Ruuka 23
23
Yeesu kaasitaakibhwa ku‑Piraato
(Mataayo 27:1‑2, 27:11‑14; Maariko 15:1‑5; Yowana 18:28‑38)
1Niwo, abhakuru abho bhoone nibheemereeguru, nibhasira Yeesu ku‑Piraato. 2Nibhaamba okumusitaaka nibhaayikaga ati, “Chaasongʼana omuunu unu ˆnaayabhyaga abhaanu bha riyanga ryeswe, ˆnaabhagaanyaga bhasige okutobha rigooti ku‑Kayisaari.#23:2 Kayisaari. Aariga ari mukama wa Abharuumi, ka wone niwe ꞉aatangasiisye ebhyaro bhyafu ku‑njira ya obhukoorooni, noorwo echaaro cha Yisirayeeri ku‑mwanya gurya. Aariga ari mukama wa echaaro choone chinu chaariga chitungirwe na Abharuumi. Abhaanu bhoone ꞉bheenderwe bhatobhe rigooti mu‑bhutungi bhwaye. Ku‑meeresyo amaafu, ringira mu‑Meeresyo inguru ya Emisango Emikomeeye. Ka wone keetoga ati, omwene niwe Kirisito omukama.”
3Niwo Piraato ˆnaabhuusya Yeesu ati, “Angu, naawe omukama wa Abhayawudi?” Yeesu ˆnaamusubhya, ati, “Naawe omwayiki!”
4Piraato ˆnaabhwira abhakuru bha abhagabhisi na echise cha abhaanu bhoone bhanu bhaariga bhari‑wo ati, “Nitakurora echikayo choonechoone ku‑muunu unu.”
5Nawe abhaanu abho nibhakomeeresya nibhaayikaga ati, “Ku‑meeyigisyo gaaye, kaakungirisya abhaanu mu‑chaaro choone cha Abhayawudi. ꞉Aambiiye Gariraaya eyo, ka woori aakingire Yuudeya enu.”
6Piraato ejire oongwa ejo, ˆnaabhuusya araabha Yeesu ni Mugariraaya. 7Ejire aasombookerwa ati, Yeesu ni Mugariraaya wa mu‑bhutungi bhwa Yeroode Atipaasi, ˆnaabhabhwira bhamusire ku‑Yeroode oyo, kwa okubha mu‑siku ejo Yeroode aariga ari Yerusareemu awo.
Yeesu kaasirwa ku‑Yeroode Atipaasi
8Yeroode Atipaasi ejire aarora Yeesu, ꞉aakondeeywe muno, kwa okubha aariga oonguuwe emisango jaaye. Yeroode eegombaga kwa omwanya omureera okwirorera omwene ebhiruguusyo bhinu Yeesu aakoraga. 9Yeroode ˆnaabhuusya Yeesu misango myafu. Nawe Yeesu ꞉ataamusubhiisye omusango gwonegwone. 10Abhakuru bha abhagabhisi na abheeyigisya bha ebhiraagiro bhya Muusa, nibheemereeguru imbere ya Yeroode nibhasitaaka Yeesu kwa managa muno. 11Yeroode na abhasirikare bhaaye, nibhaamba okusiijaaka Yeesu, nibhamuseka, nibhamufwafya omwingiro gwa echikama. Neeya, Yeroode ˆnaasubhya Yeesu ku‑Piraato. 12Ku‑bhwambiro Yeroode na Piraato bhaariga bhayateene, nawe omwanya ogwoogwo nibhaamba okubha abhasaani.
Piraato keekirisya Yeesu eetwe
(Mataayo 27:15‑26; Maariko 15:6‑15; Yowana 18:38–19:16)
13Omwanya omurebhe, Piraato ˆnaakumanya abhakuru bha abhagabhisi na abhatangasya bha Abhayawudi aamwi na abhaanu bha mu‑musi. 14ˆNaabhabhwira ati, “Mwandeetera omuunu unu nimwayikaga ati, aariga ˆnaayabhya abhaanu. Woori muntegeresye muungwe. Naatatirisya kisi amasitaaka geemwe gwone, nitaamubhona‑ko echikayo choonechoone. 15Noorwo Yeroode wone ꞉ataamubhonere‑ko echikayo choonechoone, nikwo okukora aamusubhya kw‑anye. Mumenye ati, omuunu unu ꞉ataakorere echikayo choonechoone chinu echikora eetwe. 16Kurwa ejo, enija okumuyaana ebhitiibha era, nikamara enimutaatira.”
