Marco 11
11
Jesú Jerusalene cheda
Mateo 21:1-11; Luca 19:28-40; Juan 12:12-19
1Jerusalén k'ait'a cheutade Betp'aké mãɨnepa Betania p'uurude chesidama, Olivo eya k'ait'a. Mãɨne Jesupa ichi ome p'ɨrrɨapataɨrã ume p'uurudea peesima. 2Ãchiá nãɨya jarasima: «Tachi k'ĩrari bɨ p'uurudea wãt'ɨ. Pautade mãrapa mũra chae ununaipɨ. Mãɨ mũra chae ɨ̃rɨ aba pida bat'oodak'a pasima. Ẽranak'ari nãmá enemeet'ɨ. 3Abaɨpa mãrá k'ãre k'orea mãɨya oo p'anɨane a idiipɨra nãɨya jarat'ɨ: “Tachi Chiparipa nãɨ k'ɨ̃ria bɨma ya ara naane jĩitea tea peeipɨ”».
4Ode wãutade chi mũra chae chipari tede eda wãpataɨ k'ait'a jɨ̃ nɨbɨt'a ununak'ari ẽrasidama. 5Waapẽarã arí p'anɨrãpa idisidama: «¿K'ãre oo p'anɨma? ¿K'ãre k'orea jãɨ mũra chae ẽramaa p'anɨma?»
6Jesupa jarada jĩra p'anoosidaɨde chi arí p'anɨpa itu ẽrapisidama. 7Maapae chi mũra chae Jesumá ateewãnak'ari chi ãchia anamari jɨ̃ p'anana mũra ɨ̃rɨ bɨdak'ari maapae Jesú mãɨ ɨ̃rɨ suak'abari beesima. 8Ẽpẽerã minachia p'anɨrãpa ãchia anamari jɨ̃ p'anana ode t'õk'oasidama. Chi eda waapẽarãpa pak'uru jua k'irú pará be mẽa bɨat'udada ojãne t'õk'oasidama.#11:8 Pak'uru jua k'irú pará be mẽa bɨat'udada ojãne t'õk'oasidama. Mãɨ ewaride mãɨya oopachidama ẽpẽra minachia k'awa bɨa pia pedeadamẽrá. 9Mãɨya ooutade chi ichi naa wã p'anɨrãpa mãɨnepa chi k'aadea che p'anɨrãpa jĩk'ua jarasidama:
¡Minachia pia bɨma chi Tachi Chipari t'ɨ̃nepa cherut'a!#11:9 Minachia pia bɨma. Arameo pedeade Hosanna jarapatama. Salmo 118:25-26.
10¡Minachia pia bɨma tachi chõarãenapema Davidepa cheda! ¡Ichia ichidirã ichi juade ua baipɨ!
¡Minachia pia bɨma chi Pajãne Bɨt'a!
11Jesú Jerusalene wãside Tachi Ak'õre te minachia bɨdea wãsima. Ãarea ak'ɨk'ari k'iumaa bɨẽra chi ichia doce jɨrɨ atadaɨrã ome Betania p'uurudea jĩitea wãsidama.
Higojõ bɨɨrɨ p'urpada
Mateo 21:18-19
12Norema Betania p'uurudepa wãutade Jesú jarrapisia nɨbeesima. 13Mãɨne higojõ bɨɨrɨ k'irú pará bɨ t'ɨmɨɨpa unusima. Higo chaudai ewariwẽmina Jesupa ak'ɨde wãsima chi mãɨya chau nɨbɨ k'awayá. Ará parude k'irúawa nɨbɨ unusima.#11:13 Israel tuade higojõ chak'e marzode mãɨnepa abrilde k'odai p'anɨma. Chi higojõ chak'e ununaipɨra k'awapatama junione ãpia chaui ichiaba agostodepa aba octubredea minachia chaui. Maamina Jesupa k'irúawa ununa pẽra k'awasima jõma mãɨ ãyone higo chauiwẽt'a. Israel chi higo pak'uru jĩra bɨma. Osea 9:10; Mik'ea 7:1-2. 14Mãɨne Jesupa higojõ bɨɨrɨa jarasima: «¡Abaɨ pida pɨ nejõ waa jõnaiwẽma!»
