Lukas 1
1
Ponimpuunan nu tangar
1Oo sulod ku Tiupilus, aku yo si Lukas monurat nu itu so ikau.
Osuang-o lobuw nokoponurat nu tuturan suat so si Yisus om kiawi' winaal Niyo ri tuui so toko. 2Nisurat-o nosiro ombo norongou nosiro nu nituturan nu lobuw nokokondiri kosiou nu noongourug suat so si Yisus ungkiat nu tumimpuun Iyo montuduk nu kolobuwan. 3Nadi, pagka aku yo kondiri nokoilo nu kiawi' tuturan iitu no, pikiran ku owarong nu aku nga monurat-a nu osuat sobana nu tuturan iitu no. 4Waalon ku soko ono, su' ikau nga koilo nu obana ya kiawi' nituturan so ikau-o suat so si Yisus.
Abar nu kopuonakan so si Yuanis Moongodiu'
5Iya ni Irudis raja so wonuo nu Yudia,#1:5: Orati nu Yudia tuui, nga kiawi' wonuo nu Palistina. kuwai ido imam ngaran niyo si Jakaria. Si Jakaria yo po kiat so puimpugan nu imam ingoranan nu Abija. Sawo niyo, si Ilijabit nga solusuk-a nu imam, ono yo solusuk ni Arun.#1 Kot 24:10 6Kowiawan nu duo musondamin oono, koinsanang nu inawo nu Kinoringan. Kiduo nosiro mongimaid nu kiawi' ponuu'an nu Tuhan. 7Nga ado anak nosiro so' tomonang#1:7: tomonang; intawa: madai si Ilijabit, om otuo yo nosiro.
8Ido runat minugogoma'on si Jakaria so Waloi Maayo nu Kinoringan nu gogoma'on nu imam, so' nosuat iyo nu boogian. 9Nopili' iyo monusul nu komanyan, indadi, mosuwo yo sono iyo. 10Laid niyo so dilalom-i, osuang lobuw minuimpug mogdu'a so dilabus-i.
11Milok po om musit susuu'on nu Kinoringan minundii umpak so wanan nu ranggar pinonusulan ni Jakaria nu komanyan-i. 12Nosiou ni Jakaria susuu'on-i, linumaa' iyo.
13Nga mutongaro yo susuu'on-i nu, “Oo Jakaria, ikod kilaa'. Norongou-o du'a mu ri nu Kinoringan. Adi, dai yo olaid moganak sawo mu no nu lolaing kusoi om ingoranan mu so si Yuanis. 14Kikosonangan kou nu inawo, soko ono ya lobuw suang nga kikosonangan, koduung opuanak nu sawo mu no lolaing oono, 15so' mourug iyo nu opangkat so tiningkuangon nu Kinoringan. Dai iyo kowasa monginum nu kaawuk. Kiat nu opuanak iyo, Atod nu Kinoringan su mogkuasa so iyo.#Pong 6:3 16Mourug iyo nu moongingol nu lobuw Israil muli' so Kinoringan. 17Mourug iyo nu poo'abar sinuu' nu Kinoringan nu obasag om kikuasa soko si Ilia silaid-i. Mogulu iyo paabar so lobuw suat nu kologa'an nu Kinoringan. Popusulut iyo nu amo om anak, om potolunda' nu lobuw nu dai poimaid mululi' so pikiran obana. Iyo yo su posodia' nu inawo nu kolobuwan, su' bang kologa' yo Tuhan, poimaid sono nosiro so Iyo,” koo.#Mal 4:5-6
18Mutongaro yo si Jakaria so susuu'on-i nu, “Dai su poimaid so ikau, so' aku om sawo ku no otuo yo,” koo.
19Sumombuto yo susuu'on-i nu, “Aku si Jibrail. Mugogoma'on aku so Kinoringan, om Iyo yo su minonuu' s'aku potuturan nu abar owarong iitu so ikau.#Dan 8:16; 9:21 20Onu yo po tongaron ku tu tantu otuman-a ong ologa' yo, nga pagka dai ko poimaid s'aku, bobou ko sono musingkotuman nu ono,” koo susuu'on-i.
