Luka 20
20
Ɔman mpanimfoɔ no animguaseɛ
(Mateo 21.23-27; Marko 11.27-33)
1Na ɛbaa sɛ da koro bi a ɔrekyerɛkyerɛ ɔman no wɔ asɔrefie, na ɔreka asɛmpa no, asɔfoɔ mpanimfoɔ ne Atwerɛfoɔ ne mpanimfoɔ no baa ne so, 2na wɔbɛka kyerɛɛ no sɛ: Ka tumi ko a wode yɛ nnoɔma yi kyerɛ yɛn, anaasɛ hwan na ɔmaa wo tumi yi? 3Na ɔbua see wɔn sɛ: Me nso mɛbisa mo asɛm baako na monka nkyerɛ me: 4Yohane asubɔ no, ɛfiri soro anaasɛ ɛfiri nnipa? 5Na wɔdwendwenee sesee wɔn ho sɛ: Sɛ yɛka sɛ ɛfiri soro a, ɔbɛka sɛ: Ɛnneɛ adɛn nti na moannye no annie? 6Na sɛ yɛka sɛ ɛfiri nnipa a, ɔman no nyinaa bɛsi yɛn aboɔ; ɛfiri sɛ wɔgye di ampa sɛ Yohane yɛ odiyifoɔ. 7Na wɔbuaa sɛ, wɔnnim deɛ ɛfire. 8Na Yesu nso see wɔn sɛ: Me nso menka tumi ko a mede meyɛ yeinom menkyerɛ mo.
Akuafoɔ bɔne no
(Mateo 21.33-46; Marko 12.1-12)
9Na ɔfirii aseɛ buu ɔman no bɛ yi sɛ: Onipa bi yɛɛ bobe turo, na ɔde fɛmm akuafoɔ bi, na ɔgyaa hɔ kɔɔ baabi kɔkyɛree. 10#2 Be 36.15-16 Na berɛ no duruiɛ no, ɔsomaa akoa bi kɔɔ akuafoɔ no nkyɛn sɛ wɔmma no bobe turo no mu aba no bi; na akuafoɔ no hwee no maa no nam nsansa kɔe. 11Na ɔsane somaa akoa foforɔ; na ɔno nso wɔhwee no bɔɔ no adapaa maa no nam nsansa kɔe. 12Na ɔsomaa deɛ ɔtɔ so mmiɛnsa; na ɔno nso, wɔpirapiraa no pamm no firii hɔ. 13Na bobe turo wura no kaa sɛ: Menyɛ dɛn? Mɛsoma me dɔba; ebia wɔbɛfɛre no. 14Na akuafoɔ no hunuu no no, wɔdwendwenee sesee wɔn ho sɛ: Ɔdedifoɔ no nie; momma yɛnkum no, na apɛgyadeɛ no nyɛ yɛn dea. 15Na wɔtwee no firii bobe turom hɔ kɔkumm no. Enti ɛdeɛn na bobe turo wura no bɛyɛ wɔn? 16Ɔbɛba abɛsɛe akuafoɔ yi, na ɔde bobe turo no ama afoforɔ. Na wɔteeɛ no, wɔkaa sɛ: Onyame mpa ngu! 17#Dwom 118.22 Na ɔhwɛɛ wɔn anim kaa sɛ: Na ɛdeɛn ne yei a wɔatwerɛ sɛ:
Ɔboɔ a abantofoɔ apoɔ no,
ɛno na abɛyɛ tweaso tiboɔ.
18 Obiara a ɔbɛhwe ɔboɔ no soɔ no, ɔbɛbubu; na deɛ ɛbɛhwe ne soɔ no, ɛbɛpɛkyɛ no.
19 #
Luka 19.48
Na Atwerɛfoɔ ne asɔfoɔ mpanimfoɔ no hwehwɛɛ sɛ wɔde wɔn nsa kɔsɔ ne mu kye no dɔn no ara mu, nanso wɔsuroo ɔman no; ɛfiri sɛ wɔhunuu sɛ ɛbɛ a ɔbuiɛ no, ɔne wɔn.
