Маттэ 13
13
ЯПШӀЫКӀУЩЭНЭРЭШЪХЬ
Чылапхъэр зыпхъырэм ехьылӀэгъэ гъэсэпэтхыдэр
(Марк 4:1-9; Лука 8:4-8)
1А мэфэ дэдэм Исус унэм къикӀи, псыхъурэе Ӏушъом ӀутӀысхьагъ. 2ЦӀыф купышхохэу Исус дэжь къыщызэрэугъоигъэхэр зэрэбагъэм пае, ар къуашъом итӀысхьагъ. ЗэкӀэ цӀыфхэр псыхъураем Ӏутыгъ. 3ЕтӀанэ Исус гъэсэпэтхыдэхэмкӀэ цӀыфхэм Ӏофыбэхэр ариӀуагъ:
– ШъукъэдаӀу. ЛӀы горэ чылапхъэ ыпхъынэу дэкӀыгъ. 4Чылапхъэр ыпхъызэ, ащ щыщ тӀэкӀу гъогум тетэкъуагъ. Бзыухэр къэбыбыхи, ар ашыпыгъ. 5Ау зы тӀэкӀуи етӀэ макӀэ зыхэлъ чӀыгу мыжъуалъэм тетэкъуагъ. ЧӀыгур куугъэпти, шӀэх дэдэу къыхэкӀыгъ, 6ау тыгъэр къызыдэкӀуаем пыгъукӀыгъ, лъэпсэ куу зэримыӀагъэм пае гъугъэх. 7НэмыкӀ тӀэкӀуи панэхэм ахэтэкъуагъ. Панэхэр къэкӀыхи, чылапхъэу къыхэкӀыгъэхэр атхьэлагъэх. 8Ау етӀани зы тӀэкӀу чӀыгу дэгъум хэтэкъуагъ, шъхьэлъагъэх. Зы шъхьэ налъэм коцишъэ къытыгъ, адрэм тӀокӀищ, адрэми щэкӀ къикӀыгъ. 9ЕтӀанэ Исус къыпигъэхъожьыгъ:
– РыдэӀонэу тхьакӀумэ зиӀэм зэхерэх.
ЦӀыфхэм гъэсэпэтхыдэхэр Исус къызкӀафиӀуатэщтыгъэр
(Марк 4:10-12; Лука 8:9-10)
10Ащ нэужым игъогу рыкӀохэрэр Исус къыбгъодахьэхи, къеупчӀыгъэх:
– ЦӀыфхэм гъэсэпэтхыдэхэмкӀэ сыда узкӀадэгущыӀэрэр?
11– Тхьэу уашъом щыӀэм и Тетыгъошхо ишъэфхэр шъушӀэнхэу Тхьэм фитыныгъэ къышъуитыгъ, ау ахэмэ къаритыгъэп, – ариӀожьыгъ Исус. 12– Тхьэм зиӀэм нахьыбэ къыритыщт, къелыжьэуи бэ иӀэщт, ау зимыӀэм иӀэ тӀэкӀури Ӏихыжьыщт Тхьэм. 13Сэ цӀыфхэм гъэсэпэтхыдэхэмкӀэ сазкӀыдэгущыӀэрэр: Ахэр еплъыхэ пэтми, алъэгъурэп, даӀохэ пэтми, зэхахырэп, къагурыӀорэп.
14Ӏофэу ахэмэ къяхъулӀэрэмкӀэ Тхьэм ежь игущыӀэхэу пегъымбар Ешайа ыгу къырилъхьэхи, къыригъэӀуагъэхэр#13:14-15 Тхъэм… пегъэмбар Исайас… къыригъэӀуагъэхэр – еплъ Пегъэмбар Исайас тхылъэу ытхыгъэм 6:9-10. Пегъэмбар Исайас, Исус къэхъуным ыпэ 759-698 илъэсхэм къакӀоцӀ псэугъагъ. къэшъыпкъэжьыгъэх:
«Шъо егъашӀэм зэхэшъух зэпытыщт, ау къыжъугурыӀощтэп; шъо егъашӀэм шъулъэгъу зэпытыщт, ау гу лъышъутэщтэп.
15Сыда пӀомэ, мы цӀыф лъэпкъым щыщхэм гулъытэ ямыӀэ хъугъэх. Ахэмэ атхьакӀумэхэмкӀэ жъажъэу зэхахы, анэхэри аупӀыцӀагъэх. Аущтэу щымытыгъэмэ, анэхэмкӀэ алъэгъущтыгъ, атхьакӀумэхэмкӀи зэхахыщтыгъ, агухэмкӀи къагурыӀощтыгъ, садэжьи къагъэзэжьыгъэмэ, сэ ахэр згъэхъужьыщтыгъэх».
