MATIU 5
5
Chisɔsi‑a mɔɛ n kan, a si dua chɛndɛ ma
(Duku 6:20-23)
1Chɛ gbakɔ, mbɛ Chisɔsi‑a a ɔ yen, mbɛ fanka fanka chɛ a sɔn‑da a ma, a sɛ‑a kɔnkɔɛ a. A si‑a kɛn nɔ, mbɛ a fɛ denɛ n gbɛn‑da a ma. 2Mbɛ a‑a a kuu sɔ an kan‑da, a ɔ,
3“Mɔɛ miin‑na a ɔ sɔn chia ee nɔ, mɔɔ ni Yataa basan‑da an ma, an duaen mu.
Yataa an mbe ma‑a an 'na mansa a.
4“Mɔɛ miin mbe di chɛ‑a, an duaen mu.
Yataa ɛ di ka‑a wan an ya a.
5“Mɔɛ miin dɔ ma fasi ni, an duaen mu.
Yataa ɛ duu gboo chɛ gbɛɛ be‑a wan an ma, an ta a.
6“Mɔɛ miin mbe an faa gbɛɛ chɛ‑a Yataa faa ma koe ma koe a, an duaen mu.
Yataa ɛ faachima be‑a wan an ma.
7“Mɔɛ miin mbe chinchin an bɔɛ n ma, an duaen mu.
Yataa ɛ chinchin‑da wan an ma.
8“Mɔɛ miin faa ɔ gbɛen mu, an duaen mu.
An mbe Yataa yen‑da wan.
9“Mɔɛ miin mbe mɔɛ n tɛ ɔ bɛn, an duaen mu.
Yataa ɛ an ya‑a wan a 'a denɛ n na.
10“Mɔɛ miin mbe ko yawaenɛ ɔ yen‑da, Yataa faa ma koe ma koe a, an duaen mu.
Yataa an mbe ma‑a an 'na mansa a.
11“Ni mɔɛ n‑na ko yawaenɛ sa wo ma, an ni wo main, an ni fania yama kan kɔ kan fɔ wo ma, n fan, n bakoe a, wo duaen mu. 12Wo bu ɔ ni dia kaka, koe min na mu, Yataa ɛ tɔnɔnɛ chenama sa tena ɔ bɛn‑da wan wo ko a banda bu ɔ. Wo wo faa bia, a mu min na, an‑na ko yawaen dɔndɔ gbe chɛ an sa suun Yataa 'a gbonka chɛ mɔɛ n ma, an‑na min sa ka wo wɛɛ ma.”
Chisɔsi‑a kanɛ chɛ, a si kuiɛ ma, a basan sanku manɛ a
(Maki 9:50; Duku 14:34-35)
13Chisɔsi ɔ, “Wo maen fan mu yɔ kuiɛ mɔ gbu gbɛɛ ko a dunya chɛ ɔ. Chɛɛ ni kuiɛ ɔ sɛ‑a, mɔ ee che to i ni a ma a dia ni yɛ a ɔ. A ma nyin to fen kɔ fen ko a. A nyin dechee mɔ ni a a dɛ baa ma, mɔɛ n mbe tɛn tɛn a ɔ kaina.
14“Wo maen fan mu yɔ sanku manɛ, mɔ gbu gbɛɛ ko a dunya chɛ ɔ. Duu wa min mbe sɔ ɔ kɔnkɔ a yansama kun tɛ, a ee che nun‑da. 15Mɔ ɔ mɔ ee dambo a man, mbɛ a‑a a don samba kɔɔ. Chɛɛ ɛ a si kaina wan, ɛ manɛ be kaina mɔ ɔ mɔ ma chenɛ bu ɔ. 16A sin, mbɛ i wan, i wɛn maen mu yɔ sanku manɛ, i bɔɛ mɔ gbu n ko a, a ma i 'a manɛ ni man i bɔɛ mɔ gbu n tɛ ɔ, min mbe a ma, an ni a ɔ yen, e wai chɛndɛ min chɛ tena. Chɛ an mbe a ma‑a, an ni tando be Fa Yataa ma, min mbe banda bu ɔ.”
