Matiyə̈ 17
17
Jezü kä wâ ngbî lə̂ la adjisîpili
(Mar 9.2-9; Luk 9.28-36)
1La tchêngbâ lö mïndûu manə̈ balë, Jezü zâ Pîêre la Jâke la Jâan yîngâ yê kə̈ gîtə̂ yê la andjê bhâchï lə̂ küma ngâ gbölö aga. 2Kʉ̂tê yê kâ wâ ngbî lə̂ la andjê: Tchâtchu yê sə̂ lakə̂ tchôtchö batə̂ andə̂ lo, alə̂ba ndə̂ yê grô vuu batə̂ ngbänga lo. 3Kpro kâkë, andjë wûn Möyîze la Elïe ndə̂ andjë sə̂ lakə̂ to pö la Jezü. 4Pîêre tô rə̂ sə̈ Jezü päkëdə̂: «Gbölö Gbïɛ̈, äfü pä azə̈ sə po âtə! Âdə mo ânyində̂ nə̈, mê mbo andokʉ̈ vötaâ, andə̂ zə nə̈ balë, andə̂ Möyîze balë, la andə̂ Elïe balë.» 5Ndə̂ gbô tchë ndə̂po lakə̂ to pö nə̈, ngâ ndrö ndə̂ âsə̂ lakə̂ tchôtchö, tô bhâ lafô kə̈ jrê ëpâ andjê. A djê tchə̂lə̂ ngâ gɨ̈ lə̂ ndrö nə̈ päkëdə̂: «Tchanə̈ âtə də̈ Modô ndə̂ mê ndə̂ më nyîndə̂ yê tə̂ gbölösə̂nə̈, su mê fü la tchë gbɛ̂, nyë djë tchë#17.5 Nyë dɨ̈ Mat 3.17..» 6Ndə̂ adjisîpili nə̈ djê rə̂ käko, wawa mbô andjê tə̂ gbölösə̂nə̈, andjë tê bêche, kə̈ vûndu tchâtchu andjê tə̂ cho. 7Jezü nə̂ ndola andjê, kə̈ grʉ̂ andjê kə̈ tô rə̂ sə̈ andjê päkëdə̂: «Nyë älafô! Wa mböäbô nyê mbô-ê!» 8Adjisîpili nə̈ kênga la andjê kə̈ wûn-âbo ngâ akrə balë-a, kütû Jezü. 9Ndə̂ andjë âsə̈ tro tə̂ aga nə̈ atə̂ bêche, Jezü zâma sə̈ andjê päkëdə̂: «Rə ndə̂ nyë wûn rə̂ âtə, nyë töäbô pö ndə̂nə̈ tô sə̈ ngâ akrə balë-ê zoo, Modô ndə̂ Akrə jo lə̂ gûtə̂ akuzü.»
10Adjisîpili nə̈ yû tchë päkëdə̂: «Bëte giamâ kä ndə̂ a-earə̂ kə̂ nyisə̂ ndïɛ̈ tô rə̂ päkëdə̂ äwäpä Elïe nə dokʉ̈tchê ânyë#17.10 Nyë dɨ̈ Mal 3.23.?» 11Tche tô rə̂ ndə̂nə̈ sə̈ andjê päkëdə̂: «Tə̂ lëge nə̈, Elïe âkadje, tche kä ndə̂ âmbo rə̂ ndə̂kə̂ pa rə gbɛ̂ kä wa la köbo nə̈. 12Andə̂ me nə̈, më tö rə̂ sə̈ nyê: Elïe nə̂ nə̂, azü wûn-âbo sə̂ yê-a, ânyë kə̈ mbô rə gbɛ̂ ndə̂ su andjê nyîndə̂ nə̈ tə̂ yê. Käko kä ndə̂ andjê mboadje Modô ndə̂ Akrə la yûkü.» 13Käko adjisîpili djê tchə̂lə̂ nə̈ päkëdə̂ tche kä lakə̂ to pö ndə̂ Jâan-Batîse.
