Matiu 12
12
Yesu mate Sabati Guyauna
Matiu 12:1-8
(Maleko 2:23-28; Luka 6:1-5)
1Sabati Lahaina yai Yesu ya lau witi gabudi hesa ganahewana yai ya laulau tiga. Tau famuli watanina sa guliyam, yofede witi sa anhole be tumadi sa anidi. (Diutelonomi 23:25)
2 Falesiya sa itadi yofede sa libalau Yesu lisina tiyen,
Tau famuli watanim eda laugagayo sa utusi be Sabati yai laulau ni sa ginauli.
3Yesu alinadi ya bui iyen,
Nuwana Deiwidi somo ya ginauli, fuyana maꞌana hewahewali sa guliyam mate, hige Bukana au fatili? (1 Samuwela 21:1-6)
4Ya luhulau Yaubada ena luma yai, be maꞌana hewahewali fwalawa fatafatabuna sa an, inmoho eda laugagayo ya libaen, ibege sai i an. Tau antalasam ibodi haba sa an. (Lewitikusi 24:9)
5Nuwana Laugagayo hige au fatili mate Sabati ouꞌouli tau antalasam ai Luma Tabuna, Sabati Lahaina sa utusi, na inmoho hige edi heyaheyaya? (Namba 28:9-10)
6E falibamiu ginauli hesa amaiteꞌi mate, ya hasai wananaha, habahim Aba Antalasam Dubuna. 7Buka Tabuna iyen,
Nuwatohatoha mate yau E fanuha. Yosiyosi ami antalasamedi mate, hige ya fanuhadi. (Hoseya 6:6; 1 Samuwela 15:22)
Ibe itete, moꞌisa aniyona ami sibai, egoba dodoga edi heyaheyaya ibege au fagiludi. 8Paꞌana Doga Natuna mate Sabati Guyauna.
Taumoho Nima Dabidabina
Matiu 12:9-14
(Maleko 3:1-6; Luka 6:6-11)
9Nuꞌuna Yesu ya lau afulen na ya lau Diusi edi aba oigogo lumana yai. 10Amainiya mate, taumoho hesa nimana ya dabi. Yofede, dodoga haisa amainiya bena Yesu sa fagilu be sa fatiꞌoi tiyen,
Sabati Lahaina yai gonowana asiyebo sa faloholohodi?
11Yesu alinadi ya bui, iyen,
Ibe um sai laꞌi em sipi, na Sabati yai ya beꞌulidi gali yai, haba wa abi hitin e higeꞌe? 12Doga mate ya hasai wananaha habahim sipi! Lisina yai eda Laugagayo ya libaen, bena doga ai Sabati te saguhi.
13Habahim ya libalau taumoho nima dabidabina lisina, iyen,
Nimam u lolon!
Nimana ya lolon, yofede, ya loholoho boda, doha nimana hesa. 14Inmoho, Falesiya sa lau be simosimo yai sa oiliba bena Yesu sa wunui.
Yaubada ena Tau Paisowa ya Fasinabo
Matiu 12:15-21
(Maleko 3:7-12)
15Yesu mate edi oiliba simosimo yai haꞌa ya sibai, be nuꞌuna ya lau afulen; na baiwa sa lau watan. Salumadi sa asiyebo ya faloholohodi. 16Na ya falibadi mate tabu sai laꞌi wasana enehena ti dede. 17Laulau te ya ginauli paꞌana Yaubada somo ya libaen Peloweta Isaiya lisina yai, haba ya fawananaha, fuyana peloweta wa iyen,
18Itete egu tau paisowa, yau E fasinabo.
E fanuha wananaha, yo nuwagu ya faꞌamna.
Yaluwagu haba E tole ai lisina,
be fakasa dudulaina ya libaen, nuꞌu ouꞌouli yai.
19Ibege i faibayaho o i sagali,
yo ai edaꞌeda ibege i fatala bwasabwasa.
