Luka 10
10
Asɛmpakafo aduɔsɔn no
(Mateo 10.7-16)
1 #
Mar 6.7
Eyinom akyi no, Awurade yii nnipa aduɔsɔn #10.1 Tete akyerɛw a wogye tom no bi ka sɛ: Aduoson abien bio, 2#Yoh 4.35; Mat 9.37-38 na ɔka kyerɛɛ wɔn sɛ: Otwa adwuma no so, na adwumayɛfo no de, wosua; enti monsrɛ otwa wura no, na ontu adwumayɛfo mmra ne twa no mu. 3Monkɔ! Hwɛ, meresoma mo sɛ nguanten akɔ mpataku mu. 4#Luka 9.3-5; 2 Ah 4.29 Mommfa sika kotoku anaa akwantu bɔtɔwa anaa mpaboa; na munnkyia obi ɔkwan mu! 5Na ofi biara a mobɛkɔ mu no, munse kan sɛ: Asomdwoe mmra ofie ha! 6Na sɛ asomdwoe ba wɔ hɔ a, mo asomdwoe bɛtena no so; na sɛ ɛnte saa a, ɛbɛsan aba mo so. 7#1 Tim 5.18 Na ofie hɔ ara na montena, na munni na monnom nea ɛwɔ wɔn nsam; na odwumayɛfo akatua sɛ no. Mummfi ofi biako mu nnkɔ ofi foforo mu! 8Na kurow biara a mobɛkɔ mu no, wogye mo a, munni nea wɔde besi mo anim! 9Na monsa emu ayarefo yare, na monka nkyerɛ wɔn sɛ: Onyankopɔn ahenni abɛn mo. 10Na kurow biara a mobɛkɔ mu na wɔrennye mo no, mumfi adi nkɔ kurow no abɔnten so, na monka sɛ: 11Mfuturu a efi mo kurow mu a ahura yɛn anan ho po, yɛreprapra agu mo so; na ɛyɛ dɛn ara a, munhu eyi sɛ Onyankopɔn ahenni abɛn mo. 12Na mise mo sɛ, ɛda no, ɛbɛfanim Sodom asen kurow no.
Korasin, Betsaida ne Kapernaum
13 #
Mat 11.21-23
Korasin, due! Betsaida, due! Efisɛ ahoɔdenne a wɔayɛ no mo mu yi, sɛ wɔyɛɛ no Tiro ne Sidon a, anka wɔfurafuraa ayitam tenatenaa nso mu sakraa wɔn adwene ntɛm ara. 14Nso atemmu mu no, ɛbɛfanim Tiro ne Sidon asen mo. 15Na wo Kapernaum, wɔbɛma wo so akɔ ɔsoro anaa? Hwɛ, wɔbɛbrɛ wo ase akɔ asamando. 16#Mat 10.40 Nea otie mo no, watie me; na nea ɔpa mo no, wapa me. Na nea ɔpa me no, wapa nea ɔsomaa me no.
Aduɔsɔn no sanba
17Na aduɔsɔn no de anigye san bae bɛkae sɛ: Awurade, wo din nti ahonhommɔne po abrɛ wɔn ho ase ama yɛn. 18#Yoh 12.31; Adi 12.8-9 Na osee wɔn sɛ: Mihuu Satan sɛ ofi soro hwee ase sɛ anyinam. 19#Mar 16.18; Nnw 91.13 Hwɛ, mema mo tumi sɛ muntiatia awɔ ne nkekantwɛre ne ɔtamfo no ahoɔden nyinaa so; na biribiara rentumi nyɛ mo hwee. 20#Eks 32.32; Flp 4.3; Adi 3.5 Nanso eyi mu de, mommma mo ani nnnye sɛ ahonhom abrɛ wɔn ho ase ama mo; na mmom momma mo ani nnye sɛ wɔakyerɛw mo din ɔsoro.