Jezü tchä ngâ bechë la ngbongbo tchozö lə̂ yê
(Mar 9.14-29; Luk 9.37-43)
14Ndə̂ andjë wûtu ndola sə̂ tchô ndə̂ kpûlû azü nə̈ sə̂ tâ, ngâ köchë nə̂ ndola Jezü, kə̈ gʉ̂te tchâtchu yê kə̈ tô rə̂ päkëdə̂: 15«Gbölö Gbïɛ̈, wun nyonyo modô ndə̂ mê! Tche kä la tə̂kömbô ndə̂ kôkö, tche wün yûkü tə̂ gbölösə̂nə̈. Lə̂ angâ alö tche të lə̂ wo, âdəndjë lə̂ ngû. 16Më nə̈ la tchë sə̈ adjisîpili ndə̂ zə̈, andjë tchâ tchë tʉrʉ-ê.» 17Jezü zâ pö kə̈ tô rə̂ sə̈ andjê päkëdə̂: «Nyënyê ndə̂ azü ndə̂ tchô angêta ndə̂ nyë zâbo su nyê zä sə̈ Ndjapä âtə, mê âkä sə ndrotə̂ nyê zoo ëtə̂ lö atöko? Mê ârʉatə̂ su mê la nyê zoo dalatchêbâ? Nyë nə̈ la bechë nə̈ sə̈ mê!» 18Jezü hrô la ngbongbo tchozö lâme, ngbongbo tchozö nə̈ wûtu lə̂ bechë nə̈ ânyë tə̂ yê dâka posə̂nə̈. 19La tchêngbâ nə̈ adjisîpili nə̂ ndola Jezü, kütû andjê la tchë, andjë yû tchë päkëdə̂: «Bëte giamâ kä ndə̂ ârâ grô ngbongbo tchozö lâme tʉrʉ-ê?» 20Jezü tô rə̂ ndə̂nə̈ sə̈ andjê päkëdə̂: «Bëte kə̂ za su nyê sə̈ Ndjapä wä kpîɛ̂kpîɛ̂ rə̂. Ɛn-ɛn, tə̂ lëge nə̈ më tö rə̂ sə̈ nyê: Âdə kə̂ za su nyê sə̈ Ndjapä âwa kpîɛ̂kpîɛ̂ rə̂ batə̂ ndjî mütârede, âdə nyê âto rə̂ sə̈ aga âtə päkëdə̂: ‹Amö alafô kə̂ e təbhâ›, aga lâme âro etə̂. Ngâ rə ndə̂ sə̂nə̈ ka tə̂ nyê wabô tee-a. 21[Kütû lə̂ köbosə̂ kə̂ to pö sə̈ Ndjapä lakə̂ kosə̂ kɨ̈zɨ̂ kä ndə̂ nyê gro ngoa ngbongbo tchozö lâme#17.21 Lə̂ angâ angbängbä abəndɨ Mbëtï Ndjapä la ma gerêke, yɛ̈yɛ̈ da 21 lâme wâbo lə̂nə̈-a..]»
Jezü kä tô pö ndə̂ kuzü yê lakə̂ jo ndə̂ yê
(Mar 9.30-32; Luk 9.43b-45)
22Ndə̂ adjisîpili pâlatə̂ andjê tə̂ngâlo bhâ Galilë, Jezü tô rə̂ sə̈ andjê päkëdə̂: «A âgboadje tə̂ Modô ndə̂ Akrə ëtchânə̂ azü, 23andjê won-adje tchë, praâbalë lö vötaâ la tchêngbâ nə̈, tchê joadje lə̂ kuzü.» Nyonyo mbô adjisîpili nə̈ gbɛ̂ tə̂ pö nə̈ lâme.