16– Ау шъо шъунэхэри шъутхьакӀумэхэри гъогу мафэ теуцуагъэх, ахэмэ алъэгъу, зэхахы. 17Шъыпкъэр шъосэӀо, пегъымбар Ӏаджыми шъыпкъагъэ зиӀэ цӀыф Ӏаджыми шъо шъулъэгъурэр алъэгъумэ ашӀоигъуагъ, ау алъэгъугъэп, шъо зэхэшъухырэри зэхахымэ ашӀоигъуагъ, ау зэхахыгъэп.
Чылапхъэр зыпхъырэм ехьылӀэгъэ гъэсэпэтхыдэм къикӀырэр
(Марк 4:13-20; Лука 8:11-15)
18– Ащыгъум чылапхъэр зыпхъырэм ехьылӀэгъэ гъэсэпэтхыдэм къикӀырэм шъукъедэӀу: 19Тхьэм и Тетыгъошхо икъэбар зыгорэм зэхихэу, ау къызыгурымыӀокӀэ, шэйтаныр къэкӀошъ, чылэпхъэшӀоу а цӀыфым ыгу илъ хъугъэр рехыжьы. Мыр чылапхъэу гъогум тепхъагъэм фэд. 20Адрэ цӀыфыр мыжъуабэ зыхэлъ чӀыгум тепхъэгъэ чылапхъэм фэд. А цӀыфыр ары Тхьэм игущыӀэхэр зэрэзэхиххэу, а гущыӀэхэр гушӀуагъокӀэ зыштэрэр. 21Ау ащ ыгукӀэ лъапсэ зэримыӀэм пае, шӀошъхъуныгъэм игъогу бэрэ тетыжьрэп. Тхьэм игущыӀэхэм апаекӀэ, е гузэжъогъу зэрэхафэу, е цӀыфхэм ащ къин зэрэрагъэщэчэу, шӀошъхъуныгъэм игъогу текӀыжьы. 22ЕтӀани зы цӀыф панэхэм ахэпхъэгъэ чылапхъэм фэд. Ащ Тхьэм игущыӀэхэр зэхехы, ау мы дунаим игугъухэмрэ баиныгъэм игъэпцӀэныгъэрэ Тхьэм игущыӀэхэу ыгу илъхэр атхьалэхэшъ, ащ зи шӀугъэ къыпыкӀырэп. 23ЕтӀани нэмыкӀ цӀыфыр чӀыгу дэгъум хэпхъэгъэ чылапхъэм фэд. Ары Тхьэм игущыӀэхэр зэхэзыхэу, зэхэзышӀыкӀырэр. Ащ шӀугъэ къыпэкӀы, е фэдишъэ, е фэдэ тӀокӀищ, е фэдэ щэкӀ.
Уц шӀоеу коцым ыгузэгу пыим хипхъагъэм ехьылӀэгъэ гъэсэпэтхыдэр
24Исус нэмыкӀ гъэсэпэтхыди ахэмэ къафиӀотагъ:
– Тхьэу уашъом щыӀэм и Тетыгъошхо зыфэдэр лӀэу чылэпхъэшӀу зихьасэ хэзыпхъагъэр ары. 25Ау цӀыфхэр чъыехэзэ, ипый къакӀуи, коцым ыгузэгу уц шӀой хипхъи, ӀукӀыжьыгъ. 26А коцыр къыхэкӀи, шъхьэлъэнэу зырегъажьэм, уц шӀоири къыхэкӀыгъ. 27Хьасэр зыем дэжь илэжьакӀохэр кӀохи, раӀуагъ: «Тхьэматэ, чылэпхъэшӀуба уихьасэ щыппхъыгъэр? Адэ, мы уц шӀоир тыдэ къикӀыгъа?» 28«Ар пый горэм ышӀагъ», – къариӀожьыгъ тхьэматэм. «Тэ тыкӀонышъ, ар къыхэтчынэу уфая?» – еупчӀыгъэх лэжьакӀохэр тхьэматэм. 29Ау ежь тхьэматэм къыӀуагъ: «Хьау, ар хъущтэп, сыда пӀомэ, уц шӀоим игъусэу коцыри къыхэшъучынкӀи мэхъу. 30ТӀури зэгъусэу хыныгъом нэсыфэ къызэдэрэкӀ. Къахыжьын зыхъукӀэ, хынакӀомэ ясӀощт: „Уц шӀойхэр ыпэ рапшӀэу къыхэшъухи, шъупхых, машӀокӀэ жъугъэстынхэм пае; етӀанэ коцыр Ӏушъухыжьи, сиконхэм арышъутакъу“».
