Mareko 9
9
9 A PAKANA.
1Ma i piri ta diat, Ligtatuna iau piri ta muat, Ta magan ko diat diat turu kumin, pa diat irua ba pa diat boboi a mukatai a matanitu a nun Nara ba i wan pat ma ra dekdekina.
2Ba nom na bug i rap Iesu i ben ditul Petero, ma Iakobo, ma Ioane, ma i ben‐a‐toto‐pa ditul u ra tagai i naunau, diat ku ma ia: ma panina i waruaria na ra mataditul. 3Ma nuna kum malu i liralira ma kabag akit; pa ta tenakimalu na tudu ra maua in pam liranpai. 4Ma Ilaita ma Mosese kai, diara puā korom ditul ma ditul pirapiri ugai ma Iesu. 5Ma Petero i piri tan Iesu lenkumi, Rabai, i auakak a nu dat tana kumin: miat a pam ta tul a palpalip; ra a num, ma ra a nun Mosese, ma ra a nun Ilaita. 6Kuma pa i nunurai na kuru ta lig i ka ba in piri; kuma diat burut akit. 7Ma ra bakut i pulubat diat; ma ra igana a nun te i uga pari ko ra bakut, ma i piri lenkumi, Ia bi Na Tuglik iau mari akit i: muat walogoro un i. 8Ma ba ditul bobo taliut kaka, pa ditul boboi balet te, diat ku ma Iesu diat tana.
9Ma ba diat wan tatadalua kubai tak’ u ra tagai, i pirabat ditul koniku ditul wapua ta tara u ra lig diat a bobotai, ditul a pira puanai ku ba na Turu‐ra‐Muana i turu balet ko ra mat. 10Ma ditul kadopi a pirapira kuma u ra baladitul ma ditul wetiritiri ugai diat ma ku, Awa a pipilaina pirapira kumi, “In turu balet ko ra mat,” 11Ma ditul tiri tana, lenkumi, Lelawai diat a kum tenatimtimu dat piri, lena, Ilaita in wan muka pat. 12Ma i piri ta ditul a ligtatuna Ilaita in wan muka pat, ma in pam na kuru balet a lig rap: ma di timui lelawai bulug u na Tu‐ra‐Muana, in tapunuk u ra magoro a lig ma din wabulbuli? 13Ma iau, iau pira ta mutul, Ilaita i a wan pa ut mun, ma diat a peti korom i a lig rap diat nemi, lenkuma di timui uni.
14Ma ba diat wan korom diat a kum tara wawera, diat boboi a magoro kum tara diat turu liutai un diat, ma ra kum tenatimtimu diat wetiritiri ma diat. 15Ma ba diat a kum tara diat boboi Iesu, diat kakaian akit ma diat kala korom i ma diat wewatai. 16Ma i tiri ta diat, Awa kuma muat wetiritiri uni ma diat? 17Ma te ko diat a kum tara i piri tana, lenkumi, Tenawawera, Iau kiptai na tuglik muana korom ui, a tebaran mutmut i ogi; 18Ma ra bual na wanua rap i rakanpai, i og‐kurāi na pia: ma i korian a wana, ma i kirit lakono, ma panina i mariri: ma iau piri ta diat a num kum tara wawera diat a lu‐ruai; ma diat kana pam larapai. 19Ma i piri ta diat, lena, A taun tara kumi pa diat nunuru, te a bug na wanua dat a tana ku ma muat? te a bug na wanua ag wamalut pa muat? kipi a muana korom iau. 20Ma diat kiptai korom i: ma ba i bobo ia, a tebaran i pet a padwari na muana; ma i puka pari, ma kulakula u na pia, ma i korian a wana. 21Ma i tiri ta ra tamana, Nagaian i wan kabin un i a lig kumi? 22Ma i piri, Ba i nat kubai. Ma magoro na pakan i ogta i u ra ugan ma u ra danim, din pam doko ia uni: ma ba u pet larapai ta lig, un maramari miat, ma waraut miat. 23Ma Iesu i piri tana, lenkumi, ba un nuru larapai, din pam kakai a lig rap korom te i nuru. 24Ma ra tama‐ra nat i watai u na te, ma piri, Iau nuru; un warauti a nug pai nuru, 25Ma ba Iesu i boboi ta magoro a kum tara diat kala ugai korom i, i akanau bati a tebaran pikoina, ma piri tana, Ui ma a tebaran mutmut ma bauret, Iau tula ui, un wan igen koni, ma koniku un ruk balet uni. 26Ma ba i kulkulai, ma pet gala a padwari uni, i ā wan igen kon i: ma ra nat i len ba te i mat; ma ta magoro ko diat diat lena, Wenam! Ia mat! 27Ma Iesu, i pam a limana, ma waturi u na te; ma ra nat i turu. 28Ma ba i ruk u ra ruma, a nuna kum tara wawera diat tiri ino, lenkumi, Lelawai kuma miat kana lu‐ruai larapai? 29Ma I piri ta diat, a ararig ku in ka din og‐uai uni a tebaran lenkumi.