21Mongindad kolobuwan-i so si Jakaria, om moiranan nosiro nu olaid-o dai po iyo kolabus. 22Nokolabus si Jakaria, bobou-o sono iyo. Noilaan-o nosiro nu nokosiou iyo nu koiran-iran so asuw nu Waloi Maayo nu Kinoringan-i, om pagka dai iyo koputangar, tudukon-a niyo tongaron niyo ri.
23Noopod-o po ni Jakaria ginama' niyo ri, mulio yo sono iyo. 24Dai po olaid, momontian-o si Ilijabit, sawo niyo ri, om dai iyo linumiwawa solaid limo nowulan. 25Mutongaro yo sawo ni Jakaria nu, “Tinabang aku yo nu Tuhan. Inidu' yo sono Niyo ayak tampung nu lobuw suang so aku ri,” koo.
Abar suat nu kopuonakan so si Yisus
26Koonom wulan kiat nu pinomontianan ni Ilijabit, sawo ni Jakaria, pinountiba po nu Kinoringan si Jibrail so ido bandar so Galilia ingoranan nu Najarit. 27Nopologa' si Jibrail nu abar so ido roraa, ngaran niyo si Maria. Roraa oono kipogong-o ingoranan so si Yusup, solusuk ni Raja Daud silaid-i.#Mat 1:18 28Lumogaa yo susuu'on-i dii si Maria om mutongaro yo nu, “Oo Maria, ounsopot ko yo bana! Poriora'on ko nu Tuhan om borokatan ko nu kaalib po ko' kiawi' lobuw,” koo.
29Norongou ni Maria tinangar nu susuu'on iiri, magau-gagau sono inawo niyo ri om moiranan maid nu mongiro-kiro ong onu orati. 30Mutongaro po susuu'on-i so si Maria nu, “Oo Maria, ikod kilaa'! Koluluudan ko nu Kinoringan. 31Pudi roraa ko po, momontian ko, om moganak ko nu lolaing kusoi, om ingoranan mu Iyo so si Yisus.#Mat 1:21 32Opangkat lolaing oono, om paawon Iyo nu Anak nu Kinoringan. Tuhan-o su mongurug so Iyo nu raja soko aki rumpungan Niyo, si Daud. 33Om mourug Iyo nu raja nu solusuk ni Yakub musingkolaid,” koo.#2 Som 7:12-13,16; Yis 9:7
34Mutongaro yo si Maria so susuu'on-i nu, “Roraa aku po boto. Onu koo aku ka momontian?” koo.
35Sumombuto yo susuu'on-i nu, “Atod nu Kinoringan su mogkuasa so ikau. Ono yo ko' Anak oono paawon nu Anak nu Kinoringan. 36Ondomo si Ilijabit. Tangar nu lobuw nu tomonang iyo, nga kosiono momontian-o onom nowulan pudi otuo yo. 37Koduung ong tongaron nu Kinoringan, d'ado ya dai otuman,” koo.#Pgn 18:14
38Mutongaro yo si Maria nu, “Uripon aku nu Tuhan. Otuman-o tinangar mu so aku no,” koo. Om mulaiwo yo sono susuu'on-i.
Minongondaa si Maria so si Ilijabit
39Dai po olaid, mutimos-timoso yo si Maria mian so Yudia. 40Nokologa' iyo so waloi ni Jakaria, mutongaro yo iyo nu, “Oo Abu!” koo. 41Norongou ni Ilijabit tangar ni Maria, miniuk-o sono lolaing so tian niyo ri. 42Kinuasa sono nu Atod nu Kinoringan si Ilijabit om mutongaro yo so si Maria maid nu osudu'an nu, “Ikau-o su binorokatan kaalib po ko' kiawi' kowoinoyan, om binorokatan po nu Tuhan lolaing puonakon mu no. 43Oiranan aku su orumaton mu aku soko itu, nu ikau nai' ino nu Tuhan ku su minongondaa so aku. 44Norongou ku yo po tinangar mu ri, miniuk sono lolaing so tian ku tu osudu'an. 45Osanang ko sobana so' nopoimaid ko ya nu otuman-a tinangar nu Tuhan so ikau-i,” koo si Ilijabit.