Ɛtoɔyie ho asɛmmisa
(Mateo 22.15-22; Marko 12.13-17)
20 #
Luka 11.54
Na wɔtɛɛ no, na wɔsomaa nsrafoɔ bi a wɔpatu yɛɛ wɔn anim sɛdeɛ wɔyɛ nnipa tenenee, sɛ wɔnkɔpɛ no asɛm, na wɔayi no ahyɛ amrado mmara ne ne tumi nsa. 21Na wɔbisaa no sɛ: Kyerɛkyerɛfoɔ, yɛnim sɛ wokasa na wokyerɛkyerɛ yie nanso womfɛre obiara anim, na wokyerɛkyerɛ Nyankopɔn kwan nokorɛ mu. 22Yɛwɔ ho kwan sɛ yɛyi toɔ ma Kaesare anaasɛ yɛnnyi? 23Na ɔhunuu wɔn adwemmɔne no, ɔka kyerɛɛ wɔn sɛ: 24Momfa denare mmɛkyerɛ me! Hwan mfonini ne atwerɛ na ɛwɔ soɔ yi? Na wɔkaa sɛ: Kaesare deɛ. 25Na ɔsee wɔn sɛ: Ɛnneɛ momfa Kaesare deɛ mma Kaesare ne Nyankopɔn deɛ mma Onyankopɔn. 26Na wɔantumi annya n’asɛm bi ansɔ mu ɔman no anim, na ne mmuaeɛ no yɛɛ wɔn nwanwa, na wɔmuaa wɔn ano.
Owusɔreɛ ho asɛmmisa
(Mateo 22.23-33; 22.46; Marko 12.18-27; 12.34)
27Na Sadukifoɔ a wɔka sɛ owusɔreɛ nni hɔ no mu bi ba bɛbisaa no 28#Deut 25.5-6 sɛ: Kyerɛkyerɛfoɔ, Mose twerɛ maa yɛn sɛ: Sɛ obi nua wu, na ɔwɔ yere, na wanwo mma a, ne nua no mfa ne yere no nware, na ɔnwo mma mma deɛ wawuo no. 29Nso anuanom baason tenaa ase. Na deɛ ɔdi kan waree yere, wannya ba, na ɔwuiɛ. 30Na deɛ ɔtɔ so mmienu 31ne deɛ ɔtɔ so mmiɛnsa waree no; na saa ara na wɔn baason nyinaa waree no, na wɔannya mma, na wɔwuwui. 32Na akyire yi no, ɔbaa no nso wui. 33Na afei owusɔreɛ mu no, ɔbɛyɛ wɔn mu hwan yere? Ɛfiri sɛ wɔn baason no aware no. 34Na Yesu bua see wɔn sɛ: Wiase yi mma ware, na wɔde wɔn ma awadeɛ; 35na wɔn a wɔbɛbu wɔn sɛ ɛsɛ wɔn sɛ wɔn nsa bɛka wiase foforɔ no ne ɔsɔreɛ a wɔbɛsɔre afiri awufoɔ mu no deɛ, wɔnware, nso wɔmfa wɔn mma awadeɛ. 36#1 Yoh 3.1-2 Nso wɔntumi nwu bio; na wɔte sɛ abɔfoɔ, na wɔyɛ Nyankopɔn mma, sɛ wɔyɛ owunyane mma ntira. 37#Eks 3.2; 3.6 Na ɛfa awufoɔ nyaneeɛ ho deɛ, Mose nso kyerɛɛ wɔ wura no ho asɛm no mu, sɛ ɔfrɛ Awurade sɛ: Abraham Nyankopɔn ne Isak Nyankopɔn ne Yakob Nyankopɔn. 38Na ɔnyɛ awufoɔ Nyankopɔn, na mmom ateasefoɔ deɛ; ɛfiri sɛ wɔn nyinaa te ase ma no. 39Na Atwerɛfoɔ no mu bi buaa sɛ: Kyerɛkyerɛfoɔ, woaka no yie. 40Na yei akyiri no, wɔantumi ammisa no asɛm bi bio.
Dawid ba no ne Dawid wura
(Mateo 22.41-45; Marko 12.35-37)
41Na ɔka kyerɛɛ wɔn sɛ: Adɛn nti na wɔka sɛ: Kristo no yɛ Dawid ba? 42#Dwom 110.1 Na Dawid no ara ka no Nnwom nwoma no mu sɛ:
Awurade see me wura sɛ:
Tena me nifa
43 kɔsi sɛ mede w’atamfo bɛyɛ wo nan ase ntiasoɔ.
44 Sɛ Dawid frɛ no owura a, na ɛyɛɛ dɛn na ɔyɛ ne ba?
Atwerɛfoɔ ho kɔkɔbɔ
(Mateo 23.1; 23.5-7; 23.14; Marko 12.38-40)
45Na ɔman no nyinaa retie no, na ɔsee asuafoɔ no sɛ: 46#Luka 11.43 Monhwɛ mo ho yie Atwerɛfoɔ a wɔpɛ ntadeɛ atentene mu nanteɛ, na wɔpɛ edwa mu nkyea ne mpanimfoɔ nkonnwa hyia adan mu, ne mpanimfoɔ tenabea adidie ase no ho; 47wɔn na wɔbɔ akunafoɔ apoo, nanso wɔboapa bɔ mpaeɛ atentene kyerɛ. Yeinom na wɔbɛnya afobuo a ɛso.
