Маттэ 17
17
ЯПШӀЫКӀУБЛЭНЭРЭШЪХЬ
Исус итеплъэ зэрэзэрихъокӀыгъэр
(Марк 9:2-13; Лука 9:28-36)
1Мэфих зытешӀэм, Исус Петри, Якъуби, ащ ыш Иуани зэригъэгъусэхи, Ӏошъхьэ лъагэм язакъоу дищэягъэх. 2Джащыгъум ахэмэ апашъхьэ Исус итеплъэ щызэрихъокӀыгъ. Ынэгу тыгъэм фэдэу къэлыдыгъ, ищыгъынхэри осым фэдэу фыжьыбзэ хъугъэх. 3Зэплъэхэм, пегъымбархэу Мусэрэ Илясрэ Исус къыдэгущыӀэхэу игъогу рыкӀорэ нэбгырищым къафэлъэгъуагъэх.
4– Зиусхьан, мыщ дэжьым тызэрэщыӀэр дэгъу, – риӀуагъ Петрэ Исус. – Уфаемэ, чэлищ мыщ дэжьым щызгъэӀэн, ощ пае зы, Мусэ паий зы, Иляс паий зы.
5Петрэ къэгущыӀэзэ, ошӀэ-дэмышӀэу ошъопщэ нэфынэ къакӀуи, ахэмэ къашъхьэщыхьагъ. Ошъуапщэм макъэ горэ къыхэӀукӀыгъ:
– Мары сэ шӀу слъэгъурэ с Къо кӀасэу сыгу зэӀурэр.#17:5 Мары сэ шӀу слъэгъурэ с Къо кӀасэу сыгу зэӀурэр – еплъ 3:17. Ащ ыӀорэм шъуедэӀу.
6Ар зызэхахым, Исус игъогу рыкӀохэрэр лъэшэу щтагъэхэу чӀыгум бгъэгукӀэ зырадзэхыгъ. 7Ау Исус ахэмэ абгъодахьи, ӀапэкӀэ анэси, къыӀуагъ:
– Шъумыщын, шъукъэтэдж.
8Къыздэплъыехэм, Исус нэмыкӀ зи алъэгъужьыгъэп.
9Ахэр Ӏуашъхьэм къехыжьхэзэ, Исус унашъо афишӀыгъ:
– ЦӀыф Лъэпкъым ы Къо лӀагъэхэм къахэтэджыкӀыжьыфэ, шъулъэгъугъэр зыми ешъумыӀотэжь.
10Игъогу рыкӀорэ нэбгырищыр Исус къеупчӀыгъ:
– Адэ, Тэурат егъэджэкӀо пащэхэм ыпэ рапшӀэу пегъымбар Иляс къэкӀон фаеу#17:10 Ыпэ рапшӀэу пегъымбар Иляс къэкӀон фае – еплъ 16:14. сыда зыкӀаӀорэр?
11– Шъыпкъэ, Иляс къэкӀонышъ, Ӏоф пстэури тэрэзэу зэтыригъэуцожьын фае, – ариӀожьыгъ Исус. 12– Ау сэ шъосэӀо, Иляс къэкӀогъах, ари къашӀэжьыгъэп, ау Ӏоф бзэджагъэу ащ рашӀэнхэу зыфэягъэхэр рашӀагъэх. Ащ фэдэу ахэмэ ЦӀыф Лъэпкъым ы Къуи къин рагъэщэчыщт.
13Джащыгъум Исус зыфиӀорэр умэхъэкӀо Иуан арэу Исус игъогу рыкӀохэрэм къагурыӀуагъ.
Исус джынапцӀэ зыхэс кӀалэ горэ зэригъэхъужьыгъэр
(Марк 9:14-29; Лука 9:37-43)
14Ащ нэужым Исусрэ игъусищымрэ цӀыф купышхом дэжь къызагъэзэжьым, лӀы горэ Исус къыбгъодахьи, ыпашъхьэ лъэгонджэмышъхьэкӀэ къитӀысхьи, 15къыӀуагъ:
– Тхьэматэ, скъо гукӀэгъу къыфэшӀ, сыда пӀомэ, мэзакӀэр къызихьэкӀэ, лъэшэу къин ещэчы. Бэрэ машӀом е псым хэфэ. 16О уигъогу рыкӀохэрэм адэжь сщагъэ, ары шъхьакӀэ, ахэмэ агъэхъужьын алъэкӀыгъэп.
