YOHANES 8
8
1Noro Yesus ug ei Nungug Zaitun. 2Njap bigyoti di hyep bu lene Noni ngkwei hanyen kwei ei Tuhan De Ig. Tirigi tungwatu nya yahagom ingwig kep Noni lene Noni gwam jug ba, sindi ngginau yok. 3Leu api guru Puig Yahudi nicukti nya kin Farisi nya ibuwak misop gom di cut ei sisar nicut tut yamti kwei ndam Noni bikes noni biya ei yahagom yoho bei, 4lene ipai bak Yesus “Guru e, ibou poi ittau kep misop dini hammi tirigi noni cut ei sisar nicut tut yamti leu api ikat noni kwei dini. 5#Im. 20:10; Ul. 22:22-24 Nicukti di tug hon Musa cuk nye bipia suar iba tig bihwen sop di cut nok gini bimai ug. Noro ma apai igbit angon kanti ug e.” 6Ipai nok leu binhyepo isrou Yesus lene gima bon nituti mem ibipai kep Non drek dip. Noro Yesus ndun bou bitou kep dihyei ninjek dip lene ba ninda pijum bipas ei dihyeiti. 7Ibisau huk Noni ninno leu api Noni kon nibou kui bipai biyok “Disindui sut ba, no di bon sisar hi bigyo rima ba tig bihwen misop dini bibie a.” 8Pai nok rino Noni ndun bou bitou kep dihyei ninjek dip bipas ei dihyeiti hanyen bu. 9Tirigi nibou dima yok imiap Yesus nipaisi nok rino yahagom intek gimahap sindam ba, andig-ndau nya intek bibie. Lene Yesus gwam nigwamti lo, misop dima ya niyati. 10Lene Yesus kon nibou bitou kep noni lene hig ser “Yo dima ritou i? Hi pai kep na bi e?”
11Noni buhup “Andigpoi e, hi bi.”
Yesus pai “Kei Dani cem dipai kep na bi. Ambut hak ug noro ma abon sisar bu au.”]
Yesus ne nipigati mem dihyeisi dini ri
12 #
Mat. 5:14; Yoh. 9:5 Lene Yesus pai bak yo di imang bibor dima hanyen bu “Dani ne nipigati mem dihyeisi dini ri. No di bit Da mbut mem nidinditi bi noro yai nipigati di niyaijo nijep.”
13 #
Yoh. 5:31
Noro Farisi nya ibuhup “Aba ahyet dima bimbrap gau Nanti. Gima rino ahyet dima ndo bindo di nijit binye bi.”
14Yesus buhup “E bi. Mbro nok gino dimbrap gau Danti lo, dipaisi dima nijit lewo dikan tut dikwei leusi kin duug eisi cem. Noro jikan tut dikwei leusi kin duug eisi bi. 15Jimbus tungwatu nya ingonti tug hon nisinati di ntun dihyeisi dini him. Noro dimbus tungwatu nya ingonti bi. 16Gino dimbus ingonti ne Ditde nimbus ingonti igbit rin lewo diya biDangkom bi noro Dicig di cuk Da kwei cem No ya tut Da ba. 17Nibokti di ipas ei jide Puig Yahudi nicukti pai ‘Gino ibou can ingat mun nyeng gom bou igyai him ba, ighyet ket ei yam hyetti lene ighyet dima nijit ri.’ 18Dimbrap gau Danti ba, Dicig di cuk Da kwei cem mbrap gau Da.”
19Ihig ser Noni “Acig No hantou i?”
Noni buhup “Ningat ne jikan tut Da igbit bi bijikan tut Dicig cem igbit bi. Gino jikan tut Da tu lene jikan tut Dicig cem.”
20Yesus pai mun dini yok hagom mpe dino Noni ngginau tungwatu nya ei Tuhan De Ig ba, gwam dideu brua di icom mitiei mbusyamei eisi nijoti. Noro hi kat Noni bi lewo tto bou dem bigyo.
