Tabekacane 37
37
Yusepe si labetakaneini
1Ku Yakubu pacungulwana ikai kwini nataikaiyane ki tamaini kavai Kanange. 2Kikai la tapacasane kikai lebe yai amani ku tangilribatane ki tai Yakubu.
Ku Yusepe satara 17 ku cailini kai watelrai tupalra ki latakaini katwase pagwagu ki kiu. Kai lasu paralubu ki lalalake ki labaibai ki tamaini ka Bila si Zilepa pagwagu ku kiu; kai lasu laka tasidrurudrurwane ki tamaini ku takangangane ki latakaini.
3Ku Yakubu pawkalrivili turamuru kilibake ki Yusepe, twamakadrwadrua ki lalalakeini ki drumane, asi lwiyane kai Yusepe tulalakeini sa pasuludrunga; ku Yakubu la tulaimai ku vaeva ku papacasane#37.3 “papacasane” ku wahunyake madu iya kai “malragi ka alrimane”. ka sapakabelengane ka laimai si baai ki Yusepe. 4Ku latakaini sa drele ki tama lini ka pawkalrivili kilibake ki Yusepe, la kalisi ki agi lini, kai kathaithariri lu kawriva iniane.
5Yakai saka nikingivaalane, ku Yusepe la sipi. La pelaela kikai sipini ki latakaini, kai lalasu la aru kaliisi iniane. 6Kai lasu amia kai, “Ala nau pudriadriingai pelaela numiane kudra sipili. 7Yakaita angangade makanaelre ererece ku mugi, kudra ereceli ku mugi la acegecege, kadringeelrese tete; kudra erece numi ka mugi la makitu ngithalringulu ki ereceli si sukubu.”
8La kivaga iniane kwi latakaini, “Nau atalialalai si kamani ka warathudu naiane amiasu?” Ku Yusepe ngwalai ku tapelaelane ki latakaini ku sipini, kwini lalasu la aruka parawramuru ku lisiane lini iniane.
9Sakabilrilinga ku Yusepe la peelanga sipi. La pelaeelanga ki latakaini, “Wasiipinga naku; wadrelaku ki vai, dramare si 11 ku tariau papia nakwane sukubu.”
10Ku Yusepe la mialri pelaela kikai sipi ki tamaini. Ku tamaini la kaelaela iniane, iya kai, “Manemane ka sipi kwini? Lu kidremedremesu kai tinasu, lataka si kunaku lri papia muswane sukubu makanaelre?” 11Ku lataka ki Yusepe la pathalra iniane turamuru, ai ku tamaini takidredredreemane kikai.
Ku Yusepe kiakilangai pwa ka Izipiti
12Yakai saka minakavalane, ku lataka ki Yusepe wamwa ka Sekeme pagwagu ku kiu ki tama lini. 13Ku Yakubu la pelaela ki Yusepe, “Ku lataka yakai kavai Sekeme pagwagwagu ki kiu, ani mwa lrikape liniane amiaku muswane.”
Ku Yusepe la tubalre, “Nau mwa.”
14Ku tamaini la pelaela iniane, “Lu mwa drele ki lataka luka mwadringadringai lutumane, ku lakiu luka matharithariri lutumane, ala kainganadha siwlri pelaela nakwane.” Ku tamaini la ikai ka valrwalru Hiburungu sateatedre iniane.
Ku Yusepe la kela kavai Sekeme, 15la ikai ubulane amama ki kadalranane. La ikai ku kipadradresengeini ku tangea ku umawmase, la kivaga iniane, “Manemane kai silasilapesu?”
16Kwi lasu la tubalre, “Wasilasilapaku ki lakaka. Ala pelaelaili, luka yakainu agwagwagu ki kiu?”
17Kwini umawmase la iya kai, “Kwi lalasu matwasenga. Kialalraku liniane lri mwa nai Duthane sa iya.” Ku Yusepe la katwase kabibilrili salaladha ki latakaini, la kidringai liniane ikai Duthane.
