DATU MITA IMITÁNEA 8
8
Poti Dodandian i Tuhan dinia kon Baḷoi Tuhan
(Taw.2. 5:2–6:2)
1 #
Sam.2. 6:12-16; Taw.1. 15:25-29 Nopaḷut mako kon tua ki Datu Salomo nopotabá kon bayongan itoi in suku bo inanakan nongkon bangusa in Israel namangoi kon inia kon Yerusalem sin momamping kon Poti Dodandian i Tuhan nongkon Sion, kotá i Daud, pobayá in Baḷoi Tuhan. 2#Im. 23:34 Dá namangoidon in mosia komintan kon Singgai Moḷoben in Pondok Daun kon buḷan Etanim. 3Naonda in bayongan itoi tatua noyosipun, imang mita nobuat kon Poti Dodandian tatua, 4bo dinia kon Baḷoi i Tuhan. Ḷoḷaigan i Tuhan bo bayongan in pakakatnea pinamping doman in imang mita bo in intau in Lewi kon Baḷoi Tuhan. 5Ki Datu Salomo bo bayongan rayat in Israel noyosipun kon tayowon in Poti Dodandian tatua bo noposumba kon i Tuhan in domba bo sapi inta diádon koiapan in kobayongnea. 6Nopaḷut mako kon tua imang mita nodia kon Poti Dodandian tatua pinotuot kon Baḷoi Tuhan bo inukat kon ḻimonag in patong mita in kerub kon bonu in Yuang Totok Motusi. 7Koḻikip in patong mita tatua nobuká noioḻiung kon poti tatua takin kayu mita pononombuḻigan. 8Kayu pononombuḻigan tatua totuu mobanat, dá popodnea mita in koontongan nongkon tayowon in Yuang Totok Motusi. (Umaai naa umuranpabí kon tua in kayu mita tatua.)
9 #
Ul. 10:5
Kon bonu in Poti Dodandian tatua diábí in ibanea mako koḻikudbí in batu doyowa. Batu mita tatua in binonu i Musa kon poti tatua tungkuḷ kon Buḷud in Sinai, kon dodai in ki Tuhan nomia kon dodandian takin bangusa in Israel kon tungkuḷ in mosia kon binayáan nongkon Mesir minayá in butá in Kanaan.
10Kon dodai in imang mita iḻumuai nongkon Baḷoi Tuhan tatua indoianmai daḻídon in baḷoi tatua kinokoḷoban in goḷom. 11#Iḷn. 40:34-35 Goḷom tatua mopouḻi-uḻinagdon in kamuliaan in kinoangoian i Tuhan dá imang mita tatua in diádon motaau tumuot bui mogaid kon oaidan monia. 12#Mzm. 18:12, 97:2 Dá nosambayangdon in ki Salomo, kainia,
“Iko inta nonampat kon mata in singgai kon ḷangit, o Tuhan.
Tongá moibo-ibogbí in Iko mogutun kon bonu in sindip in goḷom.
13Tanaa in pinosindogkudon kon ini-Mu in baḷoi inta mogaga,
inta pogutunan-Mu mononoi.”
Tosingogon i Datu Salomo kon rayat
(Taw.2. 6:3-11)
14Naonda in nosambayang mako ki Datu Salomo in nobobuidon kon bayongan in rayat inta sinimindog mako kon tua, bo nopoigum sinbá ki Allah momarakat kon i monia. 15-16#Sam.2. 7:4-11; Taw.1. 17:3-10 Sia in nosingog, “Koḻipod in ki Tuhan in nodandidon kon i amáku ki Daud nanaa, ‘Pinangkoi Akuoi nodia kon umat-Ku iḻumuai nongkon Mesir, kon bayongan in butá in Israel diábí in tobatúmai in kotá inta piniḻí-Ku nobaḻí tampat poposindogan in baḷoi tampat poibadaan kon i-Nakó. Táe Iko, Daud, piniḻí-Ku sin momarenta kon umat-Ku.’ Dinayo-dayowdon in ki Tuhan Allah in Israel inta ain nogintompod kon dandi-Nea tatua!”
17Noiduduimai kon tua ki Salomo in nosingog, “Ki amáku ki Daud ain nonomayá kon moposindog in baḷoi pososumbaan kon i Tuhan Allah in Israel. 18#Sam.2. 7:1-3; Taw.1. 17:1-2 Táe ki Tuhan in noguman kon inia, ‘Mopiabí in makusudmu tatua. 19#Sam.2. 7:12-13; Taw.1. 17:11-12 Tongá, deemanbí iko, táe ki adímubí in moposindog in baḷoi-Ku tatua.’