Chisɔsi‑a mɔɛ n kan, a si Mosisi 'a sawa ma
17Chisɔsi ɔ, “A ma ma wo yii ma, mbɛ n na‑a a fɔ koe an na mɔɛ n ye, mbɛ an ma an too ma sɔ to sawa chɛ n ma, Yataa‑a miin be suun Mosisi ma, a basan bai chɛ na, min be‑a Yataa 'a gbonka chɛ mɔɛ n ma. N ma na ni chɛ an na. Chɛɛ n na‑a, min mbe a ma, sawa chɛ nu, a basan gbonka chɛ mɔɛ chɛ n 'na bai n na, an ni bɔ a a. 18Koe min na mu, n ni a ma din wo tena, mbɛ tima min na dunya chɛ gbɛɛ ɛ wɛ nɔ, sawa chɛ ɛnden bɛɛ ee ka a a, aan bai miin fɔ‑a a ɔ, an ni bɔ a a. 19Mɔɛ min mbe sawa chɛ pɛɛ ɛnden bɛɛ yɔn‑da, ɛ ta‑a mɔɛ n kan‑da a yɔn koe ma, a ee nyan‑da a ko a. Yataa ɛ a mɔɛ chɛ ma‑a wan mɔ pɛɛ ɛndenɛ a, mɔ gbu n tɛ, miin mbe na‑a don‑da a 'a mansaya kɔɔ. Chɛɛ mɔɛ min mbe bea‑a sawa chɛ fɛ, a ni mɔ dɔ mende n kan a a, ɛ nyan‑da wan a ko a. Yataa ɛ a mɔɛ chɛ ma‑a mɔ chenama an na, mɔ gbu n tɛ, miin mbe na‑a don‑da a 'a mansaya kɔɔ. 20N mbe a fɔ tena wo ye, mbɛ wo ee don‑da Yataa 'a mansaya kɔɔ, mɔɔ ni wo‑a wo sɔɛ don Yataa faa ma koe ma koe a, a ben Chu n 'na sawa kan mɔɛ chɛ n ma, an bɛ Fayisii n na.”
Chisɔsi‑a mɔɛ n kan, a si faatɛ ɔ benden ba ma
21Chisɔsi ɔ, “A ɔ yianden fan mu wo a, Yataa na‑a min fɔ suun mɔɛ n ye. A ɔ, ‘Wo ma mɔ fa, ni sawa ma min fɔ ni. Mɔ ɔ mɔ min mbe mɔɛ fa‑a, ɛ gbɛmbo‑a wan.’ 22Chɛɛ n mbe sanche gbɛ a fɔ tena wo ye, mbɛ ni mɔ ɔ mɔ faa tɛ‑a a ɔ benden ba a a,#5:22 Bai chɛ n fan saen mu a kun ma Matiu 'a gboo kɔma dɔ n dɔ. An bai chɛ n dɔ: kun mbe ee faatɛ min ma. a suun ma nyɔɛ ma, an mɔɛ chɛ ɛ gbɛmbo‑a wan. Mɔ ɔ mɔ min mbe bai yama sa‑a a suun ma nyɔɛ ma, an mɔɛ chɛ ta gbɛmbo kɔ ɛ gbɛ‑a wan, Chu kuti wa ɔ. A sin, mɔ ɔ mɔ min mbe a fɔ‑a a suun ma nyɔɛ ma, a ɔ, ‘Yataa sɔn bai mu a a,’ a mɔɛ chɛ nɛnɛ ɛ ta‑a ta an dɔ, ni a fa‑a. 23Chɛ an‑na a fɔ, ni i ma‑a na‑a i 'a yasi a Yataa 'a kata ɔ, mbɛ a puin‑da i yii ma, mbɛ i na‑a ko yama ma wan i suun ma nyɔɛ a, 24i 'a yasi chɛ to nɔ, yasi minda gbengbe chɛ ya kɔɔ. Mbɛ i ta‑a a ya kɔɔɛ a, mbɛ i‑a a ma wo tɛ bai sa‑a, wo fea i suun ma nyɔɛ chɛ a. E yɛ‑a wan gbɛ, i ni i 'a yasi chɛ bɔ Yataa tena.
25“A ma i ma gbɔsɔɛ a, bai ni sa wo tɛ bui chɛ a, wo fea i koɔ nyɔɛ a, a e na to bɔ‑a sawa chen kɔɔ. Ni chɛ ma, i koɔ nyɔɛ ɛ i be‑a wan sawa kun ti ma, min mbe i a ben‑da sawa kun ma fɛn mɔɛ n tena, mbɛ an‑na i sa pimbi chenɛ a. 26N ni a ma din i tena, mbɛ e ee bɔ‑a pimbi chen chɛ a aan, kɔpɔɛ chɛ dankama gbɔdɛ, an mbe i a bɔnɔ‑a min na, i ni a be.”
