moca ma ŋgagatracara morina? 55#In 6.42Na aia lamŋirena gan ramoot, ma reikta muindira morena ramootna nuoc, na mana aemma Maria. Na mana laipitikca, Iemis, Iosep, Saimonap Iudas. 56Na mana mbiara, aiap eacrenan. Na ma an gargarmo tenna tɨkca aŋgɨatna.” 57#Mt 11.6, na Mk 6.3-4, na Lk 4.24, na In 4.44Ainda moca mina mamo kam ŋgorik topri, mina mamo nikinik iro ŋgoreac maaŋgɨat. Ri, ma minmo aindopatna, “Ramma morena ramoot, ma kabena auŋembca ma iap, na mana auŋapa bar ŋgoinna ma iremb kocor.” 58#Mk 6.5-6Aintik an auŋna meikramtaɨra mamo rɨpac ŋgocor, tik ma an auŋmo ŋgagatracara wɨtta mba mori.
Currently Selected:
Matiu 13: MbKamNT
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Pioneer Bible Translators Association of Papua New Guinea, Inc.
© Pioneer Bible Translators of Dallas, Texas, USA
Matiu 13
13
Iesusa kam roor ianna gaind nakerina, ramoot ianna witna lourmo aŋgɨra warɨŋna inik nakerina
(Mak 4.1-9 na Luk 8.4-8)
1Na an ra mbuŋa Iesusa an kac tɨkcarica laruca, ma taŋga mɨar roumb mambiracat. 2#Lk 5.1-3Ri, meikramtaɨr wɨt aniac ŋgoinna man ndambuŋ nakɨpri, aintik ma kor ian naŋgabukca mbiracatke, meikramtaɨra mina maŋarmbaia wɨtɨkca eacri. 3Ainda moca ma mimo kam roor wɨt makeat, na ma gaindopatna, “Ne warac, ramoot ianna ma witna lourmo aŋgɨra taŋga warɨŋna inikca mbukca, ma an witna lourmo an nakeca taŋrina. 4Na ma keca taŋri, witna lour ndeida taup ndiŋ ŋgirikrinan, na ŋgorikca kɨpca maambri. 5Na witna lour ndeida tiacarpaikca watur tambat ndeacrenanna, an nambatta irikat tik, mina tawina gacatna. 6Na ra aŋgɨatke, mana otanna minmo rotaca mina marereca kocnaia gururina. Mina kacrira tiacarpaikmo mba irikri, aintik mina menacrina. 7Na witna lour ndeida lacarta ŋgaɨrta kɨdrɨk ŋgirikca, na an lacarta ŋgaɨra ŋgepca minmo wɨŋga makɨtacat. 8Na witna lour ndeida tiacar laiŋpaik nambat ŋgirikca, an nambat nagacrinanna, mina ŋgepca amta reikca kootrina. Ri, ndeida 100na mɨnna kootrina, na ndeida 60na mɨnna kootrina, na ndeida 30na mɨnna kootrina. 9Na u ramootta koarap, u gan kam mbarac.”