17– Е-о-ой, шӀошъхъуныгъэ зимыӀэхэу, джырэ цӀыф къуанчэхэр, – къыриӀожьыгъ Исус. – Сыд фэдизрэ сышъухэтын фая? Сыд фэдизрэ шъусщыӀэн фая? А кӀалэр къысфашъущ.
18Къызыфащэм, Исус джынапцӀэм егыигъ, джынапцӀэри кӀалэм хэкӀыжьыгъ. А сыхьатым щегъэжьагъэу кӀалэр хъужьыгъэ.
19ЕтӀанэ Исусрэ игъогу рыкӀохэрэмрэ язакъоу къызэнэжьхэм, ахэр Исус къыбгъодахьэхи, къеупчӀыгъэх:
– А джынапцӀэр тэ хэтфын зыкӀэтымылъэкӀыгъэр сыда?
20– Шъо шъуишӀошъхъуныгъэ макӀэшъ ары, – ариӀожьыгъ Исус. – Шъыпкъэр шъосэӀо, андэгурацэм#17:20 андэгурацэм – горчицэ зыфаӀорэм ыцэ ары, ахэр жъгъэй дэдэх. фэдизэу шӀошъхъуныгъэ шъуиӀэмэ, мы Ӏуашъхьэм, «ӀукӀи модэ кӀо!» зешъуӀокӀэ, ар ӀукӀынышъ, кӀощт. Ащыгъум шъо къыжъудэмыхъун Ӏоф зи къэнэжьыщтэп.
21– Мыщ фэдэ джынапцӀэр тхьэлъэӀумрэ нэкӀымрэ афэшъхьафкӀэ цӀыфым хэпфышъущтэп, – къыпигъэхъожьыгъ Исус.
Ежь зэраукӀыщтри лӀагъэхэм къызэрахэтэджыкӀыжьыщтри ятӀонэрэу Исус къызэриӀуагъэр
(Марк 9:30-32; Лука 9:43-45)
22Исусрэ игъогу рыкӀохэрэмрэ Галилей хэкум зыщызэрэугъоижьхэм, Исус ариӀуагъ:
– ЦӀыф Лъэпкъым ы Къо цӀыфхэм аубытынышъ, 23ахэмэ аукӀыщт, ящэнэрэ мафэми лӀагъэхэм къахэтэджыкӀыжьыщт. Исус ар зареӀом, агу лъэшэу къеуагъ.
Исусрэ Петрэрэ Тхьэм иунэшхо пае хьакъулахь ахъщэр зэратыгъэр
24Капернаум къызэкӀохэм, Тхьэм иунэшхо пае хьакъулахь ахъщэу дидрахм зыцӀэр#17:24 Тхьэм иунэшхо пае хьакъулахь ахъщэу (еплъ 5:46) дидрахм зыцӀэр – хэтрэ зы джуртэу зыныбжь икъугъэм илъэс къэс лэжьакӀом имэфэпкӀитӀум фэдиз ахъщэ Тхьэм иунэшхо пае ытын фэягъ. хэзыхыхэрэр Петрэ дэжь къакӀохи, къаӀуагъ:
– Тхьэм и унэшхо пае хьакъулахь ахъщэу дидрахмэр шъуидин гъэсакӀом ета?
25– Ары, еты, – къыӀожьыгъ Петрэ. ЕтӀанэ Петрэ унэм зехьэм, зи къыӀонэу игъо имыфэзэ, Исус ащ къыдэгущыӀагъ:
– О сыдэу ухаплъэра, Симон? Дунаим тет пачъыхьэмэ хьакъулахьэу хьапщыпхэм атыралъхьэрэмрэ хьакъулахьэу цӀыфмэ атыралъхьэрэмрэ хэта къызыӀахырэр? Ежьхэм акъохэр ара, хьауми нэмыкӀ цӀыфхэр ара?
26– НэмыкӀ цӀыфхэр ары, – къыӀожьыгъ Петрэ.
– ЗэрэхъурэмкӀэ, ежьхэм акъохэм хьакъулахь атыралъхьэрэп, арыба? – риӀожьыгъ Исус Петрэ. 27– Ау мы цӀыфхэм агу къетымыгъэоным пае, псыхъураем кӀуи, уипцэкъэнтф хадзи, апэрэ пцэжъыеу къыхэбдзырэр къашти, ыжэ зэтехи, тыжьын ахъщэ дэбгъотэщт. Ар шти, хьакъулахьэу сэщ паий ощ паий ят.