Chisɔsi‑a kanɛ chɛ, a si waa yama ma basan koe ma
27Chisɔsi ɔ, “Wo‑a a a min fan, min na‑a fɔ suun, mbɛ mɔ ee waa ma basan mɔɛ a, wo ee fuu ɔ min na. 28Chɛɛ n mbe sanche gbɛ a fɔ tena wo ye, mbɛ ni mɔ ɔ mɔ‑a musu ma fɛn aan, musu koe ni puin i yii ma musu chɛ ko a, mbɛ a mɔɛ chɛ‑a waa an ma basan ka musu a, a faa ɔ, a ee fuu ɔ min na. 29Chɛ an‑na a fɔ, ni i boo nyima ɔ ya, an mbe i a dɛ tena ko yama ɔ, a bɔ, i ni a a dɛ. Ɛ nyan fan i ni fo i sɔna dɔndɔ a, a ni ben i ta koe ma i sɔna gbɛɛ a kandenɛ a ta ɔ. 30Ni i boo nyima ɔ boo, an bɛɛ ɛ i a dɛ tena ko yama ɔ, a tɛ a a, i ni a a dɛ. Ɛ nyan fan i ni fo i sɔna dɔndɔ a, a ni ben i ta koe ma i sɔna gbɛɛ a kandenɛ a ta ɔ.”
Chisɔsi‑a mɔɛ n kan sawa n na, a si musu boo ka koe ma
(Matiu 19:9; Maki 10:11-12; Duku 16:18)
31Chisɔsi ɔ, “A fɔen fan mu to, mbɛ ni mɔ ɔ mɔ‑a a boo ka a 'a musu a, a mɔɛ chɛ ni siiya gboo be an musu chɛ ma. An mbe a ɔ yian, mbɛ a wan mɔ kaima chɛ wandi, an‑na a boo ka musu chɛ a. 32Chɛɛ n mbe gbɛ sanche a fɔ tena wo ye, mbɛ ni mɔ ɔ mɔ‑a a boo ka a 'a musu a, ko dɔ mende ko a, min ma waa ma basan koe a kai dɔ mende a, mbɛ an mɔɛ chɛ, a‑a musu chɛ ma waa ma basan mɔɛ a kai dɔ mende a, Yataa ya a. A sin, ni mɔ kaima dɔ mende‑a an musu bonda chɛ si musu a, mbɛ a wan mɔ kaima chɛ wɛɛ‑a waa an ma basan ka mɔ dɔ mende 'a musu a, Yataa ya a.”
Chisɔsi‑a kanɛ chɛ, a si gboo ma
33Chisɔsi ɔ, “Wo na‑a a min fan, min fɔ‑a to suun mɔɛ n ye. Ni wo‑a wo gboo ko ɔ ko ma Mansa Yataa tena, wo ma wo da a kuiɛ yɔn, wo an koe chɛ ma.#5:33 Ni wo‑a wo gboo ko ɔ ko ma Mansa Yataa tena, wo ma wo da a kuiɛ yɔn, wo an koe chɛ ma - A fɔ buɛ dɔ mende an nɛ: Ni wo‑a Mansa Yataa too ɔ dia ko kan kɔ kan chɛ koe a a ye, wo ma wo da a kuiɛ yɔn. Wo wo da a kuiɛ to a ma a tena. 34Chɛɛ n mbe gbɛ sanche a fɔ tena wo ye, wo ma wo gboo ɛnden bɛɛ a. Wo ma wo gboo banda bu ɔ ɔ, a mu min na, Yataa 'a mansaya sea an nɛ. 35A yɛ to, wo ma wo gboo dunya chɛ wɛɛ ɔ, a mu min na, Yataa chenɛ sɔ tena an nɛ. N mbe ee baa, wo ni wo gboo Chuusaɛn duu ɔ. Yataa Mansa Wa an ta mu a a. 36N mbe ee baa to, i gboo koe ma i wandi kunɛ ɔ, a mu min na, e ee che i kundi dɔndɔ wɛɛ fin‑da, chɛ ma, i ni a ma a ni gbɛ. 37Wo e min ma, an mu yɔ chɛ, ni wo dɔn‑da gbɛ koe min ma, wo dɔn a ma wo faa gbɛɛ a. A sin, ni wo ma dɔn ni koe min ma a saa a, wo ma yɛ to, wo ni dɔn a ma a danka a. Bai dɔ mende kan kɔ kan, min mbe bɔ‑a wo da a a ben chɛ ma, Sitana an mbe a ma‑a wo ni a fɔ.”
