IINDUMISO 137

137

Ubukrakra bentlalo yokuthinjwa eBhabheli

NgaseMilanjeni• yaseBhabheli

1sahlala phantsi khona, salila,

Sakùyikhumbula iZiyon.

2Emingculubeni phakathi kwayo

Sazixhoma khona iihadi zethu.

3Ngokuba khona apho abathimbi bethu basibiza

Izango zengoma;

Abathuthumbisi bethu basibiza uvuyo,

Besithi, Sivumeleni ingoma yaseZiyon.

4Singáthini na ukuvuma ingoma kaYehova

Emhlabeni wolunye uhlanga?

5Ukuba ndithe ndakulibala, Yerusalem,

Masinyèle isandla sam sokunene.

6Ulwimi lwam malunamathele ekhuhlangubeni lam,

Ukuba andithanga ndikukhumbule;

Ukuba andithanga ndiyinyuse iYerusalem

Ngaphezu kwemivuyo yam yonke.

7Bakhumbule, Yehova, oonyana bakaEdom,

Umhla weYerusalem,

Abo bathi, Yidilizeni, yidilizeni

Kuse elusekweni lwayo.

8Ntombi inguBhabheli, wena unyashiweyo;

Hayi, uyolo lwalowo ukubuyekezayo ukuphatha kwakho

Osiphethe ngako!

9Hayi, uyolo lwalowo ubabambayo abahlekeze abantwana bakho

Engxondorheni!

Currently Selected:

IINDUMISO 137: XHO75

Qaqambisa

Copy

Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena

Funda Ngakumbi Malunga IZIBHALO EZINGCWELE