LUKAS 1
1
Makasososa na
1Ama Teofilus,
Hataholi ba'u ka sanga basa enok fo ala sulak latalolole la'eneu basa manda'dik fo ala da'di nai ita tala'da so. 2Ala sula kana nandaa no basa hata fo nanatuik neu ita neme hataholi fo lita matan manda'dik sila la neme makasososa na mai, de basa boema ala tui-bengan. 3Au palisak matalolole basa dede'ak sila la neme makasososa na mai, de au afa'da ae, malole soaneu au sula ka hala nafa'dak esa no malole soaneu Tuan. 4Au tao ndia fo ela Tuan bubuluk nae, hata fo nanananoli basak neu Tuan ndia, memak tete'e ka.
Yohanis Mana Salani ka bobongi na nananafa'dak
5 #
1Taw. 24:10
Lelek fo Herodes da'di manek nai nusa Yudea, hapu imam esa na'de Zakharia. Ana masok nai imam-imam Abia nakabua na. Saoina na na'de Elisabet, fo tititi-nonosin imam boe. 6Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak. 7Tehu duas anan ta, nana Elisabet kalate'dis ma duas boeo lamalasi so.
8Faik esa fo nai lelek Abia nakabua na hapu baba'ek soaneu lalalau-laoono boema, Zakharia nakalala'ok bela ba'un da'dileo imam nai Manetualain matan. 9No tu'u batu fo imam-imam mala biasa taon, boema Zakharia nananatu'duk soaneu masok leo Manetualain Uman dale neu fo ana tunu boominik. 10Ana bei ito-ato tutunu boomini ka te, hataholi ba'u ka hule-haladoi lai deak, 11No kaiboik, Manetualain ata nusa so'da na natu'du ao na neu Zakharia. Ata nusa so'dak ndia napadeik nai mei tutunu boomini ka boboa kona na. 12Lelek fo Zakharia nita ata nusa so'dak ndia boema, napangamak ma ana bii. 13Tehu ata nusa so'dak ndia nafa'da nae, “Boso bii, Zakharia! Manetualain namanene basa o huhule-haladoim so. O saoinam Elisabet, neukose ana bongi na ni'iana touanak esa, fo o muse foin na'de Yohanis. 14Neukose o mamahoko manseli, ma hataholi ba'u ka neukose lamahoko-setelee metema ni'iana ndia mahani te nanabongik! 15#Bil. 6:3 Neukose ana da'di hataholi matua, nai Manetualain mata memete na, ma neukose ta ninu angol do nininuk fo nini mamafuk fa. Neukose Manetualain Dula Dale na koasa nan, neme bongin nana mai. 16Neukose ana hela-nole hataholi Israel ba'u ka fali leo Manetualain fo sila sene-do'o ka. 17#Mal. 4:5-6 Neukose ana da'di Manetualain hataholi nadedenu balakain, ma nanuu koasa sama leo Elia. Neukose ana mole-dame ama ka no ana ka, ma hataholi manatunga ta kala, neukose ana hela-noles fali leo dudu'a-aafik fo ndo sa leu. No enok ndia, ana sadia hataholi kamahehelek bubuak esa fo laheheleaon basa, soaneu Lamatua ka so.”
18“Tao leo beek fo au bubuluk ae dede'ak ndia ana da'di? Zakharia natane ata nusa so'dak ndia. Au ia amalasi so, ma au saoina nga boeo namalasi so.”
19 #
Dan. 8:16, 9:21 Ata nusa so'dak ndia nataa nae, “Au ia Gabrial. Au alalau-aoono Manetualain, ma Ndia nde nadenu au anduku-alosak hala malole ia neu o. 20Hata fo au afa'dan, neukose ana da'di neu fai na. Tehu hu ka nde o ta nau mamahele fa de, mahani te o ta hapu kokolak fa. Neukose o da'di hala tak losa hata fo au afa'dan ia, ana da'di.”
