Marco 9
9
1Mãɨnepa Jesupa jarasima:
—Mɨa piarã jararuma: chi eda waapẽarã nãma p'anɨ piudai naena ununaipɨ Tachi Ak'õrepa ichidirã ichi juade ua bait'a, ichi jua chaareadepa.#9:1 Ununaipɨ Tachi Ak'õrepa ichidirã ichi juade ua bait'a. Mãɨ pia k'awadawẽa p'anɨma k'ãre ununait'a. Chi eda waapẽarãmá jara k'ɨ̃ria bɨma Jesú chok'ae p'irabariit'a, ichi pajãnea wãit'a wa Tachi Ak'õre Jaore cheit'a.
Jesú k'ĩra awara unupida
Mateo 17:1-13; Luca 9:28-36
2Ewari k'ak'o sei pak'ari Jesupa Pedro, Santiago mãɨnepa Juan ãchi tuaba eya ɨt'ɨ bɨmá ateewãsima. Mãma ãchi k'ĩrari Jesú k'ĩra awara unupisima. 3Ichi neet'á t'ot'oa achiterrea beesima. Nãɨ ĩjũane abaɨ pida ichi neet'á t'õrune, mãɨya t'ot'oa achiterrea p'ue beepik'ama. 4Mãɨne Elía mãɨnepa Moisepa ãchiá unupidak'ari, Jesú ome pedeamaa p'aneesidama. 5Mãɨ k'orea Pedropa Jesua jarasima:
—Jarateaparí, pia bɨma tai nãma p'anɨt'a. Taipa te chak'e ũpea oodaima; aba pɨ pae, aba Moisé pae mãɨnepa aba Elía pae.
6Pedropa k'ãre jarai k'awaé pasima, ãchi ãarea p'era p'anasidaɨdepa. 7Mãɨya bɨde jɨ̃arapa ãchi ãarea t'ausima. Mãɨ jɨ̃aranepa nãɨ pedea jĩk'ua ũrisidama: «Nãɨ mɨ Warrapɨ. Ichi mɨa minachia k'ɨ̃ria bɨma. Ichia jara bɨt'a ũrit'ɨ».
8Ara mãɨne ãchik'á ak'ɨsidaɨde waa waapẽarã ununaé pasima. Aba Jesut'u basima.
9Maapae eyadepa edá chesidaɨde Jesupa ãchiá chi eyade ununaanat'a mi ãpia pida abaɨa jararãapadade asima aba chi Ẽpẽra Warra chok'ae p'irabarirudea. 10Mãɨ jarada pada mẽra uru p'aneesidama. Maamina, ãchi tuaba mãɨ «chok'ae p'irabariyade» a bada k'orea pedeapachidama. 11Maapae Jesua idisidama:
—Mãɨyara Moisepa bɨda jarateapataɨrãpa ¿k'ãre k'orea Elía naa chei bɨade apatama?
12Jesupa p'anoosima:
—Piarã Elía naa chei bɨma nejõma pia bɨi k'orea.#Malak'ia 3:1; 4:5-6. Maamina ¿k'ãre k'orea Tachi Ak'õre pedeade bɨ bɨma chi Ẽpẽra Warra minachia mĩai bak'ari ẽpẽerãpa ichi itu bɨdait'a? 13Mɨa mãrá jararuma: Elía piarã chesima.#Mateo 11:14; 17:11-12; Marco 6:14-29; Luca 1:16-17. Maamina Tachi Ak'õre pedeade bɨ bɨ jĩra ẽpẽerãpa oo k'ɨ̃ria p'anana ichi ome oosidama.
Jesupa warra jaore mietá uru bɨ jɨpada
Mateo 17:14-21; Luca 9:37-43
14Jesú, Pedro, Santiago mãɨnepa Juan chi eda waapẽarã Jesú ome p'ɨrrɨapataɨrã p'anɨmá chedak'ari, ẽpẽerã minachia nɨbɨt'a unusidama. Chi eda waapẽarã Moisepa bɨda jarateapataɨrã ãchi ome k'ĩruu pedea tuanasidama. 15Jesú unusidaɨde ãareaɨrãpa minachia k'awa k'ɨ̃risiadaé pasima. Ara mãɨne ichimá p'irasidama pia pedeadai k'orea. 16Jesupa ãchiá idisima:
—¿K'ãre k'orea k'ĩruu pedea p'anɨma?
