Mariko 5
5
Omusasi wa Geresene naosibwa
(Mt. 8:28-34; Lk. 8:26-39)
1Nibakinga ku ngego yenderya ya inyanja, ku ca:ro ca Bageresene. 2Wejire asyoka mu bwato, aonao nabonana no mu:nu unu ariga:ri no musambwa omujabi unu aso:kereraga mu bitu:ro. 3Oyo ama:maga mu bitu:ro, ariga atario mu:nu unu aturire okumuboya, nakabee ari ku runyoro. 4Okuba kwiya ka:fu bamuboyaga ku masega na mu nyoro. Natemyaga jinyoro, na masega nabuturabutura, na ka ariga atario mu:nu wa managa ga kumuiga. 5Nawe mu mwisi na mu ngeta akungiraga mu bitu:ro na ku bi:ma kusiku, ne:temaga na mabui. 6Wejire arora Yesu acari kura, namubirimira namuramya. 7Narira na buraka bunene na:ika ati, ?Ni na:we ki, Yesu awe, Omwana wa Nyamuanga unu ari inguru? Enikuremberesya, unyifumire ku Nyamuanga wasiga ku:nya:sya. 8Kwo kuba ariga amubwiriye ati, So:ka ku mu:nu unu, awe omusambwa omujabi. 9Namubu:sya ati, Risi:na ryao nawega? Namubwira ati, Risi:na ryani ni Regioni, okuba ciri ba:fu. 10Namuremberesya muno atabairisya mu ca:ro eco. 11Mbe ryariga ririo eijo enene rya jingurube jariga nijire:ba ku ci:ma ao. 12Emisambwa jo:ne nijimuremberesya ati, Ciku:rire mu ngurube cijo:jingiramo. 13Naji:kirisisya. Emisambwa emijabi nijimuso:kamo nijingira mu ngurube. Riijo niriurutuka njiteberera ku bugema njigwirira mu nyanja. Jariga uti bisira bibiri nijifwira mu nyanja.
14Mbe banu bajire:baga nibabirima, nibabwira aba mu musi na ba mu masambu. Nibaja okurora binu byagwao kutyo biri. 15Nibakinga anu Yesu ariga:ri, mbarora unu ariga aungirwe emisambwa, enyanjire, afwae, abee no bwenge bwae, unu ariga:ri na Regioni. Nibo:baya. 16Banu barorere nibabasombo:rera binu byabeeo ku unu ariga aungirwe emisambwa, ne bya jingurube. 17Nibamba okumuremberesya Yesu aso:ke mu mbibi jebwe. 18Mbe anu ariga acasyabara mu bwato, unu ariga aungirwe namuremberesya abega nage. 19Yesu narema okumwikirisisya, nawe namubwira ati, Genda ika ku banyu, ubabwire jo:ne jinu Ratabugenyi akukorera, na rwa kutyo akufwiriye ecigongo. 20Nagenda namba okukumusya mu Decapoli, nasimura jo:ne jinu Yesu amukoree. Aba:nu bo:ne nibarugu:ra.
Omuyasya wa Yairo no mugasi wo bure:gu
(Mt. 9:18-26; Lk. 8:40-56)
21Mbe Yesu wejire aunguka mu bwato nakinga rindi ku ngego yenderya. Ebise byafu nibikofyanya anu Yesu ariga:ri. Omwene ariga:ri ku mwaro. 22Mbe naja oumwi wa ku bakuru be rikofyanyisyo, risi:na ryae Yairo. Wejire amurora ne:nama mu maguru gae, 23namuremberesya muno, na:ika ati, Akaasya kani kendo:kufwa. Enikuremberesya, u:je umuteko amaboko gao, aore abe muanga. 24Nagenda nage. Ecise cinene nicimuru:ba nicimuiganya-iganya.
25Mbe omugasi unu ariga arwae obure:gu myaka ekumi ne:biri, 26unu anya:kire muno ku bafumu ba:fu, nagwataga binu ariga nabyo byone, ne:seranya era, nawe neyongesya:ra okurwara. 27Wejire ongwa orukuma rwa Yesu, naja inyuma yae mu cise, nakuniako ku cifwaro cae. 28Okuba a:ikire ati, Nikakuniako era ku cifwaro cae eniora. 29Aonao okuurura kwa manyinga gae nikutemekera. Namenya mu mubiri gwae ati, naosibwa inya:ko yani. 30Aonao Yesu namenya munda yae ati, amanaga gamuso:keremo, nacu:ka mu cise na:ika ati, ?Niga unu ankuniako ku cifwaro cani? 31Abe:igi-sibwa bae nibamubu:sya ati, Ourora ecise kutyo abakuku:ra-ku:ra, ?ka owaika ati, Niga unu ankuniako? 32Namagamaga okurora oyo akora kutyo. 33Nawe omugasi uyo no:baya nayarara, amenyere cinu cariga cimubwene. Na:ja nafukama imbere yae, namubwira ebye cimari byone. 34Namubwira ati, Muyara, okwikirisya kwao kwakuosya. Nuwigendere no murembe, uore kata inya:ko yao.