Duug ei nittou nsi gom noro bit bon jibit Da kan bi
21Yesus pai biyok hanyen “Dimbut ri. Mbro nok gino jinggok ser Da lo, mijimai ei jide sisarti. Bit bon jibit Da ug ei mpia ttou nsi dima kan bi.”
22Gima rino nibou mben Yahudi nya ihig yam ser “Leu ma Noni miyai nimai biNonti e? Lewo pai bipia bit bon hi bit Noni ug ei mpia ttou nsi dima kan bi.”
23Lene Noni buhup “Jitimieisi jo bijehei ei dihyeisi dini noro dijuk leu anai hu kwei. Jikwei leu dihyeisi dini noro dikwei leu dihyeisi dini bi. 24Gima ripo dipai bije bipia mijimai ei jide sisarti. Gino jingon jo kep bipia Dani ne No di ninyeng DANI DINGAT RIN bi ne mijimai ei jide sisarti.”
25Ihig ser Noni “Anyeng tou i?”
Yesus buhup “Dani ne no ripo dipai bije habiei su pima.#8:25: Nipas kep Dani ne no po dipai bije habiei su pima cem kei lene nipas kep Dimbrap bit je hanyen tut nggon i? cem kei. 26Dipi bibou dimbrap tut mun nyeng mang bibor di bitut jeni ba, dipai kep je cem. Noro No di cuk Da kwei ningon sren-srau. Ditri tut nihyet di Noni sok ei Da dip hanyen bak tungwatu dihyeisi dini.”
27Yo dima ingon kiowi tut mun di Yesus pai sut Nicigya. 28Gima rino Noni pai biyok “Mpe dino jitas biei salib tut Munggwom Tungwatu Nipmot ne jikan tut bipia Dani ne No di ninyeng DANI DINGAT RI. Mpe dima lene mijikan tut bipia diyai midyai bit leu dingon kanti bi. Noro ditri tut nihyet di Dicig sok ei Da dip he. 29No di cuk Da kwei cem ningat rin kin Da bikes Da ei bi lewo diyai midyai bit leu Nonti ningon kanti bikwop mmun-njap.”
30Lene tungwatu nya imang bibor di imiap nihyet di Yesus tri tut iba ingon com Noni.
Ningginausi tut Allah di nijit di kwek tungwatu nya leu awak
31Gima rino Yesus pai bak mben Yahudi di iba ingon com Noni “Gino jibit Ditde ningginausi lene jeni ne yo di itti kin Da nijit-jau ri. 32Leu api mijingon dorti tut Allah nihyet di nijit-jau ba, Noni bindei kwek je leu awak bijiyati kwes drek dip.”
33 #
Mat. 3:9; Luk. 3:8 Yo dima ibuhup “Nintun Abraham him bininok awak mem tungwatu nya hi bi sren. Gima rino ma ambot kep tut angon kanti dino apai bipia ‘nyeni miniyai gi kwek leu awak biniyati kwes dima ug e’.”
34Yesus pai biyok “Dipai nijit bije bipia bikwop no di bon sisar ne no dima nok awak mem sisar. 35No di nok awak tig mbier tut niceu nide ig bei nsi nya bi. Noro niceu nipmot tig mbier tut nicig nide ig bei nsi nya kikau. 36Gima rino gino Allah Nipmot kwek je leu awak bijiyati kwes lene jinok awak bu bi sren. 37Dikan tut bipia jintun Abraham him. Noro jibingon mem gima jiyai nimai biDa drek dip jingon di tunggwei sut Ditde ningginausi. 38Ditri tut mun di Dicig ndo biDa noro jeni rino jiyai midyai bit leu nok jicig nicuk jeti.”
39Yoni ibuhup “Nicig rino Abraham.”
