Махьтвеест 4
4
Няльлянт алкхэш.
1Танна ляй Исус выкманч вуйӈсин міехц‐пайхка, кихчлем варас цуэртест.
2И куэсь сон пазьхій ніель‐логе піейвед и ніель‐логе ійед нялгешкудій маӈемуссе.
3И пудій кихчлей сонне, и цилькій: буди тон Иммель альк, ціелк што лехчин так кіедге ліейпен.
4Сон же цилькій сонне вуэста: ли кирьханч: ій линче эвтын лійбин іеллед олмунч, а юкке санійн, ку війт Иммель няльмест.
5Маӈӈа ъест валт сонэ цуэрхт пась‐ланна и ціеӈкахт сонэ ціерьков ладв элэ,
6И сарн сонне: буди тон линчих Иммель альк, суэхпьед вуэлас; тэн гуэйк што ли кирьханч: сон пахк иджес іеӈклійт тонэ варас, и сій куньтешкуэттеб тонэ кидійдис альн, ык тон кускче кядка юльгійнант.
7Исус цилькій сонне: ли кирьханч нит‐же: іель тон кихчель Шурэ, иджант Иммель.
8Васьт валт сонэ цуэрхт и вык чевта эл тіерьм элэ, и вуэзхал сонне пукыйт тан альме цар‐іемнійт и синэ славе.
9И сарн сонне: мун пук тэ‐лайте тонне антам, буде коммеринчих мынне юэлка.
10Танна Исус сонне сарн: уйт мунст іерс зайя, сахтан; тэн гуэйк што ли кирьханч: Шурре, тонэ Иммля коммэрдэл и эвт сонне служэ.
11Танна куэт сонэ цуэрхт; и кич іеӈкал путтин сонэ горра и слушшин сонне.
12Куэсь Исус кулый, Эвван ли антанч оррем?-?сайя, сон мэный Галилейя.
13И сон куэсь кудій Назарет, пудій и іеллеш?-?кудій Капернаумест, міер‐рынтест, Завулон и Неффалим раій сизн.
14Што шэнтахч сарнманч пайель пророк Исайя, ку сарн:
15Завулон іемне и Неффалим іемне міер кяйн альн Іордан туккен, рыстнахтем Галилей,
16Мыр оррей сіевньдэзест, уйній шур чувэ и сорьм іемнест и кэпсест орэійт чуввед шэнтій.
17Теде палест Исус сарнашкудій Иммель сагыйт и ціелькешкудій: кайдэттед, тэн гуэйк што альм цар‐валт альтля пудій.
18Куэсь сон мэный альт Галилей міерред, сон уйній кухт вильле, Сымман, кохчма Піедрен, и Уэньтрей сонэ вильле саймійт ноткмен міерре; тэн гуэйк што сонай лейин куль‐шилей.
19І сарн сійе, што пуэттед мунэ мильт и мун тинійт туешам олмунч‐шиллиен.
20Сій вактиньне куттен саймійдис и вулькин сонэ мильт.
21Куэсь сон вульгій тест эвдэс, уйній сон нумбе кухт вильлинч, Яхко Зеведей альге и Эвван сонэ вильле вэнсест эджійнис Зеведеійн, чыхтем саймійдис, и коччай синійт.
22И сій вактиньне куттен вэнсес и аджес и вулькии сонэ мильт.
23І воттэдій Исус пук Галилей мильт, уэпест синый синагогыйн, сарнай цар‐валд Евангели и лыццій юкке кэбэ и юкке уэйнахтемвудэ олмуйн.
24И мэній сонэ баяс сак пук Сирей мильт; и пуэхтиш сонне пукыйт кэблайт, койн лейин юккеналшем кэбэ и уэйнахтемвудэ, и вуррей олмыйт и ман‐кэблайт, и самхемес‐кэблайт, и сон лыццій синійт.
25И вульгій сонэ мильт іеннэг олмнеттед Галилеест и логе‐лань‐іемнест и Іерусалимест и Іудеест и Іордан туккен.
Currently Selected:
Махьтвеест 4: Kildin
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.