Yesu aseda mpae
(Mateo 11.25-27)
21Ɛdɔn no ara mu ne ho san no honhom mu, na ɔkae sɛ: Agya, ɔsoro ne asase Wura, miyi wo ayɛ sɛ wode nneɛma yi ahintaw anyansafo ne animdefo, na woayi akyerɛ nkokoaa. Yiw, Agya, ne saa na ɛyɛ anisɔ wɔ w’anim. 22M’agya de nneɛma nyinaa ahyɛ me nsa; na obi nnim nea Ɔba no yɛ, gye Agya no. Nanso obi nnim nea Agya no yɛ, gye Ɔba no ne nea Ɔba no pɛ sɛ oyi no adi kyerɛ no. 23#Mat 13.16-17 Na ɔdan ne ho kyerɛɛ asuafo no ka kyerɛɛ wɔn nko sɛ: Nhyira ne aniwa a ehu nea muhu yi; 24#1 Pe 1.10 na mise mo sɛ, adiyifo ne ahene bebree pɛe sɛ anka wohu nneɛma a muhu yi, na wɔanhu, na wɔte nneɛma a mote yi, na wɔante.
Daa nkwa nya
25 #
Luka 18.18-20
Na hwɛ, mmarakyerɛfo bi sɔre gyinaa hɔ sɔɔ no hwɛe sɛ: Kyerɛkyerɛfo, menyɛ dɛn na manya daa nkwa? 26Na Yesu ka kyerɛɛ no se: Dɛn na wɔakyerɛw mmara no mu? Wokan no dɛn? 27#Deut 6.5; Lew 19.18 Na obuae sɛ: Fa wo koma nyinaa ne wo kra nyinaa ne w’ahoɔden nyinaa ne w’adwene nyinaa dɔ Awurade wo Nyankopɔn; na dɔ wo yɔnko sɛ wo ho. 28#Lew 18.5; Mat 19.17 Na osee no sɛ: Woabua no yiye; yɛ eyi, na wubenya nkwa. 29Na ɔno de, ɔpɛe sɛ obu ne ho bem, nti obisaa Yesu sɛ: Na hena ne me yɔnko?
Samariani yɔnko pa no
30Na Yesu yii ano sɛ: Onipa bi fi Yerusalem sian kɔɔ Yeriko, na ɔkɔtɔɔ akwamukafo mu, na wɔpaa ne ho ntama bobɔɔ no, gyaw no hɔ kɔe a watɔ berɛw. 31Na ɛbae sɛ ɔsɔfo bi bɛfaa ɔkwan no so; na obehuu no no, otwaa ne ho kɔe. 32Saa ara nso na Lewini bi a ɔbaa hɔnom, na obehuu no no, otwaa ne ho kɔe. 33Na Samariani bi a ɔnam ne kwan baa nea ɔwɔ hɔ, na ohuu no no, ɔyɛɛ no mmɔbɔ. 34Na ɔkɔɔ ne nkyɛn kɔkyekyeree n’akuru no de ngo ne nsa guguu mu, na ɔde no tenaa n’ankasa aboa so de no kɔɔ ahɔhodan mu kɔhwɛɛ no. 35Na ade kyee no, oyii denare abien de maa ahɔhodan mu panyin no, na ɔka kyerɛɛ no sɛ: Hwɛ no, na biribiara a wobɛhwere aka ho no, mesan meba a, mɛhyɛ wo anan mu.
36 Afei wɔn baasa yi mu hena na wususuw sɛ wayɛ nea ɔkɔtɔɔ akwamukafo mu yi yɔnko? 37Na ose: Nea ohuu no mmɔbɔ no. Ɛnna Yesu see no sɛ: Kɔ, na wo nso kɔyɛ saa ara!
Marta ne Maria
38 #
Yoh 11.1; 12.2-3 Na ɛbae sɛ wɔrekɔ no, ɔkɔɔ akuraa bi ase. Na ɔbea bi a wɔfrɛ no Marta faa no kɔɔ ne fi. 39Na ɔwɔ onuabea bi a wɔfrɛ no Maria a ɔtenaa Awurade nan ase tiee n’asɛm. 40Na Marta de, ɔbrɛɛ ne ho ɔsom pii ho; na obegyinaa hɔ kae sɛ: Awurade, wonhwɛ sɛ me nua agyaw me nko hɔ na meresom? Enti ka kyerɛ no, na ommeso me mu abia. 41Na Awurade bua see no sɛ: Marta, Marta, wudwinnwen na wohaw wo ho nneɛma pii ho; 42#Mat 6.33 na ade biako na ehia: Maria de, wayi nea eye no, ɛno na wɔrennye ne nsam.
Currently Selected:
Luka 10: ATWDB
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Revised Akuapem Twi DC Bible © Bible Society of Ghana, 2017.