20Tau belubelu haba ya abi komakomanidi,
na tau gelogeloma haba ya saguhidi.#12:20 Lausoisoi te buibuina hudoꞌi mate: <<Didiyali nobunobuna ibege i kampwai, o mala ya leꞌileꞌi ibege i fapeꞌi. Inmoho dudulai haba ya leyama,>> gonogonowana doha Isaiya 42:3 yai ha'a ti uli. (Isaiya 41:8; Isaiya 42:1-4)
21Hesana yai, nu'u mahudo'ina haba edi sunuma sa tole ai lisina. (Isaiya 42:1-4)
Yesu yo Belesebulu
Matiu 12:22-32
(Maleko 3:20-30; Luka 11:14-23)
22Habahim dodoga haisa taumoho hesa matatoutouna yo hige i libaliba paꞌana yaluwa heyaheyayadi ganahewana yai, sa leyama Yesu lisina. Yesu dogana ya faloholoho, be matana ya falala yo ya liba. 23Dodoga mahudoꞌidi sa noꞌo, be tiyen,
Nuwana Deiwidi natuna?#12:23 Na aniyona mate, <<in sai te bagigbagiyen.>>
24Falesiya sa atahiyen, be alinadi sa bui, tiyen,
Yaluwa heyaheyayadi ya liba afuledi moho paꞌana demoni edi baꞌisa, Belesebulu,#12:24 <<Demoni>> hesana hesa mate <<yaluwa heyaheyayadi>> na <<Belesebulu>> hesana hesa mate <<Satani.>> Au italau, Maleko peina 3 ganahewana yai hinaga. gigibwali ya felen, be doga te demoni ya liba duidi.
25Edi nuwatuhu mate, Yesu haꞌa ya sibai, yofede, ya libalau lebedi, iyen,
Nuꞌu somo sa daili fuyoꞌidi, be sa lulu, ibege i ota lofalofa. Yo duhu laꞌi o boga esega sa hineli fuyoꞌidi, be sa lulu mate, ibege edi adidili hesa. 26Be ibe pele hesa haidana maꞌedi sa lulu, Satani ena nuꞌu ganahewana yai mate, haꞌa sa hinelidi be yena adi waiyunu sa duhu mahanoidi ibege edi adidili hesa. 27Yena Belesebulu ena gigibwali E fapaisowa, be yaluwa heyayadi E liba duidi mate, tau famuli watanimiu sai ena gigibwali sa fapaisowa be yaluwa heyayadi sa liba afuledi? Iti logedidi haba sa fakasamiu. 28Higeꞌe! Hige Belesebulu! Wananahana mate Yaubada Yaluwana In gigibwali ya felegu be yaluwa heyaheyayadi E liba duidi. Aniyona mate Yaubada ena Nuꞌu haꞌa ya mahanoma lisimiu yai.
29Ibege sai laꞌi gonowana doga adiꞌadidilina ena luma i lopa, be ena ginauli i angafuhidi, yena doga adiꞌadidilina ni ya auꞌaui bwaꞌiyen, ai muli, habahim ena ginauli ya angafuhidi.
30Sai laꞌi hige yau egu, mate wananaha ya fawaiyunuwegugu.#12:30 In moho, au italau Maleko 9:40. <<Sai hige i ꞌwaiyoꞌoeda mate eneheda.>> Sai laꞌi hige i saguhigu be ai tano gogo mate, tau anfadabalala. 31Lisina yai, E falibamiu mate, dodoga gonowana edi heyaya yo liba heyaheyayadi somo sa libaedi, haba Yaubada ya nuwa afuledi. Inmoho, sai ginauli heyaheyayadi Yaluwa Tabuna lisina yai ya libaedi mate, ibege Yaubada i nuwa afuledi. 32Sai Doga Natuna lisina yai somo ya libaen, gonowana haba E nuwa afulen. Inmoho, sai somo heyaheyayana Yaluwa Tabuna lisina yai ya libaen mate, ibege Yaubada i nuwa afulen, ahoꞌite, o fuya matada yai.
Oyagi yo Uluna
Matiu 12:33-37
(Luka 6:34-35)
33Oyagi yena ya in loholoho, mate haba ya fuwa loholoho. Yena oyagina ni ya tubu heyaya mate, haba ibege i fuwa loholoho. Oyagina uluna yai haba te ita lobahi. 34Umi weso! Sidohana haba ginauli loholoho ami libaedi yena nuwatuhu heyaheyayadi lisimiu yai? Somo nuwada yai, haba moꞌada yai te liba famahata. 35Doga loholohona ginauli loloho nuwana yai sa otaꞌota, haba ya libaedi. Doga heyayana ginauli heyayadi nuwana yai sa ota, haba ya libaedi.