Currently Selected:
Luka 20: ASW
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
The Bible Society of Ghana, 2012
Luka 20
20
Ɔman mpanimfoɔ no animguaseɛ
(Mateo 21.23-27; Marko 11.27-33)
1Na ɛbaa sɛ da koro bi a ɔrekyerɛkyerɛ ɔman no wɔ asɔrefie, na ɔreka asɛmpa no, asɔfoɔ mpanimfoɔ ne Atwerɛfoɔ ne mpanimfoɔ no baa ne so, 2na wɔbɛka kyerɛɛ no sɛ: Ka tumi ko a wode yɛ nnoɔma yi kyerɛ yɛn, anaasɛ hwan na ɔmaa wo tumi yi? 3Na ɔbua see wɔn sɛ: Me nso mɛbisa mo asɛm baako na monka nkyerɛ me: 4Yohane asubɔ no, ɛfiri soro anaasɛ ɛfiri nnipa? 5Na wɔdwendwenee sesee wɔn ho sɛ: Sɛ yɛka sɛ ɛfiri soro a, ɔbɛka sɛ: Ɛnneɛ adɛn nti na moannye no annie? 6Na sɛ yɛka sɛ ɛfiri nnipa a, ɔman no nyinaa bɛsi yɛn aboɔ; ɛfiri sɛ wɔgye di ampa sɛ Yohane yɛ odiyifoɔ. 7Na wɔbuaa sɛ, wɔnnim deɛ ɛfire. 8Na Yesu nso see wɔn sɛ: Me nso menka tumi ko a mede meyɛ yeinom menkyerɛ mo.
Akuafoɔ bɔne no
(Mateo 21.33-46; Marko 12.1-12)
9Na ɔfirii aseɛ buu ɔman no bɛ yi sɛ: Onipa bi yɛɛ bobe turo, na ɔde fɛmm akuafoɔ bi, na ɔgyaa hɔ kɔɔ baabi kɔkyɛree. 10#2 Be 36.15-16 Na berɛ no duruiɛ no, ɔsomaa akoa bi kɔɔ akuafoɔ no nkyɛn sɛ wɔmma no bobe turo no mu aba no bi; na akuafoɔ no hwee no maa no nam nsansa kɔe. 11Na ɔsane somaa akoa foforɔ; na ɔno nso wɔhwee no bɔɔ no adapaa maa no nam nsansa kɔe. 12Na ɔsomaa deɛ ɔtɔ so mmiɛnsa; na ɔno nso, wɔpirapiraa no pamm no firii hɔ. 13Na bobe turo wura no kaa sɛ: Menyɛ dɛn? Mɛsoma me dɔba; ebia wɔbɛfɛre no. 14Na akuafoɔ no hunuu no no, wɔdwendwenee sesee wɔn ho sɛ: Ɔdedifoɔ no nie; momma yɛnkum no, na apɛgyadeɛ no nyɛ yɛn dea. 15Na wɔtwee no firii bobe turom hɔ kɔkumm no. Enti ɛdeɛn na bobe turo wura no bɛyɛ wɔn? 16Ɔbɛba abɛsɛe akuafoɔ yi, na ɔde bobe turo no ama afoforɔ. Na wɔteeɛ no, wɔkaa sɛ: Onyame mpa ngu! 17#Dwom 118.22 Na ɔhwɛɛ wɔn anim kaa sɛ: Na ɛdeɛn ne yei a wɔatwerɛ sɛ:
Ɔboɔ a abantofoɔ apoɔ no,
ɛno na abɛyɛ tweaso tiboɔ.
18 Obiara a ɔbɛhwe ɔboɔ no soɔ no, ɔbɛbubu; na deɛ ɛbɛhwe ne soɔ no, ɛbɛpɛkyɛ no.
19 #
Luka 19.48
Na Atwerɛfoɔ ne asɔfoɔ mpanimfoɔ no hwehwɛɛ sɛ wɔde wɔn nsa kɔsɔ ne mu kye no dɔn no ara mu, nanso wɔsuroo ɔman no; ɛfiri sɛ wɔhunuu sɛ ɛbɛ a ɔbuiɛ no, ɔne wɔn.