21Ndia te, hataholi la lahani lahele Zakharia. Ala dodoo doa kana, tao le'e de ana doo-doo basa ia nai Manetualain Uman dale. 22Ma nai lelek fo ana kalua mai te, ana ta hapu kokolak nos so'on. Ka'da ana fe ta'du nakandoo ninik lima na, ma hala tak nahele. Boema hataholi la boeo ala bubuluk lae, ana nita basa ninitak esa nai Manetualain Uman dale so.
23Basa lau-onon nai Manetualain Uman, boema Zakharia fali ne'un leo uman neu. 24Beita doo ka boen te, Elisabet fo saoina na nailu, boema ana ta kalua uma, bulak lima dale na. 25Ana nafa'da nae, “Mate'e na, Manetualain tulu-fali au, ma Ana loseheni au taidae nga.”
Yesus bobongi na nananafa'dak
26Lelek Elisabet nailu bulak ne boema, Manetualain nadenu ata nusa so'dan Gabrial-la neu leo kota Nazaret neu fo nai nusa Galilea. 27#Mat. 1:18 Nadenu Gabrial neu leo anafe'oana matatema esa, na'de Maria. Ana fe'oana matatema ndia, tonangan no touk esa na'de Yusuf, fo Mane Dauk-ka tititi-nonosin ndia. 28Ata nusa so'dak ndia neu leo Maria neu, de nafa'dan nae, “So'da-molek neu o fo te'e-te'e Manetualain ba'e-pala o! Manetualain sama-sama no o!”
29Nai lelek Maria namanene ata nusa so'dak ndia kokola na boema, ana nggenge la ma tane-tane nai dalen dale nae, so'da-molek ndia sosoa na hata. 30Boema ata nusa so'dak ndia nafa'dan nae, “Boso bii Maria, nana o mandaa mo Manetualain dale na. 31#Mat. 1:21 Neukose o mailu, fo o bongi ni'iana esa, fo o muse foin na'de Yesus. 32#2Sem. 7:12, 13, 16; Yes. 9:7 Neukose Ana da'di namatutua-namadedemak, ma neukose loken lae, Manetualain Anan Fo Madema Ina Nanseli. Neukose Amak Manetualain taon da'di manek, sama leo Mane Dauk-ka fo ba'ikai na. 33Ma neukose Ana paleta sama leo manek neu Yakob tititi-nonosin losa dodoo na. Nusa na neukose ta hapu mate'e na fa.”
34“Tehu au bei matatema”, Maria nafa'da ata nusa so'dak ndia, “tao leo bee fo dede'ak ndia bisa da'di?”
35Ata nusa so'dak ndia nataa nae, “Manetualain Dula Dale na neukose ana mai neu o, ma Manetualain koasa na neukose poti na o. Hu ka nde ndia de, ni'iana fo neukose o bongin ndia loken lae, Malalaok, Manetualain Anan. 36Mafandendelek: Te Elisabet fo o tolanoom ndia nailu bulak ne ia so, leomae namalasi so, ma hataholi la lafa'dan lae, ndia ina kalate'dis. 37#Kej. 18:14 Nana ba'eneu Manetualain soona, ta hapu hata fo ana ta da'di fa.”
38Boema Maria nae, “Au ia Manetualain atan; neme na fo ana da'di tunga hata fo o mafa'da ka.” Boema ata nusa so'dak ndia la'oela Maria.
Maria donge-dama Elisabet
39Basa ndia de beita doo ka boen te Maria neu leo kota esa nai Yudea, fo nai nggolo letelepa na. 40Neu leo Zakharia uman neu. Nai lelek ana masok nala uma dale boema, nate'a Elisabet. 41Ma leondiak Elisabet namanene Maria nate'an ndia, tutika ni'iana manai Elisabet ilun dalen ndia nakababale. Boema Manetualain Dula Dale na koasa na Elisabet, 42de nalo ma nae, “O nde nanaba'e-palak ba'u na seli nai basa ina kala! Nanaba'e-palak neu ni'iana fo neukose o bongin ndia! 43See au ia, de nalosa Lamatua ka inan mai leo au mai? 44Leondiak au amanene o nate'a ma tutika ni'iana manai au ilung dale ia nakababale fo ta'du na nae namahoko. 45Maua-manalek neu o, hu ka nde o mamahele mae hata fo Manetualain nafa'dan neu o a neukose ana da'di!”