Kounsopotan ni Maria
46Mutongaro yo si Maria nu,
“Mongunsopot aku so Tuhan.
47Osanang inawo ku no
nu minonaak Kinoringan nu kowiawan so aku.
48Pudi pona aku yo su lobuw nokobaba',
nga dai ya su lupaan Niyo!
Kiat-o nu ono sono tu,
kiawi' lobuw mutangar nu maayo kosonangan ku,#1 Som 1:11
49so' koiran-iran winaal Niyo
so kowiawan ku.
Sobana ko maayo kuasa Niyo.
50Nopointolang Iyo
nu koluluudan Niyo
so lobuw obinsuut so Iyo,
kiat po so lobuw togna ri
so wonuo tu
sampai nu ono sono tu.
51Pointolang Iyo nu kobosagan Niyo
so gogoma'on Niyo,
om popusosondiang nu lobuw moongondos
su' dai otuman puupokatan nosiro.
52Ongo raja poboba'on Niyo,
om lobuw obaba'
popongkaton Niyo.#Ayb 5:11; 12:19
53Lobuw witilon powosugan Niyo
nu ookanon owarong,
nga lobuw doyaan suu'on Niyo
popanou d'ado owit.
54Minonuman-o Iyo nu janji Niyo
so odu aki toko ri,
nu lumoga' Iyo
monabang nu lobuw Israil.
55Oondoman-a Niyo
janji Niyo so si Abraham
om solusuk niyo ri musingkolaid,”
koo si Maria.#Pgn 17:7 #1 Som 2:1-10
56Tolu nowulan si Maria dii-dii so waloi ni Ilijabit, om minuli' nai' iyo.
Kinopuonakan so si Yuanis Moongodiu'
57Nologa' poomuonakan ni Ilijabit, nokopuanak-o iyo nu lolaing kusoi. 58Norongou-o po nu kosusulodan om ombaloi nosiro ri poongoluluud nu Tuhan so si Ilijabit, nosudu'an sono nosiro.
59Nologa' kowalu runat-i, sunati yo lolaing oono om padu nosiro ingoranan-a so si Jakaria, posongayon nu amo niyo ri,#Ot 12:3 60nga, mutongaro yo ino niyo ri nu, “Adang-a! Owarong ingoranan toko so si Yuanis,” koo.
61Mutongaro yo kolobuwan-i so si Ilijabit nu, “Kiawi' suku-sakat mu d'ado kingaran nu soko ono,” koo. 62Mogtuui kopoyo nosiro si Jakaria mongoduat ong onu pongingoranan so lolaing oono.
63Pagka bobou po iyo, mokitaako yo iyo nu papan ponuratan om monurato yo nu, “Ngaran niyo si Yuanis,” koo. 64Koputangar-o sono iyo om minongorayou nu Kinoringan.
65Linumaa' kiawi' ombaloi nosiro ri nu pinuwaal nu Kinoringan so iyo, om nokolongkop-o tuturan oono so wonuo nu Yudia. 66Kiawi' lobuw nokorongou nu tuturan iiri mududuat maid nu mongiro-kiro so inawo nu, “Tantu obantug lolaing iitu!” koo. Minutangar nosiro soko iri so' otolang sobana nu Kinoringan-o su mogkuasa so iyo.
Minongunsopot si Jakaria
67Tinaakan si Jakaria, amo ni Yuanis, nu koilaan nu Atod nu Kinoringan, om botuturano yo nu tinongaran nu Kinoringan nu,
68“Patut toko munsopot
so Kinoringan,
ono yo Kinoringan
nu lobuw Israil,
so' linumoga' Iyo monaak
nu kowiawan so kolobuwan Niyo ri,
om nopolabus so nosiro
kiat so alod-alod nosiro.
69Niintolang Niyo so toko
Poowiau kiat so Iyo,
ono yo solusuk ni Raja Daud silaid-i.
70Gulu ri minongojanji Kinoringan
so ongo poo'abar pinili' Niyo ri nu,
71powiau so toko kiat so poomatoi,
om mongipat so toko ong rumoraayan lobuw so toko.