Chisɔsi‑a mɔɛ n kan, an ta ɔ nyɔn koe ma
(Duku 6:29-30)
38Chisɔsi ɔ, “Wo‑a a a min fan, min na‑a fɔ suun, mbɛ ni mɔɛ‑a mɔ dɔ mende ya bɔ, an mbe a wɛɛ ta ya bɔ wan. Ni a‑a mɔ dɔ mende nyinɛ bɔ, an mbe a wɛɛ ta nyinɛ bɔ wan. 39Chɛɛ n mbe gbɛ sanche a fɔ tena wo ye, wo ma wo ta ɔ nyɔn mɔ ɔ mɔ ma, min mbe ko yama ma‑a wo a. Ni mɔ ɔ mɔ‑a wo boo nyima ɔ gbanɛ ɔ gbasi, wo wo man dɔ gbanɛ wɛɛ a mun, a ni a wɛɛ ɔ gbasi. 40Ni mɔɛ‑a wo ma siibia wo 'a wanda fɛsi ko a, wo a be a ma, a basan wo 'a doma kai wɛɛ a. 41A yɛ to, ni soya mɔɛ‑a a din wo ma ta koe a a 'a feanka a mai dɔndɔ ko a, wo ta a a mai fea. 42Ni mɔ ɔ mɔ‑a wo ɔ tisa a deman koe a, wo a deman. Ni mɔɛ toen mu to wo ni kuiɛ be a ma fenɛ a, min mbe wo boo ɔ, wo a be a ma.”
Chisɔsi‑a kanɛ chɛ, a si to koe ma mɔ dɔ mende a
(Duku 6:27-28, 32-36)
43Chisɔsi ɔ, “Wo‑a a a min fan, min na‑a fɔ suun, mbɛ wo ni to wo 'a mɔɛ n na, mbɛ wo too‑a wo ko don ma nyɔɛ n na. 44Chɛɛ n mbe gbɛ sanche a fɔ tena wo ye, wo ko don ma nyɔɛ n ko a ni dia wo ye, a sin, wo ni samunɛ chɛ chɛ n ko a, miin mbe ko ma gbaaenɛ sa‑a wo ma. 45Ni wo‑a chɛ ma, wo e ma‑a wan Fa Yataa, min mbe banda bu ɔ, a gbɔgbɔɔ denɛ n na. Koe min na mu, a wan Yataa dɔndɔ gbe chɛ, an mbe a ma, mɔ yama n mbe tee ma sɔn, an basan mɔ chɛndɛ n bɛɛ a. Ɛ a ma wan to, mbɛ mɔɛ chɛndɛ n‑na sona ma sɔn, an basan mɔ yama n bɛɛ a. 46Chɛɛ ni wo to‑a dechee mɔɛ n na, miin toen mu wo a a, wo ee tɔnɔn ma sɔn chɛ ko a Yataa a. Koe min na mu, mɔɛ miin mbe pawa kain,#5:46 Pawa kain mɔɛ n ma kunyɛ a nii ma di, an bɔ Chu mɔɛ n tena. an mbe a ma ka wan. 47Ni wo e chia ɔ bɔɛ chɛndɛ chɛ dechee wo suun ma nyɔɛ n fan na, tɛ bɔ ee wo ma, wo bɛ mɔ dɔ mende n na. Koe min na mu, mɔɛ miin bɛɛ ma Yataa sɔn, an mbe a ma ka wan. 48Chɛ an‑na a fɔ, koadia ma ban wo faa ɔ mɔ dɔ mende n ko a, yɔ koadia ee ban buɛ min dɔ Fa Yataa, min mbe banda bu ɔ, a faa ɔ.”
Currently Selected:
MATIU 5: KONONT
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
New Testament in Kono © The Bible Society of Sierra Leone, 2006.