Maria noke makasi
46 #
1Sem. 2:1-10
Maria nae,
“Au dale nga koa-kio Manetualain,
47ma au samane nga namahoko-setelee
nana Manetualain au Manasoi-Manatefa nga.
48 #
1Sem. 1:11
Ana nafandele au fo atan matasi'da-matasaik ia!
Mulai besak ia, basa leoina la
lafa'da lae, au aua-anale.
49Nanahu Manetualain, Fo Mana Koasa nanseli a
Ana tao-no'i dede'a matuaina la neu au.
Na'de na malalaok.
50Neme tititi-nonosik leo tititi-nonosik neu
Manetualain tao dale susue na
neu hataholi fo manabii neu na.
51No lima balakai na,
Ana tao tapasasala hataholi mana koao-ndaeao ka,
ma Ana tao tasibu dale tutu'u nala.
52 #
Ayb. 5:11, 12:19 Nakonaheni mane-mane kala leme kandela mane nala lain mai
ma hataholi matasi'da-matasai kala nanatao namadedemak.
53Hataholi kamala'a-kamandoe kala, Ana tao nakabetes ninik basa malole lala'ena,
tou kamasu'i-makabete ka, nanausik no limalouk.
54Ana tulu-fali Israel Ata na,
tunga hehelu-balatak, fo Ana taon
no ita bei-ba'ikai nala.
55 #
Kej. 17:7
Manetualain ta nafandeleheni hehelu-balataan fa,
Dale na malole neu
Abraham ma tititi-nonosi nala, losa dodoo na.”
56Fafa'ka ma bulak telu dale na, Maria leo no Elisabet, besa ka ana fali leo uman neu.
Bongi Yohanis Mana Salani ka
57Fai na losa ba'eneu Elisabet soaneu ana bongi. Ana bongi na niana touanak esa. 58Uma titia-tatai nala, ma tolanook-ka'a fa'di nala, lamanene Manetualain malole nanseli no Elisabet, de sila boeo lamahoko-setelee lon.
59 #
Im. 12:3
Lelek fo ni'iana ndia teu na faik falu, boema ala lon fo soaneu suna tana. Ala nau foi ni'iana ndia na'de Zakharia, fo tunga aman na'de na, fo Zakharia, 60tehu inan nae, “Ta! muse foin na'de Yohanis.”
61Tehu lafa'dan lae, “Ta hapu hataholi esa boen neme sila tolanoo ka'a-fa'di nala na'de na leondiak fa,” 62Boema latane Zakharia ninik ta'du-tana, fo ana foi ana na na'de see.
63Zakharia noke fen batu lei esa, boema ana sula kana nae, “Na'de Yohanis.” Basa-basas dodoo doa kana. 64Nai lelek ndia boe, Zakharia hapu kokolak seluk, boema ana koa-kio Manetualain. 65Uma titia-tatai nala basa-basas ala bii beno'u. Boema halak ndia sipela leo basa nusak manai Yudea letelepa nala neu. 66Basa hataholi fo lamanene dede'ak ndia, betane nai dale nala dalek lae, “Neukose ni'iana ndia ana da'di beek?” Nanahu Amak Manetualain no kana.
Zakharia nanduku-nalosak halak neme Manetualain mai
67Manetualain Dula Dale na koasa na Zakharia fo ni'iana ndia aman, de nalosa nanduku-nalosak hala heheluk maneme Manetualain mai nae,
68“Mai fo ata koa-kio Manetualain,
fo leoina Israe la sene-do'o ka!