36Fakasa Fuyana yai, doga mahudoꞌina liba heyaheyayadi somo sa libaedi haba Yaubada ya famahatadi yo lisidi yai haba maisadi sa abidi. 37Em liba yai haba Yaubada ya fakasam. Be haba em heyaya o hige'e?!
Fafaꞌilala Anꞌetana
Matiu 12:38-42
(Maleko 8:11-12; Luka 11:29-32)
38Habahim Laugagayo Tau Lau Faꞌataina yo Falesiya haisa, sa liba, tiyen,
Tanuwaga, ꞌe fanuha bena noꞌo fafaꞌilalana wa ginauli be ꞌe ita.
39Yesu alinadi ya bui, iyen,
Aho, dodoga Yaubada hige ti modeꞌen. Lisina yai sa heyaya wananaha, yo hige ti kawawananahaꞌen. Ami fanuha bena noꞌo fafaꞌilalana E ginauli, ye?! Hige gonowana! Fafaꞌilala esega E ginauli be haba ami ita mate: Peloweta Diyona fafaꞌilalana. 40Laulauna gonogonowana doha Diyona. Lahai faihona yo iꞌipa faihona hama laꞌilaꞌi bogana yai ya miya.#12:40Au itaꞌita lau Diyona peina 1:17 hinaga. Doga Natuna hinaga haba doha lahai yo iꞌipa faihona ai tanohi ganahewana ya miya. 41Fakasa Fuyana yai, Ninewa dodogadi haba sa obiyo be sa fagilumiu, paꞌana fuyana Diyona ya lauguguya, sa atahi be nuwadi sa buidi. Na E falibamiu, ginauli hesa mate ya laꞌi wananaha, habahim Diyona! 42Fakasa Fuyana yai Seba edi Hatafele#12:42Beyabeyana <<hatafele>> mate doha baꞌisa laꞌilaꞌi, inmoho waihin - doha queen. haba ya obiyo, be ya fagilumiu, paꞌana ana eda ya lofa na ena nuꞌu yai ya aulaha be ya laoma Baꞌisa Solomon ena liba sibasibadi ya atahiyedi. Na aho'ite mate ginauli hesa ya la'i habahim, Solomon mate amaite'i!#12:42Buka beyabeyana ganahewana yai au itaꞌita lau: 1 Kin 10:1-10 yo 2 Koloniko 9:1-12.
Yaluwa Heyaheyayana ya Fiyoma
Matiu 12:43-45
(Luka 11:24-26)
43Yena yaluwa heyaheyayana doga ya gela afulen, na ya lau be nuꞌu pitapitalina yai ena aba miya ya yoꞌo, be haba ya anyawasi. Yena hige aba miya i lobahi, 44haba ya liba, iyebom,
<<Egu luma bwaꞌibwaꞌina, E lau afulen, haba E fuyo E gogoi.>>
Yofede, ya fuyo be luma wa ya ita mate, hige sai amainiya yo itaꞌitana ya aꞌa, yo ginauli mahudoꞌina sa pei gogon komakomain.
45Habahim ya fuyo, be yaluwa heyaheyayadi faligigi-luwaga ya foyahidima; iti sa heyaya wananaha, habahim in. Sa laoma be amaniya sa gogo. Dogana aho'ite ena mwahuli mate ya heyaya wananaha habahim bwa'ibwa'ina yai. Hiti heyaheyaya te, ai lisidi haba laulau te sa tubu.
Yesu Tinana yo Haidana
Matiu 12:46-50
(Maleko 3:31-35; Luka 8:19-21)
46Yesu mate, dodoga hola ya fafalibadi, na tinana yo haidana sa mahano, be ganamuli yai sa obiyo. Sa fanuha bena maꞌedi Yesu sa libaliba. 47Yofede, doga hesa ganahewa yai ya libalau Yesu lebena, iyen,
Tinam yo tatasim mate ganamuli yai sa obiꞌobiyo, bena somo sa falibam.
48Yesu alinana ya bui, iyen,
Tinaguna sai? yo haidagudi salumadi?
49Habahim nimana ya lolon lawen tau famuli watanina lisidi, iyen,
Ami ita! Tinagu yo haidagu logedi itete! 50Tamagu Galewa yai ena fanuha sai ya ginauli mate, in hidagu, lofugu, yo tinagu.
Currently Selected:
Matiu 12: Buhutu
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2024, SIL Global. All Rights Reserved.