20Tanaa in ki Tuhan in nogintompodon kon dandi-Nea. Akuoi ain nobaḻí datu in Israel nomaḷui kon i amáku, bo akuoi in noposindog domandon in baḷoi pososumbaan kon i Tuhan, Allah in Israel. 21Kon bonu in Baḷoi Tuhan tatua aindon sinadiaku in tampat in Poti Dodandian inta pinotagúan kon batu inta pinomaisan kon dodandian i Tuhan takin mogoguyang naton kon tungkuḷ in Sia nodia kon i monia iḻumuai nongkon Mesir.”
Sambayang i Salomo
(Taw.2. 6:12-42)
22Nopaḷut mako kon tua, kon tayowon in rayat inta kon tua, ki Salomo sinimindog sinumayow kon mezbah bo notonggó kon ḻimanea doyowa nosimpaḷ 23bodongka nosambayang, “Tuhan, Allah in Israel! Kon ḷangit andeka kon butá diábí in ná Iko! Iko in nogintotuu kon dandi-Mu bo nopoontong in tabi-Mu kon umat-Mu inta mosatia bo motoindudui takin ḻimbatú in gina kon ini-Mu. 24Iko in nogintompodon kon dandi-Mu kon i amáku ki Daud. Onu inta pinodandi-Mu tatua aindon inaidan-Mu singgai in naa. 25-26#Dat.1. 2:4 Iko in nodandi domandon kon i amáku kon aka buínea totu-totuu motoindudui kon ini-Mu ná sia, dá umuranbí oyúon in intau tobatú nongkon buínea in mobaḻí datu kon Israel. Tanaa, o Tuhan Allah in Israel, intompodaidon komintan in bayongan inta ain pinodandi-Mu kon i amáku ki Daud, mogogundoi-Mu tua.
27 #
Taw.2. 2:6
Tongá, o Allah, totuu degá kon Iko in mogutun kon butá naa? Umpaka ḷangit inta námai tua in kobanat bo kooḷadnea yo diábí tugatan kon ini-Mu, apapa doman baḷoi inta pinosindogku tanaa! 28Oo Tuhan Allahku, akuoi naa in mogogundoi-Mu! Tongá indongogaipa kaasí in sambayangku, bo duduiaipa in oigumku singgai in naa. 29-30#Pin. 12:11 Poigumon mako singgai doḷom Iko moḷukad kon baḷoi tanaa inta ain piniḻí-Mu nobaḻí tampat pososumbaan kon ini-Mu. Igumon mako nongkon tampat pogogutunan-Mu kon soroga Iko mokidongog bo mongampung kon inakó takin umat-Mu aka kami mamangoi tumayow kon baḷoi tanaa bo mosambayang kon ini-Mu.
31Aka intau tobatú pinoponapudan kon nogaid kon taḷá kon intau ibanea bo dinia kon mezbah-Mu kon bonu in baḷoi pososumbaan tanaa sin mongibot kon sia in diá kotaḷá, 32o Tuhan, igumon mako indongogan-Mudon nongkon soroga bo tantúdon in pelekara in bobantung-Mu mita tanaa. Hukum inta kotaḷá podudui in oaidnea bo poḷuatdon kon hukuman in intau inta diá kotaḷá.
33Aka umat-Mu Israel taḷowon in musung-Nea mita popisí in mosia nomia kon dosa, bo mosia in nobuidon mangoi kon ini-Mu bo mohoromat kon ini-Mu saḷaku Tuhan, onda intua mamangoi kon baḷoi pososambayangan tanaa poḷat mosambayang mopoigum in ampung kon ini-Mu, 34yo igumon mako indongogan-Mupa kon soroga kaasí in mosia. Igumon mako in ampungan-Mupa in dosa in umat-Mu tanaa, bo diaan in mosia mobui kon butá inta ain inogoi-Mu kon mogoguyang monia.