72Nopointolang Iyo nu koluluudan
so odu aki toko ri,
om noondoman Niyo janji owarong
so porookian toko ri.
73-74Minujanji Kinoringan
nu janji oogot so si Abraham,
aki rumpungan toko ri,
nu polabus so toko kiat so alod-alod,
su' kopugogoma'on toko suat so Iyo
nu dai maa'-laa',
75otoroido umarap so Iyo,
om posanang nu inawo Niyo
nu laid toko po miau so wonuo tu,”
koo. 76Mutongaro yo si Jakaria so si Yuanis nu,
“Ikau-o po paawon nu poo'abar
nu Kinoringan Sobana ko Opangkat.
Ikau-o su nokopogulu so Tuhan,
posodia' nu inawo nu ongo lobuw,
su' poimaid nosiro so Iyo,
ong kologa' Iyo.#Mal 3:1
77Monuturan ko so ongo lobuw nu,
pagka naampun-o koraayan nosiro ri,
kikowiawan sono nosiro
kiat so Kinoringan.
78-79Ompunon nu Kinoringan
koraayan nosiro,
nu oluluudan so nosiro.
Kologa'an nu
Raja Nijanji nu Kinoringan
soko runat musit nu susuab,
mongonawau so kotuongan.
Soko ono yo gama' nu Kinoringan
lumoga' powiau so toko.
Iyo soko onawau kotogu'
nu lobuw so kotuongan.
Iyo yo su monandan#1:78-79 monandan; intawa: monanud so toko
so lalan kowiawan,”
koo si Jakaria.#Yis 9:2
80Lolaing iiri nga maayo yo sono, om opiot po inawo niyo poimaid so Kinoringan. Minolak iyo so padang pantai musingkologa' nu kotimpuunan niyo montuduk nu lobuw Israil nu tinongaran nu Kinoringan.
Currently Selected:
Lukas 1: TomPWPgLgPn
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2023 (Active), Wycliffe Bible Translators, Inc. All rights reserved.
Lukas 1
1
Ponimpuunan nu tangar
1Oo sulod ku Tiupilus, aku yo si Lukas monurat nu itu so ikau.
Osuang-o lobuw nokoponurat nu tuturan suat so si Yisus om kiawi' winaal Niyo ri tuui so toko. 2Nisurat-o nosiro ombo norongou nosiro nu nituturan nu lobuw nokokondiri kosiou nu noongourug suat so si Yisus ungkiat nu tumimpuun Iyo montuduk nu kolobuwan. 3Nadi, pagka aku yo kondiri nokoilo nu kiawi' tuturan iitu no, pikiran ku owarong nu aku nga monurat-a nu osuat sobana nu tuturan iitu no. 4Waalon ku soko ono, su' ikau nga koilo nu obana ya kiawi' nituturan so ikau-o suat so si Yisus.
Abar nu kopuonakan so si Yuanis Moongodiu'
5Iya ni Irudis raja so wonuo nu Yudia,#1:5: Orati nu Yudia tuui, nga kiawi' wonuo nu Palistina. kuwai ido imam ngaran niyo si Jakaria. Si Jakaria yo po kiat so puimpugan nu imam ingoranan nu Abija. Sawo niyo, si Ilijabit nga solusuk-a nu imam, ono yo solusuk ni Arun.#1 Kot 24:10 6Kowiawan nu duo musondamin oono, koinsanang nu inawo nu Kinoringan. Kiduo nosiro mongimaid nu kiawi' ponuu'an nu Tuhan. 7Nga ado anak nosiro so' tomonang#1:7: tomonang; intawa: madai si Ilijabit, om otuo yo nosiro.
8Ido runat minugogoma'on si Jakaria so Waloi Maayo nu Kinoringan nu gogoma'on nu imam, so' nosuat iyo nu boogian. 9Nopili' iyo monusul nu komanyan, indadi, mosuwo yo sono iyo. 10Laid niyo so dilalom-i, osuang lobuw minuimpug mogdu'a so dilabus-i.