Ana mai tulu-fali hataholi kamahehele nala so
ma Ana soi-po'is.
69Ana fe ita manasoi-tefa balakai lea,
Dauk fo ata na tititi-nonosin.
70Makahulun eli, tunga nabi-nabi nanahele nala,
Manetualain fe basa hehelu-balataan
71soaneu soi-tefa nala ita teme ita musu no nala mai
ma neme hataholi-hataholi fo lakamu-lakadau ita,
72Soaneu natu'du dale malole na neu ita bei ba'ikai nala, de
neukose Ana tao natetu hehelu-balataa malalaon ndia.
73-74Ana soo-supa no Abraham fo ita aman,
ma Ana helu soaneu Ana soi-tefa na ita teme ita musu no nala mai,
fo ela ita talalau-taoonon boso no bibii-namata'uk,
75takaluku-takatele neun tataas esa
ma tao tamahoko dale na
nai ita fai maso'da manalu na dalek.
76 #
Mal. 3:1
O, hei Au anango nei, neukose O nanasseik Manetualain fo Matua Madema Ina nabin.
O nananadenuk nakahuluk neme Lamatua ka mai
soaneu o oti enok ba'eneun,
77soaneu tui-benga neu hataholi kamahehele nala mae, neukose sila nanasoi-tefak,
metema Manetualain fe basa do'o do ampon neu sila sala-singo nala.
78Ita Manetualain dale malole, bai te manasue-laik;
soaneu Ana soi-tefa ita de Ana mai.
Sama leo le'do tii
nai fai fafai na,
79 #
Yes. 9:1
leondiak boe, Ana fe mangale'do na neu basa hataholi fo
laso'da nai makahatu ka dalek ma bibii-namata'u ka.
Ana hela-nole ita leo enok
fo manaleo mole-dame neu.”
80Zakharia anan ndia boetai namatua ka, ma dula dale na boetai balakaik. Ana leo nai mo maloa, losa fai na losa, natu'du aoina na neu leoina Israe la.
Currently Selected:
LUKAS 1: twu
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
LUKAS 1
1
Makasososa na
1Ama Teofilus,
Hataholi ba'u ka sanga basa enok fo ala sulak latalolole la'eneu basa manda'dik fo ala da'di nai ita tala'da so. 2Ala sula kana nandaa no basa hata fo nanatuik neu ita neme hataholi fo lita matan manda'dik sila la neme makasososa na mai, de basa boema ala tui-bengan. 3Au palisak matalolole basa dede'ak sila la neme makasososa na mai, de au afa'da ae, malole soaneu au sula ka hala nafa'dak esa no malole soaneu Tuan. 4Au tao ndia fo ela Tuan bubuluk nae, hata fo nanananoli basak neu Tuan ndia, memak tete'e ka.
Yohanis Mana Salani ka bobongi na nananafa'dak
5 #
1Taw. 24:10
Lelek fo Herodes da'di manek nai nusa Yudea, hapu imam esa na'de Zakharia. Ana masok nai imam-imam Abia nakabua na. Saoina na na'de Elisabet, fo tititi-nonosin imam boe. 6Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak. 7Tehu duas anan ta, nana Elisabet kalate'dis ma duas boeo lamalasi so.