Lapöo ndə̂ azü yo rə̂ lə̂ gbölö nda Ndjapä
24Ndə̂ Jezü la adjisîpili ndə̂ yê wûtu bhâ Käpërënäyûmo, azü ndə̂ andjë pala makətche-lapöo lə̂ gbölö nda Ndjapä nə̂ ndola Pîêre kə̈ yû tchë päkëdə̂: «Akrə ndə̂ tche nyisə̂ rə sə̈ nyê lâme wâbo ndə̂kə̂ yo lapöo ndə̂ gbölö nda Ndjapä?» 25Pîêre tô rə̂ ndə̂nə̈ sə̈ andjê päkëdə̂: «Tche âyo ndjë rə̂!» Ndə̂ Pîêre âsə̈ li atə̂ tchâalê, Jezü zâ pö dokʉ̈tchê kə̈ tô rə̂ päkëdə̂: «Chemön, bhâtə̂ su zə̈, tchabâ âwâ ndə̂kə̂ yo lapöo tchânə̂ agbïɛ̈ ndə̂ tchêbêche? Abechë gö nə̈? Âdəndjë azü ndə̂ ngâ gö ngbî?» 26Pîêre tô rə̂ ndə̂nə̈ sə̈ tchë päkëdə̂: «Azü ndə̂ ngâ gö ngbî.» Jezü tô rə̂ sə̈ tchë päkëdə̂: «Käko abechë gö nə̈ wâbo ndə̂kə̂ yo lapöo nə̈? 27Âwâbo pä azə̈ ndɨ tchə̂lə̂ su azü gö nə̈ tə̂ azə̂-a. Käko amö e atə̂ maga gbölö kpakpa ngû, kə̈ yî yongö. Dokʉ̈ giangû ndə̂ mo gbɨ tchë, amö on tchə̂lə̂ ma yê. Mô gboadje mîɛ̈-makətche lə̂ ma yê ndə̂kə̂ pa mo yo lapöo ndə̂ mê la andə̂ zə nə̈.»
Currently Selected:
Matiyə̈ 17: lnl
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Wycliffe Bible Translators, Inc.
Matiyə̈ 17
17
Jezü kä wâ ngbî lə̂ la adjisîpili
(Mar 9.2-9; Luk 9.28-36)
1La tchêngbâ lö mïndûu manə̈ balë, Jezü zâ Pîêre la Jâke la Jâan yîngâ yê kə̈ gîtə̂ yê la andjê bhâchï lə̂ küma ngâ gbölö aga. 2Kʉ̂tê yê kâ wâ ngbî lə̂ la andjê: Tchâtchu yê sə̂ lakə̂ tchôtchö batə̂ andə̂ lo, alə̂ba ndə̂ yê grô vuu batə̂ ngbänga lo. 3Kpro kâkë, andjë wûn Möyîze la Elïe ndə̂ andjë sə̂ lakə̂ to pö la Jezü. 4Pîêre tô rə̂ sə̈ Jezü päkëdə̂: «Gbölö Gbïɛ̈, äfü pä azə̈ sə po âtə! Âdə mo ânyində̂ nə̈, mê mbo andokʉ̈ vötaâ, andə̂ zə nə̈ balë, andə̂ Möyîze balë, la andə̂ Elïe balë.» 5Ndə̂ gbô tchë ndə̂po lakə̂ to pö nə̈, ngâ ndrö ndə̂ âsə̂ lakə̂ tchôtchö, tô bhâ lafô kə̈ jrê ëpâ andjê. A djê tchə̂lə̂ ngâ gɨ̈ lə̂ ndrö nə̈ päkëdə̂: «Tchanə̈ âtə də̈ Modô ndə̂ mê ndə̂ më nyîndə̂ yê tə̂ gbölösə̂nə̈, su mê fü la tchë gbɛ̂, nyë djë tchë#17.5 Nyë dɨ̈ Mat 3.17..» 6Ndə̂ adjisîpili nə̈ djê rə̂ käko, wawa mbô andjê tə̂ gbölösə̂nə̈, andjë tê bêche, kə̈ vûndu tchâtchu andjê tə̂ cho. 7Jezü nə̂ ndola andjê, kə̈ grʉ̂ andjê kə̈ tô rə̂ sə̈ andjê päkëdə̂: «Nyë älafô! Wa mböäbô nyê mbô-ê!» 8Adjisîpili nə̈ kênga la andjê kə̈ wûn-âbo ngâ akrə balë-a, kütû Jezü. 9Ndə̂ andjë âsə̈ tro tə̂ aga nə̈ atə̂ bêche, Jezü zâma sə̈ andjê päkëdə̂: «Rə ndə̂ nyë wûn rə̂ âtə, nyë töäbô pö ndə̂nə̈ tô sə̈ ngâ akrə balë-ê zoo, Modô ndə̂ Akrə jo lə̂ gûtə̂ akuzü.»