35Aka umat-Mu baradosaan kon ini-Mu bo hukumon-Mu in mosia pongin diá mobogoi in uyan bo mosia in mogogaidon in mogaid kon dosa bo mohoromatdon kon ini-Mu saḷaku Tuhan, onda intua tumayowdon kon baḷoi pososumbaan tanaa poḷat mosambayang kon ini-Mu, 36igumon mako in nongkon soroga in Iko moibogpa mokidongog kon i monia. Bo ampungaipa kaasí in dosa in umat-Mu Israel bo in datu monia. Tundúdon in mosia momia kon onu inta moitutui. Mopaḷut mako kon tua, o Tuhan, popoangoidon in uyan kon butá-Mu tanaa, butá inta inogoi-Mu kon umat-Mu sin mobaḻí kapunyaan monia mononoi.
37Aka butá tanaa koantugan in malarat in gogoy ande kotugatan in yampoi, bo pinomuḷa mita poguyaaton in tompot bo patú in singgai, mahaḷuk andeka pangkoḷá, andeka aka umat-Mu tubuon in musung, andeka kotugatan in takit, 38igumon mako moibogpa in Iko mokidongog kon sambayang monia. Aka nongkon sigad in umat-Mu Israel oyúon in takin kuyang in gina mosambayang kon ini-Mu poḷat motonggó kon ḻimanea popotundú ná baḷoi pososumbaan tanaa, 39yo igumon mako in Iko nongkon tampat-Mu kon soroga moibogpa mokidongog bo mongampung poḷat motuḷung kon i monia. Tongábí Iko in nonotaau kon bonu in gina in intau. Tuamai in popoaidon kon intau podudui doman kon oaid monia tontaní, 40sinbá umat-Mu in umuran motoindudui kon ini-Mu kon bonu in mosia mogutun kon butá inta inogoi-Mu kon mogoguyang nami.
41-42Aka intau ango-angoi tobatú kon butá inta moyayú mokodongogdon kon kokokawasa-Mu bo inta mokoherang mita inta ain pinomia-Mu kon umat-Mu, bo sia in momangoi in baḷoi pososumbaan tanaa sin mohoromat kon ini-Mu bo mosambayang kon ini-Mu, 43yo igumon mako in nongkon tampat-Mu kon soroga moibogpa in Iko mokidongog kon sambayangnea bo mobogoipa doman kon onu inta pinoigumnea. Pongin natua dá bayongan in bangusa kon dunia naa in monotaaudon kon ini-Mu bo motoindudui kon ini-Mu ná umat-Mu Israel. Kotaauandon monia kon baḷoi inta pinosindogku tanaa in tampatbí pososumbaan kon ini-Mu.
44Aka Iko momarenta kon umat-Mu mayá moparang monayow kon musung, bo kon ondaka in mosia, mosia in tumayow kon kotá inta piniḻí-Mu tanaa bo mosambayang tumayow kon baḷoi tanaa inta ain pinosindogku kon ini-Mu, 45igumon mako kon soroga in Iko mokidongogdon kon sambayang monia tatua, bo mopountung kon i monia.
46Aka umat-Mu binaradosadon kon ini-Mu – totuu kon diábí in tobatúmai in intau in diá binaradosa – bo popisí in torú-Mu pinomayá-Mudon mako in mosia sinaḷow in musung, bo dinia nobaḻí intau inta sinokodomok kon parang pinobayá in butá ibanea inta moyayú andeka inta modiug, 47igumon mako in Iko in moibog mokidongog kon sambayang monia. Aka kon butá tatua bo taḷaandon monia in dosa mita monia, bo mosambayang kon ini-Mu poḷat doman mongaku kon mosia in binaradosa bo nogaidon kon inta moraat, yo indongogaipa kaasí in sambayang monia, o Tuhan. 48Aka kon butá tatua gina monia in nobayagbí bo totu-totuu monaḷámai kon dosa mita monia, bo mosambayang kon ini-Mu poḷat tumayow kon butá tanaa inta inogoi-Mu kon mogoguyang nami, tumayow ná kotá inta piniḻí-Mu bo baḷoi pososumbaan inta ain pinosindogku kon ini-Mu naa, 49dá nongkon tampat-Mu kon soroga igumon mako Iko in moibogpa mokidongog kon sambayang monia bo monotabi kon i monia. 50Ampungaidon in bayongan dosa bo aid monia inta moraat kon ini-Mu, bo baḻídon in musung mita monia mopoaid in mopia kon i monia. 51Mosia in umat-Mubí tontaní inta ain dinia-Mu iḻumuai nongkon Mesir butá inta pinononggataan kon i monia.