17Mãɨ chi minachia nɨbɨdepema abaɨpa p'anoosima:
—Jarateaparí, mɨ warra enemeesima pɨa jɨpa beepimẽrá. Ichi jaore mietá uru bɨma. Mãɨ jaore mietapa ichi k'ĩrame t'urrá uru bɨma. 18Chi jaore mietapa jitarucha jeeda bat'a peeparima, ik'ok'op'ea beepiparima, chi k'ida k'osterrea mãɨnepa k'ak'ua ɨɨbɨa beepiparima. Mɨa pɨ ome p'ɨrrɨapataɨrã́ jarasima jãɨ jaore mietá ãyá jeret'aadamẽrá. Maamina p'uedaé pasima.
19Jesupa jarasima:
—¡Ẽpẽerã ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.
20Ara mãɨne chi warra Jesumá ateewãsidama. Chi jaore mietapa Jesú unurune chi warra k'ak'ua orepik'ari, mãɨ jeeda baek'ari mãɨnepa it'aedea k'ok'op'ea beesima. 21Jesupa chi ak'õrea idisima:
—¿Ewari jõmasã́ pa bɨma ichi jãɨya bɨt'a?
Chi ak'õrepa p'anoosima:
—Ichi ãpia basiedapema jãɨya bɨma. 22Bari k'ak'o minachia ichi t'ɨpɨde baepiparima mãɨnepa toeda baepiparima ichi peai k'orea. Tai k'ĩra chupuriase. P'ue k'aripai bɨpɨra, k'aripase.
23Mãɨne Jesupa jarasima:
—Pɨa ¿sãmaasã́ “mɨa p'ueima” a bɨma? Chi ĩjãa bɨpa ne ãarea p'ue bɨma.
24Ara mãɨne chi ak'õrepa jĩk'ua jarasima:
—Mɨa ĩjãa bɨma maamina k'aripase mɨa pia ĩjãai k'orea.
25Jesupa ẽpẽerã ará minachia cheuta ununa pẽra chi jaore mietá nãɨya ɨtɨasima:
—K'ɨɨrɨ k'iipiparí mãɨnepa k'ĩrame t'urraapiparí jaore mietá, mɨa pɨá jararuma: nãɨ warra k'ak'uadepema ãyá wãse. Waa ichi k'ak'uade eda wãrãse.
26Ara mãɨne chi jaore mietá biak'ari chi warra mãicha ɨbɨa wɨwɨrrɨapisima. Maapae ichi k'ak'uadepema wãsimina, chi warra wapida piuda jĩra beesima. Mãɨpuru chi arí p'anɨrãpa jara tuaneesidama:
—¡Ai, jãɨ warra k'ĩrawẽasima!
27Maamina Jesupa ichi juade jitak'ari p'irabaripisima. Mãɨne chi warra bai nɨbeesima. 28Jesú tiidá wãk'ari chi ichi ome p'ɨrrɨapataɨrãpa ãchi tuaba idisidama:
—¿K'ãre k'orea taipa jãɨ jaore mietá p'ue ãyá jeret'aadaé pasima?
29Jesupa p'anoosima:
—Tachi Ak'õrea ɨt'aa chiididai p'anɨma mãɨnepa Tachi Ak'õrene k'ɨ̃risiadayá nek'odak'apɨ́ ewari oodai p'anɨma, nakɨɨ jaore mietá ãyá jeret'aadai k'orea.#9:29 Mãɨnepa Tachi Ak'õrene k'ɨ̃risiadayá nek'odak'apɨ́ ewari oodai p'anɨma. Griego pedeade chi eda waapẽarã k'art'ade mãɨ newẽma.
