UMATEYU 4
4
Ukuhendwa kukaYesu entlango
(UMarko 1:12,13; uLuka 4:1-13)
1Waza uYesu wenyuswa nguMoya, wasiwa entlango, ukuba ahendwe nguMtyholi.
2Uthe akuba ezilé ukudla iimini ezimashumi mané nobusuku obumashumi mané, ekupheleni kwazo walamba. 3Efikile ke umhendi kuye, uthe, Ukuba unguNyana kaThixo, yitsho la matye abe zizonka. 4Waphendula ke yena wathi, Kubhaliwe kwathiwa, Akaphili ngasonka sodwa umntu, uphila ngamazwi onke aphuma emlonyeni kaThixo.
5Eze uMtyholi, amthabathe amse kuwo umzi ongcwele, ammise eluchochoyini lwetempile, athi ke kuye, 6Ukuba unguNyana kaThixo, ziphose ezantsi; kuba kubhaliwe kwathiwa,
Úya kuziwisela umthetho ngawe izithunywa zakhe zasemazulwini,
Zikufukule ngezandla,
Hleze ubetheke ngonyawo lwakho etyeni.
(INdum. 91:11)
7Wathi uYesu kuye, Kubhaliwe kanjalo kwathiwa, Uze ungayihendahendi iNkosi uThixo wakho.
8Ubuya uMtyholi amthabathe amse entabeni ephakame kakhulu, ambonise zonke izikumkani zehlabathi, nozuko lwazo; 9athi kuye, Zonke ezi zinto ndokunika, ukuba uthe wawa phantsi, waqubuda kum. 10Aze athi uYesu kuye, Suka umke, Sathana; kuba kubhaliwe kwathiwa, YiNkosi uThixo wakho oya kuqubuda kuyo, ukhonze yona yodwa. 11Andule ke uMtyholi ukumyeka; nanko kufika izithunywa zezulu zimlungiselela.
UYesu eGalili. Abafundi bakhe bokuqala
(UMarko 1:14-20; uLuka 4:14,15; 5:1-11)
12Ke kaloku, akuva uYesu ukuba uYohane unikelwe entolongweni, wemka waya kwelaseGalili. 13Wathi esukile eNazarete, weza wahlala eKapernahum engaselwandle, emideni yakwaZebhulon neyakwaNafetali; 14ukuze kuzaliseke okwathethwayo ngoIsaya umprofeti, esithi,
15Umhlaba wakwaZebhulon nomhlaba wakwaNafetali,
Wendlela yaselwandle, phesheya kweYordan,
WaseGalili yeentlanga,
16Abantu abo bàhleli ebumnyameni
Babonè ukukhanya okukhulu;
Nâbò bahleli ezweni nasethunzini lokufa
Bavelelwe kukukhanya.
(UIsaya 9:1,2)
17Waqala oko uYesu ukumemeza, esithi, Guqukani, kuba ubukumkani bamazulu busondele.
18Uthe ke uYesu, ehamba ngaselwandle lwaseGalili wabona abazalwana ababini, uSimon ekuthiwa nguPetros noAndreya, umzalwana wakhe, bephosa umnatha elwandle; kuba babengababambisi beentlanzi. 19Athi ke kubo, Yizani apha nindilandele; ndonenza nibe ngababambisi babantu. 20Bayishiya kwaoko iminatha, bamlandela ke.
21Uhambele phambili esuka apho, wabona abanye abazalwana ababini, uYakobi lo kaZebhedi, noYohane umzalwana wakhe, besemkhombeni noZebhedi uyise, belungisa iminatha yabo; wababiza ke. 22Bawushiya kwaoko umkhombe noyise, bamlandela ke.
23Waye uYesu elihamba lonke elaseGalili, efundisa ezindlwini zabo zesikhungu, evakalisa iindaba ezilungileyo zobukumkani, ephilisa izifo zonke nezikhuhlane zonke ebantwini. 24Lwaphuma ke udumo lwakhe lwaya kulo lonke elaseSiriya,• babazìsa kuye bonke abafayo, bebanjwe zizifo ngezifo naziintuthumbo ngeentuthumbo, nabaphethwe ziidemon, nabanesathuthwane, nabanedumbe, wabaphilisa ke. 25Walandelwa zizihlwele ezininzi zivela kwelaseGalili, naseDekapoli, naseYerusalem, nakwelakwaYuda, naphesheya kweYordan.
Currently Selected:
UMATEYU 4: XHO75
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Bible Society of South Africa 1975. Used with permission. All rights reserved.