Iesusa titna iroap tik ma kammo kam roor mbuŋ ndoprena
(Mak 4.10-12 na Luk 8.9-10)
10Karica Iesusna iŋa raŋgairena ramtaɨra kɨpca mamo, mana kecapekna kam roorna mɨnɨŋna nda digica, mina aindopatna, “Kaina moca u meikramtaɨrmo kam roor mbuŋa kerena?” 11Ri, ma mina kammo gainda rutica aindopatna, “Tamuŋna auŋna bubuocna kamma tamaia iŋgoroca eacrena mɨnɨŋa, ma nemo wattacarica, ne lamŋia garacrina. Na gan meikramtaɨrmo ma mba wandacri. 12#Mt 25.29, na Mk 4.25, na Lk 8.18, na 19.26Na ramoot ianna ma reikap eacrinanna, Raraŋ Aetaniaca mamo reik ndeida mamo mac neaŋnande, te, ma reik wɨt aniacap. Na ramootta reikca wɨtta wanaiŋ, Raraŋ Aetaniaca mana an reik mbatepmo mo kecarinande. 13#TW 29.4Aintik anna mɨnɨŋna moca, aku minmo kam roor mbuŋa mimo kam roor kerenan. Na mina lamnik puŋga wat te, mina reikca mba watitndai, na mina kour tɨk te, mina kambca waraca landamiŋa mba aŋgɨitndai. 14#Mk 4.12, na In 12.40, na Up 28.26-27#Ais 6.9-10Na an meikramtaɨr puŋga ramma morina ramoot Aisaiana kamma gidik ndarurina. Na ma gaindoprina, ‘Ne kammo memetmbaca waracraŋ, na ne mana mɨnɨŋa mba garacitndai. Na ne memetmbaca watraŋ, na ne reac ianna mba wati garacitndai. 15#Ib 5.11Ainda moca gan meikramtaɨrta nikinik iroar minanna kocnaia mboraca iroar laiŋ kocor, na mina koura kambca waracna ŋaterenanna, mina ndorita lamnikmo purocrinan, moca mina lamnikca reac ianna wat nari, na moca mina koura kamb mbarac nari, na mina nikinik iroara kambta mɨnɨŋa garac nari. Te, mina nikinik iroar uriraca auk ndambuŋ mac nda kɨpca, aku minmo moi laiŋga monandet.’
16 #
Lk 10.23-24, na In 8.56, na Ib 11.13, na 1 Pi 1.10-12 “Aintik ne toŋgo, nena lamnikca reikca watrinan, na nena koura kambca waracrenan. 17Na aku nemo gidik ŋgoinna aindopnandet, atua rambca morina ramtaɨr wɨtapa ramtaɨr wandoik laiŋga, an reikca ne mandeaca watrenan, mina an reikca watna toŋtoŋgar anikap, na mina mba watri. Na mina an nena waracrena kambta kambma waracna toŋtoŋgar anikap, na mina mba waracri.”
Witna lourta kam roorna mɨnɨŋ
(Mak 4.13-20 na Luk 8.11-15)
18Karica Iesusa gaind mac mbopatna, “Mandeaca, ne an ramootta witna lourmo warɨŋ inik nakerinanna kam roorna mɨnɨŋa waracnande. 19Na mandaia Raraŋ Aetaniacna bubuocna kam wembaŋa waraca, mana mɨnɨŋa garac ŋgocor, ma ande an witna loura taup ndiŋ ŋgirikrinanna kirar. Iŋmbaia Ramoot Ŋgoreaca kɨpca, Raraŋ Aetaniacna kamma mana iro inik ndeacrenanna tɨki mo kecarinande. 20Na witna loura watur tambatna tiacarpaik ŋgirikrinanna, mana mɨnɨŋa gaind, ramootta Raraŋ Aetaniacna kam mbaraca tawi ŋgoinna aŋgɨca toŋtoŋ ŋgoin. 21Na mina iacndukar kocor, aintik mina rocotta mba eacrenanna, na meikramtaɨra Raraŋ Aetaniacna kammo, mo irik te, na mina an ramootmo, makukca neaŋnande, co mamo tɨp ŋgoreaca mo te, mana rɨtɨpaca tawi ŋgoinna iriknande. 22#Mt 6.19-34, na Lk 12.16-21, na 1 Ti 6.9-10, na 6.17Na witna loura lacarta ŋgaɨrta kɨdrɨk ŋgirikrinanna, anna mɨnɨŋa gaind, ramootta ma kam mbaracrenan, na mana iroa gan tiacarpaikna reikta tamtam ŋgoin ndamŋirena, na ma kituknduk wɨt aniac aŋgɨ wembacna kadmairena. Na an reikca Raraŋ Aetaniacna kammo kɨtac irikca ma gagaimb kocor. 23Na an witna loura tiacar laiŋpaik ŋgirikrinanna, anna mɨnɨŋa gaind, anna meikramtaɨra Raraŋ Aetaniacna kamma waraca mina mana mɨnɨŋa mataua lamŋirenanna. Mina gagaimbca 100na mɨn, na 60na mɨn, na 30na mɨn.”