MATIU 5
5
Chisɔsi‑a mɔɛ n kan, a si dua chɛndɛ ma
(Duku 6:20-23)
1Chɛ gbakɔ, mbɛ Chisɔsi‑a a ɔ yen, mbɛ fanka fanka chɛ a sɔn‑da a ma, a sɛ‑a kɔnkɔɛ a. A si‑a kɛn nɔ, mbɛ a fɛ denɛ n gbɛn‑da a ma. 2Mbɛ a‑a a kuu sɔ an kan‑da, a ɔ,
3“Mɔɛ miin‑na a ɔ sɔn chia ee nɔ, mɔɔ ni Yataa basan‑da an ma, an duaen mu.
Yataa an mbe ma‑a an 'na mansa a.
4“Mɔɛ miin mbe di chɛ‑a, an duaen mu.
Yataa ɛ di ka‑a wan an ya a.
5“Mɔɛ miin dɔ ma fasi ni, an duaen mu.
Yataa ɛ duu gboo chɛ gbɛɛ be‑a wan an ma, an ta a.
6“Mɔɛ miin mbe an faa gbɛɛ chɛ‑a Yataa faa ma koe ma koe a, an duaen mu.
Yataa ɛ faachima be‑a wan an ma.
7“Mɔɛ miin mbe chinchin an bɔɛ n ma, an duaen mu.
Yataa ɛ chinchin‑da wan an ma.
8“Mɔɛ miin faa ɔ gbɛen mu, an duaen mu.
An mbe Yataa yen‑da wan.
9“Mɔɛ miin mbe mɔɛ n tɛ ɔ bɛn, an duaen mu.
Yataa ɛ an ya‑a wan a 'a denɛ n na.
10“Mɔɛ miin mbe ko yawaenɛ ɔ yen‑da, Yataa faa ma koe ma koe a, an duaen mu.
Yataa an mbe ma‑a an 'na mansa a.
11“Ni mɔɛ n‑na ko yawaenɛ sa wo ma, an ni wo main, an ni fania yama kan kɔ kan fɔ wo ma, n fan, n bakoe a, wo duaen mu. 12Wo bu ɔ ni dia kaka, koe min na mu, Yataa ɛ tɔnɔnɛ chenama sa tena ɔ bɛn‑da wan wo ko a banda bu ɔ. Wo wo faa bia, a mu min na, an‑na ko yawaen dɔndɔ gbe chɛ an sa suun Yataa 'a gbonka chɛ mɔɛ n ma, an‑na min sa ka wo wɛɛ ma.”
Chisɔsi‑a kanɛ chɛ, a si kuiɛ ma, a basan sanku manɛ a
(Maki 9:50; Duku 14:34-35)
13Chisɔsi ɔ, “Wo maen fan mu yɔ kuiɛ mɔ gbu gbɛɛ ko a dunya chɛ ɔ. Chɛɛ ni kuiɛ ɔ sɛ‑a, mɔ ee che to i ni a ma a dia ni yɛ a ɔ. A ma nyin to fen kɔ fen ko a. A nyin dechee mɔ ni a a dɛ baa ma, mɔɛ n mbe tɛn tɛn a ɔ kaina.
14“Wo maen fan mu yɔ sanku manɛ, mɔ gbu gbɛɛ ko a dunya chɛ ɔ. Duu wa min mbe sɔ ɔ kɔnkɔ a yansama kun tɛ, a ee che nun‑da. 15Mɔ ɔ mɔ ee dambo a man, mbɛ a‑a a don samba kɔɔ. Chɛɛ ɛ a si kaina wan, ɛ manɛ be kaina mɔ ɔ mɔ ma chenɛ bu ɔ. 16A sin, mbɛ i wan, i wɛn maen mu yɔ sanku manɛ, i bɔɛ mɔ gbu n ko a, a ma i 'a manɛ ni man i bɔɛ mɔ gbu n tɛ ɔ, min mbe a ma, an ni a ɔ yen, e wai chɛndɛ min chɛ tena. Chɛ an mbe a ma‑a, an ni tando be Fa Yataa ma, min mbe banda bu ɔ.”