11Milok po om musit susuu'on nu Kinoringan minundii umpak so wanan nu ranggar pinonusulan ni Jakaria nu komanyan-i. 12Nosiou ni Jakaria susuu'on-i, linumaa' iyo.
13Nga mutongaro yo susuu'on-i nu, “Oo Jakaria, ikod kilaa'. Norongou-o du'a mu ri nu Kinoringan. Adi, dai yo olaid moganak sawo mu no nu lolaing kusoi om ingoranan mu so si Yuanis. 14Kikosonangan kou nu inawo, soko ono ya lobuw suang nga kikosonangan, koduung opuanak nu sawo mu no lolaing oono, 15so' mourug iyo nu opangkat so tiningkuangon nu Kinoringan. Dai iyo kowasa monginum nu kaawuk. Kiat nu opuanak iyo, Atod nu Kinoringan su mogkuasa so iyo.#Pong 6:3 16Mourug iyo nu moongingol nu lobuw Israil muli' so Kinoringan. 17Mourug iyo nu poo'abar sinuu' nu Kinoringan nu obasag om kikuasa soko si Ilia silaid-i. Mogulu iyo paabar so lobuw suat nu kologa'an nu Kinoringan. Popusulut iyo nu amo om anak, om potolunda' nu lobuw nu dai poimaid mululi' so pikiran obana. Iyo yo su posodia' nu inawo nu kolobuwan, su' bang kologa' yo Tuhan, poimaid sono nosiro so Iyo,” koo.#Mal 4:5-6
18Mutongaro yo si Jakaria so susuu'on-i nu, “Dai su poimaid so ikau, so' aku om sawo ku no otuo yo,” koo.
19Sumombuto yo susuu'on-i nu, “Aku si Jibrail. Mugogoma'on aku so Kinoringan, om Iyo yo su minonuu' s'aku potuturan nu abar owarong iitu so ikau.#Dan 8:16; 9:21 20Onu yo po tongaron ku tu tantu otuman-a ong ologa' yo, nga pagka dai ko poimaid s'aku, bobou ko sono musingkotuman nu ono,” koo susuu'on-i.
21Mongindad kolobuwan-i so si Jakaria, om moiranan nosiro nu olaid-o dai po iyo kolabus. 22Nokolabus si Jakaria, bobou-o sono iyo. Noilaan-o nosiro nu nokosiou iyo nu koiran-iran so asuw nu Waloi Maayo nu Kinoringan-i, om pagka dai iyo koputangar, tudukon-a niyo tongaron niyo ri.
23Noopod-o po ni Jakaria ginama' niyo ri, mulio yo sono iyo. 24Dai po olaid, momontian-o si Ilijabit, sawo niyo ri, om dai iyo linumiwawa solaid limo nowulan. 25Mutongaro yo sawo ni Jakaria nu, “Tinabang aku yo nu Tuhan. Inidu' yo sono Niyo ayak tampung nu lobuw suang so aku ri,” koo.
Abar suat nu kopuonakan so si Yisus
26Koonom wulan kiat nu pinomontianan ni Ilijabit, sawo ni Jakaria, pinountiba po nu Kinoringan si Jibrail so ido bandar so Galilia ingoranan nu Najarit. 27Nopologa' si Jibrail nu abar so ido roraa, ngaran niyo si Maria. Roraa oono kipogong-o ingoranan so si Yusup, solusuk ni Raja Daud silaid-i.#Mat 1:18 28Lumogaa yo susuu'on-i dii si Maria om mutongaro yo nu, “Oo Maria, ounsopot ko yo bana! Poriora'on ko nu Tuhan om borokatan ko nu kaalib po ko' kiawi' lobuw,” koo.