Matiu 12
12
Yesu mate Sabati Guyauna
Matiu 12:1-8
(Maleko 2:23-28; Luka 6:1-5)
1Sabati Lahaina yai Yesu ya lau witi gabudi hesa ganahewana yai ya laulau tiga. Tau famuli watanina sa guliyam, yofede witi sa anhole be tumadi sa anidi. (Diutelonomi 23:25)
2 Falesiya sa itadi yofede sa libalau Yesu lisina tiyen,
Tau famuli watanim eda laugagayo sa utusi be Sabati yai laulau ni sa ginauli.
3Yesu alinadi ya bui iyen,
Nuwana Deiwidi somo ya ginauli, fuyana maꞌana hewahewali sa guliyam mate, hige Bukana au fatili? (1 Samuwela 21:1-6)
4Ya luhulau Yaubada ena luma yai, be maꞌana hewahewali fwalawa fatafatabuna sa an, inmoho eda laugagayo ya libaen, ibege sai i an. Tau antalasam ibodi haba sa an. (Lewitikusi 24:9)
5Nuwana Laugagayo hige au fatili mate Sabati ouꞌouli tau antalasam ai Luma Tabuna, Sabati Lahaina sa utusi, na inmoho hige edi heyaheyaya? (Namba 28:9-10)
6E falibamiu ginauli hesa amaiteꞌi mate, ya hasai wananaha, habahim Aba Antalasam Dubuna. 7Buka Tabuna iyen,
Nuwatohatoha mate yau E fanuha. Yosiyosi ami antalasamedi mate, hige ya fanuhadi. (Hoseya 6:6; 1 Samuwela 15:22)
Ibe itete, moꞌisa aniyona ami sibai, egoba dodoga edi heyaheyaya ibege au fagiludi. 8Paꞌana Doga Natuna mate Sabati Guyauna.
Taumoho Nima Dabidabina
Matiu 12:9-14
(Maleko 3:1-6; Luka 6:6-11)
9Nuꞌuna Yesu ya lau afulen na ya lau Diusi edi aba oigogo lumana yai. 10Amainiya mate, taumoho hesa nimana ya dabi. Yofede, dodoga haisa amainiya bena Yesu sa fagilu be sa fatiꞌoi tiyen,
Sabati Lahaina yai gonowana asiyebo sa faloholohodi?
11Yesu alinadi ya bui, iyen,
Ibe um sai laꞌi em sipi, na Sabati yai ya beꞌulidi gali yai, haba wa abi hitin e higeꞌe? 12Doga mate ya hasai wananaha habahim sipi! Lisina yai eda Laugagayo ya libaen, bena doga ai Sabati te saguhi.
13Habahim ya libalau taumoho nima dabidabina lisina, iyen,
Nimam u lolon!
Nimana ya lolon, yofede, ya loholoho boda, doha nimana hesa. 14Inmoho, Falesiya sa lau be simosimo yai sa oiliba bena Yesu sa wunui.
Yaubada ena Tau Paisowa ya Fasinabo
Matiu 12:15-21
(Maleko 3:7-12)
15Yesu mate edi oiliba simosimo yai haꞌa ya sibai, be nuꞌuna ya lau afulen; na baiwa sa lau watan. Salumadi sa asiyebo ya faloholohodi. 16Na ya falibadi mate tabu sai laꞌi wasana enehena ti dede. 17Laulau te ya ginauli paꞌana Yaubada somo ya libaen Peloweta Isaiya lisina yai, haba ya fawananaha, fuyana peloweta wa iyen,
18Itete egu tau paisowa, yau E fasinabo.
E fanuha wananaha, yo nuwagu ya faꞌamna.
Yaluwagu haba E tole ai lisina,
be fakasa dudulaina ya libaen, nuꞌu ouꞌouli yai.
19Ibege i faibayaho o i sagali,
yo ai edaꞌeda ibege i fatala bwasabwasa.