Currently Selected:
Маттэ 17: AdgNT14
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Институт перевода Библии, 1991, 1992, 2014. Стокгольм
Маттэ 17
17
ЯПШӀЫКӀУБЛЭНЭРЭШЪХЬ
Исус итеплъэ зэрэзэрихъокӀыгъэр
(Марк 9:2-13; Лука 9:28-36)
1Мэфих зытешӀэм, Исус Петри, Якъуби, ащ ыш Иуани зэригъэгъусэхи, Ӏошъхьэ лъагэм язакъоу дищэягъэх. 2Джащыгъум ахэмэ апашъхьэ Исус итеплъэ щызэрихъокӀыгъ. Ынэгу тыгъэм фэдэу къэлыдыгъ, ищыгъынхэри осым фэдэу фыжьыбзэ хъугъэх. 3Зэплъэхэм, пегъымбархэу Мусэрэ Илясрэ Исус къыдэгущыӀэхэу игъогу рыкӀорэ нэбгырищым къафэлъэгъуагъэх.
4– Зиусхьан, мыщ дэжьым тызэрэщыӀэр дэгъу, – риӀуагъ Петрэ Исус. – Уфаемэ, чэлищ мыщ дэжьым щызгъэӀэн, ощ пае зы, Мусэ паий зы, Иляс паий зы.
5Петрэ къэгущыӀэзэ, ошӀэ-дэмышӀэу ошъопщэ нэфынэ къакӀуи, ахэмэ къашъхьэщыхьагъ. Ошъуапщэм макъэ горэ къыхэӀукӀыгъ:
– Мары сэ шӀу слъэгъурэ с Къо кӀасэу сыгу зэӀурэр.#17:5 Мары сэ шӀу слъэгъурэ с Къо кӀасэу сыгу зэӀурэр – еплъ 3:17. Ащ ыӀорэм шъуедэӀу.
6Ар зызэхахым, Исус игъогу рыкӀохэрэр лъэшэу щтагъэхэу чӀыгум бгъэгукӀэ зырадзэхыгъ. 7Ау Исус ахэмэ абгъодахьи, ӀапэкӀэ анэси, къыӀуагъ:
– Шъумыщын, шъукъэтэдж.
8Къыздэплъыехэм, Исус нэмыкӀ зи алъэгъужьыгъэп.
9Ахэр Ӏуашъхьэм къехыжьхэзэ, Исус унашъо афишӀыгъ:
– ЦӀыф Лъэпкъым ы Къо лӀагъэхэм къахэтэджыкӀыжьыфэ, шъулъэгъугъэр зыми ешъумыӀотэжь.
10Игъогу рыкӀорэ нэбгырищыр Исус къеупчӀыгъ:
– Адэ, Тэурат егъэджэкӀо пащэхэм ыпэ рапшӀэу пегъымбар Иляс къэкӀон фаеу#17:10 Ыпэ рапшӀэу пегъымбар Иляс къэкӀон фае – еплъ 16:14. сыда зыкӀаӀорэр?
11– Шъыпкъэ, Иляс къэкӀонышъ, Ӏоф пстэури тэрэзэу зэтыригъэуцожьын фае, – ариӀожьыгъ Исус. 12– Ау сэ шъосэӀо, Иляс къэкӀогъах, ари къашӀэжьыгъэп, ау Ӏоф бзэджагъэу ащ рашӀэнхэу зыфэягъэхэр рашӀагъэх. Ащ фэдэу ахэмэ ЦӀыф Лъэпкъым ы Къуи къин рагъэщэчыщт.
13Джащыгъум Исус зыфиӀорэр умэхъэкӀо Иуан арэу Исус игъогу рыкӀохэрэм къагурыӀуагъ.
Исус джынапцӀэ зыхэс кӀалэ горэ зэригъэхъужьыгъэр
(Марк 9:14-29; Лука 9:37-43)
14Ащ нэужым Исусрэ игъусищымрэ цӀыф купышхом дэжь къызагъэзэжьым, лӀы горэ Исус къыбгъодахьи, ыпашъхьэ лъэгонджэмышъхьэкӀэ къитӀысхьи, 15къыӀуагъ:
– Тхьэматэ, скъо гукӀэгъу къыфэшӀ, сыда пӀомэ, мэзакӀэр къызихьэкӀэ, лъэшэу къин ещэчы. Бэрэ машӀом е псым хэфэ. 16О уигъогу рыкӀохэрэм адэжь сщагъэ, ары шъхьакӀэ, ахэмэ агъэхъужьын алъэкӀыгъэп.