[17Mu‑bhuri chikukuru ya Okwambuka, Piraato aariga anarire okwigurira omubhoywa umwi okusooka mw‑ibhoyero.]
18Nawe abhaanu abho bhoone ku‑bhumwi bhwebhwe nibhamwaya nibhaayikaga ati, “Nuwiite omuunu unu, nawe nuuchiigurire Bharaabha!” 19Bharaabha oyo, aariga abhoyerwe mw‑ibhoyero, kwa okubha ꞉aaretereeye injogere nyafu mu‑musi ogwo, ka wone aariga ari mwiti.
20Mbe, Piraato ˆneenda okutaatira Yeesu. Kurwa ejo, ˆnaasimura nabho rindi. 21Nawe, abheene nibhagenderera okumwaya nibhaayikaga ati, “Mubhumiirire ku‑musarabha! Mubhumiirire ku‑musarabha!”
22Piraato ˆnaayika nabho rwa kasatu ati, “Omuunu unu akorere echikayo ki? Mbawo nitakurora echikayo choonechoone cha okureterera eetwe! Kurwa ejo, enija okumuyaana ebhitiibha era, nikamara enimutaatira.” 23Nawe, abhaanu abho nibhagenderera okumwaya muno ati, Yeesu abhumiirirwe ku‑musarabha. Ku‑bhuteero, amaraka geebhwe nigayiga.
24Mbe, Piraato ˆnaasiga Abhayawudi abho bhakore rwa kutyo bhaariga nibheenda. 25ˆNeegurira Bharaabha unu aariga abhoyerwe inguru ya okukora injogere na okwita. ˆNaatuura Yeesu mu‑mabhoko geebhwe, korereki bhamukorere rwa kutyo bheendaga.
Yeesu kaabhumiirirwa ku‑musarabha
(Mataayo 27:32‑44; Maariko 15:21‑32; Yowana 19:17‑27)
26Omwanya gunu abhasirikare bhaariga nibhasira Yeesu okuja okumubhumiirira ku‑musarabha, nibhabhugana na omuunu umwi, ˆnaatogwaga Simooni, omwinengo wa mu‑musi gwa Kureene. Simooni oyo, aariga ˆnaasooka mw‑isambu. Nibhamugwata, nibhamutwikya omusarabha gunu Yeesu aariga eetwikire. Simooni ˆnaaruubha Yeesu inyuma agwitwikirega.
27Echise echinene cha abhaanu chaariga nichiruubha Yeesu inyuma. Mu‑bhaanu abho, bhaariga bhari‑mo abhagasi bhanu bhaariga nibhamuririra na okumusurumbarira. 28Yeesu ˆneekebhuukira, ˆnaabhabhwira ati, “Emwe, abhagasi bha Yerusareemu! Musige okundirira anye! Mwiririre emwe abheene, na muririre abhaana bheemwe!#23:28 Yeesu ꞉aabhabhwiriiye ati bharire inguru ya inyaako inene inu eyija okubhabhona. 29Mumenye kisi ati, jisiku ejiija, jinu abhaanu bharyayikaga ati, ‘Bhari na amabhando abhagasi abhagumba, na amabheere gwebhwe ꞉gataaneenisye abhaana.’ 30Omwanya ogwo abhaanu bharibhwiraga ebhiima ati, ‘Muchigwire!’ na ebhisuuma ati, ‘Muchifundikire!’#23:30 Ringira Woseya 10:8. 31Okubha, araabha abhakora kutyo kw‑anye, anye riiti ribhisi, iribha nyaako nene muno kw‑imwe, emwe amati amoomu.#23:31 Obhugajuro bhwago ni ati, araabha abhannyaasya anye unu nitari na echibhiibhi, emwe omuja okunyaasibhwa okukira anye.”
32Abhasirikare nibhasira Yeesu na abhanyamusi bhabhiri, korereki bheetwe aamwi nage. 33Bhejire bhaakinga anu aatogwaga ati, “Echiyanga cha omuunu,” nibhabhumiirira Yeesu ku‑musarabha aamwi na abhanyamusi abho, owumwi orubhaara rwa ebhuryo na owundi orubhaara rwa ebhumoosi.