8Faik esa fo nai lelek Abia nakabua na hapu baba'ek soaneu lalalau-laoono boema, Zakharia nakalala'ok bela ba'un da'dileo imam nai Manetualain matan. 9No tu'u batu fo imam-imam mala biasa taon, boema Zakharia nananatu'duk soaneu masok leo Manetualain Uman dale neu fo ana tunu boominik. 10Ana bei ito-ato tutunu boomini ka te, hataholi ba'u ka hule-haladoi lai deak, 11No kaiboik, Manetualain ata nusa so'da na natu'du ao na neu Zakharia. Ata nusa so'dak ndia napadeik nai mei tutunu boomini ka boboa kona na. 12Lelek fo Zakharia nita ata nusa so'dak ndia boema, napangamak ma ana bii. 13Tehu ata nusa so'dak ndia nafa'da nae, “Boso bii, Zakharia! Manetualain namanene basa o huhule-haladoim so. O saoinam Elisabet, neukose ana bongi na ni'iana touanak esa, fo o muse foin na'de Yohanis. 14Neukose o mamahoko manseli, ma hataholi ba'u ka neukose lamahoko-setelee metema ni'iana ndia mahani te nanabongik! 15#Bil. 6:3 Neukose ana da'di hataholi matua, nai Manetualain mata memete na, ma neukose ta ninu angol do nininuk fo nini mamafuk fa. Neukose Manetualain Dula Dale na koasa nan, neme bongin nana mai. 16Neukose ana hela-nole hataholi Israel ba'u ka fali leo Manetualain fo sila sene-do'o ka. 17#Mal. 4:5-6 Neukose ana da'di Manetualain hataholi nadedenu balakain, ma nanuu koasa sama leo Elia. Neukose ana mole-dame ama ka no ana ka, ma hataholi manatunga ta kala, neukose ana hela-noles fali leo dudu'a-aafik fo ndo sa leu. No enok ndia, ana sadia hataholi kamahehelek bubuak esa fo laheheleaon basa, soaneu Lamatua ka so.”
18“Tao leo beek fo au bubuluk ae dede'ak ndia ana da'di? Zakharia natane ata nusa so'dak ndia. Au ia amalasi so, ma au saoina nga boeo namalasi so.”
19 #
Dan. 8:16, 9:21 Ata nusa so'dak ndia nataa nae, “Au ia Gabrial. Au alalau-aoono Manetualain, ma Ndia nde nadenu au anduku-alosak hala malole ia neu o. 20Hata fo au afa'dan, neukose ana da'di neu fai na. Tehu hu ka nde o ta nau mamahele fa de, mahani te o ta hapu kokolak fa. Neukose o da'di hala tak losa hata fo au afa'dan ia, ana da'di.”
21Ndia te, hataholi la lahani lahele Zakharia. Ala dodoo doa kana, tao le'e de ana doo-doo basa ia nai Manetualain Uman dale. 22Ma nai lelek fo ana kalua mai te, ana ta hapu kokolak nos so'on. Ka'da ana fe ta'du nakandoo ninik lima na, ma hala tak nahele. Boema hataholi la boeo ala bubuluk lae, ana nita basa ninitak esa nai Manetualain Uman dale so.
23Basa lau-onon nai Manetualain Uman, boema Zakharia fali ne'un leo uman neu. 24Beita doo ka boen te, Elisabet fo saoina na nailu, boema ana ta kalua uma, bulak lima dale na. 25Ana nafa'da nae, “Mate'e na, Manetualain tulu-fali au, ma Ana loseheni au taidae nga.”
Yesus bobongi na nananafa'dak
26Lelek Elisabet nailu bulak ne boema, Manetualain nadenu ata nusa so'dan Gabrial-la neu leo kota Nazaret neu fo nai nusa Galilea. 27#Mat. 1:18 Nadenu Gabrial neu leo anafe'oana matatema esa, na'de Maria. Ana fe'oana matatema ndia, tonangan no touk esa na'de Yusuf, fo Mane Dauk-ka tititi-nonosin ndia. 28Ata nusa so'dak ndia neu leo Maria neu, de nafa'dan nae, “So'da-molek neu o fo te'e-te'e Manetualain ba'e-pala o! Manetualain sama-sama no o!”
29Nai lelek Maria namanene ata nusa so'dak ndia kokola na boema, ana nggenge la ma tane-tane nai dalen dale nae, so'da-molek ndia sosoa na hata. 30Boema ata nusa so'dak ndia nafa'dan nae, “Boso bii Maria, nana o mandaa mo Manetualain dale na. 31#Mat. 1:21 Neukose o mailu, fo o bongi ni'iana esa, fo o muse foin na'de Yesus. 32#2Sem. 7:12, 13, 16; Yes. 9:7 Neukose Ana da'di namatutua-namadedemak, ma neukose loken lae, Manetualain Anan Fo Madema Ina Nanseli. Neukose Amak Manetualain taon da'di manek, sama leo Mane Dauk-ka fo ba'ikai na. 33Ma neukose Ana paleta sama leo manek neu Yakob tititi-nonosin losa dodoo na. Nusa na neukose ta hapu mate'e na fa.”