Mãɨya pedeasit'a chi ichi ome p'ɨrrɨapataɨrãpa ũrisidama.
Jesupa ne netopataɨrã ãyá jerek'oada
Mateo 21:12-17; Luca 19:45-48; Juan 2:13-22
15Jesú Jerusalene mãicha chek'ari Tachi Ak'õre te minachia bɨdea wãsima. Mãma tajata ne netopataɨrã mãɨnepa ne atapataɨrã ome unusima. Mãɨya unuk'ari, Jesupa ãchi ãarea ãyá jeret'aak'oasima. Mãma jira bat'ak'oasima ne nek'opataɨ chi erreara tau tua awaraɨdepema k'ãpiapataɨrãné mãɨnepa p'aloma netopataɨrã suak'abari p'aneepataɨ sida. 16Mãɨ awara mi ãpia pida chi ne netopataɨ neet'á itu ateepié pasima chi Tachi Ak'õre te minachia bɨ edaria. 17Ãchiá nãɨya jarateasima:
—Tachi Ak'õre pedeade nãɨya bɨ bɨma: “Mɨ te ɨt'aa chiidipataɨ teade adaipɨ, nãɨ ãarea p'uurudepemarã pae”. Maamina mãrapa “nechɨapataɨ te uria bɨ jĩra” papisidama.#11:17 Mɨ te ɨt'aa chiidipataɨ teade adaipɨ. Isaía 56:7 Nechɨapataɨ te uria bɨ jĩra. Jeremia 7:11.
18Mãɨ pedea ũrisidaɨde p'aarerã chi mãɨrã chaarearãpa mãɨnepa Moisepa bɨda jarateapataɨrãpa Jesú wap'easidama ichia jaratea bɨ ãareaɨrãpa pia ũri p'anɨ pẽra. Mãɨpuru jɨrɨ p'aneesidama ichi sãmaasã́ peadait'a. 19Mãɨ ewari baepodoside Jesú chi ichi ome p'ɨrrɨapataɨrã ome mãɨ p'uurudepema wãsidama.
Higojõ bɨɨrɨ p'urpa nɨbeeda
Mateo 21:20-22
20Tap'ededa chi higojõ bɨɨrɨk'á wãsidaɨde, chi k'arra p'oak'ari p'urpa nɨbɨt'a unusidama. 21Mãɨne Jesupa jarada Pedropa k'ɨ̃risiak'ari nãɨya jarasima:
—Jarateaparí, ak'ɨse. Chi pɨa k'achia pedea badá mãɨ higojõ bɨɨrɨ p'urpasima.
22Jesupa jarasima:
—Mãrapa Tachi Ak'õrene ĩjãanai p'anɨma. 23Mɨa piarã jararuma: parituapa cha bɨ eyá ãyá wãpade maapae p'usadea eda baewãpade asira, ara ichia jararu jĩra mãɨyaipɨ. Maamina mãɨ piarã ichi sõne k'ɨ̃risiaiwẽa bɨma ichia jararu mãɨyaiwẽt'a, mãɨpari piarã mãɨyait'a ĩjãai bɨma. 24Mãɨpuru mɨa mãrá jararuma: mãrapa Tachi Ak'õrea ne ɨt'aa chiididak'ari, mãɨnepa ichia mãɨ piarã teait'a a k'ɨ̃risia p'anɨpɨra, mãɨ ne ãarea jitadaipɨ. 25Mãɨnepa mãrapa Tachi Ak'õrea ɨt'aa chiidiutade abaɨ ome k'ĩruu p'ananapɨra, mãɨ ẽpẽrapa ne piawẽa ooda naa k'ɨ̃risia atuat'ɨ, mãrapa ne piawẽa oodada mãra Ak'õre pajãne bɨpa ichiaba k'ɨ̃risia atuamẽrá. 26Abaɨpa ne piawẽa oodat'a mãrapa mãɨ k'ɨ̃risia atuadaepɨra, ichiaba mãrapa ne piawẽa oodada mãra Ak'õre pajãne bɨpa k'ɨ̃risia atuaiwẽma.#11:26 Griego pedeade chi eda waapẽarã k'art'ade mãɨ versículo newẽma.