34Yeesu ˆnaayika ati, “Raata! Bhafwire echigongo, kwa okubha bhatakumenya gunu abhakora.”
Abhasirikare abho bhejire bhaamara, nibhagabhana emyenda jaaye kwa okwitongya. 35Abhaanu bhaariga bheemereeguuyu awo, nibharoraga jinu jaariga nijikorekana. Abhakuru bha Abhayawudi nibhamusiijaaka nibhaayikaga ati, “Mbawo aawonʼyaga abhandi! Mbe, woori eewonʼye omwene, araabha chimari niwe Kirisito omusorwa wa Nyamuwanga.”
36Abhasirikare bharya wone nibhamusiijaaka, nibhamufogera‑ko, korereki bhamuyaane isese inu yaariga itari nduru. 37Nibhamubhwira ati, “Araabha chimari naawe omukama wa Abhayawudi, iwonʼya omwene!”
38Nibhatuura akabhaawu ku‑musarabha gwa Yeesu inguru, kakaamirwe‑ko ati, “unu niwe omukama wa abhayawudi.”
39Owumwi mu‑bhanyamusi abhabhiri bhanu ꞉bhaabhumiiriiywe ku‑musarabha aamwi na Yeesu, ˆnaafuma Yeesu ˆnaayikaga ati, “Toga awe uri Kirisito? Mbe! Iwonʼya awe omwene! Uchiwonʼye na eswe wone!” 40Nawe, omunyamuke umwi ˆnaamugonya, ˆnaamubhwira ati, “Kurwa ki utakuubhaya Nyamuwanga? Indamu inu waaramurwa niyo omwene wone aaramurwa. 41Eswe chaaramurwa kwa obhurengeresi, gunu nigwo omuyeero gwa jinu ꞉chaakorere. Nawe omuunu unu, atakorere echibhiibhi choonechoone.”
42Ejire aamara okugonya oweejaabho ˆnaayika ati, “Yeesu awe, unyichuke anye anu omwanya gunu uriingira mu‑bhukama bhwawo.” 43Yeesu ˆnaamusubhya ati, “Ni chimari enikubhwira, reero inu owuja okubha aamwi na anye mu‑rwire.”
Yeesu kaafwa
(Mataayo 27:45‑56; Maariko 15:33‑41; Yowana 19:28‑30)
44Yejire jaakinga saa etaanu na imwi mu‑mwisi, echisuute nichiingira ku‑chaaro choone, okukingira saa etaanu na ena. 45Risuubha niririga na ripajiya rinu ryariga niryawukanya Ayeeru na Ayeeru a Ayeeru mw‑Iyekaru rya Nyamuwanga#23:45 Ayeeru na Ayeeru a Ayeeru mw‑Iyekaru rya Nyamuwanga. Ku‑meeresyo amaafu, ringira Riyekaru mu‑Meeresyo inguru ya Emisango Emikomeeye. niryatika bhibhaara bhibhiri.
46Yeesu ˆnaamura obhuraka ˆnaarira ati, “Raata awe! Enituura omwoyo gwani mu‑mabhoko gaawo.” 47Ejire aamara okwayika kutyo, ˆnaafwa. Omwangarisi wa abhasirikare ejire aarora ejo, ˆnaakuuya Nyamuwanga ˆnaayikaga ati, “Chimari, omuunu unu aariga ari murengeresi imbere ya Nyamuwanga!”
48Abhaanu bhoone bhanu bhaariga bheekumanyiisye awo okurora emisango ejo, bhejire bhaarora jinu ꞉jaakorekeene nibhasubha mu‑misi jeebhwe, nibheekununaga ku‑bhifubha enu bhasurumbaaye muno. 49Nawe abhaanu bhoone bhanu bhaariga bhamenyeene na Yeesu ꞉bheemereeguuyu kura, nibharingiraga joone jinu jaariga nijikorekana. Mu‑bheene omwo bhaariga bhari‑mo abhagasi bhanu bhaamuruubhaga okusooka mu‑mukoowa gwa Gariraaya.