Katgɨn ŋgoreaca witap kurica warɨŋ nagarina kam roor
24Karica Iesusa mimo kabena kam roor ian mac makeat, na ma aindopatna, “Tamuŋna auŋna bubuoca, ma ramootta witna lour laiŋmo ndona warɨŋ nakerina kirar. 25Na mouŋa meikramtaɨra ŋgori, mana puŋnaŋgepta ianna kɨpca mana warɨŋmo katgɨn ŋgorikmo mana witna lourta warɨŋ inikca keca mataŋri, na an maica ma mataŋgat. 26Ainda moca iŋmbaia an witta gaca amta reik makootri, mina wattatnanna ma katgɨn ŋgorikap kurica eacri. 27Aintik mana mbaiŋna aiŋa morena ramtaɨra taŋga manmo watca aindopatna, ‘Kacoot, aia lamŋirena, u ndona warɨŋmo u witna lour laiŋ tiŋgikna kerinan. Na titoca moca katgar ŋgorikca anap gacre?’
28“Ri, ma mimo aindopatna, ‘Aukna puŋnaŋgepta ianna ndo ainda morina.’ Karica mana mbaiŋna aiŋa morena ramtaɨra aindopatna, ‘Aia taŋca an katgar ŋgorikmo wɨŋi aŋgɨca tumbunna tɨkna, na u toŋgori ki, wanaiŋ?’ 29Karica ma mina kamb rutica aindopatna, ‘Kari, moca ne katgar ŋgorik tarki te, ne witna lourap tarkinande. 30#Mt 3.12Aintik ne watcarica, maniŋa tumbunniŋa ga taŋca amna mɨnna tɨk te, an mɨn mbuŋa aku an aiŋa mona ramtaɨrmo mbopnande, “Ne outta ne an katgar ŋgorikmo tarkica tumbunna tɨkca, kaipa leaca taca rotac. Te, ne witna lourmo aŋgɨ punica aukna amta reik tɨkrena kaca tɨkna.”’”
Ik mastetna loorna kam roor
(Mak 4.30-32 na Luk 13.18-19)
31Karica Iesusa mimo kabena kam roor ian mac makeat, na ma aindopatna, “Tamuŋna auŋna bubuoca ma ik mastetna loorna kirar. Na ramoot ianna an ikna loormo ndona warɨŋa mutocatna. 32Na ik mastetna loura ma an kabena ikirta lourta kirara wanaiŋ. Mana loura tekirnoik koind, na ma ŋgepi acnai te, ma an warɨŋna ambrena ikirta uprirmo ma gaci kunda ikca monande. Te, raŋna ŋgocraikca mana ŋaikmo kaikca moraŋnande.”
Isna kam roor
(Luk 13.20-21)
33Karica Iesusa mimo kabena kam roor ian mac makeri, na ma mimo aindopatna, “Tamuŋna auŋna bubuoca ma isna kirar. Na meac ianna an is teker emtem aŋgɨca witna kapɨrta kɨndɨb mbonkacmo aŋgɨ tuoŋ aniaca tɨki kuri te, iŋmbaia ma uri gaca bagaraniaca monande.”
Iesusa kam roor mbuŋa meikramtaɨrmo kam ndoprina
(Mak 4.33-34)
34Na an kambca Iesusa meikramtaɨrmo muruŋa minmo keca mboprinanna, ma minmo kam roor mbuŋ ndoprina. Na ma minmo kam ian ndop te, mina garacna mɨnna wanaiŋ, ma minmo kam roor niŋgik mbuŋa keca minmo mboprenan. 35#Ŋap 78.2Ainda moca an kirar mbuŋa ma an ramma morina ramoot ianna atua mboprina kam ndiŋa mbopca larurinanna moca mɨnna tɨknandet. Na ma aindoprina, “Aku nemo kam roor mbuŋa keca mbopraŋnande. Na aku nemo atu ŋgoinna iŋgoroca eacrina reikmo nininande, an mɨnna tiacarpaikca ŋgepca kɨpca gan mɨn.”