Jesupa ichi peadai k'orea jarada
Mateo 17:22-23; Luca 9:44-45
30Mãmãɨpa Galilea tuade p'ɨrrɨa wãsidama. Maamina Jesupa sãma p'anɨt'a mi ãpia pida abaɨa k'awapii k'ɨ̃riawẽa basima, 31chi ichi ome p'ɨrrɨapataɨrã́ jaratea bada pẽra. Mãɨne ãchiá jarasima: «Mɨ, chi Ẽpẽra Warra abaɨpa jitapik'ari, ẽpẽerã́ teaipɨ. Ãchia mɨ peadaipɨ, maamina ewari ũpeaɨde mɨ chok'ae p'irabariipɨ».
32Maamina ãchia mãɨ k'awa ũrinaé pasima, mãɨnepa mãɨ k'orea ichiá ididai wap'ea p'anasidama.
¿K'ai chi atepe bɨma?
Mateo 10:42; 18:1-9; Luca 9:46-50; 17:1-2
33Maapae Capernaum p'uurude padak'ari, tiida p'aneenak'ari Jesupa idisima:
—¿K'ãre ode pedea nipasidama?
34Ãchi k'ĩup'ea p'aneesidama piarã k'ĩruu pedea chedada pẽra. Ara ãstu k'ĩruu pedea p'anasidama k'ai chi atepe bɨt'a k'awadai k'orea. 35Maapae Jesú suak'abari beek'ari chi doce p'anɨ t'ɨ̃k'ari jarasima:
—Abaɨpa chi atepe ba k'ɨ̃ria bɨpɨra, jõmãɨrã k'aepẽra k'aepe bai bɨma. Chi waapẽarã pae pari mimiaparí bai bɨma.
36Maapae warra chak'e jitak'ari ãchi esa bai nɨbɨsima. Orek'ari jarasima:
37—Chi mɨne ĩjãa bɨdepa warrarã́ pia pedea bɨpa, mɨá pida pia pedea bɨma. Chi mɨá pia pedearupa abapuru mɨá pia pedeawẽma, mãɨpari chi mɨ Peedá pida pia pedea bɨma.
38Mãɨne Juanpa Jesua jarasima:
—Jarateaparí, taipa unusidama ẽpẽrapa pɨ t'ɨ̃nepa jaore mietá ãyá jeret'aa bɨt'a. Maamina ichi tachi ome niwẽ pẽra taipa jarasidama waa mãɨya oopiemaapa.
39Mãɨne Jesupa jarasima:
—Mãɨya oorãt'ɨ. Chi mɨ t'ɨ̃nepa ẽpẽerãpa ne p'ue oodak'apɨ́ oo bɨpa mɨ k'orea p'ue piawẽa pedeaiwẽma. 40Chi tachi nek'ĩramaawẽ, mãɨ tachi lawari bɨma. 41Mɨa piarã jararuma: mãra mõré pẽra abaɨpa mãrá pania teaipɨra, Tachi Ak'õrepa piarã mãɨ ẽpẽrá nepia teaipɨ.
42»Abaɨpa chi ãpia k'ede mɨne ĩjãa p'anɨ nemietaade baepiipɨra, Tachi Ak'õrepa mãɨ ẽpẽra minachia ɨtɨaipɨ. Mãɨ minachia ɨbɨa ɨtɨai pẽra piipará bɨma mãɨ ẽpẽra obɨɨrɨde k'ũruma jɨ̃nak'ari p'usade edá t'aa peedait'a. 43-44Pɨ juapa pɨá nemietá oopisira, mãɨ bɨat'ut'aase nemietá ooemaapa. Piipará bɨma jua mosá ewaricha Tachi Ak'õre ome bait'a, mãɨ tachi jua ume uru bɨ ome t'ɨpɨ tau urua nɨbɨ k'iik'amá wãi k'aepẽra.#9:43-44 Griego pedeade chi eda waapẽarã k'art'ade ichiaba nãɨya bɨ bɨma: Mãma k'i piudak'ama mãɨnepa chi t'ɨpɨ urua nɨbɨ sida k'iik'ama. 45-46Ara mãɨ jĩra pɨ jĩrupa pɨá nemietá oopisira, mãɨ bɨat'ut'aase, nemietá ooemaapa. Piipará bɨma sĩta bak'ea ewaricha Tachi Ak'õre ome bait'a, mãɨ tachi jĩru ume uru bɨ ome t'ɨpɨ tau urua nɨbɨdea bat'a peei k'aepẽra.#9:45-46 Griego pedeade chi eda waapẽarã k'art'ade mãɨnepa nãɨya bɨ bɨma: Mãma k'i piudak'ama mãɨnepa chi t'ɨpɨ tau k'iik'ama. 47Mãɨnepa pɨ taupa pɨá nemietá oopisira, mãɨ noet'aase nemietá ooemaapa. Piipará bɨma ewaricha Tachi Ak'õre ome tau berrea bait'a, tau ume uru bɨ ome t'ɨpɨ tau uruadea bat'a peei k'aepẽra. 48Mãma k'i piudak'ama mãɨnepa chi t'ɨpɨ tau sida k'iik'ama.#Isaía 66:24.