18Kwi lalasu la piadaaili drele ki Yusepe. Sa kaiyana kela deethe liniane, la madrekadrekase makanaelre, si karathudu ku papacai iniane. 19Kwi lalasu la maiyaiya kai, “Wakelakelanga kudra tarasipisipi. 20Abwala! Tapapacai iniane, la cilri ku kinawmasaneini pwadringi ki meameale ka dralremedreme, kiakane ki waudriwdripi la taiyanga, la tadredrele kudra sipini lulri dulru ngimia.”
21Ku Riwbingi sa kilalra kwini apangimiane lini, la api palriibulu ki Yusepe; kai lasu la iya kai, “Kaita lri maka papacai iniane, 22sana puata cilri pwadringi ki mameameale ka dralremedreme, madha duladula iniane.” Ku taiyaneini kikai, kiadremedreme ku apangimiane patwalai ki alrima lini si palribulu ki Yusepe, la pasiwlri iniane mwa ki tamaini. 23Ku Yusepe sa kela mwa ki latakaini, kwi lalasu la malra bwilici kwini sapakabelengane kwini papacasane ka laimaini, 24si ruthuku iniane, la pwa cilri iniane pwadringi ki meameale ka dralremedreme.
25Kwi lalasu sa nene si kanekane yai, la tangerarane drele, la drele ku twaredelane ku lrakeda ka tarathathakai ka swa Isemaele twalalai ka Gileade kelakela, lri papia Izipiti; ku lalrakeda lini makitwa siamece ku lasangwalreme ka lawlau, sapasangulrelremane, si sasulravane. 26Ku Yuda amia kai ki labetakaneini, “Lu papacaita ki agimita, la sekete ku tapasalrivaneta manemane ku vai? 27Alau maesaesai lu kilangaita iniane ki swa Isemaele. Lu mia kai, kaita lri ngikakamani ka pwalrima pakadula iniane; kai lasu agimita, ka beateta.” La makitu palraingi ku labetakaneini. 28Yakai kwidra tapiya ku tarathathakai ki swa Midiange lribalribate ngukakai kwini, kwini latakaini#37.28 “kwini latakaini” ku pacase ki Hiburu “lalasu” amia, amiamia ki swa Midianitese. la bilibili ki Yusepe patwalai ki dralremedreme pubelenge, la tu mapusale ku gingi ku paisu kilangai iniane baai ki swa Isemaele; kikai laumawmase la iluku ki Yusepe mu Izipiti.
29Ku Riwbingi la siwlri mwa ki dralremedreme ithili, la drele laka kadrwanga ku Yusepe. La tubi si thuriace ku laimaini, 30la siwlri mwa ki labetakaneini, si iya kai, “Kwidra vavalake maulrau! La lri tumaneta?”
31Samia kwini, kwi lalasu la papacai ku vaeva ku kiu, la pwa lrinini ku erai ki papacasane ka laimai ki Yusepe, 32la iluku mwa ki tama lini si iya kai, “Kiadringai nai kikai sapakabelebelengane ka laimai, kikai yai lalakanesu?”
33Ku Yakubu wathingale kikai, la iya kai, “Kikai yai sapakabelebelengane ka laimai ki lalakeli! Itara ka waudriwdripi ka wakane iniane. Ku lalakeli ka Yusepe kiapakababurau!” 34Ku Yakubu la tubi turamuru si purici ku sapakabelebelengane ka laimai, sipalimemelre ku kaimadhane, la pasikai ki lalakeini tubi turamuru kaulai. 35Ku lalalakeini wakela makanaelre sasa iniane, ai kai lasu kai mwabangalre kisasa. Kai lasu amia kai, “Adravane mwaku swadriadringi, lri tubitubiana naku ki lalakeli!” Kai lasu pacungulu pasikai ki lalakeini ka Yusepe tubitubi.
36Kikai kwidra, kwini la swa Midiange la ikai ka Izipiti kilangai baai ki Yusepe ki kiacapili ka tamatama ki tarakadrenge ki talialalai ki swa Izipiti ka sia Putipare.