52Igumon mako in Iko, o Tuhan Allah, umuran moindoimai kon umat-Mu Israel takin datunea. Bo moibogpa kaasí in Iko mokidongog kon sambayang monia pomuḷoi in mosia mokuani mokituḷung kon ini-Mu. 53Iko, o Tuhan Allah, ain nomiḻí kon i monia nongkon sigad in bayongan bangusa sin baḻíon umat-Mu tontaní, ná inta ain pinoguman-Mu kon i monia pinongin mogogundoi-Mu ki Musa, kon tungkuḷ in Iko nodia kon mogoguyang nami iḻumuai nongkon Mesir.”
Sambayang pinonimpod
54Naonda in ki Salomo nopaḷut mako nopoyaput in sambayang bo oigum kon tayowon in mezbah i Tuhan takin notonggó kon ḻima, sinimindogdon in sia 55bo takin singog noropot nopoigum kon barakat i Allah kon kopontingan in bayongan intau inta noyosipun kon tua, gumannea, 56#Pin. 12:10; Yos. 21:44-45 “Dinayo-dayowdon in ki Tuhan inta ain nobogoi in kobiagan notompia kon umat-Nea ná inta pinodandi-Nea pinongin i Musa mogogundoi-Nea. Bayongan inta mopia inta pinodandi-Nea ain inintompodan-Nea. 57Igumon mako in ki Tuhan Allah naton in koyota-yotakin naton ná doman kon mogoguyang naton. Igumon mako in diá taḷaan-Nea in kita. 58Igumon mako in baḻíon-Nea in kita intau mita inta mosatia kon i-Nia sinbá kita in umuran mobiag podudui in ibog-Nea bo motoindudui kon bayongan in hukum bo parenta inta ain inogoi-Nea kon mogoguyang naton. 59Igumon mako in ki Tuhan, Allah naton, umuran mokotorop kon sambayang bo oigum inta ain pinoyaputku tanaa kon i-Nia. Igumon mako in Sia umuran mopoontong in kopopia in gina-Nea kon umat in Israel bo kon datu monia takin mobogoi kon i monia kon onu inta paraḷu monia muḷoi in singgai. 60Pongin natua dá bayongan in bangusa kon dunia in monotaaudon kon tongábí ki Tuhan tontaní in Allah, diábí in ibanea mako. 61Moiko umat-Nea in mustibí umuran mosatia kon i Tuhan, Allah naton bo motoindudui kon hukum mita bo parenta-Nea mita ná inta pinomia monimu singgai naa.”
Pinonoguḷapatan kon Baḷoi Tuhan
(Taw.2. 7:4-10)
62Nopaḷut mako kon tua ki Datu Salomo bo bayongan in intau inta nosipun kon tua noposumba in kuruban kon i Tuhan. 63Inogoi nobaḻí kuruban dodamean, ki Salomo in noposumba in 22.000 in sapi bo 120.000 in domba. Natuata in ki datu takin bayongan rayat nomia kon upacara pinonoguḷapatan kon baḷoi i Tuhan. 64Singgai tatua doman ki Salomo nonoguḷapat kon dotá in yuak in palas inta kon tayowon in Baḷoi Tuhan tua. Onda intua kon palas tatua sia in noposumba in kuruban payongon, kuruban gandum bo ḷongó in mahaḷuk ogoi nobaḻí kuruban dodamean. Bayongan tua in pinosumbanea kon tua sin mezbah bitú diádon tugat pobonuan kon bayongan in sosumba tatua.
65Kon Baḷoi Tuhan tatua ki Salomo bo bayongan umat in Israel nomia kon rame Pondok Daun pitu nosinggai in koonggotnea. Totuu mobarong in intau inta noyosipun kon tua. Mosia in namangoi nongkon butá Hamat kon utuan nodapot in pinosigadan in Mesir kon toḷatan. 66Kon singgai noginwaḷu pinotabádon i Salomo nobui in intau mita tatua. Mosia komintan in nodayow kon inia bodongka nobui kon baḷoi monia takin pia in gina, sin bayongan in barakat inta ain inogoi i Tuhan kon mogogundoi-Nea ki Daud bo kon bangusa Israel umat-Nea.
Currently Selected:
DATU MITA IMITÁNEA 8: INOMOG
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Alkitab Singog In Mongondow Masa In Tanaa © Indonesian Bible Society, 2016.