Андэгурацэмрэ тэджэпсымрэ яхьылӀэгъэ гъэсэпэтхыдэхэр
(Марк 4:30-32; Лука 13:18-21)
31Джыри нэмыкӀ гъэсэпэтхыдэ къафиӀотагъ Исус ахэмэ:
– Тхьэу уашъом щыӀэм и Тетыгъошхо зыфэдэр андэгурацэр ары. А цэр лӀы горэм ихьасэ щишӀагъ. 32Цэ пстэуми анахь цӀыкӀу пэтми, ар къызыкӀырэ ужым, зы илъэс зыныбжьэу къэкӀыгъэ пстэуми анахь ин. Ошъогу бзыухэри къэбыбыхэзэ, ащ икъутамэхэм атесынхэу чъыгы мэхъу.
33ЕтӀани Исус нэмыкӀ гъэсэпэтхыди къафиӀотагъ:
– Тхьэу уашъом щыӀэм и Тетыгъошхо зыфэдэр тэджэпсыри ары. Бзылъфыгъэ горэм тэджэпсыр къышти, хьаджыгъэу Ӏэнлъищым арыфэрэр зэхипшыхьагъ, зэрэщытэу къэтэджыфэ.
34А зэпстэури гъэсэпэтхыдэхэмкӀэ цӀыф купышхомэ къафиӀотагъ Исус. Гъэсэпэтхыдэ хэмытэу адэгущыӀэщтыгъэп. 35Исус цӀыфхэм адэгущыӀэзэ, гъэсэпэтхыдэхэр зыкӀафиӀотагъэр пегъымбарым мы гущыӀэхэу къыӀуагъэхэр къэшъыпкъэжьынхэр ары:
«Гъэсэпэтхыдэхэр къэсӀуатэхэу сыжэ къызэтесхынышъ, дунаир къызыхъугъэм щегъэжьагъэу аушъэфыщтыгъэ Ӏофхэр къэсӀощтых».
Уц шӀоеу коцым ыгузэгу пыим щипхъыгъэм ехьылӀэгъэ гъэсэпэтхыдэм къикӀырэр
36Ащ нэуж Исус цӀыф купышхохэм къахэкӀи, унэу зэрысыгъэм ихьажьыгъ. Игъогу рыкӀохэрэр къыбгъодахьэхи, къыраӀуагъ:
– Хьасэм къыхэкӀэгъэ уц шӀоим ехьылӀэгъэ гъэсэпэтхыдэм къикӀырэр къыдгурыгъаӀу.
37– ЧылэпхъэшӀур зыпхъырэр ЦӀыф Лъэпкъым ы Къу ары, – къыӀожьыгъ Исус. 38– Хьасэр дунаир ары. ЧылэпхъэшӀур Тхьэм и Тетыгъошхо ыӀэчӀэгъ чӀэт цӀыфхэр ары. Уц шӀоир шэйтаным ицӀыфхэр ары. 39Пыеу а уцыр коц гузэгум хэзыпхъагъэр шэйтаныр ары. Хыныгъор мы дунаим икӀэух ары, хынакӀохэр мэлэӀичхэр ары. 40Уц шӀоир къыхачэу, машӀомкӀэ зэрагъэстырэм фэдэу ары зэрэхъущтыр мы дунаим икӀэух: 41ЦӀыф Лъэпкъым ы Къо имэлэӀичхэр ыгъэкӀонхэшъ, уц шӀоир лэжьыгъэм зэрэхачырэм фэдэу, цӀыфхэм псэкӀод язгъашӀэрэ цӀыфхэри, нэмыкӀ цӀыфхэу бзэджагъэ зышӀэхэри Тхьэм и Тетыгъошхо ыӀэчӀэгъ чӀаукъэбзыкӀыщтых. 42МэлэӀичхэм а цӀыфхэр аугъоинхэшъ, мэшӀошхом ихьаку радзэщтых. Ащ дэжьым куохьаурэ цэ зэрэгъэшхырэ щыхъущтых. 43Джащыгъум шъыпкъагъэ зиӀэ цӀыфхэр тыгъэ нэбзыйхэм афэдэу, Ты лъапӀэм и Тетыгъошхо ыӀэчӀэгъ чӀэтхэу къыщынэфыщтых. РыдэӀонэу тхьакӀумэ зиӀэм зэхерэх.
Гъэсэпэтхыдищ
44– Ащ нэмыкӀэуи Тхьэу уашъом щыӀэм и Тетыгъошхо зыфэдэр мылъкушхоу хьасэм щыгъэбылъыгъэр ары. А мылъкушхор цӀыф горэм къызегъотым, ыгъэбылъыжьи, гушӀозэ кӀуи, иӀэр зэкӀэ ыщэжьи, а хьасэр къыщэфыгъ.
45– ЕтӀанэ Тхьэу уашъом щыӀэм и Тетыгъошхо зыфэдэр налмэс-налкъутэ дэгъухэм алъыхъурэ сатыушӀэр ары. 46Налмэс-налкъутэ лъапӀэ зегъотым, кӀуи, иӀэр зэкӀэ ыщэжьи, ар къыщэфыгъ.
47– Джыри Тхьэу уашъом щыӀэм и Тетыгъошхо зыфэдэр хъытыоу хым хадзагъэу, пцэжъые зэмылӀэужыгъуабэ къэзыубытыгъэр ары. 48Ащ изы зэхъум, пцэжъыяшэхэм ар хы ныджым къытыралъэшъожьыгъ. ЕтӀанэ ахэр тӀысхи, пцэжъые дэгъухэр щалъэхэм аралъхьэхи, пцэжъые дэйхэр чӀадзыжьыгъэх. 49Джащ фэд зэрэхъущтыр мы дунаим икӀэух дэжь. МэлэӀичхэр къехынхэшъ, шъыпкъагъэ зиӀэ цӀыфхэм цӀыф бзаджэхэр къахащынхэшъ, 50мэшӀошхом ихьаку радзэщтых. Ащ дэжьым куохьаурэ цэ зэрэгъэшхырэ щыхъущтых.
МылъкукӀэмрэ мылъкужъымрэ
51Ащ нэуж яупчӀыгъ Исус игъогу рыкӀохэрэм:
– А пстэури шъо дэгъоу къыжъугурыӀуагъа?
– Ары, къыдгурыӀуагъ, Зиусхьан, – пэгъокӀ ратыжьыгъ ахэмэ.
52– Ащ къыхэкӀыкӀэ хэтрэ Тэурат егъэджэкӀо пащэу Тхьэу уашъом щыӀэм и Тетыгъошхо ыӀэчӀэгъ чӀахьэрэр унэр зыем фэд, – ариӀуагъ Исус ахэмэ. – Ащ мылъку гъэтӀылъыпӀэу иӀэм мылъкукӀи мылъкужъи къычӀехы.
Назарет дэс цӀыфхэм Исус зэрамыштагъэр
(Марк 6:1-6; Лука 4:16-30)
53А гъэсэпэтхыдэхэм якъэӀотэн Исус къызеухым, а чӀыпӀэм икӀыжьыгъ. 54Янэ икъалэ къэкӀожьи, цӀыфхэм ясинэгогу Тхьэм игущыӀэхэр щаригъашӀэхэу ыублагъ. ЦӀыфхэм зэраригъашӀэщтыгъэ шӀыкӀэр агъэшӀагъоу къаӀуагъ:
– Мы лӀым мыщ фэдиз акъылышӀу тыдэ къырихыгъа? Мы лъэкӀ зыхэлъ Ӏофышхохэр тыдэ къикӀыгъэха? 55ПхъашӀэм ыкъор арыба мыр? Мыщ янэба МерэмкӀэ заджэхэрэр? Якъуб, Иосый, Симон, Иудэ мы лӀым ышхэба? 56Ышыпхъухэри зэкӀэ тэ къытхэсхэба? Аущтэу зыхъукӀэ, мы лӀым мы Ӏоф пстэури тыдэ къырихыгъа?
57Аущтэу Исус пае агу мыхъун къырагъэхьагъ.
– Пегъымбарым лъытэныгъэ фэзымышӀыхэрэр ежь янэ икъалэ дэсхэмрэ ежь иунагъо щыщхэмрэ арых ныӀэп, – ариӀуагъ Исус ахэмэ.
58Ахэмэ шӀошъхъуныгъэ зэрямыӀэм пае, Исус Ӏофышхо гъэшӀэгъоныбэхэр ащ щишӀагъэп.
