Tabekacane 25
25
Drumane ka taingeane ka lamwabaibalrithi ki Aberahame
(1 Lacaili 1.32-33)
1Ku Aberahame la karuudrangenga mwa ki tangea ka ababai, ka sia Ketura. 2La tulalake ku lalake ki Aberahame ka sia Zimerane, Yukesane, Medane, Midiange, Isebake si Sua. 3Ku Yukesane la tulalake ki Seba si Didane, ku mwabaibalrithi ki Didane amani kai swa Asurime, swa Letusi, si swa Leumime. 4Ku lalake ki Midiange amani kai Ipa, Ipare, Hanuke, Abida si Ileda. Kilakikai amani ku lamwabaibalrithi ki Ketura.
5Ku Aberahame wabaai patuelre ku tacekecekelane ki Isake. 6Ai kai lasu, sa panianianiakeana mialri vala ku lawbubulu baai kudra ki lalalake ki drumane ka labaibaini. Ala pakatwase kikai ki lalalake papia tali talrawane, pakidaili ki lalakeini ka Isake.
Tapacadhane si takidralrekane ki Aberahame
7-8Ku Aberahame malragi ku niakeini, sa pasuludrunga tara 175 ku cailini wapacai. 9Ku lalakeini ka Isake si Isemaele la dralreke iniane pikai ki barungulu ka Makepela. Kikai barungulu yakai tali talrawane ka Mamere, ka nakadaengane ki swa Hite ka Iperungu ka lalake ki Zuhare. 10Kikai kadaengane amani ku langai ki Aberahame ki swa Hite. Ku Aberahame si taelrelreini ka Sara tara kiadralreke ikai kwini. 11Sa pacainga ku Aberahame, ku Twaumase swabulrubulru ki lalakeini ka Isake. Ku Isake yakaikai kwini adeethe talikai Bire Lahai Rui.
Mwabaibalrithi ki Isemaele
(1 Lacaili 1.28-31)
12Kudra swa Izipiti ka duri ki Sara ka Hagare twalalake ku lalake ki Aberahame ka sia Isemaele, kikai lebe amani ku lalalakeini. 13Singikai ku tamasakaikaiyane ku takitulalakane pacase kikai lanagane lini amani kai: Nebaiuthe, Kidare, Adebele, Mibesame, 14Misema, Duma, Masa, 15Hadade, Tima, Yeture, Napise si Kidima. 16Kai lalasu yai amani ku talialalai ki tai 12 ka zuku. Kudra taikaiyane lini ku cekele, ku tatusasuladhane lini la singikai ki nagane lini sunagane. 17Ku Isemaele sapacai tara 137 ku cailini, 18ku taikaiyane ki mwabaibalrithi iniane ku kadaengane twalai Havila daruru ka tali talrawane Izipiti, papia kavai tali Sure ka Asiria. Kai taelre ki drumane ki lamwabaibalrithi ki Aberahame.
Kiatulalake ku Isau si Yakubu
19Kikai ngwakai ki Isake ka lalake ki Aberahame ka pacase. 20Ku Isake sa taramasupatelenga ku cailini marudrange mwa ki Rebeka; kai Rebeka lalake ki Bethuele ka swa Arame kavai Mesuputamia, ka agi ki Labange. 21Asi lwiyane ku Rebeka kai twalalake, ku Isake la pasikai iniane papia ki Twaumase inulri; ku Tamatama la palraingi ku inulrini, la katawbaliri ku Rebeka. 22Tukapia kwini katawbalirini, sakaiyana kitulalake, kwini yabarangane la makakalisilisiinga. Kwini alisu la iya kai, “Anaku kipakwalriinga?” La kivaga ki Tamatama.
23Ku Tamatama la tubalre:
Drusa ka kuni kwini yabarangane muswane;
lri tulalakesu ku lri maecebe makakabadha ka minzuku.
Ku tangea lrika magagarange ki tangea;
kwini takataka lri asasiakawlu ki agiagi.