Katgɨn ŋgoreacna kam roorna mɨnɨŋ
36Karica Iesusa meikramtaɨrmo tɨkcarica ma kaca mbukri, mana iŋa raŋgairena ramtaɨra kɨpca mamo aindopatna, “U aimo an katgɨn ŋgoreaca warɨŋ inikca garina kam roorna mɨnɨŋa aimo mbopna toc ki?”
37Ri, ma mina kammo gainda rutica aindoprina, “Ramootta witna lour laiŋmo warɨŋna inik nakerinan, anna ande, Ramootna Nuoc. 38#1 Ko 3.9Na warɨŋa ma gade gan tiacarpaik. Na an witna lour laiŋga, anna tamuŋna auŋna bubuocna meikramtaɨr. Na an katgɨn ŋgoreaca anna Ramoot Ŋgoreacna meikramtaɨr. 39Aintik an puŋndamootta, katgar lourmo warɨŋa kerinan, anna Paparuna Ramoot. Na amna reac aŋgɨna ra, anna Raraŋ Aetaniacna ritri waparacna ra. Na aiŋa morena ramtaɨr, anna Raraŋ Aetaniacna mbaiŋna aiŋa morena ŋerŋgaur. 40#Mt 7.16, na In 15.6Na ramtaɨra katgɨn ŋgoreac aŋgɨca kapca tɨkca, tac nake mbukca wɨrrenan, an kirar kabea mina gan tiacarpaikna mamai mbuŋa monande. 41#Mt 24.31, na 25.31-46, na Mk 13.27Ainda moca Ramootna Nuoca ma ndona mbaiŋna aiŋa morena ŋerŋgaurmo mbagɨrinandet, mina an tamuŋna auŋna bubuocna reik ŋgorikmo mo kecarina, an reikca ramootna rɨtɨpaca mo ŋgocrairena, na tɨp wandɨkmo nda ipuŋrena meikramtaɨr toco, mina mimo mo kecarinandet. 42#Mt 8.12Te, mbaiŋna aiŋa morena ŋerŋgaura minmo tac aniac nake mbuknandet, na an tacna inikca mina ndorita ndaɨrmo iriki ikca aeraŋnandet. 43#Dan 12.3, na 1 Ko 15.42, na 15.53, na 15.58Na an mɨnna meikramtaɨr wandoikca mina wapatta rana memetac toc watnande, an mina Aetna bubuocna inikmo metacnande. Na u ramootta koarap, u gan kam mbarac.”
Iŋgorocrina kitukndukna kam roor
44 #
Ais 55.1, na Mt 19.29, na Lk 14.33, na Pil 3.7-8, na KIEK 3.18 Karica Iesusa kam roor ian mac makeat, na ma aindopatna, “Tamuŋna auŋna bubuoca ma gaind tocna kirar, kitukndukca mina warɨŋna inikca au iaca aŋgɨca iŋgorocrina kirar. Na ramoot ianna anna watri, aintik ma an kituknduk aŋgɨna toŋtoŋ ŋgoinna moca, ma an kitukndukmo aŋgɨca an warɨŋmo kabena taup mac taŋga kabena au iaca aŋgɨca iŋgorocatna. Na ma ndona reikmo muruŋa mbik tɨkca mina oikatke, ma an kitukndukmo aŋgɨa ma taŋga an warɨŋmo maoikat.”
Kituknduk aniac mbuŋa logotta wiracrena karoretloor ianna kam roor
45Karica Iesusa gaind mac mbopatna, “Kabena kam roor ianna aku gaind mac kenandet, tamuŋna auŋna bubuoca ma kituknduk aniac mbuŋa mina logotta wiracrena karorelour laiŋ, laiŋga oikrena ramoot ianna kirar.#13.45 Karorelourna wapatna kirara ma Matiu sapta 7 wes 6na inikca wat. 46#ML 2.4, na 3.14-15, na 8.10, na 8.19Na ma orea watta taŋga ma logotta wiracrena karoretloor laŋ ian ŋgoinna wat te, ma taŋca ndona reikmo mbik tɨkca mina oik te, ma kituknduk aŋgɨca taŋca an kituknduk aniac mbuŋa logotta wiracrena karoretloor kabe an oiknande.”