Currently Selected:
Маттэ 13: AdgNT14
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Институт перевода Библии, 1991, 1992, 2014. Стокгольм
Маттэ 13
13
ЯПШӀЫКӀУЩЭНЭРЭШЪХЬ
Чылапхъэр зыпхъырэм ехьылӀэгъэ гъэсэпэтхыдэр
(Марк 4:1-9; Лука 8:4-8)
1А мэфэ дэдэм Исус унэм къикӀи, псыхъурэе Ӏушъом ӀутӀысхьагъ. 2ЦӀыф купышхохэу Исус дэжь къыщызэрэугъоигъэхэр зэрэбагъэм пае, ар къуашъом итӀысхьагъ. ЗэкӀэ цӀыфхэр псыхъураем Ӏутыгъ. 3ЕтӀанэ Исус гъэсэпэтхыдэхэмкӀэ цӀыфхэм Ӏофыбэхэр ариӀуагъ:
– ШъукъэдаӀу. ЛӀы горэ чылапхъэ ыпхъынэу дэкӀыгъ. 4Чылапхъэр ыпхъызэ, ащ щыщ тӀэкӀу гъогум тетэкъуагъ. Бзыухэр къэбыбыхи, ар ашыпыгъ. 5Ау зы тӀэкӀуи етӀэ макӀэ зыхэлъ чӀыгу мыжъуалъэм тетэкъуагъ. ЧӀыгур куугъэпти, шӀэх дэдэу къыхэкӀыгъ, 6ау тыгъэр къызыдэкӀуаем пыгъукӀыгъ, лъэпсэ куу зэримыӀагъэм пае гъугъэх. 7НэмыкӀ тӀэкӀуи панэхэм ахэтэкъуагъ. Панэхэр къэкӀыхи, чылапхъэу къыхэкӀыгъэхэр атхьэлагъэх. 8Ау етӀани зы тӀэкӀу чӀыгу дэгъум хэтэкъуагъ, шъхьэлъагъэх. Зы шъхьэ налъэм коцишъэ къытыгъ, адрэм тӀокӀищ, адрэми щэкӀ къикӀыгъ. 9ЕтӀанэ Исус къыпигъэхъожьыгъ:
– РыдэӀонэу тхьакӀумэ зиӀэм зэхерэх.
ЦӀыфхэм гъэсэпэтхыдэхэр Исус къызкӀафиӀуатэщтыгъэр
(Марк 4:10-12; Лука 8:9-10)
10Ащ нэужым игъогу рыкӀохэрэр Исус къыбгъодахьэхи, къеупчӀыгъэх:
– ЦӀыфхэм гъэсэпэтхыдэхэмкӀэ сыда узкӀадэгущыӀэрэр?
11– Тхьэу уашъом щыӀэм и Тетыгъошхо ишъэфхэр шъушӀэнхэу Тхьэм фитыныгъэ къышъуитыгъ, ау ахэмэ къаритыгъэп, – ариӀожьыгъ Исус. 12– Тхьэм зиӀэм нахьыбэ къыритыщт, къелыжьэуи бэ иӀэщт, ау зимыӀэм иӀэ тӀэкӀури Ӏихыжьыщт Тхьэм. 13Сэ цӀыфхэм гъэсэпэтхыдэхэмкӀэ сазкӀыдэгущыӀэрэр: Ахэр еплъыхэ пэтми, алъэгъурэп, даӀохэ пэтми, зэхахырэп, къагурыӀорэп.
14Ӏофэу ахэмэ къяхъулӀэрэмкӀэ Тхьэм ежь игущыӀэхэу пегъымбар Ешайа ыгу къырилъхьэхи, къыригъэӀуагъэхэр#13:14-15 Тхъэм… пегъэмбар Исайас… къыригъэӀуагъэхэр – еплъ Пегъэмбар Исайас тхылъэу ытхыгъэм 6:9-10. Пегъэмбар Исайас, Исус къэхъуным ыпэ 759-698 илъэсхэм къакӀоцӀ псэугъагъ. къэшъыпкъэжьыгъэх:
«Шъо егъашӀэм зэхэшъух зэпытыщт, ау къыжъугурыӀощтэп; шъо егъашӀэм шъулъэгъу зэпытыщт, ау гу лъышъутэщтэп.
15Сыда пӀомэ, мы цӀыф лъэпкъым щыщхэм гулъытэ ямыӀэ хъугъэх. Ахэмэ атхьакӀумэхэмкӀэ жъажъэу зэхахы, анэхэри аупӀыцӀагъэх. Аущтэу щымытыгъэмэ, анэхэмкӀэ алъэгъущтыгъ, атхьакӀумэхэмкӀи зэхахыщтыгъ, агухэмкӀи къагурыӀощтыгъ, садэжьи къагъэзэжьыгъэмэ, сэ ахэр згъэхъужьыщтыгъэх».