20Tau belubelu haba ya abi komakomanidi,
na tau gelogeloma haba ya saguhidi.#12:20 Lausoisoi te buibuina hudoꞌi mate: <<Didiyali nobunobuna ibege i kampwai, o mala ya leꞌileꞌi ibege i fapeꞌi. Inmoho dudulai haba ya leyama,>> gonogonowana doha Isaiya 42:3 yai ha'a ti uli. (Isaiya 41:8; Isaiya 42:1-4)
21Hesana yai, nu'u mahudo'ina haba edi sunuma sa tole ai lisina. (Isaiya 42:1-4)
Yesu yo Belesebulu
Matiu 12:22-32
(Maleko 3:20-30; Luka 11:14-23)
22Habahim dodoga haisa taumoho hesa matatoutouna yo hige i libaliba paꞌana yaluwa heyaheyayadi ganahewana yai, sa leyama Yesu lisina. Yesu dogana ya faloholoho, be matana ya falala yo ya liba. 23Dodoga mahudoꞌidi sa noꞌo, be tiyen,
Nuwana Deiwidi natuna?#12:23 Na aniyona mate, <<in sai te bagigbagiyen.>>
24Falesiya sa atahiyen, be alinadi sa bui, tiyen,
Yaluwa heyaheyayadi ya liba afuledi moho paꞌana demoni edi baꞌisa, Belesebulu,#12:24 <<Demoni>> hesana hesa mate <<yaluwa heyaheyayadi>> na <<Belesebulu>> hesana hesa mate <<Satani.>> Au italau, Maleko peina 3 ganahewana yai hinaga. gigibwali ya felen, be doga te demoni ya liba duidi.
25Edi nuwatuhu mate, Yesu haꞌa ya sibai, yofede, ya libalau lebedi, iyen,
Nuꞌu somo sa daili fuyoꞌidi, be sa lulu, ibege i ota lofalofa. Yo duhu laꞌi o boga esega sa hineli fuyoꞌidi, be sa lulu mate, ibege edi adidili hesa. 26Be ibe pele hesa haidana maꞌedi sa lulu, Satani ena nuꞌu ganahewana yai mate, haꞌa sa hinelidi be yena adi waiyunu sa duhu mahanoidi ibege edi adidili hesa. 27Yena Belesebulu ena gigibwali E fapaisowa, be yaluwa heyayadi E liba duidi mate, tau famuli watanimiu sai ena gigibwali sa fapaisowa be yaluwa heyayadi sa liba afuledi? Iti logedidi haba sa fakasamiu. 28Higeꞌe! Hige Belesebulu! Wananahana mate Yaubada Yaluwana In gigibwali ya felegu be yaluwa heyaheyayadi E liba duidi. Aniyona mate Yaubada ena Nuꞌu haꞌa ya mahanoma lisimiu yai.
29Ibege sai laꞌi gonowana doga adiꞌadidilina ena luma i lopa, be ena ginauli i angafuhidi, yena doga adiꞌadidilina ni ya auꞌaui bwaꞌiyen, ai muli, habahim ena ginauli ya angafuhidi.
30Sai laꞌi hige yau egu, mate wananaha ya fawaiyunuwegugu.#12:30 In moho, au italau Maleko 9:40. <<Sai hige i ꞌwaiyoꞌoeda mate eneheda.>> Sai laꞌi hige i saguhigu be ai tano gogo mate, tau anfadabalala. 31Lisina yai, E falibamiu mate, dodoga gonowana edi heyaya yo liba heyaheyayadi somo sa libaedi, haba Yaubada ya nuwa afuledi. Inmoho, sai ginauli heyaheyayadi Yaluwa Tabuna lisina yai ya libaedi mate, ibege Yaubada i nuwa afuledi. 32Sai Doga Natuna lisina yai somo ya libaen, gonowana haba E nuwa afulen. Inmoho, sai somo heyaheyayana Yaluwa Tabuna lisina yai ya libaen mate, ibege Yaubada i nuwa afulen, ahoꞌite, o fuya matada yai.
Oyagi yo Uluna
Matiu 12:33-37
(Luka 6:34-35)
33Oyagi yena ya in loholoho, mate haba ya fuwa loholoho. Yena oyagina ni ya tubu heyaya mate, haba ibege i fuwa loholoho. Oyagina uluna yai haba te ita lobahi. 34Umi weso! Sidohana haba ginauli loholoho ami libaedi yena nuwatuhu heyaheyayadi lisimiu yai? Somo nuwada yai, haba moꞌada yai te liba famahata. 35Doga loholohona ginauli loloho nuwana yai sa otaꞌota, haba ya libaedi. Doga heyayana ginauli heyayadi nuwana yai sa ota, haba ya libaedi.