Chisɔsi‑a mɔɛ n kan, a si Mosisi 'a sawa ma
17Chisɔsi ɔ, “A ma ma wo yii ma, mbɛ n na‑a a fɔ koe an na mɔɛ n ye, mbɛ an ma an too ma sɔ to sawa chɛ n ma, Yataa‑a miin be suun Mosisi ma, a basan bai chɛ na, min be‑a Yataa 'a gbonka chɛ mɔɛ n ma. N ma na ni chɛ an na. Chɛɛ n na‑a, min mbe a ma, sawa chɛ nu, a basan gbonka chɛ mɔɛ chɛ n 'na bai n na, an ni bɔ a a. 18Koe min na mu, n ni a ma din wo tena, mbɛ tima min na dunya chɛ gbɛɛ ɛ wɛ nɔ, sawa chɛ ɛnden bɛɛ ee ka a a, aan bai miin fɔ‑a a ɔ, an ni bɔ a a. 19Mɔɛ min mbe sawa chɛ pɛɛ ɛnden bɛɛ yɔn‑da, ɛ ta‑a mɔɛ n kan‑da a yɔn koe ma, a ee nyan‑da a ko a. Yataa ɛ a mɔɛ chɛ ma‑a wan mɔ pɛɛ ɛndenɛ a, mɔ gbu n tɛ, miin mbe na‑a don‑da a 'a mansaya kɔɔ. Chɛɛ mɔɛ min mbe bea‑a sawa chɛ fɛ, a ni mɔ dɔ mende n kan a a, ɛ nyan‑da wan a ko a. Yataa ɛ a mɔɛ chɛ ma‑a mɔ chenama an na, mɔ gbu n tɛ, miin mbe na‑a don‑da a 'a mansaya kɔɔ. 20N mbe a fɔ tena wo ye, mbɛ wo ee don‑da Yataa 'a mansaya kɔɔ, mɔɔ ni wo‑a wo sɔɛ don Yataa faa ma koe ma koe a, a ben Chu n 'na sawa kan mɔɛ chɛ n ma, an bɛ Fayisii n na.”
Chisɔsi‑a mɔɛ n kan, a si faatɛ ɔ benden ba ma
21Chisɔsi ɔ, “A ɔ yianden fan mu wo a, Yataa na‑a min fɔ suun mɔɛ n ye. A ɔ, ‘Wo ma mɔ fa, ni sawa ma min fɔ ni. Mɔ ɔ mɔ min mbe mɔɛ fa‑a, ɛ gbɛmbo‑a wan.’ 22Chɛɛ n mbe sanche gbɛ a fɔ tena wo ye, mbɛ ni mɔ ɔ mɔ faa tɛ‑a a ɔ benden ba a a,#5:22 Bai chɛ n fan saen mu a kun ma Matiu 'a gboo kɔma dɔ n dɔ. An bai chɛ n dɔ: kun mbe ee faatɛ min ma. a suun ma nyɔɛ ma, an mɔɛ chɛ ɛ gbɛmbo‑a wan. Mɔ ɔ mɔ min mbe bai yama sa‑a a suun ma nyɔɛ ma, an mɔɛ chɛ ta gbɛmbo kɔ ɛ gbɛ‑a wan, Chu kuti wa ɔ. A sin, mɔ ɔ mɔ min mbe a fɔ‑a a suun ma nyɔɛ ma, a ɔ, ‘Yataa sɔn bai mu a a,’ a mɔɛ chɛ nɛnɛ ɛ ta‑a ta an dɔ, ni a fa‑a. 23Chɛ an‑na a fɔ, ni i ma‑a na‑a i 'a yasi a Yataa 'a kata ɔ, mbɛ a puin‑da i yii ma, mbɛ i na‑a ko yama ma wan i suun ma nyɔɛ a, 24i 'a yasi chɛ to nɔ, yasi minda gbengbe chɛ ya kɔɔ. Mbɛ i ta‑a a ya kɔɔɛ a, mbɛ i‑a a ma wo tɛ bai sa‑a, wo fea i suun ma nyɔɛ chɛ a. E yɛ‑a wan gbɛ, i ni i 'a yasi chɛ bɔ Yataa tena.