Yeesu kaasiikwa
(Mataayo 27:57‑61; Maariko 15:42‑47; Yowana 19:38‑42)
50-51Aariga ari‑wo omuunu umwi ˆnaatogwa Jejefu. Jejefu oyo aariga asookere mu‑ruguuyo rwa Arimataaya okusooka mu‑mukoowa gwa Yuudeya. Aariga ari muunu murengeresi imbere ya Nyamuwanga, na aariga ˆnaarindirira obhukama bhwa Nyamuwanga bhuuje. Noorwo kutyo aariga ari wumwi wa abhaanu bhwa mw‑iramuriro rya Abhayawudi, ꞉ateekirisyanyiisye na abheejaabho ku‑musango ogwo gwa okwita Yeesu.
52Mbe, Jejefu ˆnaagenda ku‑Piraato, ˆnaamusabhwa agege omutumbi gwa Yeesu. 53Piraato ˆneekirisya. Jejefu ˆnaagenda, ˆneesya omutumbi ogwo okusooka ku‑musarabha, ˆnaagutuura mw‑isanda. ˆNaagumaamya mu‑fwa inu yaariga isimbirwe ku‑rutare, inu yaariga ichaari okubhiikwa‑mo omutumbi gwonegwone. 54Orusuku orwo, rwariga ruri rusuku rwa okwiraabha inguru ya Isabhaato. Ka wone, orusuku rwa Isabhaato rwariga nirwamba.
55Mbe, abhagasi bhanu ꞉bheejire aamwi na Yeesu okusooka Gariraaya, nibharuubha Jejefu okuja ku‑fwa, nibharora kutyo omubhiri gwa Yeesu ꞉gwamaamiibhwe mu‑fwa omwo. 56Niwo, nibhasubha iika, nibheeraabha amafuta na ebhirange bhya okubhambaga omubhiri gwa Yeesu. Nibheesya omwoyo ku‑rusuku rwa Isabhaato rwa kutyo jaariga jiragiriiywe na echiraagiro.#23:56 Ringira Okwimuka 20:8‑11; Orwichuko rwa Ebhiraagiro 5:12‑15.
Currently Selected:
Ruuka 23: jit
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2023, Wycliffe Bible Translators, Inc. All rights reserved.
Ruuka 23
23
Yeesu kaasitaakibhwa ku‑Piraato
(Mataayo 27:1‑2, 27:11‑14; Maariko 15:1‑5; Yowana 18:28‑38)
1Niwo, abhakuru abho bhoone nibheemereeguru, nibhasira Yeesu ku‑Piraato. 2Nibhaamba okumusitaaka nibhaayikaga ati, “Chaasongʼana omuunu unu ˆnaayabhyaga abhaanu bha riyanga ryeswe, ˆnaabhagaanyaga bhasige okutobha rigooti ku‑Kayisaari.#23:2 Kayisaari. Aariga ari mukama wa Abharuumi, ka wone niwe ꞉aatangasiisye ebhyaro bhyafu ku‑njira ya obhukoorooni, noorwo echaaro cha Yisirayeeri ku‑mwanya gurya. Aariga ari mukama wa echaaro choone chinu chaariga chitungirwe na Abharuumi. Abhaanu bhoone ꞉bheenderwe bhatobhe rigooti mu‑bhutungi bhwaye. Ku‑meeresyo amaafu, ringira mu‑Meeresyo inguru ya Emisango Emikomeeye. Ka wone keetoga ati, omwene niwe Kirisito omukama.”
3Niwo Piraato ˆnaabhuusya Yeesu ati, “Angu, naawe omukama wa Abhayawudi?” Yeesu ˆnaamusubhya, ati, “Naawe omwayiki!”
4Piraato ˆnaabhwira abhakuru bha abhagabhisi na echise cha abhaanu bhoone bhanu bhaariga bhari‑wo ati, “Nitakurora echikayo choonechoone ku‑muunu unu.”
5Nawe abhaanu abho nibhakomeeresya nibhaayikaga ati, “Ku‑meeyigisyo gaaye, kaakungirisya abhaanu mu‑chaaro choone cha Abhayawudi. ꞉Aambiiye Gariraaya eyo, ka woori aakingire Yuudeya enu.”
