Tabekacane 17
17
Sapatuthingalane ku takiketeketane—Kiagelregelre
1Ku Aberame satara 99 ku cailini yai, ku Tamatama adrelane iniane. La iya kai, “Amaniaku ku wadulru sanaka manemane ka Twaumase. Lri pasalaladhasu nakwane, kamani ku twakapatengatengaane ka mwalecege ka umawmase. 2Lri kiketeketaku muswane, lai lri tapangale ku lamwabaibalrithi muswane.” 3Ku Aberame la pidruru ikai daedae; ku Twaumase la iya kai iniane, 4“Ku kiketeketeli muswane ngimiyaiya kai: Lri kamanisu ku tama ki takaalra ka minzuku. 5Twalainga kikai, kwi naganesu kai lri si Aberame, lri si Aberahame#17.5 “Aberahame” ku pacugane “tama ki takaalra ka kuni” amia., asi lwiyane wacegecegaku muswane kaamani ku tama ki takaalra ka minzuku. 6Lri baadhaku muswane ku mapaangale ku lamwabaibalrithi; kudra tatathane lini lri dulru ngidarepe ku taikalraane ka kuni; ikai liniane lalri mutaluvaivai ku talialalai.
7“Lri kecenganaku pangimia kikai kiketeketeli muswane si lamwabaibalrithi muswane; kikai yai palralrawthu ka sakiketeketane. Lrika Twaumasaku muswane si lamwabaibalrithi muswane. 8Lri baadhaku muswane si lamwabaibalrithi muswane kikai tasalikaiyananesu kai kadaengane. Kikai kadaengane Kanange lrika tacekecekelane ki lamwabaibalrithi muswane apalralrawthu; la lri kamaniaku ku Twaumase lini.”
9Ku Twaumase amia kai ki Aberahame, “La mialria tara pasusu kikai takiketeketaneli; kusu si lamwabaibalrithi muswane lri pasusu makanaelre. 10Ikai numiane sanaka sawvalai lri tara kigelregelre tulrisi; kikai yai amani ku cegecegeli ka sakiketeketane muswane si lamwabaibalrithi muswane, lri tara pasusu numi. 11-12Twalainga kikai, sanaka sawvalai numi ka lrulai, paelre kwini yakai ki daanesu kitulalake si langai numi patwalai ki maelane ka kuni ka duri, lu kitulalakenga ki samakavalrulu ka vai, lri tara kigelregelre tulrisi#17.11-12 “kigelregelre tulrisi” ku pacugane ki vaga ki Hiburu yai “wagelregelre ki sawvaladhane ka lrangici.”, lri arakai kikai tusapatuthingalane ku takiketeketaneli numiane. 13Ku yakai ki daane numi sanaka sawvalai lri tara kigelregelre tulrisi; kikai yakai ki kinawmasane ka sapatuthingalane ka sapelaelane ka wacegecegaku ku apalralrawthu ku sakiketeketane. 14Ku kai kiagelregelre tulrisi ku sawvalai kai lri kipasiasipinga ka kawkawluli, asi lwiyane kwini lasu kai pasusu ku takiketeketaneli.”
15Ku Twaumase la iya kai ki Aberahame, “Sarai madha iyaiyanga ki taelrelresu; ku naganeini lri pabalrithi si Sara. 16Lri subulrubulrwaku iniane, lalri tulalake ku sawvalai ku lalakesu. Lri subulrubulrwaku iniane, lai lri kamani ku tinatina ki sanaka kuni; ku lamwabaibalrithi iniane lri mutaluvaivai ku talialalai.”
17Ku Aberahame la pidruru ikai daedae, si mulrakai, ngikakawrivariva, “Ku taraidainga ku caili ku tarudrawdrange lri dulrwana ikai ku lalake? Kai Sara taramabangatenga ku caili, lri maka dulrwana tulalake?” 18Kai lasu papia ki Twaumase iya kai, “Asalu pakamaniane ki Isemaele ku lri ucungulu nakwane?”