DATU MITA IMITÁNEA 8
8
Poti Dodandian i Tuhan dinia kon Baḷoi Tuhan
(Taw.2. 5:2–6:2)
1 #
Sam.2. 6:12-16; Taw.1. 15:25-29 Nopaḷut mako kon tua ki Datu Salomo nopotabá kon bayongan itoi in suku bo inanakan nongkon bangusa in Israel namangoi kon inia kon Yerusalem sin momamping kon Poti Dodandian i Tuhan nongkon Sion, kotá i Daud, pobayá in Baḷoi Tuhan. 2#Im. 23:34 Dá namangoidon in mosia komintan kon Singgai Moḷoben in Pondok Daun kon buḷan Etanim. 3Naonda in bayongan itoi tatua noyosipun, imang mita nobuat kon Poti Dodandian tatua, 4bo dinia kon Baḷoi i Tuhan. Ḷoḷaigan i Tuhan bo bayongan in pakakatnea pinamping doman in imang mita bo in intau in Lewi kon Baḷoi Tuhan. 5Ki Datu Salomo bo bayongan rayat in Israel noyosipun kon tayowon in Poti Dodandian tatua bo noposumba kon i Tuhan in domba bo sapi inta diádon koiapan in kobayongnea. 6Nopaḷut mako kon tua imang mita nodia kon Poti Dodandian tatua pinotuot kon Baḷoi Tuhan bo inukat kon ḻimonag in patong mita in kerub kon bonu in Yuang Totok Motusi. 7Koḻikip in patong mita tatua nobuká noioḻiung kon poti tatua takin kayu mita pononombuḻigan. 8Kayu pononombuḻigan tatua totuu mobanat, dá popodnea mita in koontongan nongkon tayowon in Yuang Totok Motusi. (Umaai naa umuranpabí kon tua in kayu mita tatua.)
9 #
Ul. 10:5
Kon bonu in Poti Dodandian tatua diábí in ibanea mako koḻikudbí in batu doyowa. Batu mita tatua in binonu i Musa kon poti tatua tungkuḷ kon Buḷud in Sinai, kon dodai in ki Tuhan nomia kon dodandian takin bangusa in Israel kon tungkuḷ in mosia kon binayáan nongkon Mesir minayá in butá in Kanaan.
10Kon dodai in imang mita iḻumuai nongkon Baḷoi Tuhan tatua indoianmai daḻídon in baḷoi tatua kinokoḷoban in goḷom. 11#Iḷn. 40:34-35 Goḷom tatua mopouḻi-uḻinagdon in kamuliaan in kinoangoian i Tuhan dá imang mita tatua in diádon motaau tumuot bui mogaid kon oaidan monia. 12#Mzm. 18:12, 97:2 Dá nosambayangdon in ki Salomo, kainia,
“Iko inta nonampat kon mata in singgai kon ḷangit, o Tuhan.
Tongá moibo-ibogbí in Iko mogutun kon bonu in sindip in goḷom.
13Tanaa in pinosindogkudon kon ini-Mu in baḷoi inta mogaga,
inta pogutunan-Mu mononoi.”
Tosingogon i Datu Salomo kon rayat
(Taw.2. 6:3-11)
14Naonda in nosambayang mako ki Datu Salomo in nobobuidon kon bayongan in rayat inta sinimindog mako kon tua, bo nopoigum sinbá ki Allah momarakat kon i monia. 15-16#Sam.2. 7:4-11; Taw.1. 17:3-10 Sia in nosingog, “Koḻipod in ki Tuhan in nodandidon kon i amáku ki Daud nanaa, ‘Pinangkoi Akuoi nodia kon umat-Ku iḻumuai nongkon Mesir, kon bayongan in butá in Israel diábí in tobatúmai in kotá inta piniḻí-Ku nobaḻí tampat poposindogan in baḷoi tampat poibadaan kon i-Nakó. Táe Iko, Daud, piniḻí-Ku sin momarenta kon umat-Ku.’ Dinayo-dayowdon in ki Tuhan Allah in Israel inta ain nogintompod kon dandi-Nea tatua!”
