Luke 2
2
1အိနိမှားအချိန်ငါ ရောမဧကရာဇ်ဩဂုတ္တုနာ ရောမအင်ပါယာ အုပ်စိုးဟေကအမုတ်အာ တုန်းဟေကလူးရက်အင် သန်းခေါင်စာရင်းငင် ကလိင်ပေါ်ကားငါကို အမိန့်ဆပြူဂိုလင်ကဟေ။ 2အတတ်ကဒေလေပထမဦးဆုံး သန်းခေါင်စာရင်း စတင်ကလိင်ကရပ် ကုရေနိစာ ဆီးရီးယားပြည်က ဘုရင်ခံ ဖြိုက်လင်ကဟေ။ 3လူတိုင်းယဲ့ အမာရက်က မွေးရပ်ဇာတိယာ ပြန်းဂို့ သန်းခေါင်းစာရင်း ဆင်ကဇိစ် လင်ကဟေ။ 4မှအကြောင်း ယောသပ်ယဲ့ ဘုရင်ဒါဝိဒ်ကမျိူးရိုးယာဘင်း ဆင်းသက်ဗန်(ဖ်)ကလူး ဟူးဝါဖြိုက်ဟေကအကြောင့် ဂါလိလဲပြည် နာဇာရက်မြို့ယာဘင်းပြုကို ဘုရင်ဒါဝိဒ်ကဇာတိမြို့ဖြိုက်ဟေကား ယုဒပြည်ယာက ဗက်လင်မြို့ယာ သန်းခေါင်းစာရင်းဆင်ကဇိစ် လင်ကဟေ။ 5အိမ်မာဒေလေလင်ကရပ် ယောသပ်စာ အမာအိမ်စေ့စပ်ပီးဂို့ ကိုယ်ဝန်ငါတုန်းနန်း ဖြိုက်ဟေကား မာရိအိမ်မက်တာ လင်ကဟေ။ 6အမာရက်ကနိန်းဟူး အိမ်မာနေရာယာ ထုပ်လင်ကရပ် မာရိစာ အကေကဇိစ် အချိန်ထုပ်ဗာ(ဖ်)ကို 7မာရိနာ အဆာဦးတဆာဗြိုင်ဆာယင် ကေလင်ကဟေ။ အိမ်မာအချိန်ယာ အမာရက်ကအတွက် တည်းခိုစရာနေရာလွတ်အငါကို အမာစာ မန်ဆာယာ အဝတ်အိမ်းပတ်ကို ဆာမှုအကြိုဆာကနေရာယာ သိပ်ပီးလင်ကဟေ။ 8အိမ်မှထင်းနတ် သိုးကျောင်းသားတစ်ချို့စာ အမာရက်ကသိုးရက်အင် ဗက်လင်မြို့အနီးယာက အကြိုဆာဟေကနေရာယာ ထိန်းကျောင်းဂို့ ငါလင်ကဟေ။ 9အိမ်မှအချိန်ငါ ဘုရားရှင်ကား ဟမန်းဒေဝါတစ်ပါးနာ အမှာရက်ကားရှေ့ယာဖော်ဗားဂို့ ဘုရားရှင်ဂါးတန်ခိုးတော်အိမ် အမှာရက်က ပတ်လည်ယာ ထွန်းလင်းတောက်ပဂို့ သိုးကျောင်းသားရက်အ(လ်) တဗျင်းအစက်တုန်းလင်ကဟေ။ 10ကျီးကအိမ် ဟမန်းဒေဝါနာ အမာရက်အင် " အစက်အဲ့။ ငါနာ လူးဆာစုတ်ရက်ကအတွက် ပြောင်ဟေကားဝမ်းမြောက်ဖွယ်ရာ ဖြိုက်ဇိစ်ကား သတင်းတူးယင် လာကန်းကားဖြိုက်ဟေ။ 11မှဒက်လေကရယက်အာ ကယ်တင်ရှင်မေရှိယနာ ဘုရင်ဒါဝိဒ်က မြို့ယာဘင်း ကေဒက်ဟေ့ကားဖြစ်ဟေa။ 12ဗက်လင်မြို့ယာ အဝတ်စအိမ်ပတ်ကို ဆာမူအကြိုဆာကနေရာယာ အိပ်ဇိစ်ပီကား မန်ဆာယင် နနိန်ရက်ပေါ်ကရပ် နနိန်ရက်အမင်ယင် ချေးလင်က"ငါ့ကို င့ါလင်ကဟေ။ 13ရုတ်တရက် ဟမန်းဒေဝါရက်အ(လ်) ရွှေမြို့တော်ယာဘင်း