34“Tehu au bei matatema”, Maria nafa'da ata nusa so'dak ndia, “tao leo bee fo dede'ak ndia bisa da'di?”
35Ata nusa so'dak ndia nataa nae, “Manetualain Dula Dale na neukose ana mai neu o, ma Manetualain koasa na neukose poti na o. Hu ka nde ndia de, ni'iana fo neukose o bongin ndia loken lae, Malalaok, Manetualain Anan. 36Mafandendelek: Te Elisabet fo o tolanoom ndia nailu bulak ne ia so, leomae namalasi so, ma hataholi la lafa'dan lae, ndia ina kalate'dis. 37#Kej. 18:14 Nana ba'eneu Manetualain soona, ta hapu hata fo ana ta da'di fa.”
38Boema Maria nae, “Au ia Manetualain atan; neme na fo ana da'di tunga hata fo o mafa'da ka.” Boema ata nusa so'dak ndia la'oela Maria.
Maria donge-dama Elisabet
39Basa ndia de beita doo ka boen te Maria neu leo kota esa nai Yudea, fo nai nggolo letelepa na. 40Neu leo Zakharia uman neu. Nai lelek ana masok nala uma dale boema, nate'a Elisabet. 41Ma leondiak Elisabet namanene Maria nate'an ndia, tutika ni'iana manai Elisabet ilun dalen ndia nakababale. Boema Manetualain Dula Dale na koasa na Elisabet, 42de nalo ma nae, “O nde nanaba'e-palak ba'u na seli nai basa ina kala! Nanaba'e-palak neu ni'iana fo neukose o bongin ndia! 43See au ia, de nalosa Lamatua ka inan mai leo au mai? 44Leondiak au amanene o nate'a ma tutika ni'iana manai au ilung dale ia nakababale fo ta'du na nae namahoko. 45Maua-manalek neu o, hu ka nde o mamahele mae hata fo Manetualain nafa'dan neu o a neukose ana da'di!”
Maria noke makasi
46 #
1Sem. 2:1-10
Maria nae,
“Au dale nga koa-kio Manetualain,
47ma au samane nga namahoko-setelee
nana Manetualain au Manasoi-Manatefa nga.
48 #
1Sem. 1:11
Ana nafandele au fo atan matasi'da-matasaik ia!
Mulai besak ia, basa leoina la
lafa'da lae, au aua-anale.
49Nanahu Manetualain, Fo Mana Koasa nanseli a
Ana tao-no'i dede'a matuaina la neu au.
Na'de na malalaok.
50Neme tititi-nonosik leo tititi-nonosik neu
Manetualain tao dale susue na
neu hataholi fo manabii neu na.
51No lima balakai na,
Ana tao tapasasala hataholi mana koao-ndaeao ka,
ma Ana tao tasibu dale tutu'u nala.
52 #
Ayb. 5:11, 12:19 Nakonaheni mane-mane kala leme kandela mane nala lain mai
ma hataholi matasi'da-matasai kala nanatao namadedemak.
53Hataholi kamala'a-kamandoe kala, Ana tao nakabetes ninik basa malole lala'ena,
tou kamasu'i-makabete ka, nanausik no limalouk.
54Ana tulu-fali Israel Ata na,
tunga hehelu-balatak, fo Ana taon
no ita bei-ba'ikai nala.
55 #
Kej. 17:7
Manetualain ta nafandeleheni hehelu-balataan fa,
Dale na malole neu
Abraham ma tititi-nonosi nala, losa dodoo na.”
