LUKAS 20
20
Daha' pepteng marung hadui Tuhan Yesus
Mat 21:23-27; Mk 11:27-33
1Té' ji dau alem Yesus katuk daha' alem Uma Allah dahin bara dengah sayu, nei nah daha' imam aya' dahin kelunan aleng puboh surat Tuhan dahin daha' aleng dekaya', 2pelalau daha' atih kuma' men Iha', “Im bara nah men kamé', kenan sihu ano' kah Ika' na lim hadui anih? Hi aleng nyihu Ika?” 3Iha' pah nyu'ei daha', “Akui pah seng meteng té' kelo'. Bara nah men Akui, 4duh Yohanes atih men Surga iah, men kelunan iah?” 5Pepteng nah daha' atih pedeng daha', “Awi itam kuma', ‘Men Surga,’ adang Iha' seng kuma', ‘Na' nun kelo' em nginah té' iha'?’ 6Awi itam kuma', ‘Men kelunan,’ adang lim daha' kelunan kahum atih nyeparik bato' té' itam, avin daha' nginah Yohanes atih ji la'ung nabi.” 7Nyu'ei nah daha' atih kuma' daha' em jam men ino' pa'un na'. 8Ken Yesus men daha' atih, “Nusi' pah Akui bara men kelo' té' sihu aleng Ngavak na hadui anih,” ken Na'.
Ivun kelunan aleng ji'ek aleng puboh lida bua agun
Mat 21:33-46; Mk 12:1-12
9 #
Yes 5:1
Yesus pah matoh dahun Na' la'an, bara ji ivun anih men daha', “Té' nah ji kelunan aleng nuvah ji lida bua agun dahin siwa' na' men kelunan aleng puboh na', men'uh anan iha' tei melo' dara alem daléh aleng ha' béh. 10#2 Tuk 36:15-16 Tegu ateng jaka' na', en na' nyihu nah ji panyin na' tei pala kelunan aleng puboh na', ja kelunan atih deng ma'uk iha' ji tulan men bua lida na' atih dih. Bi kelunan aleng puboh na' atih nukun iha' dahin nyihu iha' uli halah tua. 11En na' nyihu nah ji panyin la'an aleng ha' béh. Panyin atih pah en dalo' nukun lahuh, dahin peha'éh iha', dahin nyihu iha' uli halah tua. 12Men'uh anan en na' nyihu nah ji panyin aleng ketlo' tei la'an, bi panyin na' atih pah en daha' té' mega', iha', pelalau daha' nyarang iha' hawang. 13Ken aké' aya' aleng hipun lida atih, ‘Nun kah aleng kenep kui seng ek na la'an? Sayu nah akui nyihu anak kui aleng ek nyalam. Mina' iha' kah en dalo' ju.’ 14Bi tegu kelunan aleng nyiwa' atih nyineng anak na' atih, petengaran nah dalo' pedeng dalo' atih, ken dalo', ‘Anih nah iha' aleng seng hipun na'. Nei nah telo', tei nah telo' lematei iha', ja telo' hipun tulan na' atih.’ 15Pelalau en dalo' sau nah iha' hawang lida atih, dahin lematei iha'. Nun kah hadui laké' aya' aleng hipun lida atih men dalo' atih? 16Adang iha' nei lematei lim kelunan atih, pelalau ma'uk lida agun atih men kelunan aleng ha' béh la'an.” Tegu daha' kelenghi daho' aleng nunan, daha' kuma', “Meng peletu.”
17 #
NDI 118:22
Bi Yesus nyineng daha' atih dahin kuma', “Nun kah aran ket aleng uh kalung nunih,
‘Bato' aleng uh en tukeng uma sau, atih nah uh jadi' bato' tuvu?’
18 #
Yes 8:14
Hi-hi aleng legak té' bato' atih, iha' nah aleng seng leruk, bi kelunan aleng en bato' atih mepuk seng lahik.”