49Tachi minachia mĩa p'anɨnepa Tachi Ak'õre pae pia p'ananaipɨ, t'ã ne k'iurude p'ɨrɨpari jĩra.#9:49 Mãɨ versículo t'aju bɨma. Griego pedeade nãɨya bɨ bɨma: Ãarea t'ɨpɨ taudepa t'ã atak'ari k'ɨyaak'oaipɨ. 50T'ã pia bɨma maamina k'ɨyaawẽa beesira ¿sãmaasã́ mãicha k'ɨyaa beeima? Mãɨpuru Tachi Ak'õre pae pia p'anat'ɨ.#9:50 Mãɨpuru Tachi Ak'õre pae pia p'anat'ɨ. Mãɨ griego pedeade t'aju bɨma. Nãɨya bɨ bɨma: T'ã uru p'anat'ɨ machi t'ãena. Mãɨnepa ara machi ẽpẽerã paara sõpia p'anat'ɨ.
Currently Selected:
Marco 9: tdc
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© (Active), Wycliffe Bible Translators, Inc. All rights reserved.
Marco 9
9
1Mãɨnepa Jesupa jarasima:
—Mɨa piarã jararuma: chi eda waapẽarã nãma p'anɨ piudai naena ununaipɨ Tachi Ak'õrepa ichidirã ichi juade ua bait'a, ichi jua chaareadepa.#9:1 Ununaipɨ Tachi Ak'õrepa ichidirã ichi juade ua bait'a. Mãɨ pia k'awadawẽa p'anɨma k'ãre ununait'a. Chi eda waapẽarãmá jara k'ɨ̃ria bɨma Jesú chok'ae p'irabariit'a, ichi pajãnea wãit'a wa Tachi Ak'õre Jaore cheit'a.
Jesú k'ĩra awara unupida
Mateo 17:1-13; Luca 9:28-36
2Ewari k'ak'o sei pak'ari Jesupa Pedro, Santiago mãɨnepa Juan ãchi tuaba eya ɨt'ɨ bɨmá ateewãsima. Mãma ãchi k'ĩrari Jesú k'ĩra awara unupisima. 3Ichi neet'á t'ot'oa achiterrea beesima. Nãɨ ĩjũane abaɨ pida ichi neet'á t'õrune, mãɨya t'ot'oa achiterrea p'ue beepik'ama. 4Mãɨne Elía mãɨnepa Moisepa ãchiá unupidak'ari, Jesú ome pedeamaa p'aneesidama. 5Mãɨ k'orea Pedropa Jesua jarasima:
—Jarateaparí, pia bɨma tai nãma p'anɨt'a. Taipa te chak'e ũpea oodaima; aba pɨ pae, aba Moisé pae mãɨnepa aba Elía pae.
6Pedropa k'ãre jarai k'awaé pasima, ãchi ãarea p'era p'anasidaɨdepa. 7Mãɨya bɨde jɨ̃arapa ãchi ãarea t'ausima. Mãɨ jɨ̃aranepa nãɨ pedea jĩk'ua ũrisidama: «Nãɨ mɨ Warrapɨ. Ichi mɨa minachia k'ɨ̃ria bɨma. Ichia jara bɨt'a ũrit'ɨ».