Yesus pai biyok “Gino jintun Abraham him bijinok nimunggwom bat nijit-jau nya lene mijiyai bram Abraham niyaisi.” 40Ditri tut mun di nijit-jau di dimiap leu Allah bije hak. Noro jibingon mem gima jiyai nimai biDa. Abraham bon mun bit leu nok gima bi! 41Jiyai munti nya bram jicig niyai munti.
Ibuhup “Ninok munggwom di isrek tug hon nibon sisarti bi. Nyeni nicig gom ngat di Allah Nongkom he.”
42Lene Noni pai biyok “Ningat ne gino Allah ne jicig rin lene mijingon ngakei Da lewo dikwei leu Allah. Dikwei bit leu dingon kanti bi noro Noni rino cuk Da kwei. 43Nggon rino jingon dorti tut dihyet bi i? Jingon dorti bi lewo jingon tunggwei nihyet di tibim ei duhui him. 44Bilis ne jicig rin ba, jiyai midyai bit leu jicig ningon kanti. Noni ne nihwen mun cig rin habiei leu nimbie him. Noni tti kin Allah nihyet di nijit-jau bi sren lewo nijit-jausi ninyeng gom jo ei ningonti bi. Tirigi noni ris kep tungwatu nya lene gima yai bram nonti niyai kepti lewo noni ne niris kep mun cig kin nibousi mem niris yamti hagom ri. 45Noro Dani ditri tut nihyet di nijit-jau. Leu gima rino jingon jo kep dihyet bi. 46Tou leu jikieti di ndo ei nibreisi bipia dingon mui bidibon sisar ninyeng gom tu i? Gino ditri tut nihyet di nijit-jau lene nggon rino jingon jo kep Da bi i? 47No di ntun Allah him ngig nitingou mem Allah nihyet. Noro jintun Allah him bi. Gima rino jingig jitingou mem dihyet bi.”
Ningginausi tut Yesus kin Abraham
48Mben Yahudi ihig ser Noni “Gi nipai sut Na bipia Nani ne mben Samaria di nung kui Na rin e? Gima ne anghapti di nijit rin bi e?”
49Noni buhup “Nung kui Da bi. Dikon Dicig ninyeng noro jipai Da kinei. 50Dingon bisau sut gima tungwatu nya ikon dinyeng bi. Noro tungwagom rino bisau sut gima diyai dinyeng di jei ba, Nongkom ne nikei di mbus dingonti ri. 51Dipai nijit bije bipia no di bit dihyet mai bu bi sren.”
52Lene ibuhup bak Yesus “Nogindini jo nibreisi mem nye bipia nung kui Na! Abraham mai leu su ba, nabi nya cem imai leu su noro atri tut bipia no di bit ahyet mai bu bi sren. 53Akan bipia anyeng jei dor njiriek icig Abraham e? Noni mai leu su ba, nabi nya cem imai leu su. Nani ne tou i? Bit bon anyeng jei dor njiriek icig Abraham kan bi!”
54Yesus buhup “Gino dibingon mem gima dikon dinyeng ne dinyeng jeisi dima bon ninyeng bi. Noro gi kon dinyeng ne Dicig di jipai sut Noni bipia jide Allah rin lo, 55jikan tut Noni igbit bi. Noro dikan tut Noni igbit. Gino doom ser bipia dikan tut Noni bi ne dinok no di ris ba, dinoyam kin jeni. Noro dikan tut Noni bidibit nihyet. 56Jicig Abraham yai nillei lewo noni kan tut bipia noni mingat Dani bou niyai him. Tirigi noni ngat Da tu lene ningon llei bibor!”
57Lene mben Yahudi ipai bak Yesus “Ade njap ug ei ari bingwam ningot muhwi bigyo. Notou angat Abraham bou ayai him i?”
58Yesus buhup “Dipai nijit bije bipia nipou tirigi Abraham srek bigyo ne DANI DINGAT RI.”
59Gipai nok rino mben Yahudi iteu tig mem gima ibihwen Noni. Noro Noni ku No nyahan bimbut leu Tuhan De Ig.
