Mariko 7
7
Yesu natoŋanya Abafarisayo
(Mt. 15:1-20)
1Nibamwikofyanyisya Abafarisayo na bandiki abandi, banu baso:kere Yerusalemi. 2Nibarora abe:igisibwa bae abandi nibarya na jingaro jinu jijabiae, kwo kwaika ati, bate:sa:bire. 3Okuba Abafarisayo na Bayaudi bo:ne bakaba bate:sa:bire, batakurya, okuba abagwata ebyecikuru bya bakaruka. 4Wora baso:ka mwika:niro bate:sa:bire, batakurya. Ne bindi one bayabirwe okukora, uti kwosyaga ebikombe na jinyungu, ne bi:nu bye byuma. 5Abafarisayo na bandiki nibamubu:sya ati, ?Niki cinu eciganya abe:igisibwa bao okuribatira mu byecikuru bya bakaruka, nawe ka abe:ri:rari:ra:ra na riko mu ngaro? 6Nababwira ati, Isaya aragire kisi kwimwe ba rurimi, rwa kutyo jandikirwe ati,
Aba:nu banu abanana cibaro ku minwa,
Nawe emitima jebwe ndinajo kura.
7Nawe abandamya kutyo era,
Nibe:igisya ebiragiro bya ba:nu era uti kwiigisya kwe cimari.
8Nimusiga eciragiro ca Nyamuanga, nimu:mira ku byecikuru bya ba:nu. 9Nababwira ati, Omurema kisiki:si eciragiro ca Nyamuanga, nimu:mira ku byecikuru byemwe, 10Okuba Musa a:ikire ati, Ubarega esomwana na nyokomwana, na rindi ati, Unu arafumaga esemwene amwi nyiramwene afwe orufu. 11Nawe emwe omwaika ati, Omu:nu akabwira esemwene amwi nyiramwene ati, Co:ne cinu cari ci:ire nikuyane niyo Korobani, kwo kwaika ati, ni ciyanwa ku Nyamuanga, 12Mutace:kirisya akorere esemwene amwi nyiramwene musango gwone. 13Omumaramo omusango gwa Nyamuanga ku byecikuru byemwe binu mweigisisye. Na ka omukora emisango ejindi myafu eje:ja:bo ejo.
14Nasuba okubirikira ecise, nababwira ati, Nimunyungwe bo:ne musombo:kerwe. 15Citario ci:nu cinu ecingira mu mu:nu cinu ecitura okumujabiasya. Nawe binu ebiso:ka mu mu:nu, ebyo nibyo ebijabiasya omu:nu. 16(Omu:nu wo:ne akaba na matwi go kungwa, nongwe.) 17Wejire aso:ka mu bise nengira mu nyumba, abe:igisibwa bae nibamubu:sya ecijekekanyo eco. 18Na-babu:sya ati, ?Ka nemwe one mutakusombo:kerwa? ?Mutakumenya ati, co:ne cinu ciri anja cikengira mu mu:nu citakutura kumujabiasya? 19Okuba citakwingira mu mutima gwae, tari munda yae, niciitiŋana nicigenda mu runio. A:ikire kutyo ne:sya ebiryo byone. 20Na:ika ati, Cinu eciso:ka mu mu:nu nico ecijabiasya omu:nu. 21Okuba mu mitima ja ba:nu, nimwo agaso:ka ame:ganirisyo amabi:bi, no busengi no kwiba, no kwita, no kuromera, 22Na inamba imbi:bi, no burangirangi, no rurimi, no buyerwa, no butima, no kufuma, ne cigundu, no butamutamu. 23Ebibi:bi ebyo byone ebiso:ka munda, nibijabiasya omu:nu.
Omugasi via Surofenisa
(Mt. 15:21-28)
24Ne:muka, naso:kayo nagenda mu ca:ro ca Turo na Sidoni. Nengira mu nyumba ariga atakwenda mu:nu amenye, nawe ataturire kwiibisa. 25Nawe ariga:rio omugasi unu ariga no muyasya wae unu ariga:ri no musambwa omubi:bi. Oyo ejire ongwa ati ariwo, na:ja nagwa mu maguru gae. 26Mbe omugasi uyo ariga Mugiriki wa ruganda rwa Basurofenisa. Namuremberesya okuirisya omusambwa ku muyasya wae. 27Yesu namubwira ati, Siga aba:na batangate okwiguta, okuba kute:ire kugega ebiryo bya ba:na no kubyesera jimbwa. 28Omwene naindura namubwira ati, Nikwo kutyo, Ratabugenyi, nawe jimbwa one ejirya obuungururu bwa ba:na mwifu:fu rya imeja. 29Namubwira ati, Kurwo musango ogwo, genda. Omusamba gwaso:kere ku muyasya wao. 30Nasuba ika ewae, nasanga omuyasya wae ama:mire ku buriri, no musambwa nasanga gwamuso:kereko.
Omwigare wa matwi naosibwa
(Mt. 15:29-31)
31Naso:ka rindi mu ca:ro ca Turo, naitiŋana mu ca:ro ca Sidoni na aagati ye ca:ro ca Dekapoli, nakinga ku nyanja ya Galilaya. 32Nibamure:tera omwigare wa matwi unu ariga nabojaboja, nibamuremberesya amuteko okuboko kwae. 33Namuso:sya mu cise bwitebe, natu:ra ebyara byae mu matwi gae, nafubura amafwefu, namukunia ku rurimi. 34Narore:rera inguru mu rwire, nasabwa, namubwira ati, Efata, nikwo kwaika ati, Iguka. 35Amatwi gae nige:guka, ecisina co rurimi rwae nicisurumuka, na:ika kisi. 36Nabakomeresya basige kubwirako mu:nu. Nawe rwa kutyo ongesisye okubaingirira, nyaburiko nibongesya okura:sya ejo. 37Ni-bataŋaŋara muno niba:ika ati, Kakora byone kisi. Ke:gura abe:gare ba matwi, ka ka:ikya na bajibi.
Currently Selected:
Mariko 7: KIJ1960
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Kijita New Testament © The British and Foreign Bible Society and The Bible Society of Tanzania, 1960.
Mariko 7
7
Yesu natoŋanya Abafarisayo
(Mt. 15:1-20)
1Nibamwikofyanyisya Abafarisayo na bandiki abandi, banu baso:kere Yerusalemi. 2Nibarora abe:igisibwa bae abandi nibarya na jingaro jinu jijabiae, kwo kwaika ati, bate:sa:bire. 3Okuba Abafarisayo na Bayaudi bo:ne bakaba bate:sa:bire, batakurya, okuba abagwata ebyecikuru bya bakaruka. 4Wora baso:ka mwika:niro bate:sa:bire, batakurya. Ne bindi one bayabirwe okukora, uti kwosyaga ebikombe na jinyungu, ne bi:nu bye byuma. 5Abafarisayo na bandiki nibamubu:sya ati, ?Niki cinu eciganya abe:igisibwa bao okuribatira mu byecikuru bya bakaruka, nawe ka abe:ri:rari:ra:ra na riko mu ngaro? 6Nababwira ati, Isaya aragire kisi kwimwe ba rurimi, rwa kutyo jandikirwe ati,
Aba:nu banu abanana cibaro ku minwa,
Nawe emitima jebwe ndinajo kura.
7Nawe abandamya kutyo era,
Nibe:igisya ebiragiro bya ba:nu era uti kwiigisya kwe cimari.
8Nimusiga eciragiro ca Nyamuanga, nimu:mira ku byecikuru bya ba:nu. 9Nababwira ati, Omurema kisiki:si eciragiro ca Nyamuanga, nimu:mira ku byecikuru byemwe, 10Okuba Musa a:ikire ati, Ubarega esomwana na nyokomwana, na rindi ati, Unu arafumaga esemwene amwi nyiramwene afwe orufu. 11Nawe emwe omwaika ati, Omu:nu akabwira esemwene amwi nyiramwene ati, Co:ne cinu cari ci:ire nikuyane niyo Korobani, kwo kwaika ati, ni ciyanwa ku Nyamuanga, 12Mutace:kirisya akorere esemwene amwi nyiramwene musango gwone. 13Omumaramo omusango gwa Nyamuanga ku byecikuru byemwe binu mweigisisye. Na ka omukora emisango ejindi myafu eje:ja:bo ejo.
14Nasuba okubirikira ecise, nababwira ati, Nimunyungwe bo:ne musombo:kerwe. 15Citario ci:nu cinu ecingira mu mu:nu cinu ecitura okumujabiasya. Nawe binu ebiso:ka mu mu:nu, ebyo nibyo ebijabiasya omu:nu. 16(Omu:nu wo:ne akaba na matwi go kungwa, nongwe.) 17Wejire aso:ka mu bise nengira mu nyumba, abe:igisibwa bae nibamubu:sya ecijekekanyo eco. 18Na-babu:sya ati, ?Ka nemwe one mutakusombo:kerwa? ?Mutakumenya ati, co:ne cinu ciri anja cikengira mu mu:nu citakutura kumujabiasya? 19Okuba citakwingira mu mutima gwae, tari munda yae, niciitiŋana nicigenda mu runio. A:ikire kutyo ne:sya ebiryo byone. 20Na:ika ati, Cinu eciso:ka mu mu:nu nico ecijabiasya omu:nu. 21Okuba mu mitima ja ba:nu, nimwo agaso:ka ame:ganirisyo amabi:bi, no busengi no kwiba, no kwita, no kuromera, 22Na inamba imbi:bi, no burangirangi, no rurimi, no buyerwa, no butima, no kufuma, ne cigundu, no butamutamu. 23Ebibi:bi ebyo byone ebiso:ka munda, nibijabiasya omu:nu.
Omugasi via Surofenisa
(Mt. 15:21-28)
24Ne:muka, naso:kayo nagenda mu ca:ro ca Turo na Sidoni. Nengira mu nyumba ariga atakwenda mu:nu amenye, nawe ataturire kwiibisa. 25Nawe ariga:rio omugasi unu ariga no muyasya wae unu ariga:ri no musambwa omubi:bi. Oyo ejire ongwa ati ariwo, na:ja nagwa mu maguru gae. 26Mbe omugasi uyo ariga Mugiriki wa ruganda rwa Basurofenisa. Namuremberesya okuirisya omusambwa ku muyasya wae. 27Yesu namubwira ati, Siga aba:na batangate okwiguta, okuba kute:ire kugega ebiryo bya ba:na no kubyesera jimbwa. 28Omwene naindura namubwira ati, Nikwo kutyo, Ratabugenyi, nawe jimbwa one ejirya obuungururu bwa ba:na mwifu:fu rya imeja. 29Namubwira ati, Kurwo musango ogwo, genda. Omusamba gwaso:kere ku muyasya wao. 30Nasuba ika ewae, nasanga omuyasya wae ama:mire ku buriri, no musambwa nasanga gwamuso:kereko.
Omwigare wa matwi naosibwa
(Mt. 15:29-31)
31Naso:ka rindi mu ca:ro ca Turo, naitiŋana mu ca:ro ca Sidoni na aagati ye ca:ro ca Dekapoli, nakinga ku nyanja ya Galilaya. 32Nibamure:tera omwigare wa matwi unu ariga nabojaboja, nibamuremberesya amuteko okuboko kwae. 33Namuso:sya mu cise bwitebe, natu:ra ebyara byae mu matwi gae, nafubura amafwefu, namukunia ku rurimi. 34Narore:rera inguru mu rwire, nasabwa, namubwira ati, Efata, nikwo kwaika ati, Iguka. 35Amatwi gae nige:guka, ecisina co rurimi rwae nicisurumuka, na:ika kisi. 36Nabakomeresya basige kubwirako mu:nu. Nawe rwa kutyo ongesisye okubaingirira, nyaburiko nibongesya okura:sya ejo. 37Ni-bataŋaŋara muno niba:ika ati, Kakora byone kisi. Ke:gura abe:gare ba matwi, ka ka:ikya na bajibi.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Kijita New Testament © The British and Foreign Bible Society and The Bible Society of Tanzania, 1960.