Currently Selected:
Tabekacane 37: NDV
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© The Bible Society in Taiwan, 2017
All rights reserved
© 臺灣聖經公會版權所有，2017
Tabekacane 37
37
Yusepe si labetakaneini
1Ku Yakubu pacungulwana ikai kwini nataikaiyane ki tamaini kavai Kanange. 2Kikai la tapacasane kikai lebe yai amani ku tangilribatane ki tai Yakubu.
Ku Yusepe satara 17 ku cailini kai watelrai tupalra ki latakaini katwase pagwagu ki kiu. Kai lasu paralubu ki lalalake ki labaibai ki tamaini ka Bila si Zilepa pagwagu ku kiu; kai lasu laka tasidrurudrurwane ki tamaini ku takangangane ki latakaini.
3Ku Yakubu pawkalrivili turamuru kilibake ki Yusepe, twamakadrwadrua ki lalalakeini ki drumane, asi lwiyane kai Yusepe tulalakeini sa pasuludrunga; ku Yakubu la tulaimai ku vaeva ku papacasane#37.3 “papacasane” ku wahunyake madu iya kai “malragi ka alrimane”. ka sapakabelengane ka laimai si baai ki Yusepe. 4Ku latakaini sa drele ki tama lini ka pawkalrivili kilibake ki Yusepe, la kalisi ki agi lini, kai kathaithariri lu kawriva iniane.
5Yakai saka nikingivaalane, ku Yusepe la sipi. La pelaela kikai sipini ki latakaini, kai lalasu la aru kaliisi iniane. 6Kai lasu amia kai, “Ala nau pudriadriingai pelaela numiane kudra sipili. 7Yakaita angangade makanaelre ererece ku mugi, kudra ereceli ku mugi la acegecege, kadringeelrese tete; kudra erece numi ka mugi la makitu ngithalringulu ki ereceli si sukubu.”
8La kivaga iniane kwi latakaini, “Nau atalialalai si kamani ka warathudu naiane amiasu?” Ku Yusepe ngwalai ku tapelaelane ki latakaini ku sipini, kwini lalasu la aruka parawramuru ku lisiane lini iniane.
9Sakabilrilinga ku Yusepe la peelanga sipi. La pelaeelanga ki latakaini, “Wasiipinga naku; wadrelaku ki vai, dramare si 11 ku tariau papia nakwane sukubu.”
10Ku Yusepe la mialri pelaela kikai sipi ki tamaini. Ku tamaini la kaelaela iniane, iya kai, “Manemane ka sipi kwini? Lu kidremedremesu kai tinasu, lataka si kunaku lri papia muswane sukubu makanaelre?” 11Ku lataka ki Yusepe la pathalra iniane turamuru, ai ku tamaini takidredredreemane kikai.
Ku Yusepe kiakilangai pwa ka Izipiti
12Yakai saka minakavalane, ku lataka ki Yusepe wamwa ka Sekeme pagwagu ku kiu ki tama lini. 13Ku Yakubu la pelaela ki Yusepe, “Ku lataka yakai kavai Sekeme pagwagwagu ki kiu, ani mwa lrikape liniane amiaku muswane.”
Ku Yusepe la tubalre, “Nau mwa.”
14Ku tamaini la pelaela iniane, “Lu mwa drele ki lataka luka mwadringadringai lutumane, ku lakiu luka matharithariri lutumane, ala kainganadha siwlri pelaela nakwane.” Ku tamaini la ikai ka valrwalru Hiburungu sateatedre iniane.
Ku Yusepe la kela kavai Sekeme, 15la ikai ubulane amama ki kadalranane. La ikai ku kipadradresengeini ku tangea ku umawmase, la kivaga iniane, “Manemane kai silasilapesu?”
16Kwi lasu la tubalre, “Wasilasilapaku ki lakaka. Ala pelaelaili, luka yakainu agwagwagu ki kiu?”
17Kwini umawmase la iya kai, “Kwi lalasu matwasenga. Kialalraku liniane lri mwa nai Duthane sa iya.” Ku Yusepe la katwase kabibilrili salaladha ki latakaini, la kidringai liniane ikai Duthane.