Currently Selected:
YOHANES 8: HAD
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
YOHANES 8
8
1Noro Yesus ug ei Nungug Zaitun. 2Njap bigyoti di hyep bu lene Noni ngkwei hanyen kwei ei Tuhan De Ig. Tirigi tungwatu nya yahagom ingwig kep Noni lene Noni gwam jug ba, sindi ngginau yok. 3Leu api guru Puig Yahudi nicukti nya kin Farisi nya ibuwak misop gom di cut ei sisar nicut tut yamti kwei ndam Noni bikes noni biya ei yahagom yoho bei, 4lene ipai bak Yesus “Guru e, ibou poi ittau kep misop dini hammi tirigi noni cut ei sisar nicut tut yamti leu api ikat noni kwei dini. 5#Im. 20:10; Ul. 22:22-24 Nicukti di tug hon Musa cuk nye bipia suar iba tig bihwen sop di cut nok gini bimai ug. Noro ma apai igbit angon kanti ug e.” 6Ipai nok leu binhyepo isrou Yesus lene gima bon nituti mem ibipai kep Non drek dip. Noro Yesus ndun bou bitou kep dihyei ninjek dip lene ba ninda pijum bipas ei dihyeiti. 7Ibisau huk Noni ninno leu api Noni kon nibou kui bipai biyok “Disindui sut ba, no di bon sisar hi bigyo rima ba tig bihwen misop dini bibie a.” 8Pai nok rino Noni ndun bou bitou kep dihyei ninjek dip bipas ei dihyeiti hanyen bu. 9Tirigi nibou dima yok imiap Yesus nipaisi nok rino yahagom intek gimahap sindam ba, andig-ndau nya intek bibie. Lene Yesus gwam nigwamti lo, misop dima ya niyati. 10Lene Yesus kon nibou bitou kep noni lene hig ser “Yo dima ritou i? Hi pai kep na bi e?”
11Noni buhup “Andigpoi e, hi bi.”
Yesus pai “Kei Dani cem dipai kep na bi. Ambut hak ug noro ma abon sisar bu au.”]
Yesus ne nipigati mem dihyeisi dini ri
12 #
Mat. 5:14; Yoh. 9:5 Lene Yesus pai bak yo di imang bibor dima hanyen bu “Dani ne nipigati mem dihyeisi dini ri. No di bit Da mbut mem nidinditi bi noro yai nipigati di niyaijo nijep.”
13 #
Yoh. 5:31
Noro Farisi nya ibuhup “Aba ahyet dima bimbrap gau Nanti. Gima rino ahyet dima ndo bindo di nijit binye bi.”
14Yesus buhup “E bi. Mbro nok gino dimbrap gau Danti lo, dipaisi dima nijit lewo dikan tut dikwei leusi kin duug eisi cem. Noro jikan tut dikwei leusi kin duug eisi bi. 15Jimbus tungwatu nya ingonti tug hon nisinati di ntun dihyeisi dini him. Noro dimbus tungwatu nya ingonti bi. 16Gino dimbus ingonti ne Ditde nimbus ingonti igbit rin lewo diya biDangkom bi noro Dicig di cuk Da kwei cem No ya tut Da ba. 17Nibokti di ipas ei jide Puig Yahudi nicukti pai ‘Gino ibou can ingat mun nyeng gom bou igyai him ba, ighyet ket ei yam hyetti lene ighyet dima nijit ri.’ 18Dimbrap gau Danti ba, Dicig di cuk Da kwei cem mbrap gau Da.”
19Ihig ser Noni “Acig No hantou i?”
Noni buhup “Ningat ne jikan tut Da igbit bi bijikan tut Dicig cem igbit bi. Gino jikan tut Da tu lene jikan tut Dicig cem.”
20Yesus pai mun dini yok hagom mpe dino Noni ngginau tungwatu nya ei Tuhan De Ig ba, gwam dideu brua di icom mitiei mbusyamei eisi nijoti. Noro hi kat Noni bi lewo tto bou dem bigyo.