29Norongou ni Maria tinangar nu susuu'on iiri, magau-gagau sono inawo niyo ri om moiranan maid nu mongiro-kiro ong onu orati. 30Mutongaro po susuu'on-i so si Maria nu, “Oo Maria, ikod kilaa'! Koluluudan ko nu Kinoringan. 31Pudi roraa ko po, momontian ko, om moganak ko nu lolaing kusoi, om ingoranan mu Iyo so si Yisus.#Mat 1:21 32Opangkat lolaing oono, om paawon Iyo nu Anak nu Kinoringan. Tuhan-o su mongurug so Iyo nu raja soko aki rumpungan Niyo, si Daud. 33Om mourug Iyo nu raja nu solusuk ni Yakub musingkolaid,” koo.#2 Som 7:12-13,16; Yis 9:7
34Mutongaro yo si Maria so susuu'on-i nu, “Roraa aku po boto. Onu koo aku ka momontian?” koo.
35Sumombuto yo susuu'on-i nu, “Atod nu Kinoringan su mogkuasa so ikau. Ono yo ko' Anak oono paawon nu Anak nu Kinoringan. 36Ondomo si Ilijabit. Tangar nu lobuw nu tomonang iyo, nga kosiono momontian-o onom nowulan pudi otuo yo. 37Koduung ong tongaron nu Kinoringan, d'ado ya dai otuman,” koo.#Pgn 18:14
38Mutongaro yo si Maria nu, “Uripon aku nu Tuhan. Otuman-o tinangar mu so aku no,” koo. Om mulaiwo yo sono susuu'on-i.
Minongondaa si Maria so si Ilijabit
39Dai po olaid, mutimos-timoso yo si Maria mian so Yudia. 40Nokologa' iyo so waloi ni Jakaria, mutongaro yo iyo nu, “Oo Abu!” koo. 41Norongou ni Ilijabit tangar ni Maria, miniuk-o sono lolaing so tian niyo ri. 42Kinuasa sono nu Atod nu Kinoringan si Ilijabit om mutongaro yo so si Maria maid nu osudu'an nu, “Ikau-o su binorokatan kaalib po ko' kiawi' kowoinoyan, om binorokatan po nu Tuhan lolaing puonakon mu no. 43Oiranan aku su orumaton mu aku soko itu, nu ikau nai' ino nu Tuhan ku su minongondaa so aku. 44Norongou ku yo po tinangar mu ri, miniuk sono lolaing so tian ku tu osudu'an. 45Osanang ko sobana so' nopoimaid ko ya nu otuman-a tinangar nu Tuhan so ikau-i,” koo si Ilijabit.
Kounsopotan ni Maria
46Mutongaro yo si Maria nu,
“Mongunsopot aku so Tuhan.
47Osanang inawo ku no
nu minonaak Kinoringan nu kowiawan so aku.
48Pudi pona aku yo su lobuw nokobaba',
nga dai ya su lupaan Niyo!
Kiat-o nu ono sono tu,
kiawi' lobuw mutangar nu maayo kosonangan ku,#1 Som 1:11
49so' koiran-iran winaal Niyo
so kowiawan ku.
Sobana ko maayo kuasa Niyo.
50Nopointolang Iyo
nu koluluudan Niyo
so lobuw obinsuut so Iyo,
kiat po so lobuw togna ri
so wonuo tu
sampai nu ono sono tu.
51Pointolang Iyo nu kobosagan Niyo
so gogoma'on Niyo,
om popusosondiang nu lobuw moongondos
su' dai otuman puupokatan nosiro.
52Ongo raja poboba'on Niyo,
om lobuw obaba'
popongkaton Niyo.#Ayb 5:11; 12:19
53Lobuw witilon powosugan Niyo
nu ookanon owarong,
nga lobuw doyaan suu'on Niyo
popanou d'ado owit.
54Minonuman-o Iyo nu janji Niyo
so odu aki toko ri,
nu lumoga' Iyo
monabang nu lobuw Israil.
55Oondoman-a Niyo
janji Niyo so si Abraham
om solusuk niyo ri musingkolaid,”
koo si Maria.#Pgn 17:7 #1 Som 2:1-10
56Tolu nowulan si Maria dii-dii so waloi ni Ilijabit, om minuli' nai' iyo.
Kinopuonakan so si Yuanis Moongodiu'
57Nologa' poomuonakan ni Ilijabit, nokopuanak-o iyo nu lolaing kusoi. 58Norongou-o po nu kosusulodan om ombaloi nosiro ri poongoluluud nu Tuhan so si Ilijabit, nosudu'an sono nosiro.