36Fakasa Fuyana yai, doga mahudoꞌina liba heyaheyayadi somo sa libaedi haba Yaubada ya famahatadi yo lisidi yai haba maisadi sa abidi. 37Em liba yai haba Yaubada ya fakasam. Be haba em heyaya o hige'e?!
Fafaꞌilala Anꞌetana
Matiu 12:38-42
(Maleko 8:11-12; Luka 11:29-32)
38Habahim Laugagayo Tau Lau Faꞌataina yo Falesiya haisa, sa liba, tiyen,
Tanuwaga, ꞌe fanuha bena noꞌo fafaꞌilalana wa ginauli be ꞌe ita.
39Yesu alinadi ya bui, iyen,
Aho, dodoga Yaubada hige ti modeꞌen. Lisina yai sa heyaya wananaha, yo hige ti kawawananahaꞌen. Ami fanuha bena noꞌo fafaꞌilalana E ginauli, ye?! Hige gonowana! Fafaꞌilala esega E ginauli be haba ami ita mate: Peloweta Diyona fafaꞌilalana. 40Laulauna gonogonowana doha Diyona. Lahai faihona yo iꞌipa faihona hama laꞌilaꞌi bogana yai ya miya.#12:40Au itaꞌita lau Diyona peina 1:17 hinaga. Doga Natuna hinaga haba doha lahai yo iꞌipa faihona ai tanohi ganahewana ya miya. 41Fakasa Fuyana yai, Ninewa dodogadi haba sa obiyo be sa fagilumiu, paꞌana fuyana Diyona ya lauguguya, sa atahi be nuwadi sa buidi. Na E falibamiu, ginauli hesa mate ya laꞌi wananaha, habahim Diyona! 42Fakasa Fuyana yai Seba edi Hatafele#12:42Beyabeyana <<hatafele>> mate doha baꞌisa laꞌilaꞌi, inmoho waihin - doha queen. haba ya obiyo, be ya fagilumiu, paꞌana ana eda ya lofa na ena nuꞌu yai ya aulaha be ya laoma Baꞌisa Solomon ena liba sibasibadi ya atahiyedi. Na aho'ite mate ginauli hesa ya la'i habahim, Solomon mate amaite'i!#12:42Buka beyabeyana ganahewana yai au itaꞌita lau: 1 Kin 10:1-10 yo 2 Koloniko 9:1-12.
Yaluwa Heyaheyayana ya Fiyoma
Matiu 12:43-45
(Luka 11:24-26)
43Yena yaluwa heyaheyayana doga ya gela afulen, na ya lau be nuꞌu pitapitalina yai ena aba miya ya yoꞌo, be haba ya anyawasi. Yena hige aba miya i lobahi, 44haba ya liba, iyebom,
<<Egu luma bwaꞌibwaꞌina, E lau afulen, haba E fuyo E gogoi.>>
Yofede, ya fuyo be luma wa ya ita mate, hige sai amainiya yo itaꞌitana ya aꞌa, yo ginauli mahudoꞌina sa pei gogon komakomain.
45Habahim ya fuyo, be yaluwa heyaheyayadi faligigi-luwaga ya foyahidima; iti sa heyaya wananaha, habahim in. Sa laoma be amaniya sa gogo. Dogana aho'ite ena mwahuli mate ya heyaya wananaha habahim bwa'ibwa'ina yai. Hiti heyaheyaya te, ai lisidi haba laulau te sa tubu.
Yesu Tinana yo Haidana
Matiu 12:46-50
(Maleko 3:31-35; Luka 8:19-21)
46Yesu mate, dodoga hola ya fafalibadi, na tinana yo haidana sa mahano, be ganamuli yai sa obiyo. Sa fanuha bena maꞌedi Yesu sa libaliba. 47Yofede, doga hesa ganahewa yai ya libalau Yesu lebena, iyen,
Tinam yo tatasim mate ganamuli yai sa obiꞌobiyo, bena somo sa falibam.
48Yesu alinana ya bui, iyen,
Tinaguna sai? yo haidagudi salumadi?
49Habahim nimana ya lolon lawen tau famuli watanina lisidi, iyen,
Ami ita! Tinagu yo haidagu logedi itete! 50Tamagu Galewa yai ena fanuha sai ya ginauli mate, in hidagu, lofugu, yo tinagu.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2024, SIL Global. All Rights Reserved.