19 #
Lk 19:48
Tegu atih, daha' aleng puboh surat Tuhan dahin daha' imam aya' ilau avan daha' seng metei usu daha' té' Iha', bi daha' takut té' daha' kahum atih, avin daha' jam ivun anih en Yesus nujo' men batung daha' dep.
Marung tuk ma'uk uang-asin men Kaisar
Mat 22:15-22; Mk 12:13-17
20 #
Lk 11:54
Daha' imam aya' dahin daha' aleng puboh surat Tuhan pah nyiring Yesus dahin nyihu kuri-kuri kelunan pikep aleng na barik daha' awi barik kelunan aleng teneng, ngenep seng pikep dahun Na', ja daha' deng ma'uk Iha' men daha' perintah dahin alem usu laké' gabnur. 21En dalo' atih teng nah Iha', ken dalo', “U Guru, kalo' jam Ika' kuma' dahin katuk ket aleng teneng dahin em ngetuman kenep Ka' té' kelunan, bi alan Allah atih Ika' katuk na' dahin teneng. 22Tekep kah kamé' ma'uk sukei men Kaisar iah, meng ma'uk iah?” 23Bi Iha' jam ugé' daha' atih, pelalau kuma' nah Iha' men dalo', 24“Bara nah ji li'ap ligit atih ké'. Gaben hi dahin kalung hi kah té' té' iha'?” Ken daha' atih, “Gaben Kaisar dahin kalung na' aleng anih.” 25Ken Na' men dalo' atih, “Avin ha' nutih, en uk nah men Kaisar ket aleng anun Kaisar, dahin uk nah men Allah ket aleng anun Allah.” 26Nusi' nah dalo' atih deng pesala Iha' ha' unan daha' kahum atih. Ngeniheng nah dalo' atih té' hu'ei Na', pelalau tepaka'.
Daha' Saduki meteng marung tuk kelunan aleng uh matei nei peju
Mat 22:23-33; Mk 12:18-27
27Nei nah kuri-kuri la'ung daha' Saduki, aleng kuma' kelunan em nei peju men patei, pelalau meteng Iha', 28kuma', “U Guru, Musa uh ngalung tebara anih men itam, ‘Awi té' ji la'ung kelunan aleng hipun hawa' matei, bi nusi' payan ha' té' anak, sayu harin na' ala doh atih ja iha' na ji pahu men harin na'.’ 29Té' pah dalo' peharin aleng tusu la'ung dalo' laké'. Aleng una' atih ngehawa', pelalau matei em payan iha' té' anak. 30Aleng kedua' pah ala doh atih, iha' pah matei em payan té' anak. 31Aleng ketlo' pah ala iha', nunan lim nah dalo' tusu la'ung atih matei em payan té' anak. 32Baya loh men'uh anan la'an doh atih pah matei. 33Tegu dau daha' nei peju murip, doh atih hawan hi kah iha' men hang dalo' atih? Avin dalo' tusu la'ung atih hu'uh ngehawa' iha'.” 34Ken Yesus men dalo' atih, “Kelunan laké' dahin doh ngehawa' kah daha' té' urip aleng kerei inih, 35bi kelunan aleng tekep tei alem urip baya dahin tekep nei peju men hang kelunan matei, nusi' nah daha' ngehawa' hitih, nusi' pah daha' na hawa' daha', 36#1 Yoh 3:1-2 nusi' pah daha' deng matei ngelua', avin tuk daha' atih awi jam tuk meliket, daha' pah anak Allah avin daha' nei peju men hang kelunan matei. 37#Us 3:2,6 Bi marung tuk kelunan aleng uh matei nei peju atih, Musa pah hu'uh bara lahuh, ha' ngavan marung kelukung uleng atih, tegu iha' kuma' Tuhan iha' nah Allah Abraham dahin Allah Ishak dahin Allah Yakub. 38#Rom 14:8 Allah atih, nusi' Ha' Allah kelunan matei, bi Iha' Allah kelunan aleng murip, avin lim daha' murip ha' unan Allah.”