17Noiduduimai kon tua ki Salomo in nosingog, “Ki amáku ki Daud ain nonomayá kon moposindog in baḷoi pososumbaan kon i Tuhan Allah in Israel. 18#Sam.2. 7:1-3; Taw.1. 17:1-2 Táe ki Tuhan in noguman kon inia, ‘Mopiabí in makusudmu tatua. 19#Sam.2. 7:12-13; Taw.1. 17:11-12 Tongá, deemanbí iko, táe ki adímubí in moposindog in baḷoi-Ku tatua.’
20Tanaa in ki Tuhan in nogintompodon kon dandi-Nea. Akuoi ain nobaḻí datu in Israel nomaḷui kon i amáku, bo akuoi in noposindog domandon in baḷoi pososumbaan kon i Tuhan, Allah in Israel. 21Kon bonu in Baḷoi Tuhan tatua aindon sinadiaku in tampat in Poti Dodandian inta pinotagúan kon batu inta pinomaisan kon dodandian i Tuhan takin mogoguyang naton kon tungkuḷ in Sia nodia kon i monia iḻumuai nongkon Mesir.”
Sambayang i Salomo
(Taw.2. 6:12-42)
22Nopaḷut mako kon tua, kon tayowon in rayat inta kon tua, ki Salomo sinimindog sinumayow kon mezbah bo notonggó kon ḻimanea doyowa nosimpaḷ 23bodongka nosambayang, “Tuhan, Allah in Israel! Kon ḷangit andeka kon butá diábí in ná Iko! Iko in nogintotuu kon dandi-Mu bo nopoontong in tabi-Mu kon umat-Mu inta mosatia bo motoindudui takin ḻimbatú in gina kon ini-Mu. 24Iko in nogintompodon kon dandi-Mu kon i amáku ki Daud. Onu inta pinodandi-Mu tatua aindon inaidan-Mu singgai in naa. 25-26#Dat.1. 2:4 Iko in nodandi domandon kon i amáku kon aka buínea totu-totuu motoindudui kon ini-Mu ná sia, dá umuranbí oyúon in intau tobatú nongkon buínea in mobaḻí datu kon Israel. Tanaa, o Tuhan Allah in Israel, intompodaidon komintan in bayongan inta ain pinodandi-Mu kon i amáku ki Daud, mogogundoi-Mu tua.
27 #
Taw.2. 2:6
Tongá, o Allah, totuu degá kon Iko in mogutun kon butá naa? Umpaka ḷangit inta námai tua in kobanat bo kooḷadnea yo diábí tugatan kon ini-Mu, apapa doman baḷoi inta pinosindogku tanaa! 28Oo Tuhan Allahku, akuoi naa in mogogundoi-Mu! Tongá indongogaipa kaasí in sambayangku, bo duduiaipa in oigumku singgai in naa. 29-30#Pin. 12:11 Poigumon mako singgai doḷom Iko moḷukad kon baḷoi tanaa inta ain piniḻí-Mu nobaḻí tampat pososumbaan kon ini-Mu. Igumon mako nongkon tampat pogogutunan-Mu kon soroga Iko mokidongog bo mongampung kon inakó takin umat-Mu aka kami mamangoi tumayow kon baḷoi tanaa bo mosambayang kon ini-Mu.
31Aka intau tobatú pinoponapudan kon nogaid kon taḷá kon intau ibanea bo dinia kon mezbah-Mu kon bonu in baḷoi pososumbaan tanaa sin mongibot kon sia in diá kotaḷá, 32o Tuhan, igumon mako indongogan-Mudon nongkon soroga bo tantúdon in pelekara in bobantung-Mu mita tanaa. Hukum inta kotaḷá podudui in oaidnea bo poḷuatdon kon hukuman in intau inta diá kotaḷá.
33Aka umat-Mu Israel taḷowon in musung-Nea mita popisí in mosia nomia kon dosa, bo mosia in nobuidon mangoi kon ini-Mu bo mohoromat kon ini-Mu saḷaku Tuhan, onda intua mamangoi kon baḷoi pososambayangan tanaa poḷat mosambayang mopoigum in ampung kon ini-Mu, 34yo igumon mako indongogan-Mupa kon soroga kaasí in mosia. Igumon mako in ampungan-Mupa in dosa in umat-Mu tanaa, bo diaan in mosia mobui kon butá inta ain inogoi-Mu kon mogoguyang monia.