¿K'ai t'ɨ̃nepa Jesupa jaratea bɨma?
Mateo 21:23-27; Luca 20:1-8
27Maapae mãicha Jerusalene chesidama. Jesú Tachi Ak'õre te minachia bɨ k'ait'a wãrune, p'aarerã chi mãɨrã chaarearã, chi Moisepa bɨda jarateapataɨrã mãɨnepa judiorã chi mãɨrã chaarearã ichimá chesidama. 28Ãchia Jesua nãɨya idisidama:
—Pɨa nãma oo bɨ ¿k'aipa oopi bɨma?
29Jesupa p'anoosima:
—Mɨa pida mãrá ne idiipɨ. Mãrapa mãɨ p'anoosidara, mɨa pida jaraipɨ k'aipa mɨá mãɨya oopi bɨt'a. 30¿Sãmãɨpa Juan chesima porochoamẽrá? ¿Pajãne Bɨpa ichi peesima, wa nãɨ ĩjũanepemarãpa? P'anoot'ɨ.
31Mãɨne ara ãstu pedea para beesima: «Tachi Pajãnepema Ak'õrepa ichi peesiade adaipɨra, ichia jaraipɨ: “Mãɨ ¿k'ãre k'orea ĩjãanaé pasima?” 32Maamina taipa p'ue “ẽpẽrapa ichi peesiade” adaiwẽma».
Ãchia mãɨya jarasidama chi ẽpẽerã p'uurudepemarã wap'ea p'anɨ pẽra. Chi p'uurudepemarãmá, mãɨ Juan piarã Tachi Ak'õre pari pedeaparí pasima. 33Mãɨpuru Jesua p'anoosidama:
—Taipa atuapɨ.
Mãɨne Jesupa jarasima:
—Mãɨya bɨpɨra mɨa pida mãrá jaraiwẽma k'aipa mɨá jãɨya oopi bɨt'a.
Currently Selected:
Marco 11: tdc
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© (Active), Wycliffe Bible Translators, Inc. All rights reserved.
Marco 11
11
Jesú Jerusalene cheda
Mateo 21:1-11; Luca 19:28-40; Juan 12:12-19
1Jerusalén k'ait'a cheutade Betp'aké mãɨnepa Betania p'uurude chesidama, Olivo eya k'ait'a. Mãɨne Jesupa ichi ome p'ɨrrɨapataɨrã ume p'uurudea peesima. 2Ãchiá nãɨya jarasima: «Tachi k'ĩrari bɨ p'uurudea wãt'ɨ. Pautade mãrapa mũra chae ununaipɨ. Mãɨ mũra chae ɨ̃rɨ aba pida bat'oodak'a pasima. Ẽranak'ari nãmá enemeet'ɨ. 3Abaɨpa mãrá k'ãre k'orea mãɨya oo p'anɨane a idiipɨra nãɨya jarat'ɨ: “Tachi Chiparipa nãɨ k'ɨ̃ria bɨma ya ara naane jĩitea tea peeipɨ”».
4Ode wãutade chi mũra chae chipari tede eda wãpataɨ k'ait'a jɨ̃ nɨbɨt'a ununak'ari ẽrasidama. 5Waapẽarã arí p'anɨrãpa idisidama: «¿K'ãre oo p'anɨma? ¿K'ãre k'orea jãɨ mũra chae ẽramaa p'anɨma?»
6Jesupa jarada jĩra p'anoosidaɨde chi arí p'anɨpa itu ẽrapisidama. 7Maapae chi mũra chae Jesumá ateewãnak'ari chi ãchia anamari jɨ̃ p'anana mũra ɨ̃rɨ bɨdak'ari maapae Jesú mãɨ ɨ̃rɨ suak'abari beesima. 8Ẽpẽerã minachia p'anɨrãpa ãchia anamari jɨ̃ p'anana ode t'õk'oasidama. Chi eda waapẽarãpa pak'uru jua k'irú pará be mẽa bɨat'udada ojãne t'õk'oasidama.#11:8 Pak'uru jua k'irú pará be mẽa bɨat'udada ojãne t'õk'oasidama. Mãɨ ewaride mãɨya oopachidama ẽpẽra minachia k'awa bɨa pia pedeadamẽrá. 9Mãɨya ooutade chi ichi naa wã p'anɨrãpa mãɨnepa chi k'aadea che p'anɨrãpa jĩk'ua jarasidama:
¡Minachia pia bɨma chi Tachi Chipari t'ɨ̃nepa cherut'a!#11:9 Minachia pia bɨma. Arameo pedeade Hosanna jarapatama. Salmo 118:25-26.