16– Ау шъо шъунэхэри шъутхьакӀумэхэри гъогу мафэ теуцуагъэх, ахэмэ алъэгъу, зэхахы. 17Шъыпкъэр шъосэӀо, пегъымбар Ӏаджыми шъыпкъагъэ зиӀэ цӀыф Ӏаджыми шъо шъулъэгъурэр алъэгъумэ ашӀоигъуагъ, ау алъэгъугъэп, шъо зэхэшъухырэри зэхахымэ ашӀоигъуагъ, ау зэхахыгъэп.
Чылапхъэр зыпхъырэм ехьылӀэгъэ гъэсэпэтхыдэм къикӀырэр
(Марк 4:13-20; Лука 8:11-15)
18– Ащыгъум чылапхъэр зыпхъырэм ехьылӀэгъэ гъэсэпэтхыдэм къикӀырэм шъукъедэӀу: 19Тхьэм и Тетыгъошхо икъэбар зыгорэм зэхихэу, ау къызыгурымыӀокӀэ, шэйтаныр къэкӀошъ, чылэпхъэшӀоу а цӀыфым ыгу илъ хъугъэр рехыжьы. Мыр чылапхъэу гъогум тепхъагъэм фэд. 20Адрэ цӀыфыр мыжъуабэ зыхэлъ чӀыгум тепхъэгъэ чылапхъэм фэд. А цӀыфыр ары Тхьэм игущыӀэхэр зэрэзэхиххэу, а гущыӀэхэр гушӀуагъокӀэ зыштэрэр. 21Ау ащ ыгукӀэ лъапсэ зэримыӀэм пае, шӀошъхъуныгъэм игъогу бэрэ тетыжьрэп. Тхьэм игущыӀэхэм апаекӀэ, е гузэжъогъу зэрэхафэу, е цӀыфхэм ащ къин зэрэрагъэщэчэу, шӀошъхъуныгъэм игъогу текӀыжьы. 22ЕтӀани зы цӀыф панэхэм ахэпхъэгъэ чылапхъэм фэд. Ащ Тхьэм игущыӀэхэр зэхехы, ау мы дунаим игугъухэмрэ баиныгъэм игъэпцӀэныгъэрэ Тхьэм игущыӀэхэу ыгу илъхэр атхьалэхэшъ, ащ зи шӀугъэ къыпыкӀырэп. 23ЕтӀани нэмыкӀ цӀыфыр чӀыгу дэгъум хэпхъэгъэ чылапхъэм фэд. Ары Тхьэм игущыӀэхэр зэхэзыхэу, зэхэзышӀыкӀырэр. Ащ шӀугъэ къыпэкӀы, е фэдишъэ, е фэдэ тӀокӀищ, е фэдэ щэкӀ.
Уц шӀоеу коцым ыгузэгу пыим хипхъагъэм ехьылӀэгъэ гъэсэпэтхыдэр
24Исус нэмыкӀ гъэсэпэтхыди ахэмэ къафиӀотагъ:
– Тхьэу уашъом щыӀэм и Тетыгъошхо зыфэдэр лӀэу чылэпхъэшӀу зихьасэ хэзыпхъагъэр ары. 25Ау цӀыфхэр чъыехэзэ, ипый къакӀуи, коцым ыгузэгу уц шӀой хипхъи, ӀукӀыжьыгъ. 26А коцыр къыхэкӀи, шъхьэлъэнэу зырегъажьэм, уц шӀоири къыхэкӀыгъ. 27Хьасэр зыем дэжь илэжьакӀохэр кӀохи, раӀуагъ: «Тхьэматэ, чылэпхъэшӀуба уихьасэ щыппхъыгъэр? Адэ, мы уц шӀоир тыдэ къикӀыгъа?» 28«Ар пый горэм ышӀагъ», – къариӀожьыгъ тхьэматэм. «Тэ тыкӀонышъ, ар къыхэтчынэу уфая?» – еупчӀыгъэх лэжьакӀохэр тхьэматэм. 29Ау ежь тхьэматэм къыӀуагъ: «Хьау, ар хъущтэп, сыда пӀомэ, уц шӀоим игъусэу коцыри къыхэшъучынкӀи мэхъу. 30ТӀури зэгъусэу хыныгъом нэсыфэ къызэдэрэкӀ. Къахыжьын зыхъукӀэ, хынакӀомэ ясӀощт: „Уц шӀойхэр ыпэ рапшӀэу къыхэшъухи, шъупхых, машӀокӀэ жъугъэстынхэм пае; етӀанэ коцыр Ӏушъухыжьи, сиконхэм арышъутакъу“».