30Ma diat wan igen ko ra bual kuma ma diat wan u Kalilaia; ma pa i nemi ba ta muana in nunurai. 31Kuma i weri diat a nuna kum tara wawera, ma piri ta diat lenkumi, kura ut dim taramaruai na Tu‐ra‐Muana u ra limadiat a kum tara, ma diat a um dokoi, ma ba di um dokoi, in turu balet ba tul a bug i rap. 32Ma pa diat nunurai na kuru a pirapira kuma ma diat burut ba diat tiri uni kup a pipilaina.
33Ma diat wan u Kapanaumi: ma ba i ruk u ra ruma i tiri ta diat, lenkumi, Awa kuma muat wetiritiri uni u ra akapi? 34Ma diat, diat ki mut ku: kuma diat weruarua u ra akapi, O oi ta diat i gala u diat. 35Ma i ki na pia, ma watai korom i diat a Winunu‐ma‐ruadi; ma i piri ta diat, lenkumi, Ba te i lig na muka, ia ba i in murumuru ma in taramlu bulug korom diat rap. 36Ma i rakanpai a nat kinalik, ma waturi na ra matadiat rap: ma ba i romoi a nat u ra limana i piri ta diat, lenkumi. 37Ia ba in tara tepana ta ra nat kinalik len bi u ra iag i tara tepana iau: ma te i tara tepana iau, pa i tara tepana iau ku, i tara tepana bulug ia ba i tulai iau.
38Ma Ioane i piri tana, Tenawawera, miat bobopa te i lu‐ruai a kum tebaran u ra iam: ma miat pira bati, kuma pa i tarugai ma dat. 39Ma Iesu i pira ta diat, Koniku muat pirabati kuma pa ta muana in pam ta dekdek a pinapam u ra iag, ma na muru in pira ululi kaka un iau. 40Kuma ia ba pa i turubat dat i tarugai ma dat. 41Kuma ba te in tari ta muat a la na pala muat inimi, kuma muat a kum tara a nun Karisito muat, A ligtatuna, iau pira ta muat, a nuna wedok pa i panai ai koni. 42Ma ia ba in pet a puka taptapna ra pa diat a kum kinkina lik bi diat nuru taun iau, i ka korom i ba di do a‐kotoi a gala na wat di ububa padi mai u ra kabarono ma di walop a muruguai u ra tai. 43Ma ba a limam i pet a rara ui un poko‐kutuai; 44I ka un ui ba u ruk u ra lalaun ma ra limam i tum, ma pikoina ba u wan ma ruadi a limam u ra Kena, u ra ugan pai mat. 45Ma ba kakim i pet a rara ui, un poko‐kutuai: 46I ka akit un ui ba u ruk u ra lalaun pai rap ma ra kakim i kum, ma i pikoina ba ruadi a kakim ma din og‐uai u ra Kena. 47Ma ba matam i pet a rara ui, un wili: i ka akit ba u ruk u ra mata nitu a nun Nara ma ra ku a matam, ma pa i ka ba ruadi a matam ma din og‐uai u ra Kena. 48Kuma u ra bual ba a nudiat kalolo pa i mat, ma ra ugan pa in pukdokoi. 49Kuma din wamasima diat a kum tara rap ma ra ugan. 50A masima i wakak; ma ba panaiai koni a mapakina, awa ta lig muat pami i mapak balet uni? I wakak ba masima in tana u ra balamuat, ma muat ki na malmal.
Currently Selected:
Mareko 9: RAI
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society in 1896.