10¡Minachia pia bɨma tachi chõarãenapema Davidepa cheda! ¡Ichia ichidirã ichi juade ua baipɨ!
¡Minachia pia bɨma chi Pajãne Bɨt'a!
11Jesú Jerusalene wãside Tachi Ak'õre te minachia bɨdea wãsima. Ãarea ak'ɨk'ari k'iumaa bɨẽra chi ichia doce jɨrɨ atadaɨrã ome Betania p'uurudea jĩitea wãsidama.
Higojõ bɨɨrɨ p'urpada
Mateo 21:18-19
12Norema Betania p'uurudepa wãutade Jesú jarrapisia nɨbeesima. 13Mãɨne higojõ bɨɨrɨ k'irú pará bɨ t'ɨmɨɨpa unusima. Higo chaudai ewariwẽmina Jesupa ak'ɨde wãsima chi mãɨya chau nɨbɨ k'awayá. Ará parude k'irúawa nɨbɨ unusima.#11:13 Israel tuade higojõ chak'e marzode mãɨnepa abrilde k'odai p'anɨma. Chi higojõ chak'e ununaipɨra k'awapatama junione ãpia chaui ichiaba agostodepa aba octubredea minachia chaui. Maamina Jesupa k'irúawa ununa pẽra k'awasima jõma mãɨ ãyone higo chauiwẽt'a. Israel chi higo pak'uru jĩra bɨma. Osea 9:10; Mik'ea 7:1-2. 14Mãɨne Jesupa higojõ bɨɨrɨa jarasima: «¡Abaɨ pida pɨ nejõ waa jõnaiwẽma!»
Mãɨya pedeasit'a chi ichi ome p'ɨrrɨapataɨrãpa ũrisidama.
Jesupa ne netopataɨrã ãyá jerek'oada
Mateo 21:12-17; Luca 19:45-48; Juan 2:13-22
15Jesú Jerusalene mãicha chek'ari Tachi Ak'õre te minachia bɨdea wãsima. Mãma tajata ne netopataɨrã mãɨnepa ne atapataɨrã ome unusima. Mãɨya unuk'ari, Jesupa ãchi ãarea ãyá jeret'aak'oasima. Mãma jira bat'ak'oasima ne nek'opataɨ chi erreara tau tua awaraɨdepema k'ãpiapataɨrãné mãɨnepa p'aloma netopataɨrã suak'abari p'aneepataɨ sida. 16Mãɨ awara mi ãpia pida chi ne netopataɨ neet'á itu ateepié pasima chi Tachi Ak'õre te minachia bɨ edaria. 17Ãchiá nãɨya jarateasima:
—Tachi Ak'õre pedeade nãɨya bɨ bɨma: “Mɨ te ɨt'aa chiidipataɨ teade adaipɨ, nãɨ ãarea p'uurudepemarã pae”. Maamina mãrapa “nechɨapataɨ te uria bɨ jĩra” papisidama.#11:17 Mɨ te ɨt'aa chiidipataɨ teade adaipɨ. Isaía 56:7 Nechɨapataɨ te uria bɨ jĩra. Jeremia 7:11.
18Mãɨ pedea ũrisidaɨde p'aarerã chi mãɨrã chaarearãpa mãɨnepa Moisepa bɨda jarateapataɨrãpa Jesú wap'easidama ichia jaratea bɨ ãareaɨrãpa pia ũri p'anɨ pẽra. Mãɨpuru jɨrɨ p'aneesidama ichi sãmaasã́ peadait'a. 19Mãɨ ewari baepodoside Jesú chi ichi ome p'ɨrrɨapataɨrã ome mãɨ p'uurudepema wãsidama.