18Kwi lalasu la piadaaili drele ki Yusepe. Sa kaiyana kela deethe liniane, la madrekadrekase makanaelre, si karathudu ku papacai iniane. 19Kwi lalasu la maiyaiya kai, “Wakelakelanga kudra tarasipisipi. 20Abwala! Tapapacai iniane, la cilri ku kinawmasaneini pwadringi ki meameale ka dralremedreme, kiakane ki waudriwdripi la taiyanga, la tadredrele kudra sipini lulri dulru ngimia.”
21Ku Riwbingi sa kilalra kwini apangimiane lini, la api palriibulu ki Yusepe; kai lasu la iya kai, “Kaita lri maka papacai iniane, 22sana puata cilri pwadringi ki mameameale ka dralremedreme, madha duladula iniane.” Ku taiyaneini kikai, kiadremedreme ku apangimiane patwalai ki alrima lini si palribulu ki Yusepe, la pasiwlri iniane mwa ki tamaini. 23Ku Yusepe sa kela mwa ki latakaini, kwi lalasu la malra bwilici kwini sapakabelengane kwini papacasane ka laimaini, 24si ruthuku iniane, la pwa cilri iniane pwadringi ki meameale ka dralremedreme.
25Kwi lalasu sa nene si kanekane yai, la tangerarane drele, la drele ku twaredelane ku lrakeda ka tarathathakai ka swa Isemaele twalalai ka Gileade kelakela, lri papia Izipiti; ku lalrakeda lini makitwa siamece ku lasangwalreme ka lawlau, sapasangulrelremane, si sasulravane. 26Ku Yuda amia kai ki labetakaneini, “Lu papacaita ki agimita, la sekete ku tapasalrivaneta manemane ku vai? 27Alau maesaesai lu kilangaita iniane ki swa Isemaele. Lu mia kai, kaita lri ngikakamani ka pwalrima pakadula iniane; kai lasu agimita, ka beateta.” La makitu palraingi ku labetakaneini. 28Yakai kwidra tapiya ku tarathathakai ki swa Midiange lribalribate ngukakai kwini, kwini latakaini#37.28 “kwini latakaini” ku pacase ki Hiburu “lalasu” amia, amiamia ki swa Midianitese. la bilibili ki Yusepe patwalai ki dralremedreme pubelenge, la tu mapusale ku gingi ku paisu kilangai iniane baai ki swa Isemaele; kikai laumawmase la iluku ki Yusepe mu Izipiti.
29Ku Riwbingi la siwlri mwa ki dralremedreme ithili, la drele laka kadrwanga ku Yusepe. La tubi si thuriace ku laimaini, 30la siwlri mwa ki labetakaneini, si iya kai, “Kwidra vavalake maulrau! La lri tumaneta?”
31Samia kwini, kwi lalasu la papacai ku vaeva ku kiu, la pwa lrinini ku erai ki papacasane ka laimai ki Yusepe, 32la iluku mwa ki tama lini si iya kai, “Kiadringai nai kikai sapakabelebelengane ka laimai, kikai yai lalakanesu?”
33Ku Yakubu wathingale kikai, la iya kai, “Kikai yai sapakabelebelengane ka laimai ki lalakeli! Itara ka waudriwdripi ka wakane iniane. Ku lalakeli ka Yusepe kiapakababurau!” 34Ku Yakubu la tubi turamuru si purici ku sapakabelebelengane ka laimai, sipalimemelre ku kaimadhane, la pasikai ki lalakeini tubi turamuru kaulai. 35Ku lalalakeini wakela makanaelre sasa iniane, ai kai lasu kai mwabangalre kisasa. Kai lasu amia kai, “Adravane mwaku swadriadringi, lri tubitubiana naku ki lalakeli!” Kai lasu pacungulu pasikai ki lalakeini ka Yusepe tubitubi.
36Kikai kwidra, kwini la swa Midiange la ikai ka Izipiti kilangai baai ki Yusepe ki kiacapili ka tamatama ki tarakadrenge ki talialalai ki swa Izipiti ka sia Putipare.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© The Bible Society in Taiwan, 2017
All rights reserved
© 臺灣聖經公會版權所有，2017