ဆပ်ယောဝန်ဂိုး ဘုရားရှင်ကဂုဏ်တော်ယင် အတတ်ကဒေလေ ချီးမွမ်းလင်ကဟေ။ 14ရွှေမြို့တော်ဝါ ငါးလင်ဟေကား ဘုရားရှင်ယင် ချီးမွမ်းဂုဏ်ပြုနက်ဟေ။ မှကမ္ဘာပေါ်ဝါက ဘုရားရှင်ငင် ဆည်းကပ်ကိုးကွယ်ဟေက လူစူရက်အင် ငြိမ်းချမ်းသာယာဟေကငါလင်"ငါ့ကို ငှားလင်ကဟေ။ 15ကျီးကအိမ် ဟမန်းဒေဝါရက် ရွှေမြို့တော်ယာ ပြန်းလင်ဂါအချိန်ငါ သိုးကျောင်းဆားရက်နာ " ငါရက်အင် ဘုရားရှင်ငါးပီဒက်က အဖြစ်ပျက်ရက်အင် လင်ယူကဇိစ် ဗက်လင်မြို့ယာ လင်ကမက်"ငါ့ကို အချင်းချင်းပြိစ်တုန်းလင်ကဟေ။ 16နီးကဒေါင်း အမှာရက်နာ အိမ်မားနေရာယာ မလားပြူကလင်ဂို့ ယောသပ် မာရိအိမ်မက်တာ ဆမူအကြိုဆာဟေကားဟွက်အာ ထယ်ပီးဟေကား မာန်ဆာယင် ပိုလင်ကဟေ။ 17သိုးကျောင်းဆားရက်အ(လ်) မန်းဆာယေရှုယင် ပေါ်ဟေကရပ် ဟမန်းဒေဝါရက် ငှားဆနပ်ဟေကား မန်ဆာအိမ်ပတ်သက်ဟေကား အကြောင်းအရာရက်အင် လူးရက်ဇိစ် ငါ့ဆနပ်လင်ကဟေ။ 18သိုးကျောင်းဆာရက် ငှားဆနပ်ဟေကအကြောင်းရာရက်အင် အတေးတုန်းဟေကား လူဆန်းစူရက်နာ တဗျင်းအံ့ဩလင်ဂါဟေ။ 19ဆိုဆော် မာရိနာ ဟမန်းဒေဝါအိမ် လက်တက်ကား အကြောင်းအရာယာ ဘင်းစဂိုး ယေရူအိမ်ပတ်သတ်ဟေကား အကြောင်းအရာစုတ်ရက်အင် အောက်မေ့သတိလှုဂိုး အဟက်ဟက်စဉ်းစားတုန်းလင်ကဟေ။ 20သိုးကျောင်းဆားရက်ယဲ့ အကြိုဆာဟေကား နေရာယာပြန့်လင်ကို ဘုရားရှင်ကဂိုဏ်တော်အပေါင်းရက်အင် ချီးမွမ်းဂို ဟမန်းဒေဝါရက် အမာရက်အင် ပြိစ်ဒက်ဟေကား အံ့ဩဖွယ်ရာ အဖြစ်အပျက်ရက် အမှန်တကယ်ဒင့် ဖြစ်ပျက်ကြောင်းယင် အချင်းချင်း ပြိစ်တုန်းလင်ကဟေ။ 21ကျီးကအိမ် ကေကျီးကို ရှစ်ရက်မြောက်ဟေကရယက်အာ မောရှေကပညတ်ကျမ်းယာဆနပ်ပီဒက်ကားbအတိုင်း မန်ဆာယင် အရေဖျားလှီးမင်္ဂလာ လုပ်အီးကဇိစ် အချိန်ထုပ်ဗာ(ဖ်)ကရပ် မာရိအိမ်ယောသပ်ရက်စာ မန်ဆာယင် အမာကအပိတာဟုန်းယာ ကိုယ်ဝန်အငါမီဘင်း ဟမန်းဒေဝါနာ ငါ့ပီဒက်ကအတိုင်း ယေရူငါကို အမိန်းအီလင်ကဟေ။ 22မောရှေဂါးပညတ်ကျမ်းယာ ဖော်ဆနပ်ပီကအတိုင်း အိန်းမြုပ်မင်္ဂလာယင် လုပ်ပေါ်ကား ရယက်ရက်လုပ်ကျီးကရပ် အနူ(ဖ်)ဗား(ဖ်)ရက်စာ မန်ဆာယေရူယင် ဘုရားရှင်ကမား ဆက်ကပ်ကဇိစ် ဂျေရုဆလင်မြို့ယာ အော်လားကန်ကဟေ 23အမာရက် အတတ်ကဒေလေဗန်(ဖ်)ပေါ်ကနာ ပညတ်ကျမ်းယာ ဖော်ဆနပ်ပီကအတိုင်း "အဆာဦးတာဆာဗြိုင်းယင် ဘုရားရှင်ကမား ဆက်ကပ် အက်ပေါ်ကား။ 24"ချိုးငှက်တစ်စုံ(သို့) ခိုငှက်ငယ်" နိမ်မှာနာ ငှားပီးဟေကအတိုင်း ဆည်းကပ်ပူဇော် ပိုဂါးဖြစ်ဟေ။ 25အိမ်မှအချိန်ငါ ဂျေရုဆလင်မြို့ယာ ရှုမောင်ငါ့ကိုအမိန်းဟေကား လူးဟူးဝါငါ့လင်ကဟေ။ အမှာနာ ဘုရားရှင်နှစ်သက်ဟေကအရာရက်အင် လိစ်ကျီးဂို့ ဘုရားရှင်ကပညတ်တော်ရက်အင်နာ နာခံကဟေ။ ဘုရားရှင်စာ အစ္စရေးလူမျိုးရက်အင် ခွန်အားအီကို ကယ်တင်အီးယန်ဂါး စောင့်တုန်းဟေက လူဟူးဝါးဖြစ်ကအတွက် ဉာဏ်အလင်းတော်စာ အမှာထနဲ့ဆင်းသက်ဗားဂို့။ 26အမင်ယင် " နင်စာ ကယ်တင်ရှင်မေရှိယယင် အဖူးပေါ်ထမ်း ဆိန်းလင်ကအရိ(လ်)ပါ(လ်)" ငါးဂို့ ငှားပီးဒက်ကဟေ။ 27မာရိအိမ်ယောသပ်နာ ပညတ်တော်အရ ဆက်ကပ်ပူဇော်ဟေက အမူယင်လုပ်ကဇိစ် ဗိမာန်တော် အတောင်ဟုန်းငါ အော်လားကန်ဂါးအချိန်ငါ ဉာဏ်အလင်းတော်စာ ရှုမောင်ယင် ဗိမာန်တော် အတောင်ဟုန်းငါ ဆင်ကဇီစ် လင်းဆနပ်လင်ကဟေ။ 28နီးကဒေါင်း ရှုမောင်စာ မန်းဆာယေရှုယင် အမာကတာဟူးယာ ကပယ်ကို ဘုရားရှင်ကဂုဏ်တော်ဝင် ချီးမွမ်းလင်ကဟေ။ 29"အရှင်၊ အတတ် နင်ဇိစ်အီဟေကား ကတိတော်အတိုင်း နင်ကအငှားယင် ငြိမ်းချမ်းစွာ ဆိန်းကခွင့်ယင်အီယင်း။ 30အဇာရိ(လ်)ဂိုငါးနဲ့ လူးရက်အင်ကယ်တင်ကဇိစ်အတွက် နင်ဖြောက်နက်အန်ကား အရှင်ယင် ငါကအမိတ်အိမ်ပိုဂို့ ကြုံတွေ့ဒက်ကဖြစ်ဟေ။ 31လူးဆာရက်ကအတွက် နင်ပြင်ဆင်အီပီကား 32နင်ကအလိုတော်ယင် တိုင်းတစ်ပါးသားရက်အင် ထင်ရှားဆနပ်ကို နင်ကလူမျိူးဖြစ်ဟေကား အစ္စရေးရက်အင် ဘုန်းအသရေလုပ်ဟေကား အလင်းအီကျီးယင်နန်း" ငါ့ကို ဖြိုက်ဟေ။ 33မာရိအိမ်ယောသပ်ရက်အ(လ်) ရှုမောင်ငါ့ဆနပ်ကား မန်ဆာယေရူကအကြောင်းယင် တတ်ဂို အံ့ဩလင်ကဟေ။ 34မှနောက်အာ ရှုမောင်နာ အမှာရက်အင် ဆုစိန်အီကိုး မာရိငင် "ဘုရားရှင်နာ နင်ကမန်ဆာယင် အစ္စရေးလူမျိူးရက်ကအကြားယာ ဘုရားရှင်ယင်နာခံကလူးအိမ် အနာခံကလူးရက်အင် ခွဲခြားကဇိစ် ရွေးချယ်ပီလင်ကဟေ။ အမာနာ လူးရက်ကစိတ်နှလုံးထဲယာက အကြံအစည်စုတ်ရက်အင် ပေါ်လွင်ထင်ရှားဇိစ်ကို အမင် လူးရက်နာ ငြင်းပယ်ဟေကား ဟင်းပေါ်ကငါ့ဟေကအိမ် 35ဝမ်းနည်းပူဆွေခြင်းယဲ့ ချွန်ထက်ဟေက ကတင်လက်တာဒေလေ နင်ကနှလုံးသားယင် ထိုးစိုက်ဆင်ကအတွက် ပြင်းထန်စွာခံစားပေါ်ကငါဟေကား ဘုရားရှင်ကမား နိမိတ်လက္ခဏာ ဆူးဝါဖြိုက်ဟေ"ငါ့ကို င့ါလင်ကဟေ။ 36အိမ်မားနေယာ အာရှာမျိုးနွယ်ဝင် ဖနွေလဂါး အဆာအိဖြစ်ဟေကား အရိယာသူတော်စင် အန္နယဲ့ ငါတုန်းလင်ကဟေ။ အမှာနာ အိမ်ထောင်ဟြန်ဂို့ အဟိုးဗားအိမ်မက်တာ ခုနှစ်နှစ်ကြားမနီး ပေါင်းသင်းတုန်းလင်ကဟေ။ 37အတတ် အမာနာ မုဆိုးမဟူးဝါးအဖြစ်ကို အဆက်ယဲ့ ရှစ်ဆယ့်လေးနှစ် ငါတုန်းနန်းဖြိုက်ကအကြောင့် အဆက်ရက်ပြာယိုးဝန်ဂါဟေ။ အမှာနာ ဗိမာန်တော်ဝင်းဘင်း ဟက်တာယဲ့ အပြူထမ်း၊ ဘုရားဆဘားဂို့ အစားအဆာထန်း ဥပုသ်စောင့်ဟေကား ထင်းဘာထီဘာ လိစ်ဟေက လူဖြစ်ဟေ။ 38မှတာဆာလောင်စာ ဗိမာန်တော်အတာဟုန်းငါ ထုပ်ကျီးကရပ် မန်ဆာယေရူယင် ပေါ်ဟေကရပ် ဘုရားရှင်ဂါဂုဏ်တော်ငင် ချီးမွမ်းဂို့ ဂျေရုဆလင်မြို့ယာဘင်း ကယ်တင်ဟေကား စောင့်ဂို့မျှော်တုန်းဂါး လူအပေါင်းရက်အင် အိမ်မှမန်ဆာကအကြောင်းငင် ပြိစ်တုန်းလင်ကဟေ။ 39မှနောက်အာ မာရိအိမ်ယောသပ်နာ ဘုရားရှင်က ပညတ်တော်ရက်အင် တာဝန်ကျီဇရောက်မှ ဆောင်ရွက်အီကျီးကရပ် အမှာရက်က ကိန်းငါဟေကနေရာ ဂါလိလဲပြည် နာဇရက်မြို့ယာ ပြန်းလင်ကဟေ။ 40မာန်ဆာနာ ပြာယောဝန်ကရပ် ကျန်းမာသန်စွမ်းကို ဉာဏ်ပညာအိမ်ပြည့်စုံကို ဘုရားရှင်ကကောင်းချီးအီဟေကား ခံစားလင်ပေါ်ကဟေ။ 41နှစ်စဉ်နှစ်တိုင်း မာရိအိမ်ယောသပ်နာ ပဿခါပွဲအတွက်c ဂျေရုဆလင်မြို့ယာ လင်ဂါဟေ။ 42ကိုယ်တော်ယေရှု အဆက်တစ်ဆယ့်နှစ်နှစ်အရွယ်ယာ အမှာရက်ဆန်စူနာ ပဿခါဆုတောင်းပွဲ ကျင့်ပကဇီစ် အိမ်မားမြို့ဝါ လင်လင်ဂါဟေ။ 43ပသခါဆုတောင်းပွဲရက်ယက်d ကျီးကရပ် ကိုယ်တော်ယေရှုငင် ဂျေရုဆလင်မြို့ပေါ်ဝါ ကျန်ငါ့ဒက်က အနူ(ဖ်)အဗား(ဖ်)ရက်စာ အချေးထမ်း ပြန့်ဗန်လင်ကဟေ။ 44သူငယ်တော်ယေရှုနာ အမှာရက်အိမ်မက်တာ ကိန်းငါပြန့်လင်ကရပ် ခရီးလင်ကလူအုပ်စုထဲယာ ဆင်ယိုးဟေငါးဂို့ တွေးထင်တုန်းလင်ကိုး ယက်တာကျီးနဲ့ယက်တာ ခရီးဆက်လင်ကဟေ။ နီးကတောင်း အမှာရက်နာ သူငယ်တော်ယေရှုယင် ဆွေမျိုးရက်အိမ် မိတ်ဆွေရက်ကကြား ရားနက်ဂို့ ဆုံးလင်ကဟေ။ 45အကဒိန်းကရပ် ဂျေရုဆလင်မြို့ဝါ ဆုံးကဇီစ် ပြန်ဂို့ဗန်လင်ကဟေ။ 46ဆုံးယက်ကြားဟေကရပ် အမှာရက်နာ ကိုယ်တော်ယေရှုငင် ဗိမာန်တော်ဝါ ဂျူးဘာသာရေးဆရာရက်ကအကြားယာ တုန်းတုန်းဟေကားပိုလင်ကဟေ။ အမှာနာ အမာရက်က သွန်းသင်ချက်ရာအင် အတေးကို အမှာရက်အင် မေးခွန်းငင် ပြန်ဂို့ကတာလင်ကဟေ။ 47ကိုယ်တော်ယေရှုကတူးရက်အင် တတ်ဟေကလူတိုင်းနာ အမှာကအသိပညာအိမ် ပြန်ဂို့ဖြေကြားချက်ရက်အင် အံ့ဩတုန်းလင်ကဟေ။ 48ယောသပ်အိမ် မာရိရက်အ(လ်) ကိုယ်တော်ယေရှုဝင် ပိုလင်ကရပ် အမှာရက်နာ အံ့ဩလင်ကို အမှာဂါအနှုး(ဖ်) "အဆာ၊ အဇာရိဂို့ ငါ့ရက်ကအပေါ်ဝါ လိစ်ပိုဂါယာ၊ င့ါရက်ကနာ တဗျင်းစိတ်ပူဂို့ ဆုံးပေါ်ဟေ" ငါးဂို့ ငှားလင်ကဟေ။ 49အိမ်မာကရပ် ကိုယ်တော်ယေရှုနာ "အဇာရိဂို့ အဆာယင် ဆုံးတုန်းဟေကယာ။ အဆာနာ အဗား(ဖ်)ကကိန်းယာ ငါးဟေက အချေးလဲ" ငါးဂို့ ပြန်ဖြေလင်ကဟေ။ 50ဆို့ဆော် အမှာရက်နာ ကိုယ်တော်ယေရှုပြိစ်ကက်ဟေက အဓိပ္ပါယ်ဆိုလိုရင်းယင် နားအလည်ပါ(လ်)။ 51မှနောက်အာ ကိုယ်တော်ယေရှုစာ ယောသပ်အိမ်မာရိရက်က တူးဝင်နာခံဂို့ အမှာရက်အိမ်မက်တာ နာဇရက်မြို့ယာ ပြန်ဂို့ယိုးလင်ကဟေ။ အမှာကအနူး(ဖ်)စာ ဟမန်းဒေဝါအိမ် ပေါ်ဒက်ကအကြောင်းအရာယာဘင်းစဂိုး ယေရူအိမ်ပတ်သတ်ကအကြောင်းအရာစုတ်ရက်အင် အမာက စိတ်နှလုံးထဲယာ စဉ်းစားတုန်းလင်ကဟေ။ 52ကျီးကအိမ် ကိုယ်တော်ယေရှုစာ ပြာယိုးငန်ကားအချိန်ငါ ဉာဏ်ပညာအိမ်ပြည့်စုံဂို့ ကျန်းမာသန်စွမ်းဂို့ ဘုရားရှင်ကမားယဲ့ ကောင်းချီးမင်္ဂလာလှုလင်နဲ့က(လ်) လူးအပေါင်းရက်က အထူးနှစ်သက်ဟေကယဲ့ ဟင်းလင်ပေါ်ကဟေ။
Currently Selected:
Luke 2: ttpv-rv
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
This translation of the Thet Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.