Luka 10
10
Asɛmpakafo aduɔsɔn no
(Mateo 10.7-16)
1 #
Mar 6.7
Eyinom akyi no, Awurade yii nnipa aduɔsɔn #10.1 Tete akyerɛw a wogye tom no bi ka sɛ: Aduoson abien bio, 2#Yoh 4.35; Mat 9.37-38 na ɔka kyerɛɛ wɔn sɛ: Otwa adwuma no so, na adwumayɛfo no de, wosua; enti monsrɛ otwa wura no, na ontu adwumayɛfo mmra ne twa no mu. 3Monkɔ! Hwɛ, meresoma mo sɛ nguanten akɔ mpataku mu. 4#Luka 9.3-5; 2 Ah 4.29 Mommfa sika kotoku anaa akwantu bɔtɔwa anaa mpaboa; na munnkyia obi ɔkwan mu! 5Na ofi biara a mobɛkɔ mu no, munse kan sɛ: Asomdwoe mmra ofie ha! 6Na sɛ asomdwoe ba wɔ hɔ a, mo asomdwoe bɛtena no so; na sɛ ɛnte saa a, ɛbɛsan aba mo so. 7#1 Tim 5.18 Na ofie hɔ ara na montena, na munni na monnom nea ɛwɔ wɔn nsam; na odwumayɛfo akatua sɛ no. Mummfi ofi biako mu nnkɔ ofi foforo mu! 8Na kurow biara a mobɛkɔ mu no, wogye mo a, munni nea wɔde besi mo anim! 9Na monsa emu ayarefo yare, na monka nkyerɛ wɔn sɛ: Onyankopɔn ahenni abɛn mo. 10Na kurow biara a mobɛkɔ mu na wɔrennye mo no, mumfi adi nkɔ kurow no abɔnten so, na monka sɛ: 11Mfuturu a efi mo kurow mu a ahura yɛn anan ho po, yɛreprapra agu mo so; na ɛyɛ dɛn ara a, munhu eyi sɛ Onyankopɔn ahenni abɛn mo. 12Na mise mo sɛ, ɛda no, ɛbɛfanim Sodom asen kurow no.
Korasin, Betsaida ne Kapernaum
13 #
Mat 11.21-23
Korasin, due! Betsaida, due! Efisɛ ahoɔdenne a wɔayɛ no mo mu yi, sɛ wɔyɛɛ no Tiro ne Sidon a, anka wɔfurafuraa ayitam tenatenaa nso mu sakraa wɔn adwene ntɛm ara. 14Nso atemmu mu no, ɛbɛfanim Tiro ne Sidon asen mo. 15Na wo Kapernaum, wɔbɛma wo so akɔ ɔsoro anaa? Hwɛ, wɔbɛbrɛ wo ase akɔ asamando. 16#Mat 10.40 Nea otie mo no, watie me; na nea ɔpa mo no, wapa me. Na nea ɔpa me no, wapa nea ɔsomaa me no.
Aduɔsɔn no sanba
17Na aduɔsɔn no de anigye san bae bɛkae sɛ: Awurade, wo din nti ahonhommɔne po abrɛ wɔn ho ase ama yɛn. 18#Yoh 12.31; Adi 12.8-9 Na osee wɔn sɛ: Mihuu Satan sɛ ofi soro hwee ase sɛ anyinam. 19#Mar 16.18; Nnw 91.13 Hwɛ, mema mo tumi sɛ muntiatia awɔ ne nkekantwɛre ne ɔtamfo no ahoɔden nyinaa so; na biribiara rentumi nyɛ mo hwee. 20#Eks 32.32; Flp 4.3; Adi 3.5 Nanso eyi mu de, mommma mo ani nnnye sɛ ahonhom abrɛ wɔn ho ase ama mo; na mmom momma mo ani nnye sɛ wɔakyerɛw mo din ɔsoro.