39Nyu'ei nah kuri-kuri kelunan aleng puboh surat Tuhan, ken daha', “U Guru, lan kah Dahum atih,” 40avin nusi' dalo' makang meteng Iha' nun-nun la'an.
Kristus Anak Daud iah?
Mat 22:41-46; Mk 12:35-37
41Ken Yesus men daha' atih, “Nuno' tuk daha' kuma' Kristus atih anak Daud? 42#NDI 110:1; Yoh 7:42 Avin batung Daud kah aleng bara alem surat Nyanyi Daha' Israel,
‘Tuhan Allah kuma' men Tuhan kui,
Melo' nah Im pedah ta'o Kui
43ateng Kui na bunu Ka' hamak kudek Ka'.’
44Avin iha' nunan, batung Daud pah aleng na aran Na' Tuhan na', seng nuno' kah tuk Iha' anak na' la'an lo?”
Katuk nyihu daha' mengan daha' aleng puboh surat Tuhan
Mat 23:1-36; Mk 12:38-40; Lk 11:37-54
45Kuma' nah Iha' men dalo' anak sekulah Na' ha' unan lim daha' atih, 46#Lk 11:43 “Mengan nah batung kelo' men daha' aleng puboh surat Tuhan, aleng kaséh panau pakei basung aru, dahin kaséh kelunan jamat daha' ha' pasen, dahin kaséh melo' té' ujung ladung aleng sayu alem uma sebayang, dahin té' ngavan aleng sayu té' alem pahlung. 47Daha' aleng pekpah daven daha' debalo', dahin metuk sebayang daha' aru ja kelunan nyineng daha' tua. Daha' atih seng ga' ukum aleng kelalau bahat.”
Currently Selected:
LUKAS 20: TDK1990
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Bible in Today's Dahun Kayan Version © Bible Society of Malaysia, 1990.
LUKAS 20
20
Daha' pepteng marung hadui Tuhan Yesus
Mat 21:23-27; Mk 11:27-33
1Té' ji dau alem Yesus katuk daha' alem Uma Allah dahin bara dengah sayu, nei nah daha' imam aya' dahin kelunan aleng puboh surat Tuhan dahin daha' aleng dekaya', 2pelalau daha' atih kuma' men Iha', “Im bara nah men kamé', kenan sihu ano' kah Ika' na lim hadui anih? Hi aleng nyihu Ika?” 3Iha' pah nyu'ei daha', “Akui pah seng meteng té' kelo'. Bara nah men Akui, 4duh Yohanes atih men Surga iah, men kelunan iah?” 5Pepteng nah daha' atih pedeng daha', “Awi itam kuma', ‘Men Surga,’ adang Iha' seng kuma', ‘Na' nun kelo' em nginah té' iha'?’ 6Awi itam kuma', ‘Men kelunan,’ adang lim daha' kelunan kahum atih nyeparik bato' té' itam, avin daha' nginah Yohanes atih ji la'ung nabi.” 7Nyu'ei nah daha' atih kuma' daha' em jam men ino' pa'un na'. 8Ken Yesus men daha' atih, “Nusi' pah Akui bara men kelo' té' sihu aleng Ngavak na hadui anih,” ken Na'.