6Piraato ejire oongwa ejo, ˆnaabhuusya araabha Yeesu ni Mugariraaya. 7Ejire aasombookerwa ati, Yeesu ni Mugariraaya wa mu‑bhutungi bhwa Yeroode Atipaasi, ˆnaabhabhwira bhamusire ku‑Yeroode oyo, kwa okubha mu‑siku ejo Yeroode aariga ari Yerusareemu awo.
Yeesu kaasirwa ku‑Yeroode Atipaasi
8Yeroode Atipaasi ejire aarora Yeesu, ꞉aakondeeywe muno, kwa okubha aariga oonguuwe emisango jaaye. Yeroode eegombaga kwa omwanya omureera okwirorera omwene ebhiruguusyo bhinu Yeesu aakoraga. 9Yeroode ˆnaabhuusya Yeesu misango myafu. Nawe Yeesu ꞉ataamusubhiisye omusango gwonegwone. 10Abhakuru bha abhagabhisi na abheeyigisya bha ebhiraagiro bhya Muusa, nibheemereeguru imbere ya Yeroode nibhasitaaka Yeesu kwa managa muno. 11Yeroode na abhasirikare bhaaye, nibhaamba okusiijaaka Yeesu, nibhamuseka, nibhamufwafya omwingiro gwa echikama. Neeya, Yeroode ˆnaasubhya Yeesu ku‑Piraato. 12Ku‑bhwambiro Yeroode na Piraato bhaariga bhayateene, nawe omwanya ogwoogwo nibhaamba okubha abhasaani.
Piraato keekirisya Yeesu eetwe
(Mataayo 27:15‑26; Maariko 15:6‑15; Yowana 18:38–19:16)
13Omwanya omurebhe, Piraato ˆnaakumanya abhakuru bha abhagabhisi na abhatangasya bha Abhayawudi aamwi na abhaanu bha mu‑musi. 14ˆNaabhabhwira ati, “Mwandeetera omuunu unu nimwayikaga ati, aariga ˆnaayabhya abhaanu. Woori muntegeresye muungwe. Naatatirisya kisi amasitaaka geemwe gwone, nitaamubhona‑ko echikayo choonechoone. 15Noorwo Yeroode wone ꞉ataamubhonere‑ko echikayo choonechoone, nikwo okukora aamusubhya kw‑anye. Mumenye ati, omuunu unu ꞉ataakorere echikayo choonechoone chinu echikora eetwe. 16Kurwa ejo, enija okumuyaana ebhitiibha era, nikamara enimutaatira.”
[17Mu‑bhuri chikukuru ya Okwambuka, Piraato aariga anarire okwigurira omubhoywa umwi okusooka mw‑ibhoyero.]
18Nawe abhaanu abho bhoone ku‑bhumwi bhwebhwe nibhamwaya nibhaayikaga ati, “Nuwiite omuunu unu, nawe nuuchiigurire Bharaabha!” 19Bharaabha oyo, aariga abhoyerwe mw‑ibhoyero, kwa okubha ꞉aaretereeye injogere nyafu mu‑musi ogwo, ka wone aariga ari mwiti.
20Mbe, Piraato ˆneenda okutaatira Yeesu. Kurwa ejo, ˆnaasimura nabho rindi. 21Nawe, abheene nibhagenderera okumwaya nibhaayikaga ati, “Mubhumiirire ku‑musarabha! Mubhumiirire ku‑musarabha!”
22Piraato ˆnaayika nabho rwa kasatu ati, “Omuunu unu akorere echikayo ki? Mbawo nitakurora echikayo choonechoone cha okureterera eetwe! Kurwa ejo, enija okumuyaana ebhitiibha era, nikamara enimutaatira.” 23Nawe, abhaanu abho nibhagenderera okumwaya muno ati, Yeesu abhumiirirwe ku‑musarabha. Ku‑bhuteero, amaraka geebhwe nigayiga.
24Mbe, Piraato ˆnaasiga Abhayawudi abho bhakore rwa kutyo bhaariga nibheenda. 25ˆNeegurira Bharaabha unu aariga abhoyerwe inguru ya okukora injogere na okwita. ˆNaatuura Yeesu mu‑mabhoko geebhwe, korereki bhamukorere rwa kutyo bheendaga.