25“A ma i ma gbɔsɔɛ a, bai ni sa wo tɛ bui chɛ a, wo fea i koɔ nyɔɛ a, a e na to bɔ‑a sawa chen kɔɔ. Ni chɛ ma, i koɔ nyɔɛ ɛ i be‑a wan sawa kun ti ma, min mbe i a ben‑da sawa kun ma fɛn mɔɛ n tena, mbɛ an‑na i sa pimbi chenɛ a. 26N ni a ma din i tena, mbɛ e ee bɔ‑a pimbi chen chɛ a aan, kɔpɔɛ chɛ dankama gbɔdɛ, an mbe i a bɔnɔ‑a min na, i ni a be.”
Chisɔsi‑a kanɛ chɛ, a si waa yama ma basan koe ma
27Chisɔsi ɔ, “Wo‑a a a min fan, min na‑a fɔ suun, mbɛ mɔ ee waa ma basan mɔɛ a, wo ee fuu ɔ min na. 28Chɛɛ n mbe sanche gbɛ a fɔ tena wo ye, mbɛ ni mɔ ɔ mɔ‑a musu ma fɛn aan, musu koe ni puin i yii ma musu chɛ ko a, mbɛ a mɔɛ chɛ‑a waa an ma basan ka musu a, a faa ɔ, a ee fuu ɔ min na. 29Chɛ an‑na a fɔ, ni i boo nyima ɔ ya, an mbe i a dɛ tena ko yama ɔ, a bɔ, i ni a a dɛ. Ɛ nyan fan i ni fo i sɔna dɔndɔ a, a ni ben i ta koe ma i sɔna gbɛɛ a kandenɛ a ta ɔ. 30Ni i boo nyima ɔ boo, an bɛɛ ɛ i a dɛ tena ko yama ɔ, a tɛ a a, i ni a a dɛ. Ɛ nyan fan i ni fo i sɔna dɔndɔ a, a ni ben i ta koe ma i sɔna gbɛɛ a kandenɛ a ta ɔ.”
Chisɔsi‑a mɔɛ n kan sawa n na, a si musu boo ka koe ma
(Matiu 19:9; Maki 10:11-12; Duku 16:18)
31Chisɔsi ɔ, “A fɔen fan mu to, mbɛ ni mɔ ɔ mɔ‑a a boo ka a 'a musu a, a mɔɛ chɛ ni siiya gboo be an musu chɛ ma. An mbe a ɔ yian, mbɛ a wan mɔ kaima chɛ wandi, an‑na a boo ka musu chɛ a. 32Chɛɛ n mbe gbɛ sanche a fɔ tena wo ye, mbɛ ni mɔ ɔ mɔ‑a a boo ka a 'a musu a, ko dɔ mende ko a, min ma waa ma basan koe a kai dɔ mende a, mbɛ an mɔɛ chɛ, a‑a musu chɛ ma waa ma basan mɔɛ a kai dɔ mende a, Yataa ya a. A sin, ni mɔ kaima dɔ mende‑a an musu bonda chɛ si musu a, mbɛ a wan mɔ kaima chɛ wɛɛ‑a waa an ma basan ka mɔ dɔ mende 'a musu a, Yataa ya a.”
Chisɔsi‑a kanɛ chɛ, a si gboo ma
33Chisɔsi ɔ, “Wo na‑a a min fan, min fɔ‑a to suun mɔɛ n ye. Ni wo‑a wo gboo ko ɔ ko ma Mansa Yataa tena, wo ma wo da a kuiɛ yɔn, wo an koe chɛ ma.#5:33 Ni wo‑a wo gboo ko ɔ ko ma Mansa Yataa tena, wo ma wo da a kuiɛ yɔn, wo an koe chɛ ma - A fɔ buɛ dɔ mende an nɛ: Ni wo‑a Mansa Yataa too ɔ dia ko kan kɔ kan chɛ koe a a ye, wo ma wo da a kuiɛ yɔn. Wo wo da a kuiɛ to a ma a tena. 34Chɛɛ n mbe gbɛ sanche a fɔ tena wo ye, wo ma wo gboo ɛnden bɛɛ a. Wo ma wo gboo banda bu ɔ ɔ, a mu min na, Yataa 'a mansaya sea an nɛ. 35A yɛ to, wo ma wo gboo dunya chɛ wɛɛ ɔ, a mu min na, Yataa chenɛ sɔ tena an nɛ. N mbe ee baa, wo ni wo gboo Chuusaɛn duu ɔ. Yataa Mansa Wa an ta mu a a. 36N mbe ee baa to, i gboo koe ma i wandi kunɛ ɔ, a mu min na, e ee che i kundi dɔndɔ wɛɛ fin‑da, chɛ ma, i ni a ma a ni gbɛ. 37Wo e min ma, an mu yɔ chɛ, ni wo dɔn‑da gbɛ koe min ma, wo dɔn a ma wo faa gbɛɛ a. A sin, ni wo ma dɔn ni koe min ma a saa a, wo ma yɛ to, wo ni dɔn a ma a danka a. Bai dɔ mende kan kɔ kan, min mbe bɔ‑a wo da a a ben chɛ ma, Sitana an mbe a ma‑a wo ni a fɔ.”