Ivun kelunan aleng ji'ek aleng puboh lida bua agun
Mat 21:33-46; Mk 12:1-12
9 #
Yes 5:1
Yesus pah matoh dahun Na' la'an, bara ji ivun anih men daha', “Té' nah ji kelunan aleng nuvah ji lida bua agun dahin siwa' na' men kelunan aleng puboh na', men'uh anan iha' tei melo' dara alem daléh aleng ha' béh. 10#2 Tuk 36:15-16 Tegu ateng jaka' na', en na' nyihu nah ji panyin na' tei pala kelunan aleng puboh na', ja kelunan atih deng ma'uk iha' ji tulan men bua lida na' atih dih. Bi kelunan aleng puboh na' atih nukun iha' dahin nyihu iha' uli halah tua. 11En na' nyihu nah ji panyin la'an aleng ha' béh. Panyin atih pah en dalo' nukun lahuh, dahin peha'éh iha', dahin nyihu iha' uli halah tua. 12Men'uh anan en na' nyihu nah ji panyin aleng ketlo' tei la'an, bi panyin na' atih pah en daha' té' mega', iha', pelalau daha' nyarang iha' hawang. 13Ken aké' aya' aleng hipun lida atih, ‘Nun kah aleng kenep kui seng ek na la'an? Sayu nah akui nyihu anak kui aleng ek nyalam. Mina' iha' kah en dalo' ju.’ 14Bi tegu kelunan aleng nyiwa' atih nyineng anak na' atih, petengaran nah dalo' pedeng dalo' atih, ken dalo', ‘Anih nah iha' aleng seng hipun na'. Nei nah telo', tei nah telo' lematei iha', ja telo' hipun tulan na' atih.’ 15Pelalau en dalo' sau nah iha' hawang lida atih, dahin lematei iha'. Nun kah hadui laké' aya' aleng hipun lida atih men dalo' atih? 16Adang iha' nei lematei lim kelunan atih, pelalau ma'uk lida agun atih men kelunan aleng ha' béh la'an.” Tegu daha' kelenghi daho' aleng nunan, daha' kuma', “Meng peletu.”
17 #
NDI 118:22
Bi Yesus nyineng daha' atih dahin kuma', “Nun kah aran ket aleng uh kalung nunih,
‘Bato' aleng uh en tukeng uma sau, atih nah uh jadi' bato' tuvu?’
18 #
Yes 8:14
Hi-hi aleng legak té' bato' atih, iha' nah aleng seng leruk, bi kelunan aleng en bato' atih mepuk seng lahik.”
19 #
Lk 19:48
Tegu atih, daha' aleng puboh surat Tuhan dahin daha' imam aya' ilau avan daha' seng metei usu daha' té' Iha', bi daha' takut té' daha' kahum atih, avin daha' jam ivun anih en Yesus nujo' men batung daha' dep.
Marung tuk ma'uk uang-asin men Kaisar
Mat 22:15-22; Mk 12:13-17
20 #
Lk 11:54
Daha' imam aya' dahin daha' aleng puboh surat Tuhan pah nyiring Yesus dahin nyihu kuri-kuri kelunan pikep aleng na barik daha' awi barik kelunan aleng teneng, ngenep seng pikep dahun Na', ja daha' deng ma'uk Iha' men daha' perintah dahin alem usu laké' gabnur. 21En dalo' atih teng nah Iha', ken dalo', “U Guru, kalo' jam Ika' kuma' dahin katuk ket aleng teneng dahin em ngetuman kenep Ka' té' kelunan, bi alan Allah atih Ika' katuk na' dahin teneng. 22Tekep kah kamé' ma'uk sukei men Kaisar iah, meng ma'uk iah?” 23Bi Iha' jam ugé' daha' atih, pelalau kuma' nah Iha' men dalo', 24“Bara nah ji li'ap ligit atih ké'. Gaben hi dahin kalung hi kah té' té' iha'?” Ken daha' atih, “Gaben Kaisar dahin kalung na' aleng anih.” 25Ken Na' men dalo' atih, “Avin ha' nutih, en uk nah men Kaisar ket aleng anun Kaisar, dahin uk nah men Allah ket aleng anun Allah.” 26Nusi' nah dalo' atih deng pesala Iha' ha' unan daha' kahum atih. Ngeniheng nah dalo' atih té' hu'ei Na', pelalau tepaka'.
Daha' Saduki meteng marung tuk kelunan aleng uh matei nei peju
Mat 22:23-33; Mk 12:18-27
27Nei nah kuri-kuri la'ung daha' Saduki, aleng kuma' kelunan em nei peju men patei, pelalau meteng Iha', 28kuma', “U Guru, Musa uh ngalung tebara anih men itam, ‘Awi té' ji la'ung kelunan aleng hipun hawa' matei, bi nusi' payan ha' té' anak, sayu harin na' ala doh atih ja iha' na ji pahu men harin na'.’ 29Té' pah dalo' peharin aleng tusu la'ung dalo' laké'. Aleng una' atih ngehawa', pelalau matei em payan iha' té' anak. 30Aleng kedua' pah ala doh atih, iha' pah matei em payan té' anak. 31Aleng ketlo' pah ala iha', nunan lim nah dalo' tusu la'ung atih matei em payan té' anak. 32Baya loh men'uh anan la'an doh atih pah matei. 33Tegu dau daha' nei peju murip, doh atih hawan hi kah iha' men hang dalo' atih? Avin dalo' tusu la'ung atih hu'uh ngehawa' iha'.” 34Ken Yesus men dalo' atih, “Kelunan laké' dahin doh ngehawa' kah daha' té' urip aleng kerei inih, 35bi kelunan aleng tekep tei alem urip baya dahin tekep nei peju men hang kelunan matei, nusi' nah daha' ngehawa' hitih, nusi' pah daha' na hawa' daha', 36#1 Yoh 3:1-2 nusi' pah daha' deng matei ngelua', avin tuk daha' atih awi jam tuk meliket, daha' pah anak Allah avin daha' nei peju men hang kelunan matei. 37#Us 3:2,6 Bi marung tuk kelunan aleng uh matei nei peju atih, Musa pah hu'uh bara lahuh, ha' ngavan marung kelukung uleng atih, tegu iha' kuma' Tuhan iha' nah Allah Abraham dahin Allah Ishak dahin Allah Yakub. 38#Rom 14:8 Allah atih, nusi' Ha' Allah kelunan matei, bi Iha' Allah kelunan aleng murip, avin lim daha' murip ha' unan Allah.”
39Nyu'ei nah kuri-kuri kelunan aleng puboh surat Tuhan, ken daha', “U Guru, lan kah Dahum atih,” 40avin nusi' dalo' makang meteng Iha' nun-nun la'an.
Kristus Anak Daud iah?
Mat 22:41-46; Mk 12:35-37
41Ken Yesus men daha' atih, “Nuno' tuk daha' kuma' Kristus atih anak Daud? 42#NDI 110:1; Yoh 7:42 Avin batung Daud kah aleng bara alem surat Nyanyi Daha' Israel,
‘Tuhan Allah kuma' men Tuhan kui,
Melo' nah Im pedah ta'o Kui
43ateng Kui na bunu Ka' hamak kudek Ka'.’
44Avin iha' nunan, batung Daud pah aleng na aran Na' Tuhan na', seng nuno' kah tuk Iha' anak na' la'an lo?”
Katuk nyihu daha' mengan daha' aleng puboh surat Tuhan
Mat 23:1-36; Mk 12:38-40; Lk 11:37-54
45Kuma' nah Iha' men dalo' anak sekulah Na' ha' unan lim daha' atih, 46#Lk 11:43 “Mengan nah batung kelo' men daha' aleng puboh surat Tuhan, aleng kaséh panau pakei basung aru, dahin kaséh kelunan jamat daha' ha' pasen, dahin kaséh melo' té' ujung ladung aleng sayu alem uma sebayang, dahin té' ngavan aleng sayu té' alem pahlung. 47Daha' aleng pekpah daven daha' debalo', dahin metuk sebayang daha' aru ja kelunan nyineng daha' tua. Daha' atih seng ga' ukum aleng kelalau bahat.”
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Bible in Today's Dahun Kayan Version © Bible Society of Malaysia, 1990.