10Adjisîpili nə̈ yû tchë päkëdə̂: «Bëte giamâ kä ndə̂ a-earə̂ kə̂ nyisə̂ ndïɛ̈ tô rə̂ päkëdə̂ äwäpä Elïe nə dokʉ̈tchê ânyë#17.10 Nyë dɨ̈ Mal 3.23.?» 11Tche tô rə̂ ndə̂nə̈ sə̈ andjê päkëdə̂: «Tə̂ lëge nə̈, Elïe âkadje, tche kä ndə̂ âmbo rə̂ ndə̂kə̂ pa rə gbɛ̂ kä wa la köbo nə̈. 12Andə̂ me nə̈, më tö rə̂ sə̈ nyê: Elïe nə̂ nə̂, azü wûn-âbo sə̂ yê-a, ânyë kə̈ mbô rə gbɛ̂ ndə̂ su andjê nyîndə̂ nə̈ tə̂ yê. Käko kä ndə̂ andjê mboadje Modô ndə̂ Akrə la yûkü.» 13Käko adjisîpili djê tchə̂lə̂ nə̈ päkëdə̂ tche kä lakə̂ to pö ndə̂ Jâan-Batîse.
Jezü tchä ngâ bechë la ngbongbo tchozö lə̂ yê
(Mar 9.14-29; Luk 9.37-43)
14Ndə̂ andjë wûtu ndola sə̂ tchô ndə̂ kpûlû azü nə̈ sə̂ tâ, ngâ köchë nə̂ ndola Jezü, kə̈ gʉ̂te tchâtchu yê kə̈ tô rə̂ päkëdə̂: 15«Gbölö Gbïɛ̈, wun nyonyo modô ndə̂ mê! Tche kä la tə̂kömbô ndə̂ kôkö, tche wün yûkü tə̂ gbölösə̂nə̈. Lə̂ angâ alö tche të lə̂ wo, âdəndjë lə̂ ngû. 16Më nə̈ la tchë sə̈ adjisîpili ndə̂ zə̈, andjë tchâ tchë tʉrʉ-ê.» 17Jezü zâ pö kə̈ tô rə̂ sə̈ andjê päkëdə̂: «Nyënyê ndə̂ azü ndə̂ tchô angêta ndə̂ nyë zâbo su nyê zä sə̈ Ndjapä âtə, mê âkä sə ndrotə̂ nyê zoo ëtə̂ lö atöko? Mê ârʉatə̂ su mê la nyê zoo dalatchêbâ? Nyë nə̈ la bechë nə̈ sə̈ mê!» 18Jezü hrô la ngbongbo tchozö lâme, ngbongbo tchozö nə̈ wûtu lə̂ bechë nə̈ ânyë tə̂ yê dâka posə̂nə̈. 19La tchêngbâ nə̈ adjisîpili nə̂ ndola Jezü, kütû andjê la tchë, andjë yû tchë päkëdə̂: «Bëte giamâ kä ndə̂ ârâ grô ngbongbo tchozö lâme tʉrʉ-ê?» 20Jezü tô rə̂ ndə̂nə̈ sə̈ andjê päkëdə̂: «Bëte kə̂ za su nyê sə̈ Ndjapä wä kpîɛ̂kpîɛ̂ rə̂. Ɛn-ɛn, tə̂ lëge nə̈ më tö rə̂ sə̈ nyê: Âdə kə̂ za su nyê sə̈ Ndjapä âwa kpîɛ̂kpîɛ̂ rə̂ batə̂ ndjî mütârede, âdə nyê âto rə̂ sə̈ aga âtə päkëdə̂: ‹Amö alafô kə̂ e təbhâ›, aga lâme âro etə̂. Ngâ rə ndə̂ sə̂nə̈ ka tə̂ nyê wabô tee-a. 21[Kütû lə̂ köbosə̂ kə̂ to pö sə̈ Ndjapä lakə̂ kosə̂ kɨ̈zɨ̂ kä ndə̂ nyê gro ngoa ngbongbo tchozö lâme#17.21 Lə̂ angâ angbängbä abəndɨ Mbëtï Ndjapä la ma gerêke, yɛ̈yɛ̈ da 21 lâme wâbo lə̂nə̈-a..]»
Jezü kä tô pö ndə̂ kuzü yê lakə̂ jo ndə̂ yê
(Mar 9.30-32; Luk 9.43b-45)
22Ndə̂ adjisîpili pâlatə̂ andjê tə̂ngâlo bhâ Galilë, Jezü tô rə̂ sə̈ andjê päkëdə̂: «A âgboadje tə̂ Modô ndə̂ Akrə ëtchânə̂ azü, 23andjê won-adje tchë, praâbalë lö vötaâ la tchêngbâ nə̈, tchê joadje lə̂ kuzü.» Nyonyo mbô adjisîpili nə̈ gbɛ̂ tə̂ pö nə̈ lâme.
Lapöo ndə̂ azü yo rə̂ lə̂ gbölö nda Ndjapä
24Ndə̂ Jezü la adjisîpili ndə̂ yê wûtu bhâ Käpërënäyûmo, azü ndə̂ andjë pala makətche-lapöo lə̂ gbölö nda Ndjapä nə̂ ndola Pîêre kə̈ yû tchë päkëdə̂: «Akrə ndə̂ tche nyisə̂ rə sə̈ nyê lâme wâbo ndə̂kə̂ yo lapöo ndə̂ gbölö nda Ndjapä?» 25Pîêre tô rə̂ ndə̂nə̈ sə̈ andjê päkëdə̂: «Tche âyo ndjë rə̂!» Ndə̂ Pîêre âsə̈ li atə̂ tchâalê, Jezü zâ pö dokʉ̈tchê kə̈ tô rə̂ päkëdə̂: «Chemön, bhâtə̂ su zə̈, tchabâ âwâ ndə̂kə̂ yo lapöo tchânə̂ agbïɛ̈ ndə̂ tchêbêche? Abechë gö nə̈? Âdəndjë azü ndə̂ ngâ gö ngbî?» 26Pîêre tô rə̂ ndə̂nə̈ sə̈ tchë päkëdə̂: «Azü ndə̂ ngâ gö ngbî.» Jezü tô rə̂ sə̈ tchë päkëdə̂: «Käko abechë gö nə̈ wâbo ndə̂kə̂ yo lapöo nə̈? 27Âwâbo pä azə̈ ndɨ tchə̂lə̂ su azü gö nə̈ tə̂ azə̂-a. Käko amö e atə̂ maga gbölö kpakpa ngû, kə̈ yî yongö. Dokʉ̈ giangû ndə̂ mo gbɨ tchë, amö on tchə̂lə̂ ma yê. Mô gboadje mîɛ̈-makətche lə̂ ma yê ndə̂kə̂ pa mo yo lapöo ndə̂ mê la andə̂ zə nə̈.»
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© Wycliffe Bible Translators, Inc.