Duug ei nittou nsi gom noro bit bon jibit Da kan bi
21Yesus pai biyok hanyen “Dimbut ri. Mbro nok gino jinggok ser Da lo, mijimai ei jide sisarti. Bit bon jibit Da ug ei mpia ttou nsi dima kan bi.”
22Gima rino nibou mben Yahudi nya ihig yam ser “Leu ma Noni miyai nimai biNonti e? Lewo pai bipia bit bon hi bit Noni ug ei mpia ttou nsi dima kan bi.”
23Lene Noni buhup “Jitimieisi jo bijehei ei dihyeisi dini noro dijuk leu anai hu kwei. Jikwei leu dihyeisi dini noro dikwei leu dihyeisi dini bi. 24Gima ripo dipai bije bipia mijimai ei jide sisarti. Gino jingon jo kep bipia Dani ne No di ninyeng DANI DINGAT RIN bi ne mijimai ei jide sisarti.”
25Ihig ser Noni “Anyeng tou i?”
Yesus buhup “Dani ne no ripo dipai bije habiei su pima.#8:25: Nipas kep Dani ne no po dipai bije habiei su pima cem kei lene nipas kep Dimbrap bit je hanyen tut nggon i? cem kei. 26Dipi bibou dimbrap tut mun nyeng mang bibor di bitut jeni ba, dipai kep je cem. Noro No di cuk Da kwei ningon sren-srau. Ditri tut nihyet di Noni sok ei Da dip hanyen bak tungwatu dihyeisi dini.”
27Yo dima ingon kiowi tut mun di Yesus pai sut Nicigya. 28Gima rino Noni pai biyok “Mpe dino jitas biei salib tut Munggwom Tungwatu Nipmot ne jikan tut bipia Dani ne No di ninyeng DANI DINGAT RI. Mpe dima lene mijikan tut bipia diyai midyai bit leu dingon kanti bi. Noro ditri tut nihyet di Dicig sok ei Da dip he. 29No di cuk Da kwei cem ningat rin kin Da bikes Da ei bi lewo diyai midyai bit leu Nonti ningon kanti bikwop mmun-njap.”
30Lene tungwatu nya imang bibor di imiap nihyet di Yesus tri tut iba ingon com Noni.
Ningginausi tut Allah di nijit di kwek tungwatu nya leu awak
31Gima rino Yesus pai bak mben Yahudi di iba ingon com Noni “Gino jibit Ditde ningginausi lene jeni ne yo di itti kin Da nijit-jau ri. 32Leu api mijingon dorti tut Allah nihyet di nijit-jau ba, Noni bindei kwek je leu awak bijiyati kwes drek dip.”
33 #
Mat. 3:9; Luk. 3:8 Yo dima ibuhup “Nintun Abraham him bininok awak mem tungwatu nya hi bi sren. Gima rino ma ambot kep tut angon kanti dino apai bipia ‘nyeni miniyai gi kwek leu awak biniyati kwes dima ug e’.”
34Yesus pai biyok “Dipai nijit bije bipia bikwop no di bon sisar ne no dima nok awak mem sisar. 35No di nok awak tig mbier tut niceu nide ig bei nsi nya bi. Noro niceu nipmot tig mbier tut nicig nide ig bei nsi nya kikau. 36Gima rino gino Allah Nipmot kwek je leu awak bijiyati kwes lene jinok awak bu bi sren. 37Dikan tut bipia jintun Abraham him. Noro jibingon mem gima jiyai nimai biDa drek dip jingon di tunggwei sut Ditde ningginausi. 38Ditri tut mun di Dicig ndo biDa noro jeni rino jiyai midyai bit leu nok jicig nicuk jeti.”
39Yoni ibuhup “Nicig rino Abraham.”