56Fafa'ka ma bulak telu dale na, Maria leo no Elisabet, besa ka ana fali leo uman neu.
Bongi Yohanis Mana Salani ka
57Fai na losa ba'eneu Elisabet soaneu ana bongi. Ana bongi na niana touanak esa. 58Uma titia-tatai nala, ma tolanook-ka'a fa'di nala, lamanene Manetualain malole nanseli no Elisabet, de sila boeo lamahoko-setelee lon.
59 #
Im. 12:3
Lelek fo ni'iana ndia teu na faik falu, boema ala lon fo soaneu suna tana. Ala nau foi ni'iana ndia na'de Zakharia, fo tunga aman na'de na, fo Zakharia, 60tehu inan nae, “Ta! muse foin na'de Yohanis.”
61Tehu lafa'dan lae, “Ta hapu hataholi esa boen neme sila tolanoo ka'a-fa'di nala na'de na leondiak fa,” 62Boema latane Zakharia ninik ta'du-tana, fo ana foi ana na na'de see.
63Zakharia noke fen batu lei esa, boema ana sula kana nae, “Na'de Yohanis.” Basa-basas dodoo doa kana. 64Nai lelek ndia boe, Zakharia hapu kokolak seluk, boema ana koa-kio Manetualain. 65Uma titia-tatai nala basa-basas ala bii beno'u. Boema halak ndia sipela leo basa nusak manai Yudea letelepa nala neu. 66Basa hataholi fo lamanene dede'ak ndia, betane nai dale nala dalek lae, “Neukose ni'iana ndia ana da'di beek?” Nanahu Amak Manetualain no kana.
Zakharia nanduku-nalosak halak neme Manetualain mai
67Manetualain Dula Dale na koasa na Zakharia fo ni'iana ndia aman, de nalosa nanduku-nalosak hala heheluk maneme Manetualain mai nae,
68“Mai fo ata koa-kio Manetualain,
fo leoina Israe la sene-do'o ka!
Ana mai tulu-fali hataholi kamahehele nala so
ma Ana soi-po'is.
69Ana fe ita manasoi-tefa balakai lea,
Dauk fo ata na tititi-nonosin.
70Makahulun eli, tunga nabi-nabi nanahele nala,
Manetualain fe basa hehelu-balataan
71soaneu soi-tefa nala ita teme ita musu no nala mai
ma neme hataholi-hataholi fo lakamu-lakadau ita,
72Soaneu natu'du dale malole na neu ita bei ba'ikai nala, de
neukose Ana tao natetu hehelu-balataa malalaon ndia.
73-74Ana soo-supa no Abraham fo ita aman,
ma Ana helu soaneu Ana soi-tefa na ita teme ita musu no nala mai,
fo ela ita talalau-taoonon boso no bibii-namata'uk,
75takaluku-takatele neun tataas esa
ma tao tamahoko dale na
nai ita fai maso'da manalu na dalek.
76 #
Mal. 3:1
O, hei Au anango nei, neukose O nanasseik Manetualain fo Matua Madema Ina nabin.
O nananadenuk nakahuluk neme Lamatua ka mai
soaneu o oti enok ba'eneun,
77soaneu tui-benga neu hataholi kamahehele nala mae, neukose sila nanasoi-tefak,
metema Manetualain fe basa do'o do ampon neu sila sala-singo nala.
78Ita Manetualain dale malole, bai te manasue-laik;
soaneu Ana soi-tefa ita de Ana mai.
Sama leo le'do tii
nai fai fafai na,
79 #
Yes. 9:1
leondiak boe, Ana fe mangale'do na neu basa hataholi fo
laso'da nai makahatu ka dalek ma bibii-namata'u ka.
Ana hela-nole ita leo enok
fo manaleo mole-dame neu.”
80Zakharia anan ndia boetai namatua ka, ma dula dale na boetai balakaik. Ana leo nai mo maloa, losa fai na losa, natu'du aoina na neu leoina Israe la.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena