Sơnròp Gơlik Gơs 20
20
Abraham mơ bơtau Amalek
1Bơh hơ̆ Abraham lòt tus hơ Negep mơ ơm digùl Kades mơ Sur, khai ơm ing tòm Gerar. 2#Sơnròp 12:13; 26:7.Abraham đơs bơh Sara, bau khai lah: “Khai la oh ùr añ.” Abimelek, bơtau lơgar Gerar dê, sồr cau kup Sara. 3Mơ tòm bơta mpau, Yàng Tom Trồ tơlik mat mơ bơtau Abimelek mơ đơs lah: “Do, mê rơp chơt bơh cau ùr mơ mê neh kup, bơh khai neh gơs bau rau.”
4Bơtau Abimelek òhềt tus rềp mơ cau hơ̆, gen đơs lah: “Ơ Yàng, Yàng rơp tơnroh jơh dô nơm làng bol song ring sơl ơ? 5Cau hơ̆ ò di neh đơs mơ añ lah: ‘Ne la oh ùr añ jê’ sơl ơ? Mơ ngan cau ùr ò di neh đơs lah: ‘Hơ̆ la bi klau añ’ sơl ơ? Añ neh lơh bơta do mơ nùs song ngan mơ tê sàng goh añ jê.” 6Tòm bơta mpau, Yàng Tom Trồ đơs tai lah: “Añ git mê lơh bơta hơ̆ mơ nùs song, tài bơh hơ̆ Añ kơryan mê tìs glài mơ Añ, mơ ò ai mê ƀư di cau ùr hơ̆. 7Tŭ do, ai tĕ wơl cau hơ̆ bau klau khai in bơh bau klau khai la dô nă cau gơnoar hwơr; khai rơp hòi dan mê in gen mê rơp kis. Mơ dilah mê ò ai khai in wơl, gen git tĕ lah mê mơ jơh ală cau bal mơ mê ngan rơp chơt.”
8Bơtau Abimelek guh bơh drim, hòi ală cau dĭ khai tus, yal wơl jơh ală bơta hơ̆, gen bol khai rngòt ngan. 9Gen Abimelek hòi Abraham mơ đơs lah: “Ñchi mê neh lơh di añ taih? Ñchi bơta añ neh lơh tìs mơ mê, mơ mê lơh añ mơ jơh lơgar añ in gơlik gơs glài dờng taih? Mê neh lơh di añ ală broă ò di pal lơh.”
10Bơtau Abimelek đơs tai mơ Abraham lah: “Ñchi bơta mê neh kơlôi tàng lơh behơ̆ taih?” 11Abraham ho lah: “Añ kơlôi lah tòm lơgar do ngan ò gơs cau rngòt di Yàng Tom Trồ gen bol khai rơp bơh bau añ mơ tơnchơt añ. 12Mơ khai kung ngan la oh ùr añ, kòn dô nă bèp mơ mè is, mơ añ neh bau mơ khai. 13Tŭ Yàng Tom Trồ lơh añ in nrah nring ngài bơh hìu bèp añ, gen añ neh đơs mơ khai lah: ‘Do la bơta nđàc ai rơp lơh añ in: Tiah lơi bol he rơp tus, đơs tĕ bơh añ: Hơ̆ la bi klau añ.’”
14Gen bơtau Abimelek cèng belàt mơ kơnrồ, ală dĭ ùr dĭ klau ai Abraham in, mơ ai wơl Sara bau khai dê, 15mơ đơs lah: “Do, lơgar añ la di đap mê, mê kòñ tiah lơi gen mê ơm tềng hơ̆.” 16Mơ bơtau đơs mơ Sara lah: “Do, añ ai bi klau ai in dô rbô priă, jền priă do ai nàng ngui be dô pang bài kơrnìng kìng mat bơh jơh ală broă neh gơlik gơs di ai, di đap jơh ală cau ai la song ring.”
17Abraham hòi dan mơ Yàng Tom Trồ gen Kơnràñ sơmbòi bơtau Abimelek, bau khai, mơ ală dĭ ùr khai in, behơ̆ bol khai deh kòn wơl. 18Bơh lài Yàng Jehôwa neh lơh kơnền jơh hìu nhă bơtau Abimelek tài bơh Sara, bau Abraham dê.
Currently Selected:
Sơnròp Gơlik Gơs 20: KPM2018
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2018 United Bible Societies. All rights reserved.