Андэгурацэмрэ тэджэпсымрэ яхьылӀэгъэ гъэсэпэтхыдэхэр
(Марк 4:30-32; Лука 13:18-21)
31Джыри нэмыкӀ гъэсэпэтхыдэ къафиӀотагъ Исус ахэмэ:
– Тхьэу уашъом щыӀэм и Тетыгъошхо зыфэдэр андэгурацэр ары. А цэр лӀы горэм ихьасэ щишӀагъ. 32Цэ пстэуми анахь цӀыкӀу пэтми, ар къызыкӀырэ ужым, зы илъэс зыныбжьэу къэкӀыгъэ пстэуми анахь ин. Ошъогу бзыухэри къэбыбыхэзэ, ащ икъутамэхэм атесынхэу чъыгы мэхъу.
33ЕтӀани Исус нэмыкӀ гъэсэпэтхыди къафиӀотагъ:
– Тхьэу уашъом щыӀэм и Тетыгъошхо зыфэдэр тэджэпсыри ары. Бзылъфыгъэ горэм тэджэпсыр къышти, хьаджыгъэу Ӏэнлъищым арыфэрэр зэхипшыхьагъ, зэрэщытэу къэтэджыфэ.
34А зэпстэури гъэсэпэтхыдэхэмкӀэ цӀыф купышхомэ къафиӀотагъ Исус. Гъэсэпэтхыдэ хэмытэу адэгущыӀэщтыгъэп. 35Исус цӀыфхэм адэгущыӀэзэ, гъэсэпэтхыдэхэр зыкӀафиӀотагъэр пегъымбарым мы гущыӀэхэу къыӀуагъэхэр къэшъыпкъэжьынхэр ары:
«Гъэсэпэтхыдэхэр къэсӀуатэхэу сыжэ къызэтесхынышъ, дунаир къызыхъугъэм щегъэжьагъэу аушъэфыщтыгъэ Ӏофхэр къэсӀощтых».
Уц шӀоеу коцым ыгузэгу пыим щипхъыгъэм ехьылӀэгъэ гъэсэпэтхыдэм къикӀырэр
36Ащ нэуж Исус цӀыф купышхохэм къахэкӀи, унэу зэрысыгъэм ихьажьыгъ. Игъогу рыкӀохэрэр къыбгъодахьэхи, къыраӀуагъ:
– Хьасэм къыхэкӀэгъэ уц шӀоим ехьылӀэгъэ гъэсэпэтхыдэм къикӀырэр къыдгурыгъаӀу.
37– ЧылэпхъэшӀур зыпхъырэр ЦӀыф Лъэпкъым ы Къу ары, – къыӀожьыгъ Исус. 38– Хьасэр дунаир ары. ЧылэпхъэшӀур Тхьэм и Тетыгъошхо ыӀэчӀэгъ чӀэт цӀыфхэр ары. Уц шӀоир шэйтаным ицӀыфхэр ары. 39Пыеу а уцыр коц гузэгум хэзыпхъагъэр шэйтаныр ары. Хыныгъор мы дунаим икӀэух ары, хынакӀохэр мэлэӀичхэр ары. 40Уц шӀоир къыхачэу, машӀомкӀэ зэрагъэстырэм фэдэу ары зэрэхъущтыр мы дунаим икӀэух: 41ЦӀыф Лъэпкъым ы Къо имэлэӀичхэр ыгъэкӀонхэшъ, уц шӀоир лэжьыгъэм зэрэхачырэм фэдэу, цӀыфхэм псэкӀод язгъашӀэрэ цӀыфхэри, нэмыкӀ цӀыфхэу бзэджагъэ зышӀэхэри Тхьэм и Тетыгъошхо ыӀэчӀэгъ чӀаукъэбзыкӀыщтых. 42МэлэӀичхэм а цӀыфхэр аугъоинхэшъ, мэшӀошхом ихьаку радзэщтых. Ащ дэжьым куохьаурэ цэ зэрэгъэшхырэ щыхъущтых. 43Джащыгъум шъыпкъагъэ зиӀэ цӀыфхэр тыгъэ нэбзыйхэм афэдэу, Ты лъапӀэм и Тетыгъошхо ыӀэчӀэгъ чӀэтхэу къыщынэфыщтых. РыдэӀонэу тхьакӀумэ зиӀэм зэхерэх.