Higojõ bɨɨrɨ p'urpa nɨbeeda
Mateo 21:20-22
20Tap'ededa chi higojõ bɨɨrɨk'á wãsidaɨde, chi k'arra p'oak'ari p'urpa nɨbɨt'a unusidama. 21Mãɨne Jesupa jarada Pedropa k'ɨ̃risiak'ari nãɨya jarasima:
—Jarateaparí, ak'ɨse. Chi pɨa k'achia pedea badá mãɨ higojõ bɨɨrɨ p'urpasima.
22Jesupa jarasima:
—Mãrapa Tachi Ak'õrene ĩjãanai p'anɨma. 23Mɨa piarã jararuma: parituapa cha bɨ eyá ãyá wãpade maapae p'usadea eda baewãpade asira, ara ichia jararu jĩra mãɨyaipɨ. Maamina mãɨ piarã ichi sõne k'ɨ̃risiaiwẽa bɨma ichia jararu mãɨyaiwẽt'a, mãɨpari piarã mãɨyait'a ĩjãai bɨma. 24Mãɨpuru mɨa mãrá jararuma: mãrapa Tachi Ak'õrea ne ɨt'aa chiididak'ari, mãɨnepa ichia mãɨ piarã teait'a a k'ɨ̃risia p'anɨpɨra, mãɨ ne ãarea jitadaipɨ. 25Mãɨnepa mãrapa Tachi Ak'õrea ɨt'aa chiidiutade abaɨ ome k'ĩruu p'ananapɨra, mãɨ ẽpẽrapa ne piawẽa ooda naa k'ɨ̃risia atuat'ɨ, mãrapa ne piawẽa oodada mãra Ak'õre pajãne bɨpa ichiaba k'ɨ̃risia atuamẽrá. 26Abaɨpa ne piawẽa oodat'a mãrapa mãɨ k'ɨ̃risia atuadaepɨra, ichiaba mãrapa ne piawẽa oodada mãra Ak'õre pajãne bɨpa k'ɨ̃risia atuaiwẽma.#11:26 Griego pedeade chi eda waapẽarã k'art'ade mãɨ versículo newẽma.
¿K'ai t'ɨ̃nepa Jesupa jaratea bɨma?
Mateo 21:23-27; Luca 20:1-8
27Maapae mãicha Jerusalene chesidama. Jesú Tachi Ak'õre te minachia bɨ k'ait'a wãrune, p'aarerã chi mãɨrã chaarearã, chi Moisepa bɨda jarateapataɨrã mãɨnepa judiorã chi mãɨrã chaarearã ichimá chesidama. 28Ãchia Jesua nãɨya idisidama:
—Pɨa nãma oo bɨ ¿k'aipa oopi bɨma?
29Jesupa p'anoosima:
—Mɨa pida mãrá ne idiipɨ. Mãrapa mãɨ p'anoosidara, mɨa pida jaraipɨ k'aipa mɨá mãɨya oopi bɨt'a. 30¿Sãmãɨpa Juan chesima porochoamẽrá? ¿Pajãne Bɨpa ichi peesima, wa nãɨ ĩjũanepemarãpa? P'anoot'ɨ.
31Mãɨne ara ãstu pedea para beesima: «Tachi Pajãnepema Ak'õrepa ichi peesiade adaipɨra, ichia jaraipɨ: “Mãɨ ¿k'ãre k'orea ĩjãanaé pasima?” 32Maamina taipa p'ue “ẽpẽrapa ichi peesiade” adaiwẽma».
Ãchia mãɨya jarasidama chi ẽpẽerã p'uurudepemarã wap'ea p'anɨ pẽra. Chi p'uurudepemarãmá, mãɨ Juan piarã Tachi Ak'õre pari pedeaparí pasima. 33Mãɨpuru Jesua p'anoosidama:
—Taipa atuapɨ.
Mãɨne Jesupa jarasima:
—Mãɨya bɨpɨra mɨa pida mãrá jaraiwẽma k'aipa mɨá jãɨya oopi bɨt'a.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© (Active), Wycliffe Bible Translators, Inc. All rights reserved.