59Nologa' kowalu runat-i, sunati yo lolaing oono om padu nosiro ingoranan-a so si Jakaria, posongayon nu amo niyo ri,#Ot 12:3 60nga, mutongaro yo ino niyo ri nu, “Adang-a! Owarong ingoranan toko so si Yuanis,” koo.
61Mutongaro yo kolobuwan-i so si Ilijabit nu, “Kiawi' suku-sakat mu d'ado kingaran nu soko ono,” koo. 62Mogtuui kopoyo nosiro si Jakaria mongoduat ong onu pongingoranan so lolaing oono.
63Pagka bobou po iyo, mokitaako yo iyo nu papan ponuratan om monurato yo nu, “Ngaran niyo si Yuanis,” koo. 64Koputangar-o sono iyo om minongorayou nu Kinoringan.
65Linumaa' kiawi' ombaloi nosiro ri nu pinuwaal nu Kinoringan so iyo, om nokolongkop-o tuturan oono so wonuo nu Yudia. 66Kiawi' lobuw nokorongou nu tuturan iiri mududuat maid nu mongiro-kiro so inawo nu, “Tantu obantug lolaing iitu!” koo. Minutangar nosiro soko iri so' otolang sobana nu Kinoringan-o su mogkuasa so iyo.
Minongunsopot si Jakaria
67Tinaakan si Jakaria, amo ni Yuanis, nu koilaan nu Atod nu Kinoringan, om botuturano yo nu tinongaran nu Kinoringan nu,
68“Patut toko munsopot
so Kinoringan,
ono yo Kinoringan
nu lobuw Israil,
so' linumoga' Iyo monaak
nu kowiawan so kolobuwan Niyo ri,
om nopolabus so nosiro
kiat so alod-alod nosiro.
69Niintolang Niyo so toko
Poowiau kiat so Iyo,
ono yo solusuk ni Raja Daud silaid-i.
70Gulu ri minongojanji Kinoringan
so ongo poo'abar pinili' Niyo ri nu,
71powiau so toko kiat so poomatoi,
om mongipat so toko ong rumoraayan lobuw so toko.
72Nopointolang Iyo nu koluluudan
so odu aki toko ri,
om noondoman Niyo janji owarong
so porookian toko ri.
73-74Minujanji Kinoringan
nu janji oogot so si Abraham,
aki rumpungan toko ri,
nu polabus so toko kiat so alod-alod,
su' kopugogoma'on toko suat so Iyo
nu dai maa'-laa',
75otoroido umarap so Iyo,
om posanang nu inawo Niyo
nu laid toko po miau so wonuo tu,”
koo. 76Mutongaro yo si Jakaria so si Yuanis nu,
“Ikau-o po paawon nu poo'abar
nu Kinoringan Sobana ko Opangkat.
Ikau-o su nokopogulu so Tuhan,
posodia' nu inawo nu ongo lobuw,
su' poimaid nosiro so Iyo,
ong kologa' Iyo.#Mal 3:1
77Monuturan ko so ongo lobuw nu,
pagka naampun-o koraayan nosiro ri,
kikowiawan sono nosiro
kiat so Kinoringan.
78-79Ompunon nu Kinoringan
koraayan nosiro,
nu oluluudan so nosiro.
Kologa'an nu
Raja Nijanji nu Kinoringan
soko runat musit nu susuab,
mongonawau so kotuongan.
Soko ono yo gama' nu Kinoringan
lumoga' powiau so toko.
Iyo soko onawau kotogu'
nu lobuw so kotuongan.
Iyo yo su monandan#1:78-79 monandan; intawa: monanud so toko
so lalan kowiawan,”
koo si Jakaria.#Yis 9:2
80Lolaing iiri nga maayo yo sono, om opiot po inawo niyo poimaid so Kinoringan. Minolak iyo so padang pantai musingkologa' nu kotimpuunan niyo montuduk nu lobuw Israil nu tinongaran nu Kinoringan.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2023 (Active), Wycliffe Bible Translators, Inc. All rights reserved.