Génesis 5
5
So llalaqpi so Adán
1Qaq 'ana, ana nere maye nanettalec na le'enaxatpi so llalaqpi so Adán. Co'ollaq Ñim Lo'onatac 'Enauacna ỹo'ot so shiỹaxaua, nache ỹe'enaxatchigui da maiche lataxac Ñimaye: 2ỹo'ot so ỹale qataq aso 'alo, nache ỹanema so no'on la'aqtac. Qaq se'eso na'a'q, co'ollaq ime da ỹo'o't soomaye, nache Ñimaye ỹanagui da le'enaxat shiỹaxau'.
3Qaq so Adán mashe ivi' co'ollaxa soua ciento treinta vi'iye da nachaalataxac, co'ollaq ñiguiñi so llalec, som ỹanagui co'ollaxa da le'enaxat Set, qaq somaye ỹataqta 'eeta'am so lta'a. 4Qaq co'ollaq ime de'era, nache so Adán qaltaq queuoiguilo soua ochocientos vi'iye da nachaalataxac, nache huo'o so dalaxaicpi llalaqpi, ỹalleppi qataq 'alpi, 5qaq da ima'a't soua vi'iye da nachaalataxac somaye, nache ivi' soua novecientos treinta vi'iye. Qaq huaña, nache ileu.
6Qaq so Set, ivi' co'ollaxa soua ciento cinco vi'iye, nache ñiguiñi so llalec Enós. 7Qaq co'ollaq ime de'era, nache so Set qaltaq queuoiguilo soua ochocientos siete vi'iye da nachaalataxac, nache huo'o so dalaxaicpi llalaqpi, ỹalleppi qataq 'alpi. 8Qaq da ima'a't soua vi'iye da nachaalataxac somaye, nache ivi' soua novecientos doce vi'iye. Qaq huaña, nache ileu.
9Qaq so Enós, ivi' co'ollaxa soua noventa vi'iye, co'ollaq ñiguiñi so llalec Cainán. 10Qaq co'ollaq ime de'era, nache so Enós qaltaq queuoiguilo soua ochocientos quince vi'iye da nachaalataxac, nache huo'o so dalaxaicpi llalaqpi, ỹalleppi qataq 'alpi. 11Qaq da ima'a't soua vi'iye da nachaalataxac somaye, nache ivi' soua novecientos cinco vi'iye. Qaq huaña, nache ileu.
12Qaq so Cainán ivi' co'ollaxa soua setenta vi'iye da nachaalataxac, co'ollaq ñiguiñi so llalec Malalel. 13Qaq co'ollaq ime de'era, nache so Cainán qaltaq queuoiguilo soua ochocientos cuarenta vi'iye da nachaalataxac, nache huo'o so dalaxaicpi llalaqpi, ỹalleppi qataq 'alpi. 14Qaq da ima'a't soua vi'iye da nachaalataxac somaye, nache ivi' soua novecientos diez vi'iye. Qaq huaña, nache ileu.
15Qaq so Malalel, ivi' co'ollaxa soua sesenta y cinco vi'iye da nachaalataxac, co'ollaq ñiguiñi so llalec Yared. 16Qaq co'ollaq ime de'era, nache so Malalel qaltaq queuoiguilo soua ochocientos treinta vi'iye da nachaalataxac, nache huo'o so dalaxaicpi llalaqpi, ỹalleppi qataq 'alpi. 17Qaq da ima'a't naua vi'iye da nachaalataxac somaye, nache ivi' soua ochocientos noventa y cinco vi'iye. Qaq huaña, nache ileu.
18Qaq so Yared, ivi' co'ollaxa soua ciento sesenta y dos vi'iye, co'ollaq ñiguiñi so llalec Enoc. 19Qaq co'ollaq ime de'era, nache so Yared, qaltaq queuoiguilo soua ochocientos vi'iye da nachaalataxac, nache huo'o so dalaxaicpi llalaqpi, ỹalleppi qataq 'alpi. 20Qaq da ima'a't soua vi'iye da nachaalataxac somaye, nache ivi' soua novecientos sesenta y dos vi'iye. Qaq huaña, nache ileu.
21Qaq so Enoc ivi' co'ollaxa soua sesenta y cinco vi'iye da nachaalataxac, co'ollaq ñiguiñi so llalec Matusalén. 22Qaq so Enoc, qalaq ỹataqta queteleguete co'ollaxa naua 'eetapegueeque Ñim Lo'onatac 'Enauacna. Qaq co'ollaq ime da ñiguiñi so llalec Matusalén, nache somaye qaltaq queuoiguilo soua trescientos vi'iye da nachaalataxac, nache huo'o so dalaxaicpi llalaqpi, ỹalleppi qataq 'alpi. 23Qaq da ima'a't soua vi'iye da nachaalataxac, nache ivi' soua trescientos sesenta y cinco vi'iye. 24Qaq cha'aye so Enoc, ỹataqta queteleguete naua 'eetapegueeque Ñim Lo'onatac 'Enauacna, nache huo'o so na'a'q da choche qaiqattac, cha'aye Ñim Lo'onatac 'Enauacna, ỹauec somaye.
25Qaq so Matusalén, ivi' co'ollaxa soua ciento ochenta y siete vi'iye da nachaalataxac, co'ollaq ñiguiñi so llalec Lamec. 26Qaq co'ollaq ime de'era, nache so Matusalén qaltaq queuoiguilo soua setecientos ochenta y dos vi'iye da nachaalataxac, nache huo'o so dalaxaicpi llalaqpi, ỹalleppi qataq 'alpi. 27Qaq da ima'a't soua vi'iye da nachaalataxac somaye, nache ivi' soua novecientos sesenta y nueve vi'iye. Qaq huaña, nache ileu.
28Qaq so Lamec ivi' co'ollaxa soua ciento ochenta y dos vi'iye da nachaalataxac, co'ollaq ñiguiñi so llalec, 29som ỹanagui da le'enaxat Noé, cha'aye 'enapeco':
«Ñim Nataxala', talec naqa'en ana 'alhua dam qauem, qataq ỹataqta qapa'atta naqa'en da qaro'onataxanaxac da so'onataxanaqteguelec, qalaxaye ne'ena nogotolec, namaye nachena na ỹo'ot qome cam qanmataxac.»
30Qaq co'ollaq mashe ñiguiñi so Noé, nache so Lamec, qaltaq queuoiguilo soua quinientos noventa y cinco vi'iye da nachaalataxac, nache huo'o so dalaxaicpi llalaqpi, ỹalleppi qataq 'alpi. 31Qaq da ima'a't soua vi'iye da nachaalataxac somaye, nache ivi' soua setecientos setenta y siete vi'iye. Qaq huaña, nache ileu.
32Qaq so Noé, mashe ivi' co'ollaxa soua quinientos vi'iye da nachaalataxac, co'ollaq huo'oi soua llalqa: Sem, Cam qataq so Jafet.
Currently Selected:
Génesis 5: LÑLE13
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Biblia Toba Qom, La'aqtaqa Ñim Lo'onatac 'Enauacna © Sociedad Bíblica Argentina, 2013.