Ɛtoɔyie ho asɛmmisa
(Mateo 22.15-22; Marko 12.13-17)
20 #
Luka 11.54
Na wɔtɛɛ no, na wɔsomaa nsrafoɔ bi a wɔpatu yɛɛ wɔn anim sɛdeɛ wɔyɛ nnipa tenenee, sɛ wɔnkɔpɛ no asɛm, na wɔayi no ahyɛ amrado mmara ne ne tumi nsa. 21Na wɔbisaa no sɛ: Kyerɛkyerɛfoɔ, yɛnim sɛ wokasa na wokyerɛkyerɛ yie nanso womfɛre obiara anim, na wokyerɛkyerɛ Nyankopɔn kwan nokorɛ mu. 22Yɛwɔ ho kwan sɛ yɛyi toɔ ma Kaesare anaasɛ yɛnnyi? 23Na ɔhunuu wɔn adwemmɔne no, ɔka kyerɛɛ wɔn sɛ: 24Momfa denare mmɛkyerɛ me! Hwan mfonini ne atwerɛ na ɛwɔ soɔ yi? Na wɔkaa sɛ: Kaesare deɛ. 25Na ɔsee wɔn sɛ: Ɛnneɛ momfa Kaesare deɛ mma Kaesare ne Nyankopɔn deɛ mma Onyankopɔn. 26Na wɔantumi annya n’asɛm bi ansɔ mu ɔman no anim, na ne mmuaeɛ no yɛɛ wɔn nwanwa, na wɔmuaa wɔn ano.
Owusɔreɛ ho asɛmmisa
(Mateo 22.23-33; 22.46; Marko 12.18-27; 12.34)
27Na Sadukifoɔ a wɔka sɛ owusɔreɛ nni hɔ no mu bi ba bɛbisaa no 28#Deut 25.5-6 sɛ: Kyerɛkyerɛfoɔ, Mose twerɛ maa yɛn sɛ: Sɛ obi nua wu, na ɔwɔ yere, na wanwo mma a, ne nua no mfa ne yere no nware, na ɔnwo mma mma deɛ wawuo no. 29Nso anuanom baason tenaa ase. Na deɛ ɔdi kan waree yere, wannya ba, na ɔwuiɛ. 30Na deɛ ɔtɔ so mmienu 31ne deɛ ɔtɔ so mmiɛnsa waree no; na saa ara na wɔn baason nyinaa waree no, na wɔannya mma, na wɔwuwui. 32Na akyire yi no, ɔbaa no nso wui. 33Na afei owusɔreɛ mu no, ɔbɛyɛ wɔn mu hwan yere? Ɛfiri sɛ wɔn baason no aware no. 34Na Yesu bua see wɔn sɛ: Wiase yi mma ware, na wɔde wɔn ma awadeɛ; 35na wɔn a wɔbɛbu wɔn sɛ ɛsɛ wɔn sɛ wɔn nsa bɛka wiase foforɔ no ne ɔsɔreɛ a wɔbɛsɔre afiri awufoɔ mu no deɛ, wɔnware, nso wɔmfa wɔn mma awadeɛ. 36#1 Yoh 3.1-2 Nso wɔntumi nwu bio; na wɔte sɛ abɔfoɔ, na wɔyɛ Nyankopɔn mma, sɛ wɔyɛ owunyane mma ntira. 37#Eks 3.2; 3.6 Na ɛfa awufoɔ nyaneeɛ ho deɛ, Mose nso kyerɛɛ wɔ wura no ho asɛm no mu, sɛ ɔfrɛ Awurade sɛ: Abraham Nyankopɔn ne Isak Nyankopɔn ne Yakob Nyankopɔn. 38Na ɔnyɛ awufoɔ Nyankopɔn, na mmom ateasefoɔ deɛ; ɛfiri sɛ wɔn nyinaa te ase ma no. 39Na Atwerɛfoɔ no mu bi buaa sɛ: Kyerɛkyerɛfoɔ, woaka no yie. 40Na yei akyiri no, wɔantumi ammisa no asɛm bi bio.
Dawid ba no ne Dawid wura
(Mateo 22.41-45; Marko 12.35-37)
41Na ɔka kyerɛɛ wɔn sɛ: Adɛn nti na wɔka sɛ: Kristo no yɛ Dawid ba? 42#Dwom 110.1 Na Dawid no ara ka no Nnwom nwoma no mu sɛ:
Awurade see me wura sɛ:
Tena me nifa
43 kɔsi sɛ mede w’atamfo bɛyɛ wo nan ase ntiasoɔ.
44 Sɛ Dawid frɛ no owura a, na ɛyɛɛ dɛn na ɔyɛ ne ba?
Atwerɛfoɔ ho kɔkɔbɔ
(Mateo 23.1; 23.5-7; 23.14; Marko 12.38-40)
45Na ɔman no nyinaa retie no, na ɔsee asuafoɔ no sɛ: 46#Luka 11.43 Monhwɛ mo ho yie Atwerɛfoɔ a wɔpɛ ntadeɛ atentene mu nanteɛ, na wɔpɛ edwa mu nkyea ne mpanimfoɔ nkonnwa hyia adan mu, ne mpanimfoɔ tenabea adidie ase no ho; 47wɔn na wɔbɔ akunafoɔ apoo, nanso wɔboapa bɔ mpaeɛ atentene kyerɛ. Yeinom na wɔbɛnya afobuo a ɛso.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
The Bible Society of Ghana, 2012