17– Е-о-ой, шӀошъхъуныгъэ зимыӀэхэу, джырэ цӀыф къуанчэхэр, – къыриӀожьыгъ Исус. – Сыд фэдизрэ сышъухэтын фая? Сыд фэдизрэ шъусщыӀэн фая? А кӀалэр къысфашъущ.
18Къызыфащэм, Исус джынапцӀэм егыигъ, джынапцӀэри кӀалэм хэкӀыжьыгъ. А сыхьатым щегъэжьагъэу кӀалэр хъужьыгъэ.
19ЕтӀанэ Исусрэ игъогу рыкӀохэрэмрэ язакъоу къызэнэжьхэм, ахэр Исус къыбгъодахьэхи, къеупчӀыгъэх:
– А джынапцӀэр тэ хэтфын зыкӀэтымылъэкӀыгъэр сыда?
20– Шъо шъуишӀошъхъуныгъэ макӀэшъ ары, – ариӀожьыгъ Исус. – Шъыпкъэр шъосэӀо, андэгурацэм#17:20 андэгурацэм – горчицэ зыфаӀорэм ыцэ ары, ахэр жъгъэй дэдэх. фэдизэу шӀошъхъуныгъэ шъуиӀэмэ, мы Ӏуашъхьэм, «ӀукӀи модэ кӀо!» зешъуӀокӀэ, ар ӀукӀынышъ, кӀощт. Ащыгъум шъо къыжъудэмыхъун Ӏоф зи къэнэжьыщтэп.
21– Мыщ фэдэ джынапцӀэр тхьэлъэӀумрэ нэкӀымрэ афэшъхьафкӀэ цӀыфым хэпфышъущтэп, – къыпигъэхъожьыгъ Исус.
Ежь зэраукӀыщтри лӀагъэхэм къызэрахэтэджыкӀыжьыщтри ятӀонэрэу Исус къызэриӀуагъэр
(Марк 9:30-32; Лука 9:43-45)
22Исусрэ игъогу рыкӀохэрэмрэ Галилей хэкум зыщызэрэугъоижьхэм, Исус ариӀуагъ:
– ЦӀыф Лъэпкъым ы Къо цӀыфхэм аубытынышъ, 23ахэмэ аукӀыщт, ящэнэрэ мафэми лӀагъэхэм къахэтэджыкӀыжьыщт. Исус ар зареӀом, агу лъэшэу къеуагъ.
Исусрэ Петрэрэ Тхьэм иунэшхо пае хьакъулахь ахъщэр зэратыгъэр
24Капернаум къызэкӀохэм, Тхьэм иунэшхо пае хьакъулахь ахъщэу дидрахм зыцӀэр#17:24 Тхьэм иунэшхо пае хьакъулахь ахъщэу (еплъ 5:46) дидрахм зыцӀэр – хэтрэ зы джуртэу зыныбжь икъугъэм илъэс къэс лэжьакӀом имэфэпкӀитӀум фэдиз ахъщэ Тхьэм иунэшхо пае ытын фэягъ. хэзыхыхэрэр Петрэ дэжь къакӀохи, къаӀуагъ:
– Тхьэм и унэшхо пае хьакъулахь ахъщэу дидрахмэр шъуидин гъэсакӀом ета?
25– Ары, еты, – къыӀожьыгъ Петрэ. ЕтӀанэ Петрэ унэм зехьэм, зи къыӀонэу игъо имыфэзэ, Исус ащ къыдэгущыӀагъ:
– О сыдэу ухаплъэра, Симон? Дунаим тет пачъыхьэмэ хьакъулахьэу хьапщыпхэм атыралъхьэрэмрэ хьакъулахьэу цӀыфмэ атыралъхьэрэмрэ хэта къызыӀахырэр? Ежьхэм акъохэр ара, хьауми нэмыкӀ цӀыфхэр ара?
26– НэмыкӀ цӀыфхэр ары, – къыӀожьыгъ Петрэ.
– ЗэрэхъурэмкӀэ, ежьхэм акъохэм хьакъулахь атыралъхьэрэп, арыба? – риӀожьыгъ Исус Петрэ. 27– Ау мы цӀыфхэм агу къетымыгъэоным пае, псыхъураем кӀуи, уипцэкъэнтф хадзи, апэрэ пцэжъыеу къыхэбдзырэр къашти, ыжэ зэтехи, тыжьын ахъщэ дэбгъотэщт. Ар шти, хьакъулахьэу сэщ паий ощ паий ят.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Институт перевода Библии, 1991, 1992, 2014. Стокгольм