Гъэсэпэтхыдищ
44– Ащ нэмыкӀэуи Тхьэу уашъом щыӀэм и Тетыгъошхо зыфэдэр мылъкушхоу хьасэм щыгъэбылъыгъэр ары. А мылъкушхор цӀыф горэм къызегъотым, ыгъэбылъыжьи, гушӀозэ кӀуи, иӀэр зэкӀэ ыщэжьи, а хьасэр къыщэфыгъ.
45– ЕтӀанэ Тхьэу уашъом щыӀэм и Тетыгъошхо зыфэдэр налмэс-налкъутэ дэгъухэм алъыхъурэ сатыушӀэр ары. 46Налмэс-налкъутэ лъапӀэ зегъотым, кӀуи, иӀэр зэкӀэ ыщэжьи, ар къыщэфыгъ.
47– Джыри Тхьэу уашъом щыӀэм и Тетыгъошхо зыфэдэр хъытыоу хым хадзагъэу, пцэжъые зэмылӀэужыгъуабэ къэзыубытыгъэр ары. 48Ащ изы зэхъум, пцэжъыяшэхэм ар хы ныджым къытыралъэшъожьыгъ. ЕтӀанэ ахэр тӀысхи, пцэжъые дэгъухэр щалъэхэм аралъхьэхи, пцэжъые дэйхэр чӀадзыжьыгъэх. 49Джащ фэд зэрэхъущтыр мы дунаим икӀэух дэжь. МэлэӀичхэр къехынхэшъ, шъыпкъагъэ зиӀэ цӀыфхэм цӀыф бзаджэхэр къахащынхэшъ, 50мэшӀошхом ихьаку радзэщтых. Ащ дэжьым куохьаурэ цэ зэрэгъэшхырэ щыхъущтых.
МылъкукӀэмрэ мылъкужъымрэ
51Ащ нэуж яупчӀыгъ Исус игъогу рыкӀохэрэм:
– А пстэури шъо дэгъоу къыжъугурыӀуагъа?
– Ары, къыдгурыӀуагъ, Зиусхьан, – пэгъокӀ ратыжьыгъ ахэмэ.
52– Ащ къыхэкӀыкӀэ хэтрэ Тэурат егъэджэкӀо пащэу Тхьэу уашъом щыӀэм и Тетыгъошхо ыӀэчӀэгъ чӀахьэрэр унэр зыем фэд, – ариӀуагъ Исус ахэмэ. – Ащ мылъку гъэтӀылъыпӀэу иӀэм мылъкукӀи мылъкужъи къычӀехы.
Назарет дэс цӀыфхэм Исус зэрамыштагъэр
(Марк 6:1-6; Лука 4:16-30)
53А гъэсэпэтхыдэхэм якъэӀотэн Исус къызеухым, а чӀыпӀэм икӀыжьыгъ. 54Янэ икъалэ къэкӀожьи, цӀыфхэм ясинэгогу Тхьэм игущыӀэхэр щаригъашӀэхэу ыублагъ. ЦӀыфхэм зэраригъашӀэщтыгъэ шӀыкӀэр агъэшӀагъоу къаӀуагъ:
– Мы лӀым мыщ фэдиз акъылышӀу тыдэ къырихыгъа? Мы лъэкӀ зыхэлъ Ӏофышхохэр тыдэ къикӀыгъэха? 55ПхъашӀэм ыкъор арыба мыр? Мыщ янэба МерэмкӀэ заджэхэрэр? Якъуб, Иосый, Симон, Иудэ мы лӀым ышхэба? 56Ышыпхъухэри зэкӀэ тэ къытхэсхэба? Аущтэу зыхъукӀэ, мы лӀым мы Ӏоф пстэури тыдэ къырихыгъа?
57Аущтэу Исус пае агу мыхъун къырагъэхьагъ.
– Пегъымбарым лъытэныгъэ фэзымышӀыхэрэр ежь янэ икъалэ дэсхэмрэ ежь иунагъо щыщхэмрэ арых ныӀэп, – ариӀуагъ Исус ахэмэ.
58Ахэмэ шӀошъхъуныгъэ зэрямыӀэм пае, Исус Ӏофышхо гъэшӀэгъоныбэхэр ащ щишӀагъэп.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Институт перевода Библии, 1991, 1992, 2014. Стокгольм