Sơnròp Gơlik Gơs 20
20
Abraham mơ bơtau Amalek
1Bơh hơ̆ Abraham lòt tus hơ Negep mơ ơm digùl Kades mơ Sur, khai ơm ing tòm Gerar. 2#Sơnròp 12:13; 26:7.Abraham đơs bơh Sara, bau khai lah: “Khai la oh ùr añ.” Abimelek, bơtau lơgar Gerar dê, sồr cau kup Sara. 3Mơ tòm bơta mpau, Yàng Tom Trồ tơlik mat mơ bơtau Abimelek mơ đơs lah: “Do, mê rơp chơt bơh cau ùr mơ mê neh kup, bơh khai neh gơs bau rau.”
4Bơtau Abimelek òhềt tus rềp mơ cau hơ̆, gen đơs lah: “Ơ Yàng, Yàng rơp tơnroh jơh dô nơm làng bol song ring sơl ơ? 5Cau hơ̆ ò di neh đơs mơ añ lah: ‘Ne la oh ùr añ jê’ sơl ơ? Mơ ngan cau ùr ò di neh đơs lah: ‘Hơ̆ la bi klau añ’ sơl ơ? Añ neh lơh bơta do mơ nùs song ngan mơ tê sàng goh añ jê.” 6Tòm bơta mpau, Yàng Tom Trồ đơs tai lah: “Añ git mê lơh bơta hơ̆ mơ nùs song, tài bơh hơ̆ Añ kơryan mê tìs glài mơ Añ, mơ ò ai mê ƀư di cau ùr hơ̆. 7Tŭ do, ai tĕ wơl cau hơ̆ bau klau khai in bơh bau klau khai la dô nă cau gơnoar hwơr; khai rơp hòi dan mê in gen mê rơp kis. Mơ dilah mê ò ai khai in wơl, gen git tĕ lah mê mơ jơh ală cau bal mơ mê ngan rơp chơt.”
8Bơtau Abimelek guh bơh drim, hòi ală cau dĭ khai tus, yal wơl jơh ală bơta hơ̆, gen bol khai rngòt ngan. 9Gen Abimelek hòi Abraham mơ đơs lah: “Ñchi mê neh lơh di añ taih? Ñchi bơta añ neh lơh tìs mơ mê, mơ mê lơh añ mơ jơh lơgar añ in gơlik gơs glài dờng taih? Mê neh lơh di añ ală broă ò di pal lơh.”
10Bơtau Abimelek đơs tai mơ Abraham lah: “Ñchi bơta mê neh kơlôi tàng lơh behơ̆ taih?” 11Abraham ho lah: “Añ kơlôi lah tòm lơgar do ngan ò gơs cau rngòt di Yàng Tom Trồ gen bol khai rơp bơh bau añ mơ tơnchơt añ. 12Mơ khai kung ngan la oh ùr añ, kòn dô nă bèp mơ mè is, mơ añ neh bau mơ khai. 13Tŭ Yàng Tom Trồ lơh añ in nrah nring ngài bơh hìu bèp añ, gen añ neh đơs mơ khai lah: ‘Do la bơta nđàc ai rơp lơh añ in: Tiah lơi bol he rơp tus, đơs tĕ bơh añ: Hơ̆ la bi klau añ.’”
14Gen bơtau Abimelek cèng belàt mơ kơnrồ, ală dĭ ùr dĭ klau ai Abraham in, mơ ai wơl Sara bau khai dê, 15mơ đơs lah: “Do, lơgar añ la di đap mê, mê kòñ tiah lơi gen mê ơm tềng hơ̆.” 16Mơ bơtau đơs mơ Sara lah: “Do, añ ai bi klau ai in dô rbô priă, jền priă do ai nàng ngui be dô pang bài kơrnìng kìng mat bơh jơh ală broă neh gơlik gơs di ai, di đap jơh ală cau ai la song ring.”
17Abraham hòi dan mơ Yàng Tom Trồ gen Kơnràñ sơmbòi bơtau Abimelek, bau khai, mơ ală dĭ ùr khai in, behơ̆ bol khai deh kòn wơl. 18Bơh lài Yàng Jehôwa neh lơh kơnền jơh hìu nhă bơtau Abimelek tài bơh Sara, bau Abraham dê.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2018 United Bible Societies. All rights reserved.