Chisɔsi‑a mɔɛ n kan, an ta ɔ nyɔn koe ma
(Duku 6:29-30)
38Chisɔsi ɔ, “Wo‑a a a min fan, min na‑a fɔ suun, mbɛ ni mɔɛ‑a mɔ dɔ mende ya bɔ, an mbe a wɛɛ ta ya bɔ wan. Ni a‑a mɔ dɔ mende nyinɛ bɔ, an mbe a wɛɛ ta nyinɛ bɔ wan. 39Chɛɛ n mbe gbɛ sanche a fɔ tena wo ye, wo ma wo ta ɔ nyɔn mɔ ɔ mɔ ma, min mbe ko yama ma‑a wo a. Ni mɔ ɔ mɔ‑a wo boo nyima ɔ gbanɛ ɔ gbasi, wo wo man dɔ gbanɛ wɛɛ a mun, a ni a wɛɛ ɔ gbasi. 40Ni mɔɛ‑a wo ma siibia wo 'a wanda fɛsi ko a, wo a be a ma, a basan wo 'a doma kai wɛɛ a. 41A yɛ to, ni soya mɔɛ‑a a din wo ma ta koe a a 'a feanka a mai dɔndɔ ko a, wo ta a a mai fea. 42Ni mɔ ɔ mɔ‑a wo ɔ tisa a deman koe a, wo a deman. Ni mɔɛ toen mu to wo ni kuiɛ be a ma fenɛ a, min mbe wo boo ɔ, wo a be a ma.”
Chisɔsi‑a kanɛ chɛ, a si to koe ma mɔ dɔ mende a
(Duku 6:27-28, 32-36)
43Chisɔsi ɔ, “Wo‑a a a min fan, min na‑a fɔ suun, mbɛ wo ni to wo 'a mɔɛ n na, mbɛ wo too‑a wo ko don ma nyɔɛ n na. 44Chɛɛ n mbe gbɛ sanche a fɔ tena wo ye, wo ko don ma nyɔɛ n ko a ni dia wo ye, a sin, wo ni samunɛ chɛ chɛ n ko a, miin mbe ko ma gbaaenɛ sa‑a wo ma. 45Ni wo‑a chɛ ma, wo e ma‑a wan Fa Yataa, min mbe banda bu ɔ, a gbɔgbɔɔ denɛ n na. Koe min na mu, a wan Yataa dɔndɔ gbe chɛ, an mbe a ma, mɔ yama n mbe tee ma sɔn, an basan mɔ chɛndɛ n bɛɛ a. Ɛ a ma wan to, mbɛ mɔɛ chɛndɛ n‑na sona ma sɔn, an basan mɔ yama n bɛɛ a. 46Chɛɛ ni wo to‑a dechee mɔɛ n na, miin toen mu wo a a, wo ee tɔnɔn ma sɔn chɛ ko a Yataa a. Koe min na mu, mɔɛ miin mbe pawa kain,#5:46 Pawa kain mɔɛ n ma kunyɛ a nii ma di, an bɔ Chu mɔɛ n tena. an mbe a ma ka wan. 47Ni wo e chia ɔ bɔɛ chɛndɛ chɛ dechee wo suun ma nyɔɛ n fan na, tɛ bɔ ee wo ma, wo bɛ mɔ dɔ mende n na. Koe min na mu, mɔɛ miin bɛɛ ma Yataa sɔn, an mbe a ma ka wan. 48Chɛ an‑na a fɔ, koadia ma ban wo faa ɔ mɔ dɔ mende n ko a, yɔ koadia ee ban buɛ min dɔ Fa Yataa, min mbe banda bu ɔ, a faa ɔ.”
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
New Testament in Kono © The Bible Society of Sierra Leone, 2006.