Mareko 9
9
9 A PAKANA.
1Ma i piri ta diat, Ligtatuna iau piri ta muat, Ta magan ko diat diat turu kumin, pa diat irua ba pa diat boboi a mukatai a matanitu a nun Nara ba i wan pat ma ra dekdekina.
2Ba nom na bug i rap Iesu i ben ditul Petero, ma Iakobo, ma Ioane, ma i ben‐a‐toto‐pa ditul u ra tagai i naunau, diat ku ma ia: ma panina i waruaria na ra mataditul. 3Ma nuna kum malu i liralira ma kabag akit; pa ta tenakimalu na tudu ra maua in pam liranpai. 4Ma Ilaita ma Mosese kai, diara puā korom ditul ma ditul pirapiri ugai ma Iesu. 5Ma Petero i piri tan Iesu lenkumi, Rabai, i auakak a nu dat tana kumin: miat a pam ta tul a palpalip; ra a num, ma ra a nun Mosese, ma ra a nun Ilaita. 6Kuma pa i nunurai na kuru ta lig i ka ba in piri; kuma diat burut akit. 7Ma ra bakut i pulubat diat; ma ra igana a nun te i uga pari ko ra bakut, ma i piri lenkumi, Ia bi Na Tuglik iau mari akit i: muat walogoro un i. 8Ma ba ditul bobo taliut kaka, pa ditul boboi balet te, diat ku ma Iesu diat tana.
9Ma ba diat wan tatadalua kubai tak’ u ra tagai, i pirabat ditul koniku ditul wapua ta tara u ra lig diat a bobotai, ditul a pira puanai ku ba na Turu‐ra‐Muana i turu balet ko ra mat. 10Ma ditul kadopi a pirapira kuma u ra baladitul ma ditul wetiritiri ugai diat ma ku, Awa a pipilaina pirapira kumi, “In turu balet ko ra mat,” 11Ma ditul tiri tana, lenkumi, Lelawai diat a kum tenatimtimu dat piri, lena, Ilaita in wan muka pat. 12Ma i piri ta ditul a ligtatuna Ilaita in wan muka pat, ma in pam na kuru balet a lig rap: ma di timui lelawai bulug u na Tu‐ra‐Muana, in tapunuk u ra magoro a lig ma din wabulbuli? 13Ma iau, iau pira ta mutul, Ilaita i a wan pa ut mun, ma diat a peti korom i a lig rap diat nemi, lenkuma di timui uni.
14Ma ba diat wan korom diat a kum tara wawera, diat boboi a magoro kum tara diat turu liutai un diat, ma ra kum tenatimtimu diat wetiritiri ma diat. 15Ma ba diat a kum tara diat boboi Iesu, diat kakaian akit ma diat kala korom i ma diat wewatai. 16Ma i tiri ta diat, Awa kuma muat wetiritiri uni ma diat? 17Ma te ko diat a kum tara i piri tana, lenkumi, Tenawawera, Iau kiptai na tuglik muana korom ui, a tebaran mutmut i ogi; 18Ma ra bual na wanua rap i rakanpai, i og‐kurāi na pia: ma i korian a wana, ma i kirit lakono, ma panina i mariri: ma iau piri ta diat a num kum tara wawera diat a lu‐ruai; ma diat kana pam larapai. 19Ma i piri ta diat, lena, A taun tara kumi pa diat nunuru, te a bug na wanua dat a tana ku ma muat? te a bug na wanua ag wamalut pa muat? kipi a muana korom iau. 20Ma diat kiptai korom i: ma ba i bobo ia, a tebaran i pet a padwari na muana; ma i puka pari, ma kulakula u na pia, ma i korian a wana. 21Ma i tiri ta ra tamana, Nagaian i wan kabin un i a lig kumi? 22Ma i piri, Ba i nat kubai. Ma magoro na pakan i ogta i u ra ugan ma u ra danim, din pam doko ia uni: ma ba u pet larapai ta lig, un maramari miat, ma waraut miat. 23Ma Iesu i piri tana, lenkumi, ba un nuru larapai, din pam kakai a lig rap korom te i nuru. 24Ma ra tama‐ra nat i watai u na te, ma piri, Iau nuru; un warauti a nug pai nuru, 25Ma ba Iesu i boboi ta magoro a kum tara diat kala ugai korom i, i akanau bati a tebaran pikoina, ma piri tana, Ui ma a tebaran mutmut ma bauret, Iau tula ui, un wan igen koni, ma koniku un ruk balet uni. 26Ma ba i kulkulai, ma pet gala a padwari uni, i ā wan igen kon i: ma ra nat i len ba te i mat; ma ta magoro ko diat diat lena, Wenam! Ia mat! 27Ma Iesu, i pam a limana, ma waturi u na te; ma ra nat i turu. 28Ma ba i ruk u ra ruma, a nuna kum tara wawera diat tiri ino, lenkumi, Lelawai kuma miat kana lu‐ruai larapai? 29Ma I piri ta diat, a ararig ku in ka din og‐uai uni a tebaran lenkumi.
