YOHANES 4
4
Tuhan Yesus tengaran dahin ji doh Samaria
1 #
Yoh 3:22,26 Kitan Yesus nah daha' Farisi uh kelenghi marung Yesus uh na anak sekulah dahin meduh kelunan ngahum men'uh Yohanes. 2#1 Kor 1:17 (Lan pah batung Yesus em meduh daha', bi anak sekulah Na' aleng meduh.) 3Tegu anan Yesus melek daléh Yudea, leka' nah Iha' tei nekulah ha' Galilea. 4#Lk 9:52 Alem Iha' tei anan, nusi' deng Iha' em tei men daléh Samaria. 5#Ar Kel 33:19; Yos 24:32 Pelalau ateng nah Iha' té' ji daléh ha' Samaria, aleng aran na' Sikhar, jeleng ji tana aleng Yakub ma'ih menuna' men Yusuf anak na'. 6Tinan nah lesung itung Yakub. Avin Yesus la'ei panau pelalau melo' nah Iha' tinan té' béh lesung itung anan, dau pah uh negreng. 7Nei nah ji doh Samaria seng ala ata'. Lun ken Yesus men iha', “Ih Kui ata', Ek du'i.”
8Dalo' anak sekulah Na' uh tei alem daléh melé' nguyo'. 9#Ez 4:1-5; Neh 4:1-2; Lk 9:53 Lun ken doh Samaria anan men Iha', “Seng nuno' Ika' aleng kelunan Yahudi anan akei ata' du'i té' akui aleng doh Samaria anih?” avin daha' Yahudi em deng peklet dahin daha' Samaria. 10#Yoh 7:38-39 Yesus pah nyu'ei dahin kuma' men iha', “Awi ika' jam ket en Allah ih, awi ika' jam Hi aleng kuma' men ika', ‘Ih Kui ata', Ek du'i,’ adang ika' uh akei té' Iha', Iha' pah uh ma'ih ata' aleng murip men ika'.” 11Lun ken doh atih men Iha', “No' takun Ka' sika Amei, lesung itung anih pah dalem, seng men ino' nah Ika' ala ata' aleng murip Kurim anan? 12#Yoh 8:53 Ika' aleng dekaya' men'uh sepun tam Yakub iah, aleng ma'ih lesung itung anih men itam, iha' pah du'i tinih dahin anak na', dahin hulung na'?” 13#Yoh 6:58 Lun nyu'ei nah Yesus dahin kuma' men iha', “Ha'ut la'ung aleng du'i te' ata' anih, megang loh kah ba daha' la'an, 14#Yoh 6:27,35; 7:37-39 bi hi-hi aleng du'i té' ata' aleng seng Ek ih anih, peletu iha' em jam megang ba la'an, bi ata' aleng Ek ih anih seng ngetuvut awi ji itung ata' té' alem kenep na' tei ateng urip pa'en aleng sayu.” 15Lun ken doh atih men Iha', “U Amei, Im ih nah ata' anan men akui, ja si' ita' em megang ba la'an, meng nah ita' nei su hinih ala ata' tinih la'an lahuh.”
16Lun ken Yesus men iha', “Tei im duan hawam, pelalau nei hinih la'an.” 17Lun ken doh atih nyu'ei, “Nusi' té' hawak,” ken na'. Ken Yesus men iha', “Nusi' té' hawak, kum ké'. Lan kah dahum anan, 18avin uh té' lima hawam menuna' dih, iha' aleng dahim kerei inih anan pah, nusi' kah iha' hawam lan. Teneng kah dahum anan.” 19#Yoh 9:17; 1 Kor 14:24-25 Pelalau doh anan kuma' men Iha', “Kitak nah Ika' nabi, Amei. 20#Kel d M 12:5; NDI 122:1-9 Sepun amé' ké' sebayang ujung ngalang anih kah daha', bi kurin kam, ha' Yerusalem aleng tekep ngavan kelunan sebayang.” 21#Mk 14:58 Yesus kuma' men iha', “U arin, nginah nah im té' Akui, seng nei nah jaka' na' tegu ikam seng sebayang té' Taman tam, nusi' pekwat ha' hujung ngalang anih, nusi' pah ha' Yerusalem lahuh. 22#2 Laj 17:29-41; Yes 2:3 Ikam anih sebayang té' ket aleng em kitan ikam anan pa, bi kamé' anih sebayang té' ket aleng uh kitan amé' kamé' nih, avin adang urip nei men daha' Yahudi. 23Bi jaka' na' seng ateng, kerei inih pah uh té' nah, tegu lim daha' aleng sebayang lan seng sebayang té' Taman tam alem belua' dahin alem teneng, avin daha' aleng nunan nah aleng en Taman tam ilau sebayang té' Iha'. 24#Rom 12:1; 2 Kor 3:17 Té' pah Allah atih Belua' Ha', kelunan aleng sebayang té' Iha' nusi' deng em sebayang alem belua' dahin alem teneng.” 25#Yoh 1:41 Lun ken doh atih men Iha', “Akui jam Mesias seng ateng (aleng aran Na' Kristus). Tegu Iha' ateng na'a Iha' aleng seng bara ket lim-lim men itam.” 26#Yoh 9:27; 10:25 Yesus kuma' men iha', “Akui anih nah Iha', aleng tengaran dahim anih.”
27Alem ha' nunan dih, ateng nah dalo' anak sekulah Na'. Ngeniheng tua dalo' avin Yesus tengaran dahin ji doh. Bi ji la'ung pah em makang meteng Iha', kuma', “Ket nun Im ilau?” “Na' nun Ka' tengaran dahin na' sikah?” 28Pelalau doh anan melek tajau na' atih tei nah iha' ha' uma bara daha' laké', 29“Nei nah nyineng Té' ji laké' aleng bara ha'ut-ha'ut ket aleng uh ek na men'a. Iha' anih si' Kristus iah?” ken na'. 30Daha' pah tei musang men uma daha', tei jam Yesus.
31Alem ha' nunan dih, nei nah dalo' anak sekulah Na' nyihu Iha' kuman, “Guru, kuman nah,” ken dalo'. 32#Yoh 4:34 Bi Iha' kuma' men dalo', “Té' Kanek aleng em kitan kelo'.” 33Iha' nah dalo' anak sekulah tengaran pedeng dalo', “Té' si' daha' nei geri kanen men Iha' iah?” ken dalo'. 34#Yoh 17:4 Yesus pah kuma' men dalo' “Té' pah Kanek iha' nah ngioh kenep Na' aleng nyihu Akui anih, dahin pek'uh hadui Na'.
35 #
Mat 9:37; Lk 10:2 “Meng kelo' kuma', ‘Té' pat bulan la'an uh anan ngelunau nah itam.’ Dahuk lan men kelo', en kelo' ting nah matan kelo', ineng kelo' luma' anan, kerei inih pah uh sak nah anih, deng en ngelunau. 36Kelunan aleng ngelunau pah ala tibah, dahin mepeng bua men urip aleng pa'en, ja kelunan aleng nugan dahin kelunan aleng ngelunau peji ngelu'an. 37#Mik 6:15 Alem ket nunih daho' ivun anih lan, ‘Ji la'ung aleng nugan, ji la'ung aleng ha' béh aleng ngelunau.’ 38Akui nyihu kelo' tei ngelunau ket aleng em hadui kelo'. Daha' ha' béh uh nyadui, kelo' pah uh tei alem hadui daha' atih.”
39Ngahum lan daha' Samaria men daléh atih nginah té' Yesus avin dahun doh atih aleng bara, “Iha' bara ha'ut-ha'ut ket aleng uh ek na men'a,” ken na'. 40Tegu daha' Samaria atih ateng ha' Yesus, daha' mavéh Iha' tei melo' dahin daha'. Pelalau melo' nah Iha' tinan dua' dau. 41Kahum pah daha' la'an nei nginah té' Iha', avin daha' kelenghi dahun Na'. 42#1 Yoh 4:14 Ken daha' men doh atih, “Kerei inih kamé' nginah, nusi' ha' avin dahum dih tua, bi batung amé' pah uh kelenghi, kamé' pah jam lan adang anih nah Laké' Aleng Pekurip usun tana anih lan.”
Yesus petagéh anak ji laké' aya'
43 #
Mat 4:12
Men'uh dua' dau atih leka' nah Yesus men inan tei ha' Galilea. 44#Mat 13:57; Mk 6:4; Lk 4:24 Avin batung Na' aleng bara men dalo', kelunan hino'-hino' pah em kaséh meju ji la'ung nabi alem daléh na' dep. 45#Yoh 2:23 Avin ha' nunan, tegu Iha' ateng ha' daléh Galilea, daha' Galilea pah ala Iha', avin daha' uh jam lim hadui en Na' na ha' Yerusalem té' dau aya', avin daha' atih pah té' tegu dau aya' atih.
46 #
Yoh 2:1-11
Tei nah Iha' la'an ha' Kana alem daléh Galilea ngavan Na' na ata' balui ata' bua agun atih dih. Té' ji laké' aleng nyadui perintah anak-aké' na' pah perah ha' Kapernaum. 47#Lk 7:2 Kitan na' nah Yesus uh ateng ha' Galilea nei men Yudea, tei nah iha' pala Yesus akei Iha' tei petagéh anak na', avin iha' seng jeleng matei. 48#Yoh 2:18; 1 Kor 1:22 Pelalau Yesus kuma' men iha', “Iha' ikam em nyineng tada' dahin ket ngavan daha' ngeniheng, nusi' ikam anih nginah ni.” 49Iha' nah laké' aya' atih kuma' men Iha', “U Amei, nei nah Im, aleng anak kui em payan matei.” 50Lun ken Yesus nah men iha', “Tei nah im tua, murip kah anak ka' anan.” Laké' atih pah nginah té' dahun Yesus men iha' anan, pelalau tei nah iha'. 51#Mat 8:6 Alem iha' panau anan, pehura' nah iha' dahin dalo' panyin na' aleng bara anak na' uh murip. 52Pelalau nah iha' meteng dalo' hiran aring iha' nei magéh. “Dau nyehayah dehalem dih luput nah larem na',” ken dalo' men iha'. 53#Lk 19:9; HST 16:15,31 Iha' taman na' jam atih nah jaka' Yesus kuma', “Murip kah anak ka',” men iha' dih. Nginah nah iha' dahin daha' lim uma na' pah lahuh.
54 #
Yoh 2:11,23 Anih nah tada' aleng kedua' en Yesus na tegu Iha' uh ateng ha' Galilea men daléh Yudea.
Currently Selected:
YOHANES 4: TDK1990
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Bible in Today's Dahun Kayan Version © Bible Society of Malaysia, 1990.
YOHANES 4
4
Tuhan Yesus tengaran dahin ji doh Samaria
1 #
Yoh 3:22,26 Kitan Yesus nah daha' Farisi uh kelenghi marung Yesus uh na anak sekulah dahin meduh kelunan ngahum men'uh Yohanes. 2#1 Kor 1:17 (Lan pah batung Yesus em meduh daha', bi anak sekulah Na' aleng meduh.) 3Tegu anan Yesus melek daléh Yudea, leka' nah Iha' tei nekulah ha' Galilea. 4#Lk 9:52 Alem Iha' tei anan, nusi' deng Iha' em tei men daléh Samaria. 5#Ar Kel 33:19; Yos 24:32 Pelalau ateng nah Iha' té' ji daléh ha' Samaria, aleng aran na' Sikhar, jeleng ji tana aleng Yakub ma'ih menuna' men Yusuf anak na'. 6Tinan nah lesung itung Yakub. Avin Yesus la'ei panau pelalau melo' nah Iha' tinan té' béh lesung itung anan, dau pah uh negreng. 7Nei nah ji doh Samaria seng ala ata'. Lun ken Yesus men iha', “Ih Kui ata', Ek du'i.”
8Dalo' anak sekulah Na' uh tei alem daléh melé' nguyo'. 9#Ez 4:1-5; Neh 4:1-2; Lk 9:53 Lun ken doh Samaria anan men Iha', “Seng nuno' Ika' aleng kelunan Yahudi anan akei ata' du'i té' akui aleng doh Samaria anih?” avin daha' Yahudi em deng peklet dahin daha' Samaria. 10#Yoh 7:38-39 Yesus pah nyu'ei dahin kuma' men iha', “Awi ika' jam ket en Allah ih, awi ika' jam Hi aleng kuma' men ika', ‘Ih Kui ata', Ek du'i,’ adang ika' uh akei té' Iha', Iha' pah uh ma'ih ata' aleng murip men ika'.” 11Lun ken doh atih men Iha', “No' takun Ka' sika Amei, lesung itung anih pah dalem, seng men ino' nah Ika' ala ata' aleng murip Kurim anan? 12#Yoh 8:53 Ika' aleng dekaya' men'uh sepun tam Yakub iah, aleng ma'ih lesung itung anih men itam, iha' pah du'i tinih dahin anak na', dahin hulung na'?” 13#Yoh 6:58 Lun nyu'ei nah Yesus dahin kuma' men iha', “Ha'ut la'ung aleng du'i te' ata' anih, megang loh kah ba daha' la'an, 14#Yoh 6:27,35; 7:37-39 bi hi-hi aleng du'i té' ata' aleng seng Ek ih anih, peletu iha' em jam megang ba la'an, bi ata' aleng Ek ih anih seng ngetuvut awi ji itung ata' té' alem kenep na' tei ateng urip pa'en aleng sayu.” 15Lun ken doh atih men Iha', “U Amei, Im ih nah ata' anan men akui, ja si' ita' em megang ba la'an, meng nah ita' nei su hinih ala ata' tinih la'an lahuh.”
16Lun ken Yesus men iha', “Tei im duan hawam, pelalau nei hinih la'an.” 17Lun ken doh atih nyu'ei, “Nusi' té' hawak,” ken na'. Ken Yesus men iha', “Nusi' té' hawak, kum ké'. Lan kah dahum anan, 18avin uh té' lima hawam menuna' dih, iha' aleng dahim kerei inih anan pah, nusi' kah iha' hawam lan. Teneng kah dahum anan.” 19#Yoh 9:17; 1 Kor 14:24-25 Pelalau doh anan kuma' men Iha', “Kitak nah Ika' nabi, Amei. 20#Kel d M 12:5; NDI 122:1-9 Sepun amé' ké' sebayang ujung ngalang anih kah daha', bi kurin kam, ha' Yerusalem aleng tekep ngavan kelunan sebayang.” 21#Mk 14:58 Yesus kuma' men iha', “U arin, nginah nah im té' Akui, seng nei nah jaka' na' tegu ikam seng sebayang té' Taman tam, nusi' pekwat ha' hujung ngalang anih, nusi' pah ha' Yerusalem lahuh. 22#2 Laj 17:29-41; Yes 2:3 Ikam anih sebayang té' ket aleng em kitan ikam anan pa, bi kamé' anih sebayang té' ket aleng uh kitan amé' kamé' nih, avin adang urip nei men daha' Yahudi. 23Bi jaka' na' seng ateng, kerei inih pah uh té' nah, tegu lim daha' aleng sebayang lan seng sebayang té' Taman tam alem belua' dahin alem teneng, avin daha' aleng nunan nah aleng en Taman tam ilau sebayang té' Iha'. 24#Rom 12:1; 2 Kor 3:17 Té' pah Allah atih Belua' Ha', kelunan aleng sebayang té' Iha' nusi' deng em sebayang alem belua' dahin alem teneng.” 25#Yoh 1:41 Lun ken doh atih men Iha', “Akui jam Mesias seng ateng (aleng aran Na' Kristus). Tegu Iha' ateng na'a Iha' aleng seng bara ket lim-lim men itam.” 26#Yoh 9:27; 10:25 Yesus kuma' men iha', “Akui anih nah Iha', aleng tengaran dahim anih.”
27Alem ha' nunan dih, ateng nah dalo' anak sekulah Na'. Ngeniheng tua dalo' avin Yesus tengaran dahin ji doh. Bi ji la'ung pah em makang meteng Iha', kuma', “Ket nun Im ilau?” “Na' nun Ka' tengaran dahin na' sikah?” 28Pelalau doh anan melek tajau na' atih tei nah iha' ha' uma bara daha' laké', 29“Nei nah nyineng Té' ji laké' aleng bara ha'ut-ha'ut ket aleng uh ek na men'a. Iha' anih si' Kristus iah?” ken na'. 30Daha' pah tei musang men uma daha', tei jam Yesus.
31Alem ha' nunan dih, nei nah dalo' anak sekulah Na' nyihu Iha' kuman, “Guru, kuman nah,” ken dalo'. 32#Yoh 4:34 Bi Iha' kuma' men dalo', “Té' Kanek aleng em kitan kelo'.” 33Iha' nah dalo' anak sekulah tengaran pedeng dalo', “Té' si' daha' nei geri kanen men Iha' iah?” ken dalo'. 34#Yoh 17:4 Yesus pah kuma' men dalo' “Té' pah Kanek iha' nah ngioh kenep Na' aleng nyihu Akui anih, dahin pek'uh hadui Na'.
35 #
Mat 9:37; Lk 10:2 “Meng kelo' kuma', ‘Té' pat bulan la'an uh anan ngelunau nah itam.’ Dahuk lan men kelo', en kelo' ting nah matan kelo', ineng kelo' luma' anan, kerei inih pah uh sak nah anih, deng en ngelunau. 36Kelunan aleng ngelunau pah ala tibah, dahin mepeng bua men urip aleng pa'en, ja kelunan aleng nugan dahin kelunan aleng ngelunau peji ngelu'an. 37#Mik 6:15 Alem ket nunih daho' ivun anih lan, ‘Ji la'ung aleng nugan, ji la'ung aleng ha' béh aleng ngelunau.’ 38Akui nyihu kelo' tei ngelunau ket aleng em hadui kelo'. Daha' ha' béh uh nyadui, kelo' pah uh tei alem hadui daha' atih.”
39Ngahum lan daha' Samaria men daléh atih nginah té' Yesus avin dahun doh atih aleng bara, “Iha' bara ha'ut-ha'ut ket aleng uh ek na men'a,” ken na'. 40Tegu daha' Samaria atih ateng ha' Yesus, daha' mavéh Iha' tei melo' dahin daha'. Pelalau melo' nah Iha' tinan dua' dau. 41Kahum pah daha' la'an nei nginah té' Iha', avin daha' kelenghi dahun Na'. 42#1 Yoh 4:14 Ken daha' men doh atih, “Kerei inih kamé' nginah, nusi' ha' avin dahum dih tua, bi batung amé' pah uh kelenghi, kamé' pah jam lan adang anih nah Laké' Aleng Pekurip usun tana anih lan.”
Yesus petagéh anak ji laké' aya'
43 #
Mat 4:12
Men'uh dua' dau atih leka' nah Yesus men inan tei ha' Galilea. 44#Mat 13:57; Mk 6:4; Lk 4:24 Avin batung Na' aleng bara men dalo', kelunan hino'-hino' pah em kaséh meju ji la'ung nabi alem daléh na' dep. 45#Yoh 2:23 Avin ha' nunan, tegu Iha' ateng ha' daléh Galilea, daha' Galilea pah ala Iha', avin daha' uh jam lim hadui en Na' na ha' Yerusalem té' dau aya', avin daha' atih pah té' tegu dau aya' atih.
46 #
Yoh 2:1-11
Tei nah Iha' la'an ha' Kana alem daléh Galilea ngavan Na' na ata' balui ata' bua agun atih dih. Té' ji laké' aleng nyadui perintah anak-aké' na' pah perah ha' Kapernaum. 47#Lk 7:2 Kitan na' nah Yesus uh ateng ha' Galilea nei men Yudea, tei nah iha' pala Yesus akei Iha' tei petagéh anak na', avin iha' seng jeleng matei. 48#Yoh 2:18; 1 Kor 1:22 Pelalau Yesus kuma' men iha', “Iha' ikam em nyineng tada' dahin ket ngavan daha' ngeniheng, nusi' ikam anih nginah ni.” 49Iha' nah laké' aya' atih kuma' men Iha', “U Amei, nei nah Im, aleng anak kui em payan matei.” 50Lun ken Yesus nah men iha', “Tei nah im tua, murip kah anak ka' anan.” Laké' atih pah nginah té' dahun Yesus men iha' anan, pelalau tei nah iha'. 51#Mat 8:6 Alem iha' panau anan, pehura' nah iha' dahin dalo' panyin na' aleng bara anak na' uh murip. 52Pelalau nah iha' meteng dalo' hiran aring iha' nei magéh. “Dau nyehayah dehalem dih luput nah larem na',” ken dalo' men iha'. 53#Lk 19:9; HST 16:15,31 Iha' taman na' jam atih nah jaka' Yesus kuma', “Murip kah anak ka',” men iha' dih. Nginah nah iha' dahin daha' lim uma na' pah lahuh.
54 #
Yoh 2:11,23 Anih nah tada' aleng kedua' en Yesus na tegu Iha' uh ateng ha' Galilea men daléh Yudea.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Bible in Today's Dahun Kayan Version © Bible Society of Malaysia, 1990.