Weaŋna kam roor
47 #
Mt 22.9-10
Karica Iesusa gaind mac mbopatna, “Kabena kam roora gaind nakerena, tamuŋna auŋna bubuoca, ma an weaŋa mina mɨar nakerena kirar, na ma ainta ŋgoaebap aŋgɨrena. 48Na weaŋa ŋgoaebca mbukca mɨnna tɨk te, mina wɨŋ gaca, mina mbiraca mimo riacnande. Na ŋgoaeb laiŋmo mina aŋgɨca taumma tɨk te, ŋgoaeb ŋgorikmo mina aŋgɨ kecarinandet. 49#Mt 25.32Na ritri waparacna ra, gan tiacarpaikca ma aind ndarunande. Raraŋ Aetaniacna mbaiŋna aiŋa morena ŋerŋgaura mina kɨpca ramtaɨr ŋgorikmo an ramtaɨr wandoikta rɨkca tɨkca riac aŋgɨnandet. 50#Mt 13.42, na Lk 13.28Te, ramtaɨr ŋgorikmo aŋgɨca tac aniac nake mbuknande. Na an tacna inikca mina ndorita ndaɨrmo iriki ikca aeraŋnandet.”
51Ri, ma ndona iŋa raŋgairena ramtaɨrmo ainda digiatna, “Ne an kamb roura aku muruŋa kerinanna, ne mina mɨnɨŋa lamŋica garacre ki?” Na mina rutica aindopatna, “Ore.” 52Karica ma mimo aindopatna, “Aintik tɨpemb wandik tamŋirena ramtaɨra mina tamuŋna auŋna bubuocna kamna mɨnɨŋa mina lamŋirenan, na mina kac aniac ianna aetna kirar. Na ma ndona kac aniaca mbukca ma ndona reik ŋgaib laiŋapa reik bagrar laiŋmo tumbunna tɨkca aŋgɨ kɨpnande.”
Nasaretnanda Iesusmo iŋ neaŋrina
(Mak 6.1-6 na Luk 4.16-30)
53 #
Mt 7.28
Karica Iesusa kam roora keca maicatke, ma ŋgepca an tɨkcarica mataŋgat. 54#Mt 2.23, na Mk 6.1, na Lk 4.16, na 4.22, na In 7.15Ri, ma taŋga ndona auŋ malaruat, na ma taŋga mina Iudana mimitpac aŋgɨrena kaca mbukca minmo Raraŋ Aetaniacna kam mariptiri. Na mina mana kamma waraca ŋgep ŋgoreac naŋgepca, mina aindopatna, “Gan ramootta ma an landamŋimo, ten ŋgoinna tɨkca aŋgɨatna? Na ma titoca moca ma ŋgagatracara morina? 55#In 6.42Na aia lamŋirena gan ramoot, ma reikta muindira morena ramootna nuoc, na mana aemma Maria. Na mana laipitikca, Iemis, Iosep, Saimonap Iudas. 56Na mana mbiara, aiap eacrenan. Na ma an gargarmo tenna tɨkca aŋgɨatna.” 57#Mt 11.6, na Mk 6.3-4, na Lk 4.24, na In 4.44Ainda moca mina mamo kam ŋgorik topri, mina mamo nikinik iro ŋgoreac maaŋgɨat. Ri, ma minmo aindopatna, “Ramma morena ramoot, ma kabena auŋembca ma iap, na mana auŋapa bar ŋgoinna ma iremb kocor.” 58#Mk 6.5-6Aintik an auŋna meikramtaɨra mamo rɨpac ŋgocor, tik ma an auŋmo ŋgagatracara wɨtta mba mori.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Pioneer Bible Translators Association of Papua New Guinea, Inc.
© Pioneer Bible Translators of Dallas, Texas, USA