Yesus pai biyok “Gino jintun Abraham him bijinok nimunggwom bat nijit-jau nya lene mijiyai bram Abraham niyaisi.” 40Ditri tut mun di nijit-jau di dimiap leu Allah bije hak. Noro jibingon mem gima jiyai nimai biDa. Abraham bon mun bit leu nok gima bi! 41Jiyai munti nya bram jicig niyai munti.
Ibuhup “Ninok munggwom di isrek tug hon nibon sisarti bi. Nyeni nicig gom ngat di Allah Nongkom he.”
42Lene Noni pai biyok “Ningat ne gino Allah ne jicig rin lene mijingon ngakei Da lewo dikwei leu Allah. Dikwei bit leu dingon kanti bi noro Noni rino cuk Da kwei. 43Nggon rino jingon dorti tut dihyet bi i? Jingon dorti bi lewo jingon tunggwei nihyet di tibim ei duhui him. 44Bilis ne jicig rin ba, jiyai midyai bit leu jicig ningon kanti. Noni ne nihwen mun cig rin habiei leu nimbie him. Noni tti kin Allah nihyet di nijit-jau bi sren lewo nijit-jausi ninyeng gom jo ei ningonti bi. Tirigi noni ris kep tungwatu nya lene gima yai bram nonti niyai kepti lewo noni ne niris kep mun cig kin nibousi mem niris yamti hagom ri. 45Noro Dani ditri tut nihyet di nijit-jau. Leu gima rino jingon jo kep dihyet bi. 46Tou leu jikieti di ndo ei nibreisi bipia dingon mui bidibon sisar ninyeng gom tu i? Gino ditri tut nihyet di nijit-jau lene nggon rino jingon jo kep Da bi i? 47No di ntun Allah him ngig nitingou mem Allah nihyet. Noro jintun Allah him bi. Gima rino jingig jitingou mem dihyet bi.”
Ningginausi tut Yesus kin Abraham
48Mben Yahudi ihig ser Noni “Gi nipai sut Na bipia Nani ne mben Samaria di nung kui Na rin e? Gima ne anghapti di nijit rin bi e?”
49Noni buhup “Nung kui Da bi. Dikon Dicig ninyeng noro jipai Da kinei. 50Dingon bisau sut gima tungwatu nya ikon dinyeng bi. Noro tungwagom rino bisau sut gima diyai dinyeng di jei ba, Nongkom ne nikei di mbus dingonti ri. 51Dipai nijit bije bipia no di bit dihyet mai bu bi sren.”
52Lene ibuhup bak Yesus “Nogindini jo nibreisi mem nye bipia nung kui Na! Abraham mai leu su ba, nabi nya cem imai leu su noro atri tut bipia no di bit ahyet mai bu bi sren. 53Akan bipia anyeng jei dor njiriek icig Abraham e? Noni mai leu su ba, nabi nya cem imai leu su. Nani ne tou i? Bit bon anyeng jei dor njiriek icig Abraham kan bi!”
54Yesus buhup “Gino dibingon mem gima dikon dinyeng ne dinyeng jeisi dima bon ninyeng bi. Noro gi kon dinyeng ne Dicig di jipai sut Noni bipia jide Allah rin lo, 55jikan tut Noni igbit bi. Noro dikan tut Noni igbit. Gino doom ser bipia dikan tut Noni bi ne dinok no di ris ba, dinoyam kin jeni. Noro dikan tut Noni bidibit nihyet. 56Jicig Abraham yai nillei lewo noni kan tut bipia noni mingat Dani bou niyai him. Tirigi noni ngat Da tu lene ningon llei bibor!”
57Lene mben Yahudi ipai bak Yesus “Ade njap ug ei ari bingwam ningot muhwi bigyo. Notou angat Abraham bou ayai him i?”
58Yesus buhup “Dipai nijit bije bipia nipou tirigi Abraham srek bigyo ne DANI DINGAT RI.”
59Gipai nok rino mben Yahudi iteu tig mem gima ibihwen Noni. Noro Noni ku No nyahan bimbut leu Tuhan De Ig.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena