यहुन्ना परिचय
परिचय
यहुन्नान लिखली होयी यो खुश खबर किताब नवलो नियमन चार मा रयन एक जी ईशुन जीवनन वर्णन करता छे। चार किताबन खुश खबर ओसो बुलतो छे। मत्ती, मरकुस, लूका, यहुन्ना इन चार किताब कोवे चारविसु दस सालन आस पास लिख्यो होतो यो खुश खबर प्रेरित आरू इन किताब मा लिखलो नी होय हुती ऐरो लेखक यहुन्ना छे। ओवी पेहला, दुसरा, तीसरा, यहुन्ना इन किताबन लिखावट छे। काही पुरानो लेखक यो ओसो देखाड्यो कि यहुन्ना इफिसियो शहर मा यी किताब लिखली हसे।
यहुन्ना इन किताबन उद्देश स्पष्टता चा रयन कोवता छे कि ईशु मसीह जीवतो यहोवा भगवानन पोर्य यहुन्ना 20:31 ओसो विश्वास करने करीन अतरान करीन मदत करता छे यो विश्वास राखीन हामु अतरान करीन नावन जीवन जीव सकता छे यी किताब यहूदि आरू गैरयहुदी करता लिखली हुती। यहुन्ना न खुश खबर मा तीन खुश खबर मा काही बाराम अलग ईशुन कामो चमत्कार ध्यान राखीन दृष्टांतन बारा मा ध्यान लागाड़ीयो कामो ईशुन बपतिस्मा आरू सुनसान धरती मा ईशुन परीक्षा करी इन खुश खबर मा लिखलो छे।
रूप रेखा:
1. यहुन्ना खुश खबर करतो छे। 1:1-18
2. ओतेन वो इन काही चमत्कारन बाराम लिखतो छे जो ईशु कामो। 1:19–12:50
3. वो ईशुन जीवनन काही घटनान वर्णन करता छे जो अतरान करीन मरना आरू पुनरूत्थान ली जातो छे। 13:1–20:31
4. मा पूरो करतो छे जो मरला मा रयन उठीन मानसोन सामने आवता छे आरू आखरी मा यहुन्ना किताब लिखने मा आपनो उद्देश कयतो छे। 21
Currently Selected:
यहुन्ना परिचय: NTDii20
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
The New Testament in Dhankavi Language © The Word for the World International and Dhankavi Mandli, Khargon, Raykhed, Nandurbar, Maharashtra 2020