IINDUMISO 97
97
UThixo ulawula konke
1Ngukumkani *uNdikhoyo, uyalawula;
malichwayite ke ngoko ihlabathi, nani ziqithi vuyani!
2Ugqubuthele ngentshinyela yelifu,
nesithokothoko sobumnyama simsithile;
ngukumkani ogweba kakuhle, ngobulungisa.
3Kulephuz' umlilo ngaphambi kwakhe,
uzitshise macal' onke iintshaba zakhe.
4Imibane yakhe imenyezela kutsho kukhany' ehlabathini;
batsho bangcangcazele kukoyika bakuyibon' abemi balo.
5Zitsho zinyibilik' iintaba phambi koNdikhoyo, zixel' umthwebeba;
nditheth' ingangalala yehlabathi liphela.
6Sibonakalis' ubulungisa bakhe isibhakabhaka,
ze zonk' iintlanga ziluqond' udumo lwakhe.
7Bahlala bedana bonk' abanqula imifanekiso;
nditshw' abo baqhayisa ngemifanekiso eqingqiweyo;
kuba zonk' *izithixo zikhahlela kuNdikhoyo.
8Beva, bavuya abantu baseZiyon,
nezixeko zakwaJuda zachwayita,
ngenxa yezigqibo zakho, Thixo.
9Kuba wena, Ndikhoyo, uyingangalal' ehlabathini;
uyingqonyela yazo zonke izithixo.
10Nina bamthandayo uNdikhoyo, buthiyeni ububi;
kaloku yena uyabagcina abantu bakhe,
abahlangule esandleni sabantw' abakhohlakeleyo.
11Ilitha lokukhanya lithe thaa phezu kwamalungisa;
banemincili abantw' abantliziyo zinyulu.
12Gcobani nonke malungisa,
nibulel' uNdikhoyo ngezintw' ezintl' anenzele zona.
Currently Selected:
IINDUMISO 97: XHO96
Qaqambisa
Share
Copy
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fxh.png&w=128&q=75)
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Bible Society of South Africa 1996. Used with permission. All rights reserved.
IINDUMISO 97
97
UThixo ulawula konke
1Ngukumkani *uNdikhoyo, uyalawula;
malichwayite ke ngoko ihlabathi, nani ziqithi vuyani!
2Ugqubuthele ngentshinyela yelifu,
nesithokothoko sobumnyama simsithile;
ngukumkani ogweba kakuhle, ngobulungisa.
3Kulephuz' umlilo ngaphambi kwakhe,
uzitshise macal' onke iintshaba zakhe.
4Imibane yakhe imenyezela kutsho kukhany' ehlabathini;
batsho bangcangcazele kukoyika bakuyibon' abemi balo.
5Zitsho zinyibilik' iintaba phambi koNdikhoyo, zixel' umthwebeba;
nditheth' ingangalala yehlabathi liphela.
6Sibonakalis' ubulungisa bakhe isibhakabhaka,
ze zonk' iintlanga ziluqond' udumo lwakhe.
7Bahlala bedana bonk' abanqula imifanekiso;
nditshw' abo baqhayisa ngemifanekiso eqingqiweyo;
kuba zonk' *izithixo zikhahlela kuNdikhoyo.
8Beva, bavuya abantu baseZiyon,
nezixeko zakwaJuda zachwayita,
ngenxa yezigqibo zakho, Thixo.
9Kuba wena, Ndikhoyo, uyingangalal' ehlabathini;
uyingqonyela yazo zonke izithixo.
10Nina bamthandayo uNdikhoyo, buthiyeni ububi;
kaloku yena uyabagcina abantu bakhe,
abahlangule esandleni sabantw' abakhohlakeleyo.
11Ilitha lokukhanya lithe thaa phezu kwamalungisa;
banemincili abantw' abantliziyo zinyulu.
12Gcobani nonke malungisa,
nibulel' uNdikhoyo ngezintw' ezintl' anenzele zona.
Currently Selected:
:
Qaqambisa
Share
Copy
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Bible Society of South Africa 1996. Used with permission. All rights reserved.