24La darurunga ku atulalakane, la tulalake ku Tukapia. 25Kwini aswalala mutaluvaivai, la kadirerele, ka ubawbalane ku kinawmasane, mia ki siaebele ku ubawbalane ka laimai, lakamani ku sunagane lini pasi Isau#25.25 “Isau” ku lingau mangangiamia ki “makalra ku ubale” amia. Amani kwidra sakabilrilinga ku mwabaibalrithi ki Isau ka yakaikai tali Seire (kai tahunyakane kikai Idume amia), “makalra ku ubale” amia.. 26Kwini sakadrusa ku ngiabwale, ku alrima la galrimecemece tapakilri ki Isau, lakamani ku sunagane ki tamaini pasi Yakubu#25.26 “Yakubu” ku pacugane “pakilri” amia.. Kwini lalasu sa kitulalake yai, ku Isake taramanemelenga ku cailini.
Kialangai ku Isau ku takatinueapaneini
27Sakadrawnga kwini tadrusa ka lalake, kwini Isau laka amani kwidra taraalupu, madalame nguaububulane; ai kwini Yakubu maseselebe ka taitavananane. 28Ku Isake la pawkalrivili kilibake ki Isau, asi lwiyane kwi lasu madalame kane kudra panapana ki Isau ku la singiubulane; ku Rebeka laka makilialibake ki Yakubu.
29Yakai sakavaivai, ku Yakubu la agaga ku azeki, ku Isau la kela singitalupane, la mubaaisinga, 30la iya kai ki Yakubu, “Lri pacaingaku ki mubaisane, ala badhaili kwini sawngulane!” (Ngwalai kikai kai lasu la mialri si Idume#25.30 “Idume” ku vaga ki Hiburu “duduli” amia..)
31Ku Yakubu la tubalre, “Badhaili kwini takatinueapanesu, la nau baai kai sawngulane ka azeki.”
32Ku Isau la iya kai, “Unu! Kikai lri pacainga naku, kai takatinueapananeli manemane ku paluludane?”
33Ku Yakubu la tubalre, “Paswalana kiketekete nakwane, si baai kwini eape ka nagane.”
Ku Isau la kiketekete, la baai ki Yakubu kwini eape ka nagane. 34Ku Yakubu ala baai kwini lapange si sawngulane ka azeki ki Isau, sa maka kane maka ungulunga ku Isau, la ngidrakale si katwase. Ku Isau twangimiyaiya kai tudreadrekase ku nagane ki eape.
Currently Selected:
Tabekacane 25: NDV
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© The Bible Society in Taiwan, 2017
All rights reserved
© 臺灣聖經公會版權所有，2017
Tabekacane 25
25
Drumane ka taingeane ka lamwabaibalrithi ki Aberahame
(1 Lacaili 1.32-33)
1Ku Aberahame la karuudrangenga mwa ki tangea ka ababai, ka sia Ketura. 2La tulalake ku lalake ki Aberahame ka sia Zimerane, Yukesane, Medane, Midiange, Isebake si Sua. 3Ku Yukesane la tulalake ki Seba si Didane, ku mwabaibalrithi ki Didane amani kai swa Asurime, swa Letusi, si swa Leumime. 4Ku lalake ki Midiange amani kai Ipa, Ipare, Hanuke, Abida si Ileda. Kilakikai amani ku lamwabaibalrithi ki Ketura.
5Ku Aberahame wabaai patuelre ku tacekecekelane ki Isake. 6Ai kai lasu, sa panianianiakeana mialri vala ku lawbubulu baai kudra ki lalalake ki drumane ka labaibaini. Ala pakatwase kikai ki lalalake papia tali talrawane, pakidaili ki lalakeini ka Isake.
Tapacadhane si takidralrekane ki Aberahame
7-8Ku Aberahame malragi ku niakeini, sa pasuludrunga tara 175 ku cailini wapacai. 9Ku lalakeini ka Isake si Isemaele la dralreke iniane pikai ki barungulu ka Makepela. Kikai barungulu yakai tali talrawane ka Mamere, ka nakadaengane ki swa Hite ka Iperungu ka lalake ki Zuhare. 10Kikai kadaengane amani ku langai ki Aberahame ki swa Hite. Ku Aberahame si taelrelreini ka Sara tara kiadralreke ikai kwini. 11Sa pacainga ku Aberahame, ku Twaumase swabulrubulru ki lalakeini ka Isake. Ku Isake yakaikai kwini adeethe talikai Bire Lahai Rui.