35Mbe anu ariga aca:ika, niba:ja banu baso:kere ku mukuru we rikofyanyisyo, niba:ika ati, Omuyasya wao afu:ye. ?Awe ka ounya:sisya ki Omwiigisya? 36Nawe Yesu naremo:bara omusango gwebwe, nabwira Omukuru we rikofyanyisyo ati, Uto:baya, Ikirisya:ra. 37Ate:kiri-sisye mu:nu wo:ne okugenda nage, tari Petero na Yakobo na Yoana omumura wabo Yakobo. 38Nibakinga ku nyumba yo mukuru we rikofyanyisyo, narora injogere na banu abarira, nibarira jimamu nyafu. 39Mbe ejire engira, nababu:sya ati, ?Niki cinu ecikora nimuyogana no kurira? Omwana atafu:ye, nawe aongee era. 40Nibamuseka muno. Nawe ejire aurusya bo:ne, nagega esemwene mwana na nyiramwene na banu bariga nage, nengira omwo mwana ariga:ri. 41Nagwata Omwana okuboko, namubwira ati, Tarisa Kumi, obugajuro bwagwo ati, Muyara, enikubwira ati, Imuka. 42Aonao Omwana ne:muka naribata. Okuba ariga ana myaka ekumi ne:biri. Nibarugu:ra nibataŋaŋara muno. 43Nabakomeresya muno, mu:nu wo:ne atamenya eco. Nababwira bamuyane ebiryo.
Currently Selected:
Mariko 5: KIJ1960
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Kijita New Testament © The British and Foreign Bible Society and The Bible Society of Tanzania, 1960.
Mariko 5
5
Omusasi wa Geresene naosibwa
(Mt. 8:28-34; Lk. 8:26-39)
1Nibakinga ku ngego yenderya ya inyanja, ku ca:ro ca Bageresene. 2Wejire asyoka mu bwato, aonao nabonana no mu:nu unu ariga:ri no musambwa omujabi unu aso:kereraga mu bitu:ro. 3Oyo ama:maga mu bitu:ro, ariga atario mu:nu unu aturire okumuboya, nakabee ari ku runyoro. 4Okuba kwiya ka:fu bamuboyaga ku masega na mu nyoro. Natemyaga jinyoro, na masega nabuturabutura, na ka ariga atario mu:nu wa managa ga kumuiga. 5Nawe mu mwisi na mu ngeta akungiraga mu bitu:ro na ku bi:ma kusiku, ne:temaga na mabui. 6Wejire arora Yesu acari kura, namubirimira namuramya. 7Narira na buraka bunene na:ika ati, ?Ni na:we ki, Yesu awe, Omwana wa Nyamuanga unu ari inguru? Enikuremberesya, unyifumire ku Nyamuanga wasiga ku:nya:sya. 8Kwo kuba ariga amubwiriye ati, So:ka ku mu:nu unu, awe omusambwa omujabi. 9Namubu:sya ati, Risi:na ryao nawega? Namubwira ati, Risi:na ryani ni Regioni, okuba ciri ba:fu. 10Namuremberesya muno atabairisya mu ca:ro eco. 11Mbe ryariga ririo eijo enene rya jingurube jariga nijire:ba ku ci:ma ao. 12Emisambwa jo:ne nijimuremberesya ati, Ciku:rire mu ngurube cijo:jingiramo. 13Naji:kirisisya. Emisambwa emijabi nijimuso:kamo nijingira mu ngurube. Riijo niriurutuka njiteberera ku bugema njigwirira mu nyanja. Jariga uti bisira bibiri nijifwira mu nyanja.