19Ai ku Twaumase amia kai, “Ini! Ku taelrelresu ka Sara lri tara pasikai muswane tulalake ku vaeva ku sawvalai, lai lri sunaganesu iniane pasi Isake#17.19 “Isake” ku pacugane “kwi lasu mwalrakai” amia.. Lri tara kecenganaku pasusu ku kiketeketeli iniane si lamwabaibalrithi iniane; kikai yai palralrawthu ka nikiketeketane. 20Ala kwini Isemaele, mialriaku kilalra ku kitubisu. Lri subulrubulrwaku iniane, ku lamwabaibalrithi iniane lai lri paedhalaku patapangale si lri mapawcucucungulu. Lri atama ki ta 12 ka tamatama ki lazuku; lri twadravaku ka kuni ki mwabaibalrithi iniane. 21Ai lri tara pangimiaku kudra kiketeketeli muswane si lalakesu ka Isake. Luicaili lumiamia kikai yai, ku Sara lri tulalake ki Isake.” 22Ku Twaumase sa maka kawrivanga ki Aberahame, la katwase, musubelebelenge.
23La ikai kwini ki vai, ku Aberahame la pasusu ku drekase ki Twaumase, kwini ki lalakeini ka Isemaele si yakai liniane sanaka sawvalai, paelre kwidra ki kiatulalake ikai linianane si nilangadhane ka duri, makitwa kigelregelre tulrisi. 24Ku Aberahame sa kigelregelregelre tulrisi yai tara 99 ku cailini; 25ku Isemaele sa kigelregelre tulrisi yai tara 13 ku cailini. 26-27La ikai kwini ki vai, ku Aberahame si lalakeini ka Isemaele karedele kigelregelre tulrisi. Kudra sanaka sawvalai ikai ki daane lini, paelre kwidra ki la yakai ki daane kitulalake si nilangadhane papia ki maelane ka kuni ka duri, yakai kwini ki thadalrane ka vai masiasilange kigelregelre tulrisi.
Currently Selected:
Tabekacane 17: NDV
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© The Bible Society in Taiwan, 2017
All rights reserved
© 臺灣聖經公會版權所有，2017
Tabekacane 17
17
Sapatuthingalane ku takiketeketane—Kiagelregelre
1Ku Aberame satara 99 ku cailini yai, ku Tamatama adrelane iniane. La iya kai, “Amaniaku ku wadulru sanaka manemane ka Twaumase. Lri pasalaladhasu nakwane, kamani ku twakapatengatengaane ka mwalecege ka umawmase. 2Lri kiketeketaku muswane, lai lri tapangale ku lamwabaibalrithi muswane.” 3Ku Aberame la pidruru ikai daedae; ku Twaumase la iya kai iniane, 4“Ku kiketeketeli muswane ngimiyaiya kai: Lri kamanisu ku tama ki takaalra ka minzuku. 5Twalainga kikai, kwi naganesu kai lri si Aberame, lri si Aberahame#17.5 “Aberahame” ku pacugane “tama ki takaalra ka kuni” amia., asi lwiyane wacegecegaku muswane kaamani ku tama ki takaalra ka minzuku. 6Lri baadhaku muswane ku mapaangale ku lamwabaibalrithi; kudra tatathane lini lri dulru ngidarepe ku taikalraane ka kuni; ikai liniane lalri mutaluvaivai ku talialalai.
7“Lri kecenganaku pangimia kikai kiketeketeli muswane si lamwabaibalrithi muswane; kikai yai palralrawthu ka sakiketeketane. Lrika Twaumasaku muswane si lamwabaibalrithi muswane. 8Lri baadhaku muswane si lamwabaibalrithi muswane kikai tasalikaiyananesu kai kadaengane. Kikai kadaengane Kanange lrika tacekecekelane ki lamwabaibalrithi muswane apalralrawthu; la lri kamaniaku ku Twaumase lini.”