Yeesu kaabhumiirirwa ku‑musarabha
(Mataayo 27:32‑44; Maariko 15:21‑32; Yowana 19:17‑27)
26Omwanya gunu abhasirikare bhaariga nibhasira Yeesu okuja okumubhumiirira ku‑musarabha, nibhabhugana na omuunu umwi, ˆnaatogwaga Simooni, omwinengo wa mu‑musi gwa Kureene. Simooni oyo, aariga ˆnaasooka mw‑isambu. Nibhamugwata, nibhamutwikya omusarabha gunu Yeesu aariga eetwikire. Simooni ˆnaaruubha Yeesu inyuma agwitwikirega.
27Echise echinene cha abhaanu chaariga nichiruubha Yeesu inyuma. Mu‑bhaanu abho, bhaariga bhari‑mo abhagasi bhanu bhaariga nibhamuririra na okumusurumbarira. 28Yeesu ˆneekebhuukira, ˆnaabhabhwira ati, “Emwe, abhagasi bha Yerusareemu! Musige okundirira anye! Mwiririre emwe abheene, na muririre abhaana bheemwe!#23:28 Yeesu ꞉aabhabhwiriiye ati bharire inguru ya inyaako inene inu eyija okubhabhona. 29Mumenye kisi ati, jisiku ejiija, jinu abhaanu bharyayikaga ati, ‘Bhari na amabhando abhagasi abhagumba, na amabheere gwebhwe ꞉gataaneenisye abhaana.’ 30Omwanya ogwo abhaanu bharibhwiraga ebhiima ati, ‘Muchigwire!’ na ebhisuuma ati, ‘Muchifundikire!’#23:30 Ringira Woseya 10:8. 31Okubha, araabha abhakora kutyo kw‑anye, anye riiti ribhisi, iribha nyaako nene muno kw‑imwe, emwe amati amoomu.#23:31 Obhugajuro bhwago ni ati, araabha abhannyaasya anye unu nitari na echibhiibhi, emwe omuja okunyaasibhwa okukira anye.”
32Abhasirikare nibhasira Yeesu na abhanyamusi bhabhiri, korereki bheetwe aamwi nage. 33Bhejire bhaakinga anu aatogwaga ati, “Echiyanga cha omuunu,” nibhabhumiirira Yeesu ku‑musarabha aamwi na abhanyamusi abho, owumwi orubhaara rwa ebhuryo na owundi orubhaara rwa ebhumoosi.
34Yeesu ˆnaayika ati, “Raata! Bhafwire echigongo, kwa okubha bhatakumenya gunu abhakora.”
Abhasirikare abho bhejire bhaamara, nibhagabhana emyenda jaaye kwa okwitongya. 35Abhaanu bhaariga bheemereeguuyu awo, nibharoraga jinu jaariga nijikorekana. Abhakuru bha Abhayawudi nibhamusiijaaka nibhaayikaga ati, “Mbawo aawonʼyaga abhandi! Mbe, woori eewonʼye omwene, araabha chimari niwe Kirisito omusorwa wa Nyamuwanga.”
36Abhasirikare bharya wone nibhamusiijaaka, nibhamufogera‑ko, korereki bhamuyaane isese inu yaariga itari nduru. 37Nibhamubhwira ati, “Araabha chimari naawe omukama wa Abhayawudi, iwonʼya omwene!”
38Nibhatuura akabhaawu ku‑musarabha gwa Yeesu inguru, kakaamirwe‑ko ati, “unu niwe omukama wa abhayawudi.”
39Owumwi mu‑bhanyamusi abhabhiri bhanu ꞉bhaabhumiiriiywe ku‑musarabha aamwi na Yeesu, ˆnaafuma Yeesu ˆnaayikaga ati, “Toga awe uri Kirisito? Mbe! Iwonʼya awe omwene! Uchiwonʼye na eswe wone!” 40Nawe, omunyamuke umwi ˆnaamugonya, ˆnaamubhwira ati, “Kurwa ki utakuubhaya Nyamuwanga? Indamu inu waaramurwa niyo omwene wone aaramurwa. 41Eswe chaaramurwa kwa obhurengeresi, gunu nigwo omuyeero gwa jinu ꞉chaakorere. Nawe omuunu unu, atakorere echibhiibhi choonechoone.”