Yesu aseda mpae
(Mateo 11.25-27)
21Ɛdɔn no ara mu ne ho san no honhom mu, na ɔkae sɛ: Agya, ɔsoro ne asase Wura, miyi wo ayɛ sɛ wode nneɛma yi ahintaw anyansafo ne animdefo, na woayi akyerɛ nkokoaa. Yiw, Agya, ne saa na ɛyɛ anisɔ wɔ w’anim. 22M’agya de nneɛma nyinaa ahyɛ me nsa; na obi nnim nea Ɔba no yɛ, gye Agya no. Nanso obi nnim nea Agya no yɛ, gye Ɔba no ne nea Ɔba no pɛ sɛ oyi no adi kyerɛ no. 23#Mat 13.16-17 Na ɔdan ne ho kyerɛɛ asuafo no ka kyerɛɛ wɔn nko sɛ: Nhyira ne aniwa a ehu nea muhu yi; 24#1 Pe 1.10 na mise mo sɛ, adiyifo ne ahene bebree pɛe sɛ anka wohu nneɛma a muhu yi, na wɔanhu, na wɔte nneɛma a mote yi, na wɔante.
Daa nkwa nya
25 #
Luka 18.18-20
Na hwɛ, mmarakyerɛfo bi sɔre gyinaa hɔ sɔɔ no hwɛe sɛ: Kyerɛkyerɛfo, menyɛ dɛn na manya daa nkwa? 26Na Yesu ka kyerɛɛ no se: Dɛn na wɔakyerɛw mmara no mu? Wokan no dɛn? 27#Deut 6.5; Lew 19.18 Na obuae sɛ: Fa wo koma nyinaa ne wo kra nyinaa ne w’ahoɔden nyinaa ne w’adwene nyinaa dɔ Awurade wo Nyankopɔn; na dɔ wo yɔnko sɛ wo ho. 28#Lew 18.5; Mat 19.17 Na osee no sɛ: Woabua no yiye; yɛ eyi, na wubenya nkwa. 29Na ɔno de, ɔpɛe sɛ obu ne ho bem, nti obisaa Yesu sɛ: Na hena ne me yɔnko?
Samariani yɔnko pa no
30Na Yesu yii ano sɛ: Onipa bi fi Yerusalem sian kɔɔ Yeriko, na ɔkɔtɔɔ akwamukafo mu, na wɔpaa ne ho ntama bobɔɔ no, gyaw no hɔ kɔe a watɔ berɛw. 31Na ɛbae sɛ ɔsɔfo bi bɛfaa ɔkwan no so; na obehuu no no, otwaa ne ho kɔe. 32Saa ara nso na Lewini bi a ɔbaa hɔnom, na obehuu no no, otwaa ne ho kɔe. 33Na Samariani bi a ɔnam ne kwan baa nea ɔwɔ hɔ, na ohuu no no, ɔyɛɛ no mmɔbɔ. 34Na ɔkɔɔ ne nkyɛn kɔkyekyeree n’akuru no de ngo ne nsa guguu mu, na ɔde no tenaa n’ankasa aboa so de no kɔɔ ahɔhodan mu kɔhwɛɛ no. 35Na ade kyee no, oyii denare abien de maa ahɔhodan mu panyin no, na ɔka kyerɛɛ no sɛ: Hwɛ no, na biribiara a wobɛhwere aka ho no, mesan meba a, mɛhyɛ wo anan mu.
36 Afei wɔn baasa yi mu hena na wususuw sɛ wayɛ nea ɔkɔtɔɔ akwamukafo mu yi yɔnko? 37Na ose: Nea ohuu no mmɔbɔ no. Ɛnna Yesu see no sɛ: Kɔ, na wo nso kɔyɛ saa ara!
Marta ne Maria
38 #
Yoh 11.1; 12.2-3 Na ɛbae sɛ wɔrekɔ no, ɔkɔɔ akuraa bi ase. Na ɔbea bi a wɔfrɛ no Marta faa no kɔɔ ne fi. 39Na ɔwɔ onuabea bi a wɔfrɛ no Maria a ɔtenaa Awurade nan ase tiee n’asɛm. 40Na Marta de, ɔbrɛɛ ne ho ɔsom pii ho; na obegyinaa hɔ kae sɛ: Awurade, wonhwɛ sɛ me nua agyaw me nko hɔ na meresom? Enti ka kyerɛ no, na ommeso me mu abia. 41Na Awurade bua see no sɛ: Marta, Marta, wudwinnwen na wohaw wo ho nneɛma pii ho; 42#Mat 6.33 na ade biako na ehia: Maria de, wayi nea eye no, ɛno na wɔrennye ne nsam.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Revised Akuapem Twi DC Bible © Bible Society of Ghana, 2017.