Mwabaibalrithi ki Isemaele
(1 Lacaili 1.28-31)
12Kudra swa Izipiti ka duri ki Sara ka Hagare twalalake ku lalake ki Aberahame ka sia Isemaele, kikai lebe amani ku lalalakeini. 13Singikai ku tamasakaikaiyane ku takitulalakane pacase kikai lanagane lini amani kai: Nebaiuthe, Kidare, Adebele, Mibesame, 14Misema, Duma, Masa, 15Hadade, Tima, Yeture, Napise si Kidima. 16Kai lalasu yai amani ku talialalai ki tai 12 ka zuku. Kudra taikaiyane lini ku cekele, ku tatusasuladhane lini la singikai ki nagane lini sunagane. 17Ku Isemaele sapacai tara 137 ku cailini, 18ku taikaiyane ki mwabaibalrithi iniane ku kadaengane twalai Havila daruru ka tali talrawane Izipiti, papia kavai tali Sure ka Asiria. Kai taelre ki drumane ki lamwabaibalrithi ki Aberahame.
Kiatulalake ku Isau si Yakubu
19Kikai ngwakai ki Isake ka lalake ki Aberahame ka pacase. 20Ku Isake sa taramasupatelenga ku cailini marudrange mwa ki Rebeka; kai Rebeka lalake ki Bethuele ka swa Arame kavai Mesuputamia, ka agi ki Labange. 21Asi lwiyane ku Rebeka kai twalalake, ku Isake la pasikai iniane papia ki Twaumase inulri; ku Tamatama la palraingi ku inulrini, la katawbaliri ku Rebeka. 22Tukapia kwini katawbalirini, sakaiyana kitulalake, kwini yabarangane la makakalisilisiinga. Kwini alisu la iya kai, “Anaku kipakwalriinga?” La kivaga ki Tamatama.
23Ku Tamatama la tubalre:
Drusa ka kuni kwini yabarangane muswane;
lri tulalakesu ku lri maecebe makakabadha ka minzuku.
Ku tangea lrika magagarange ki tangea;
kwini takataka lri asasiakawlu ki agiagi.
24La darurunga ku atulalakane, la tulalake ku Tukapia. 25Kwini aswalala mutaluvaivai, la kadirerele, ka ubawbalane ku kinawmasane, mia ki siaebele ku ubawbalane ka laimai, lakamani ku sunagane lini pasi Isau#25.25 “Isau” ku lingau mangangiamia ki “makalra ku ubale” amia. Amani kwidra sakabilrilinga ku mwabaibalrithi ki Isau ka yakaikai tali Seire (kai tahunyakane kikai Idume amia), “makalra ku ubale” amia.. 26Kwini sakadrusa ku ngiabwale, ku alrima la galrimecemece tapakilri ki Isau, lakamani ku sunagane ki tamaini pasi Yakubu#25.26 “Yakubu” ku pacugane “pakilri” amia.. Kwini lalasu sa kitulalake yai, ku Isake taramanemelenga ku cailini.
Kialangai ku Isau ku takatinueapaneini
27Sakadrawnga kwini tadrusa ka lalake, kwini Isau laka amani kwidra taraalupu, madalame nguaububulane; ai kwini Yakubu maseselebe ka taitavananane. 28Ku Isake la pawkalrivili kilibake ki Isau, asi lwiyane kwi lasu madalame kane kudra panapana ki Isau ku la singiubulane; ku Rebeka laka makilialibake ki Yakubu.
29Yakai sakavaivai, ku Yakubu la agaga ku azeki, ku Isau la kela singitalupane, la mubaaisinga, 30la iya kai ki Yakubu, “Lri pacaingaku ki mubaisane, ala badhaili kwini sawngulane!” (Ngwalai kikai kai lasu la mialri si Idume#25.30 “Idume” ku vaga ki Hiburu “duduli” amia..)
31Ku Yakubu la tubalre, “Badhaili kwini takatinueapanesu, la nau baai kai sawngulane ka azeki.”
32Ku Isau la iya kai, “Unu! Kikai lri pacainga naku, kai takatinueapananeli manemane ku paluludane?”
33Ku Yakubu la tubalre, “Paswalana kiketekete nakwane, si baai kwini eape ka nagane.”
Ku Isau la kiketekete, la baai ki Yakubu kwini eape ka nagane. 34Ku Yakubu ala baai kwini lapange si sawngulane ka azeki ki Isau, sa maka kane maka ungulunga ku Isau, la ngidrakale si katwase. Ku Isau twangimiyaiya kai tudreadrekase ku nagane ki eape.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© The Bible Society in Taiwan, 2017
All rights reserved
© 臺灣聖經公會版權所有，2017