35Aka umat-Mu baradosaan kon ini-Mu bo hukumon-Mu in mosia pongin diá mobogoi in uyan bo mosia in mogogaidon in mogaid kon dosa bo mohoromatdon kon ini-Mu saḷaku Tuhan, onda intua tumayowdon kon baḷoi pososumbaan tanaa poḷat mosambayang kon ini-Mu, 36igumon mako in nongkon soroga in Iko moibogpa mokidongog kon i monia. Bo ampungaipa kaasí in dosa in umat-Mu Israel bo in datu monia. Tundúdon in mosia momia kon onu inta moitutui. Mopaḷut mako kon tua, o Tuhan, popoangoidon in uyan kon butá-Mu tanaa, butá inta inogoi-Mu kon umat-Mu sin mobaḻí kapunyaan monia mononoi.
37Aka butá tanaa koantugan in malarat in gogoy ande kotugatan in yampoi, bo pinomuḷa mita poguyaaton in tompot bo patú in singgai, mahaḷuk andeka pangkoḷá, andeka aka umat-Mu tubuon in musung, andeka kotugatan in takit, 38igumon mako moibogpa in Iko mokidongog kon sambayang monia. Aka nongkon sigad in umat-Mu Israel oyúon in takin kuyang in gina mosambayang kon ini-Mu poḷat motonggó kon ḻimanea popotundú ná baḷoi pososumbaan tanaa, 39yo igumon mako in Iko nongkon tampat-Mu kon soroga moibogpa mokidongog bo mongampung poḷat motuḷung kon i monia. Tongábí Iko in nonotaau kon bonu in gina in intau. Tuamai in popoaidon kon intau podudui doman kon oaid monia tontaní, 40sinbá umat-Mu in umuran motoindudui kon ini-Mu kon bonu in mosia mogutun kon butá inta inogoi-Mu kon mogoguyang nami.
41-42Aka intau ango-angoi tobatú kon butá inta moyayú mokodongogdon kon kokokawasa-Mu bo inta mokoherang mita inta ain pinomia-Mu kon umat-Mu, bo sia in momangoi in baḷoi pososumbaan tanaa sin mohoromat kon ini-Mu bo mosambayang kon ini-Mu, 43yo igumon mako in nongkon tampat-Mu kon soroga moibogpa in Iko mokidongog kon sambayangnea bo mobogoipa doman kon onu inta pinoigumnea. Pongin natua dá bayongan in bangusa kon dunia naa in monotaaudon kon ini-Mu bo motoindudui kon ini-Mu ná umat-Mu Israel. Kotaauandon monia kon baḷoi inta pinosindogku tanaa in tampatbí pososumbaan kon ini-Mu.
44Aka Iko momarenta kon umat-Mu mayá moparang monayow kon musung, bo kon ondaka in mosia, mosia in tumayow kon kotá inta piniḻí-Mu tanaa bo mosambayang tumayow kon baḷoi tanaa inta ain pinosindogku kon ini-Mu, 45igumon mako kon soroga in Iko mokidongogdon kon sambayang monia tatua, bo mopountung kon i monia.
46Aka umat-Mu binaradosadon kon ini-Mu – totuu kon diábí in tobatúmai in intau in diá binaradosa – bo popisí in torú-Mu pinomayá-Mudon mako in mosia sinaḷow in musung, bo dinia nobaḻí intau inta sinokodomok kon parang pinobayá in butá ibanea inta moyayú andeka inta modiug, 47igumon mako in Iko in moibog mokidongog kon sambayang monia. Aka kon butá tatua bo taḷaandon monia in dosa mita monia, bo mosambayang kon ini-Mu poḷat doman mongaku kon mosia in binaradosa bo nogaidon kon inta moraat, yo indongogaipa kaasí in sambayang monia, o Tuhan. 48Aka kon butá tatua gina monia in nobayagbí bo totu-totuu monaḷámai kon dosa mita monia, bo mosambayang kon ini-Mu poḷat tumayow kon butá tanaa inta inogoi-Mu kon mogoguyang nami, tumayow ná kotá inta piniḻí-Mu bo baḷoi pososumbaan inta ain pinosindogku kon ini-Mu naa, 49dá nongkon tampat-Mu kon soroga igumon mako Iko in moibogpa mokidongog kon sambayang monia bo monotabi kon i monia. 50Ampungaidon in bayongan dosa bo aid monia inta moraat kon ini-Mu, bo baḻídon in musung mita monia mopoaid in mopia kon i monia. 51Mosia in umat-Mubí tontaní inta ain dinia-Mu iḻumuai nongkon Mesir butá inta pinononggataan kon i monia.