UMATEYU 4
4
Ukuhendwa kukaYesu entlango
(UMarko 1:12,13; uLuka 4:1-13)
1Waza uYesu wenyuswa nguMoya, wasiwa entlango, ukuba ahendwe nguMtyholi.
2Uthe akuba ezilé ukudla iimini ezimashumi mané nobusuku obumashumi mané, ekupheleni kwazo walamba. 3Efikile ke umhendi kuye, uthe, Ukuba unguNyana kaThixo, yitsho la matye abe zizonka. 4Waphendula ke yena wathi, Kubhaliwe kwathiwa, Akaphili ngasonka sodwa umntu, uphila ngamazwi onke aphuma emlonyeni kaThixo.
5Eze uMtyholi, amthabathe amse kuwo umzi ongcwele, ammise eluchochoyini lwetempile, athi ke kuye, 6Ukuba unguNyana kaThixo, ziphose ezantsi; kuba kubhaliwe kwathiwa,
Úya kuziwisela umthetho ngawe izithunywa zakhe zasemazulwini,
Zikufukule ngezandla,
Hleze ubetheke ngonyawo lwakho etyeni.
(INdum. 91:11)
7Wathi uYesu kuye, Kubhaliwe kanjalo kwathiwa, Uze ungayihendahendi iNkosi uThixo wakho.
8Ubuya uMtyholi amthabathe amse entabeni ephakame kakhulu, ambonise zonke izikumkani zehlabathi, nozuko lwazo; 9athi kuye, Zonke ezi zinto ndokunika, ukuba uthe wawa phantsi, waqubuda kum. 10Aze athi uYesu kuye, Suka umke, Sathana; kuba kubhaliwe kwathiwa, YiNkosi uThixo wakho oya kuqubuda kuyo, ukhonze yona yodwa. 11Andule ke uMtyholi ukumyeka; nanko kufika izithunywa zezulu zimlungiselela.
UYesu eGalili. Abafundi bakhe bokuqala
(UMarko 1:14-20; uLuka 4:14,15; 5:1-11)
12Ke kaloku, akuva uYesu ukuba uYohane unikelwe entolongweni, wemka waya kwelaseGalili. 13Wathi esukile eNazarete, weza wahlala eKapernahum engaselwandle, emideni yakwaZebhulon neyakwaNafetali; 14ukuze kuzaliseke okwathethwayo ngoIsaya umprofeti, esithi,
15Umhlaba wakwaZebhulon nomhlaba wakwaNafetali,
Wendlela yaselwandle, phesheya kweYordan,
WaseGalili yeentlanga,
16Abantu abo bàhleli ebumnyameni
Babonè ukukhanya okukhulu;
Nâbò bahleli ezweni nasethunzini lokufa
Bavelelwe kukukhanya.
(UIsaya 9:1,2)
17Waqala oko uYesu ukumemeza, esithi, Guqukani, kuba ubukumkani bamazulu busondele.
18Uthe ke uYesu, ehamba ngaselwandle lwaseGalili wabona abazalwana ababini, uSimon ekuthiwa nguPetros noAndreya, umzalwana wakhe, bephosa umnatha elwandle; kuba babengababambisi beentlanzi. 19Athi ke kubo, Yizani apha nindilandele; ndonenza nibe ngababambisi babantu. 20Bayishiya kwaoko iminatha, bamlandela ke.
21Uhambele phambili esuka apho, wabona abanye abazalwana ababini, uYakobi lo kaZebhedi, noYohane umzalwana wakhe, besemkhombeni noZebhedi uyise, belungisa iminatha yabo; wababiza ke. 22Bawushiya kwaoko umkhombe noyise, bamlandela ke.
23Waye uYesu elihamba lonke elaseGalili, efundisa ezindlwini zabo zesikhungu, evakalisa iindaba ezilungileyo zobukumkani, ephilisa izifo zonke nezikhuhlane zonke ebantwini. 24Lwaphuma ke udumo lwakhe lwaya kulo lonke elaseSiriya,• babazìsa kuye bonke abafayo, bebanjwe zizifo ngezifo naziintuthumbo ngeentuthumbo, nabaphethwe ziidemon, nabanesathuthwane, nabanedumbe, wabaphilisa ke. 25Walandelwa zizihlwele ezininzi zivela kwelaseGalili, naseDekapoli, naseYerusalem, nakwelakwaYuda, naphesheya kweYordan.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Bible Society of South Africa 1975. Used with permission. All rights reserved.