9Ku Twaumase amia kai ki Aberahame, “La mialria tara pasusu kikai takiketeketaneli; kusu si lamwabaibalrithi muswane lri pasusu makanaelre. 10Ikai numiane sanaka sawvalai lri tara kigelregelre tulrisi; kikai yai amani ku cegecegeli ka sakiketeketane muswane si lamwabaibalrithi muswane, lri tara pasusu numi. 11-12Twalainga kikai, sanaka sawvalai numi ka lrulai, paelre kwini yakai ki daanesu kitulalake si langai numi patwalai ki maelane ka kuni ka duri, lu kitulalakenga ki samakavalrulu ka vai, lri tara kigelregelre tulrisi#17.11-12 “kigelregelre tulrisi” ku pacugane ki vaga ki Hiburu yai “wagelregelre ki sawvaladhane ka lrangici.”, lri arakai kikai tusapatuthingalane ku takiketeketaneli numiane. 13Ku yakai ki daane numi sanaka sawvalai lri tara kigelregelre tulrisi; kikai yakai ki kinawmasane ka sapatuthingalane ka sapelaelane ka wacegecegaku ku apalralrawthu ku sakiketeketane. 14Ku kai kiagelregelre tulrisi ku sawvalai kai lri kipasiasipinga ka kawkawluli, asi lwiyane kwini lasu kai pasusu ku takiketeketaneli.”
15Ku Twaumase la iya kai ki Aberahame, “Sarai madha iyaiyanga ki taelrelresu; ku naganeini lri pabalrithi si Sara. 16Lri subulrubulrwaku iniane, lalri tulalake ku sawvalai ku lalakesu. Lri subulrubulrwaku iniane, lai lri kamani ku tinatina ki sanaka kuni; ku lamwabaibalrithi iniane lri mutaluvaivai ku talialalai.”
17Ku Aberahame la pidruru ikai daedae, si mulrakai, ngikakawrivariva, “Ku taraidainga ku caili ku tarudrawdrange lri dulrwana ikai ku lalake? Kai Sara taramabangatenga ku caili, lri maka dulrwana tulalake?” 18Kai lasu papia ki Twaumase iya kai, “Asalu pakamaniane ki Isemaele ku lri ucungulu nakwane?”
19Ai ku Twaumase amia kai, “Ini! Ku taelrelresu ka Sara lri tara pasikai muswane tulalake ku vaeva ku sawvalai, lai lri sunaganesu iniane pasi Isake#17.19 “Isake” ku pacugane “kwi lasu mwalrakai” amia.. Lri tara kecenganaku pasusu ku kiketeketeli iniane si lamwabaibalrithi iniane; kikai yai palralrawthu ka nikiketeketane. 20Ala kwini Isemaele, mialriaku kilalra ku kitubisu. Lri subulrubulrwaku iniane, ku lamwabaibalrithi iniane lai lri paedhalaku patapangale si lri mapawcucucungulu. Lri atama ki ta 12 ka tamatama ki lazuku; lri twadravaku ka kuni ki mwabaibalrithi iniane. 21Ai lri tara pangimiaku kudra kiketeketeli muswane si lalakesu ka Isake. Luicaili lumiamia kikai yai, ku Sara lri tulalake ki Isake.” 22Ku Twaumase sa maka kawrivanga ki Aberahame, la katwase, musubelebelenge.
23La ikai kwini ki vai, ku Aberahame la pasusu ku drekase ki Twaumase, kwini ki lalakeini ka Isemaele si yakai liniane sanaka sawvalai, paelre kwidra ki kiatulalake ikai linianane si nilangadhane ka duri, makitwa kigelregelre tulrisi. 24Ku Aberahame sa kigelregelregelre tulrisi yai tara 99 ku cailini; 25ku Isemaele sa kigelregelre tulrisi yai tara 13 ku cailini. 26-27La ikai kwini ki vai, ku Aberahame si lalakeini ka Isemaele karedele kigelregelre tulrisi. Kudra sanaka sawvalai ikai ki daane lini, paelre kwidra ki la yakai ki daane kitulalake si nilangadhane papia ki maelane ka kuni ka duri, yakai kwini ki thadalrane ka vai masiasilange kigelregelre tulrisi.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© The Bible Society in Taiwan, 2017
All rights reserved
© 臺灣聖經公會版權所有，2017