14Mbe banu bajire:baga nibabirima, nibabwira aba mu musi na ba mu masambu. Nibaja okurora binu byagwao kutyo biri. 15Nibakinga anu Yesu ariga:ri, mbarora unu ariga aungirwe emisambwa, enyanjire, afwae, abee no bwenge bwae, unu ariga:ri na Regioni. Nibo:baya. 16Banu barorere nibabasombo:rera binu byabeeo ku unu ariga aungirwe emisambwa, ne bya jingurube. 17Nibamba okumuremberesya Yesu aso:ke mu mbibi jebwe. 18Mbe anu ariga acasyabara mu bwato, unu ariga aungirwe namuremberesya abega nage. 19Yesu narema okumwikirisisya, nawe namubwira ati, Genda ika ku banyu, ubabwire jo:ne jinu Ratabugenyi akukorera, na rwa kutyo akufwiriye ecigongo. 20Nagenda namba okukumusya mu Decapoli, nasimura jo:ne jinu Yesu amukoree. Aba:nu bo:ne nibarugu:ra.
Omuyasya wa Yairo no mugasi wo bure:gu
(Mt. 9:18-26; Lk. 8:40-56)
21Mbe Yesu wejire aunguka mu bwato nakinga rindi ku ngego yenderya. Ebise byafu nibikofyanya anu Yesu ariga:ri. Omwene ariga:ri ku mwaro. 22Mbe naja oumwi wa ku bakuru be rikofyanyisyo, risi:na ryae Yairo. Wejire amurora ne:nama mu maguru gae, 23namuremberesya muno, na:ika ati, Akaasya kani kendo:kufwa. Enikuremberesya, u:je umuteko amaboko gao, aore abe muanga. 24Nagenda nage. Ecise cinene nicimuru:ba nicimuiganya-iganya.
25Mbe omugasi unu ariga arwae obure:gu myaka ekumi ne:biri, 26unu anya:kire muno ku bafumu ba:fu, nagwataga binu ariga nabyo byone, ne:seranya era, nawe neyongesya:ra okurwara. 27Wejire ongwa orukuma rwa Yesu, naja inyuma yae mu cise, nakuniako ku cifwaro cae. 28Okuba a:ikire ati, Nikakuniako era ku cifwaro cae eniora. 29Aonao okuurura kwa manyinga gae nikutemekera. Namenya mu mubiri gwae ati, naosibwa inya:ko yani. 30Aonao Yesu namenya munda yae ati, amanaga gamuso:keremo, nacu:ka mu cise na:ika ati, ?Niga unu ankuniako ku cifwaro cani? 31Abe:igi-sibwa bae nibamubu:sya ati, Ourora ecise kutyo abakuku:ra-ku:ra, ?ka owaika ati, Niga unu ankuniako? 32Namagamaga okurora oyo akora kutyo. 33Nawe omugasi uyo no:baya nayarara, amenyere cinu cariga cimubwene. Na:ja nafukama imbere yae, namubwira ebye cimari byone. 34Namubwira ati, Muyara, okwikirisya kwao kwakuosya. Nuwigendere no murembe, uore kata inya:ko yao.
35Mbe anu ariga aca:ika, niba:ja banu baso:kere ku mukuru we rikofyanyisyo, niba:ika ati, Omuyasya wao afu:ye. ?Awe ka ounya:sisya ki Omwiigisya? 36Nawe Yesu naremo:bara omusango gwebwe, nabwira Omukuru we rikofyanyisyo ati, Uto:baya, Ikirisya:ra. 37Ate:kiri-sisye mu:nu wo:ne okugenda nage, tari Petero na Yakobo na Yoana omumura wabo Yakobo. 38Nibakinga ku nyumba yo mukuru we rikofyanyisyo, narora injogere na banu abarira, nibarira jimamu nyafu. 39Mbe ejire engira, nababu:sya ati, ?Niki cinu ecikora nimuyogana no kurira? Omwana atafu:ye, nawe aongee era. 40Nibamuseka muno. Nawe ejire aurusya bo:ne, nagega esemwene mwana na nyiramwene na banu bariga nage, nengira omwo mwana ariga:ri. 41Nagwata Omwana okuboko, namubwira ati, Tarisa Kumi, obugajuro bwagwo ati, Muyara, enikubwira ati, Imuka. 42Aonao Omwana ne:muka naribata. Okuba ariga ana myaka ekumi ne:biri. Nibarugu:ra nibataŋaŋara muno. 43Nabakomeresya muno, mu:nu wo:ne atamenya eco. Nababwira bamuyane ebiryo.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Kijita New Testament © The British and Foreign Bible Society and The Bible Society of Tanzania, 1960.