42Ejire aamara okugonya oweejaabho ˆnaayika ati, “Yeesu awe, unyichuke anye anu omwanya gunu uriingira mu‑bhukama bhwawo.” 43Yeesu ˆnaamusubhya ati, “Ni chimari enikubhwira, reero inu owuja okubha aamwi na anye mu‑rwire.”
Yeesu kaafwa
(Mataayo 27:45‑56; Maariko 15:33‑41; Yowana 19:28‑30)
44Yejire jaakinga saa etaanu na imwi mu‑mwisi, echisuute nichiingira ku‑chaaro choone, okukingira saa etaanu na ena. 45Risuubha niririga na ripajiya rinu ryariga niryawukanya Ayeeru na Ayeeru a Ayeeru mw‑Iyekaru rya Nyamuwanga#23:45 Ayeeru na Ayeeru a Ayeeru mw‑Iyekaru rya Nyamuwanga. Ku‑meeresyo amaafu, ringira Riyekaru mu‑Meeresyo inguru ya Emisango Emikomeeye. niryatika bhibhaara bhibhiri.
46Yeesu ˆnaamura obhuraka ˆnaarira ati, “Raata awe! Enituura omwoyo gwani mu‑mabhoko gaawo.” 47Ejire aamara okwayika kutyo, ˆnaafwa. Omwangarisi wa abhasirikare ejire aarora ejo, ˆnaakuuya Nyamuwanga ˆnaayikaga ati, “Chimari, omuunu unu aariga ari murengeresi imbere ya Nyamuwanga!”
48Abhaanu bhoone bhanu bhaariga bheekumanyiisye awo okurora emisango ejo, bhejire bhaarora jinu ꞉jaakorekeene nibhasubha mu‑misi jeebhwe, nibheekununaga ku‑bhifubha enu bhasurumbaaye muno. 49Nawe abhaanu bhoone bhanu bhaariga bhamenyeene na Yeesu ꞉bheemereeguuyu kura, nibharingiraga joone jinu jaariga nijikorekana. Mu‑bheene omwo bhaariga bhari‑mo abhagasi bhanu bhaamuruubhaga okusooka mu‑mukoowa gwa Gariraaya.
Yeesu kaasiikwa
(Mataayo 27:57‑61; Maariko 15:42‑47; Yowana 19:38‑42)
50-51Aariga ari‑wo omuunu umwi ˆnaatogwa Jejefu. Jejefu oyo aariga asookere mu‑ruguuyo rwa Arimataaya okusooka mu‑mukoowa gwa Yuudeya. Aariga ari muunu murengeresi imbere ya Nyamuwanga, na aariga ˆnaarindirira obhukama bhwa Nyamuwanga bhuuje. Noorwo kutyo aariga ari wumwi wa abhaanu bhwa mw‑iramuriro rya Abhayawudi, ꞉ateekirisyanyiisye na abheejaabho ku‑musango ogwo gwa okwita Yeesu.
52Mbe, Jejefu ˆnaagenda ku‑Piraato, ˆnaamusabhwa agege omutumbi gwa Yeesu. 53Piraato ˆneekirisya. Jejefu ˆnaagenda, ˆneesya omutumbi ogwo okusooka ku‑musarabha, ˆnaagutuura mw‑isanda. ˆNaagumaamya mu‑fwa inu yaariga isimbirwe ku‑rutare, inu yaariga ichaari okubhiikwa‑mo omutumbi gwonegwone. 54Orusuku orwo, rwariga ruri rusuku rwa okwiraabha inguru ya Isabhaato. Ka wone, orusuku rwa Isabhaato rwariga nirwamba.
55Mbe, abhagasi bhanu ꞉bheejire aamwi na Yeesu okusooka Gariraaya, nibharuubha Jejefu okuja ku‑fwa, nibharora kutyo omubhiri gwa Yeesu ꞉gwamaamiibhwe mu‑fwa omwo. 56Niwo, nibhasubha iika, nibheeraabha amafuta na ebhirange bhya okubhambaga omubhiri gwa Yeesu. Nibheesya omwoyo ku‑rusuku rwa Isabhaato rwa kutyo jaariga jiragiriiywe na echiraagiro.#23:56 Ringira Okwimuka 20:8‑11; Orwichuko rwa Ebhiraagiro 5:12‑15.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2023, Wycliffe Bible Translators, Inc. All rights reserved.