8Ara mãɨne ãchik'á ak'ɨsidaɨde waa waapẽarã ununaé pasima. Aba Jesut'u basima.
9Maapae eyadepa edá chesidaɨde Jesupa ãchiá chi eyade ununaanat'a mi ãpia pida abaɨa jararãapadade asima aba chi Ẽpẽra Warra chok'ae p'irabarirudea. 10Mãɨ jarada pada mẽra uru p'aneesidama. Maamina, ãchi tuaba mãɨ «chok'ae p'irabariyade» a bada k'orea pedeapachidama. 11Maapae Jesua idisidama:
—Mãɨyara Moisepa bɨda jarateapataɨrãpa ¿k'ãre k'orea Elía naa chei bɨade apatama?
12Jesupa p'anoosima:
—Piarã Elía naa chei bɨma nejõma pia bɨi k'orea.#Malak'ia 3:1; 4:5-6. Maamina ¿k'ãre k'orea Tachi Ak'õre pedeade bɨ bɨma chi Ẽpẽra Warra minachia mĩai bak'ari ẽpẽerãpa ichi itu bɨdait'a? 13Mɨa mãrá jararuma: Elía piarã chesima.#Mateo 11:14; 17:11-12; Marco 6:14-29; Luca 1:16-17. Maamina Tachi Ak'õre pedeade bɨ bɨ jĩra ẽpẽerãpa oo k'ɨ̃ria p'anana ichi ome oosidama.
Jesupa warra jaore mietá uru bɨ jɨpada
Mateo 17:14-21; Luca 9:37-43
14Jesú, Pedro, Santiago mãɨnepa Juan chi eda waapẽarã Jesú ome p'ɨrrɨapataɨrã p'anɨmá chedak'ari, ẽpẽerã minachia nɨbɨt'a unusidama. Chi eda waapẽarã Moisepa bɨda jarateapataɨrã ãchi ome k'ĩruu pedea tuanasidama. 15Jesú unusidaɨde ãareaɨrãpa minachia k'awa k'ɨ̃risiadaé pasima. Ara mãɨne ichimá p'irasidama pia pedeadai k'orea. 16Jesupa ãchiá idisima:
—¿K'ãre k'orea k'ĩruu pedea p'anɨma?
17Mãɨ chi minachia nɨbɨdepema abaɨpa p'anoosima:
—Jarateaparí, mɨ warra enemeesima pɨa jɨpa beepimẽrá. Ichi jaore mietá uru bɨma. Mãɨ jaore mietapa ichi k'ĩrame t'urrá uru bɨma. 18Chi jaore mietapa jitarucha jeeda bat'a peeparima, ik'ok'op'ea beepiparima, chi k'ida k'osterrea mãɨnepa k'ak'ua ɨɨbɨa beepiparima. Mɨa pɨ ome p'ɨrrɨapataɨrã́ jarasima jãɨ jaore mietá ãyá jeret'aadamẽrá. Maamina p'uedaé pasima.
19Jesupa jarasima:
—¡Ẽpẽerã ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.
20Ara mãɨne chi warra Jesumá ateewãsidama. Chi jaore mietapa Jesú unurune chi warra k'ak'ua orepik'ari, mãɨ jeeda baek'ari mãɨnepa it'aedea k'ok'op'ea beesima. 21Jesupa chi ak'õrea idisima:
—¿Ewari jõmasã́ pa bɨma ichi jãɨya bɨt'a?
Chi ak'õrepa p'anoosima:
—Ichi ãpia basiedapema jãɨya bɨma. 22Bari k'ak'o minachia ichi t'ɨpɨde baepiparima mãɨnepa toeda baepiparima ichi peai k'orea. Tai k'ĩra chupuriase. P'ue k'aripai bɨpɨra, k'aripase.
23Mãɨne Jesupa jarasima:
—Pɨa ¿sãmaasã́ “mɨa p'ueima” a bɨma? Chi ĩjãa bɨpa ne ãarea p'ue bɨma.