30Ma diat wan igen ko ra bual kuma ma diat wan u Kalilaia; ma pa i nemi ba ta muana in nunurai. 31Kuma i weri diat a nuna kum tara wawera, ma piri ta diat lenkumi, kura ut dim taramaruai na Tu‐ra‐Muana u ra limadiat a kum tara, ma diat a um dokoi, ma ba di um dokoi, in turu balet ba tul a bug i rap. 32Ma pa diat nunurai na kuru a pirapira kuma ma diat burut ba diat tiri uni kup a pipilaina.
33Ma diat wan u Kapanaumi: ma ba i ruk u ra ruma i tiri ta diat, lenkumi, Awa kuma muat wetiritiri uni u ra akapi? 34Ma diat, diat ki mut ku: kuma diat weruarua u ra akapi, O oi ta diat i gala u diat. 35Ma i ki na pia, ma watai korom i diat a Winunu‐ma‐ruadi; ma i piri ta diat, lenkumi, Ba te i lig na muka, ia ba i in murumuru ma in taramlu bulug korom diat rap. 36Ma i rakanpai a nat kinalik, ma waturi na ra matadiat rap: ma ba i romoi a nat u ra limana i piri ta diat, lenkumi. 37Ia ba in tara tepana ta ra nat kinalik len bi u ra iag i tara tepana iau: ma te i tara tepana iau, pa i tara tepana iau ku, i tara tepana bulug ia ba i tulai iau.
38Ma Ioane i piri tana, Tenawawera, miat bobopa te i lu‐ruai a kum tebaran u ra iam: ma miat pira bati, kuma pa i tarugai ma dat. 39Ma Iesu i pira ta diat, Koniku muat pirabati kuma pa ta muana in pam ta dekdek a pinapam u ra iag, ma na muru in pira ululi kaka un iau. 40Kuma ia ba pa i turubat dat i tarugai ma dat. 41Kuma ba te in tari ta muat a la na pala muat inimi, kuma muat a kum tara a nun Karisito muat, A ligtatuna, iau pira ta muat, a nuna wedok pa i panai ai koni. 42Ma ia ba in pet a puka taptapna ra pa diat a kum kinkina lik bi diat nuru taun iau, i ka korom i ba di do a‐kotoi a gala na wat di ububa padi mai u ra kabarono ma di walop a muruguai u ra tai. 43Ma ba a limam i pet a rara ui un poko‐kutuai; 44I ka un ui ba u ruk u ra lalaun ma ra limam i tum, ma pikoina ba u wan ma ruadi a limam u ra Kena, u ra ugan pai mat. 45Ma ba kakim i pet a rara ui, un poko‐kutuai: 46I ka akit un ui ba u ruk u ra lalaun pai rap ma ra kakim i kum, ma i pikoina ba ruadi a kakim ma din og‐uai u ra Kena. 47Ma ba matam i pet a rara ui, un wili: i ka akit ba u ruk u ra mata nitu a nun Nara ma ra ku a matam, ma pa i ka ba ruadi a matam ma din og‐uai u ra Kena. 48Kuma u ra bual ba a nudiat kalolo pa i mat, ma ra ugan pa in pukdokoi. 49Kuma din wamasima diat a kum tara rap ma ra ugan. 50A masima i wakak; ma ba panaiai koni a mapakina, awa ta lig muat pami i mapak balet uni? I wakak ba masima in tana u ra balamuat, ma muat ki na malmal.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society in 1896.