52Igumon mako in Iko, o Tuhan Allah, umuran moindoimai kon umat-Mu Israel takin datunea. Bo moibogpa kaasí in Iko mokidongog kon sambayang monia pomuḷoi in mosia mokuani mokituḷung kon ini-Mu. 53Iko, o Tuhan Allah, ain nomiḻí kon i monia nongkon sigad in bayongan bangusa sin baḻíon umat-Mu tontaní, ná inta ain pinoguman-Mu kon i monia pinongin mogogundoi-Mu ki Musa, kon tungkuḷ in Iko nodia kon mogoguyang nami iḻumuai nongkon Mesir.”
Sambayang pinonimpod
54Naonda in ki Salomo nopaḷut mako nopoyaput in sambayang bo oigum kon tayowon in mezbah i Tuhan takin notonggó kon ḻima, sinimindogdon in sia 55bo takin singog noropot nopoigum kon barakat i Allah kon kopontingan in bayongan intau inta noyosipun kon tua, gumannea, 56#Pin. 12:10; Yos. 21:44-45 “Dinayo-dayowdon in ki Tuhan inta ain nobogoi in kobiagan notompia kon umat-Nea ná inta pinodandi-Nea pinongin i Musa mogogundoi-Nea. Bayongan inta mopia inta pinodandi-Nea ain inintompodan-Nea. 57Igumon mako in ki Tuhan Allah naton in koyota-yotakin naton ná doman kon mogoguyang naton. Igumon mako in diá taḷaan-Nea in kita. 58Igumon mako in baḻíon-Nea in kita intau mita inta mosatia kon i-Nia sinbá kita in umuran mobiag podudui in ibog-Nea bo motoindudui kon bayongan in hukum bo parenta inta ain inogoi-Nea kon mogoguyang naton. 59Igumon mako in ki Tuhan, Allah naton, umuran mokotorop kon sambayang bo oigum inta ain pinoyaputku tanaa kon i-Nia. Igumon mako in Sia umuran mopoontong in kopopia in gina-Nea kon umat in Israel bo kon datu monia takin mobogoi kon i monia kon onu inta paraḷu monia muḷoi in singgai. 60Pongin natua dá bayongan in bangusa kon dunia in monotaaudon kon tongábí ki Tuhan tontaní in Allah, diábí in ibanea mako. 61Moiko umat-Nea in mustibí umuran mosatia kon i Tuhan, Allah naton bo motoindudui kon hukum mita bo parenta-Nea mita ná inta pinomia monimu singgai naa.”
Pinonoguḷapatan kon Baḷoi Tuhan
(Taw.2. 7:4-10)
62Nopaḷut mako kon tua ki Datu Salomo bo bayongan in intau inta nosipun kon tua noposumba in kuruban kon i Tuhan. 63Inogoi nobaḻí kuruban dodamean, ki Salomo in noposumba in 22.000 in sapi bo 120.000 in domba. Natuata in ki datu takin bayongan rayat nomia kon upacara pinonoguḷapatan kon baḷoi i Tuhan. 64Singgai tatua doman ki Salomo nonoguḷapat kon dotá in yuak in palas inta kon tayowon in Baḷoi Tuhan tua. Onda intua kon palas tatua sia in noposumba in kuruban payongon, kuruban gandum bo ḷongó in mahaḷuk ogoi nobaḻí kuruban dodamean. Bayongan tua in pinosumbanea kon tua sin mezbah bitú diádon tugat pobonuan kon bayongan in sosumba tatua.
65Kon Baḷoi Tuhan tatua ki Salomo bo bayongan umat in Israel nomia kon rame Pondok Daun pitu nosinggai in koonggotnea. Totuu mobarong in intau inta noyosipun kon tua. Mosia in namangoi nongkon butá Hamat kon utuan nodapot in pinosigadan in Mesir kon toḷatan. 66Kon singgai noginwaḷu pinotabádon i Salomo nobui in intau mita tatua. Mosia komintan in nodayow kon inia bodongka nobui kon baḷoi monia takin pia in gina, sin bayongan in barakat inta ain inogoi i Tuhan kon mogogundoi-Nea ki Daud bo kon bangusa Israel umat-Nea.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Alkitab Singog In Mongondow Masa In Tanaa © Indonesian Bible Society, 2016.