24Ara mãɨne chi ak'õrepa jĩk'ua jarasima:
—Mɨa ĩjãa bɨma maamina k'aripase mɨa pia ĩjãai k'orea.
25Jesupa ẽpẽerã ará minachia cheuta ununa pẽra chi jaore mietá nãɨya ɨtɨasima:
—K'ɨɨrɨ k'iipiparí mãɨnepa k'ĩrame t'urraapiparí jaore mietá, mɨa pɨá jararuma: nãɨ warra k'ak'uadepema ãyá wãse. Waa ichi k'ak'uade eda wãrãse.
26Ara mãɨne chi jaore mietá biak'ari chi warra mãicha ɨbɨa wɨwɨrrɨapisima. Maapae ichi k'ak'uadepema wãsimina, chi warra wapida piuda jĩra beesima. Mãɨpuru chi arí p'anɨrãpa jara tuaneesidama:
—¡Ai, jãɨ warra k'ĩrawẽasima!
27Maamina Jesupa ichi juade jitak'ari p'irabaripisima. Mãɨne chi warra bai nɨbeesima. 28Jesú tiidá wãk'ari chi ichi ome p'ɨrrɨapataɨrãpa ãchi tuaba idisidama:
—¿K'ãre k'orea taipa jãɨ jaore mietá p'ue ãyá jeret'aadaé pasima?
29Jesupa p'anoosima:
—Tachi Ak'õrea ɨt'aa chiididai p'anɨma mãɨnepa Tachi Ak'õrene k'ɨ̃risiadayá nek'odak'apɨ́ ewari oodai p'anɨma, nakɨɨ jaore mietá ãyá jeret'aadai k'orea.#9:29 Mãɨnepa Tachi Ak'õrene k'ɨ̃risiadayá nek'odak'apɨ́ ewari oodai p'anɨma. Griego pedeade chi eda waapẽarã k'art'ade mãɨ newẽma.
Jesupa ichi peadai k'orea jarada
Mateo 17:22-23; Luca 9:44-45
30Mãmãɨpa Galilea tuade p'ɨrrɨa wãsidama. Maamina Jesupa sãma p'anɨt'a mi ãpia pida abaɨa k'awapii k'ɨ̃riawẽa basima, 31chi ichi ome p'ɨrrɨapataɨrã́ jaratea bada pẽra. Mãɨne ãchiá jarasima: «Mɨ, chi Ẽpẽra Warra abaɨpa jitapik'ari, ẽpẽerã́ teaipɨ. Ãchia mɨ peadaipɨ, maamina ewari ũpeaɨde mɨ chok'ae p'irabariipɨ».
32Maamina ãchia mãɨ k'awa ũrinaé pasima, mãɨnepa mãɨ k'orea ichiá ididai wap'ea p'anasidama.
¿K'ai chi atepe bɨma?
Mateo 10:42; 18:1-9; Luca 9:46-50; 17:1-2
33Maapae Capernaum p'uurude padak'ari, tiida p'aneenak'ari Jesupa idisima:
—¿K'ãre ode pedea nipasidama?
34Ãchi k'ĩup'ea p'aneesidama piarã k'ĩruu pedea chedada pẽra. Ara ãstu k'ĩruu pedea p'anasidama k'ai chi atepe bɨt'a k'awadai k'orea. 35Maapae Jesú suak'abari beek'ari chi doce p'anɨ t'ɨ̃k'ari jarasima:
—Abaɨpa chi atepe ba k'ɨ̃ria bɨpɨra, jõmãɨrã k'aepẽra k'aepe bai bɨma. Chi waapẽarã pae pari mimiaparí bai bɨma.
36Maapae warra chak'e jitak'ari ãchi esa bai nɨbɨsima. Orek'ari jarasima:
37—Chi mɨne ĩjãa bɨdepa warrarã́ pia pedea bɨpa, mɨá pida pia pedea bɨma. Chi mɨá pia pedearupa abapuru mɨá pia pedeawẽma, mãɨpari chi mɨ Peedá pida pia pedea bɨma.
38Mãɨne Juanpa Jesua jarasima:
—Jarateaparí, taipa unusidama ẽpẽrapa pɨ t'ɨ̃nepa jaore mietá ãyá jeret'aa bɨt'a. Maamina ichi tachi ome niwẽ pẽra taipa jarasidama waa mãɨya oopiemaapa.
39Mãɨne Jesupa jarasima:
—Mãɨya oorãt'ɨ. Chi mɨ t'ɨ̃nepa ẽpẽerãpa ne p'ue oodak'apɨ́ oo bɨpa mɨ k'orea p'ue piawẽa pedeaiwẽma. 40Chi tachi nek'ĩramaawẽ, mãɨ tachi lawari bɨma. 41Mɨa piarã jararuma: mãra mõré pẽra abaɨpa mãrá pania teaipɨra, Tachi Ak'õrepa piarã mãɨ ẽpẽrá nepia teaipɨ.
42»Abaɨpa chi ãpia k'ede mɨne ĩjãa p'anɨ nemietaade baepiipɨra, Tachi Ak'õrepa mãɨ ẽpẽra minachia ɨtɨaipɨ. Mãɨ minachia ɨbɨa ɨtɨai pẽra piipará bɨma mãɨ ẽpẽra obɨɨrɨde k'ũruma jɨ̃nak'ari p'usade edá t'aa peedait'a. 43-44Pɨ juapa pɨá nemietá oopisira, mãɨ bɨat'ut'aase nemietá ooemaapa. Piipará bɨma jua mosá ewaricha Tachi Ak'õre ome bait'a, mãɨ tachi jua ume uru bɨ ome t'ɨpɨ tau urua nɨbɨ k'iik'amá wãi k'aepẽra.#9:43-44 Griego pedeade chi eda waapẽarã k'art'ade ichiaba nãɨya bɨ bɨma: Mãma k'i piudak'ama mãɨnepa chi t'ɨpɨ urua nɨbɨ sida k'iik'ama. 45-46Ara mãɨ jĩra pɨ jĩrupa pɨá nemietá oopisira, mãɨ bɨat'ut'aase, nemietá ooemaapa. Piipará bɨma sĩta bak'ea ewaricha Tachi Ak'õre ome bait'a, mãɨ tachi jĩru ume uru bɨ ome t'ɨpɨ tau urua nɨbɨdea bat'a peei k'aepẽra.#9:45-46 Griego pedeade chi eda waapẽarã k'art'ade mãɨnepa nãɨya bɨ bɨma: Mãma k'i piudak'ama mãɨnepa chi t'ɨpɨ tau k'iik'ama. 47Mãɨnepa pɨ taupa pɨá nemietá oopisira, mãɨ noet'aase nemietá ooemaapa. Piipará bɨma ewaricha Tachi Ak'õre ome tau berrea bait'a, tau ume uru bɨ ome t'ɨpɨ tau uruadea bat'a peei k'aepẽra. 48Mãma k'i piudak'ama mãɨnepa chi t'ɨpɨ tau sida k'iik'ama.#Isaía 66:24.
49Tachi minachia mĩa p'anɨnepa Tachi Ak'õre pae pia p'ananaipɨ, t'ã ne k'iurude p'ɨrɨpari jĩra.#9:49 Mãɨ versículo t'aju bɨma. Griego pedeade nãɨya bɨ bɨma: Ãarea t'ɨpɨ taudepa t'ã atak'ari k'ɨyaak'oaipɨ. 50T'ã pia bɨma maamina k'ɨyaawẽa beesira ¿sãmaasã́ mãicha k'ɨyaa beeima? Mãɨpuru Tachi Ak'õre pae pia p'anat'ɨ.#9:50 Mãɨpuru Tachi Ak'õre pae pia p'anat'ɨ. Mãɨ griego pedeade t'aju bɨma. Nãɨya bɨ bɨma: T'ã uru p'anat'ɨ machi t'ãena. Mãɨnepa ara machi ẽpẽerã paara sõpia p'anat'ɨ.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© (Active), Wycliffe Bible Translators, Inc. All rights reserved.