Mateo 28
28
Jesús Ju̱i'siquëpi Huëise'e
(Mr 16.1-8; Lc 24.1-12; Jn 20.1-10)
1Huajë mu'se tëto sani du'ru macarepa semana mu'se ñata maca María Magdalena, cui'ne yeco María co̱ni ta̱si daripë ñañu'u cajë saë'ë. 2Saijëna, cuasama'tore papi tutu yeja ñu'cueye paji'i, Ja̱ cato Ëjaë hui̱ñaëpi ma'tëmopi ta̱si daripë quë'rona ti̱tani yo'opi, quë̱na pë coje si̱osiconi ne ta̱oni i̱o ë̱mëje'ena ja'rupi. 3Mujuë ye'hueye miañe ñañeje pa'irepa paji'i. Cui'ne i̱ ju'i ca̱pi po yëioje̱ pa'iorepa paji'i. 4Ja̱re ñani soldado pa̱ipi quëquë huesëni tsasijë ju̱'ise'eje̱ pa'iohua'i de'ohuë. 5Ja̱ maca ëjaë jo'yaëpi capi, nomiohua'ire:
“Ca'rama'pë pa'ijë̱'ë. Tsoe yë'ëpi asayë, Jesure que̱ni huani je̱osiquëre mësaru co'eye. 6I̱ño peoji. Tsoe huëji'i, i̱ case'eje̱ pa'ye. Dani ñajë'ë, i̱te o̱a sitore. 7Sani esa cajë̱'ë, i̱ ye'yacohua'ire: ‘I̱ cato ju̱'isiquë pa'isiquëpi huëji'i. Yure ja̱je pa'ipi mësaru Galilea ja̱ yë'ta'a ti̱'ama'pëna du'ru saija̱'quë api. Ja̱rona i̱te ñaja'cohua'i a'ë, mësaru.’ Iyese'e pa'iji, yë'ë mësarute casi'i cuasase'e.”
8Ja̱ maca nomiohua'ipi esa ta̱si daripë quë'ropi ca'rajë cui'ne ai sihuacohua'ipi huë'huëjë saë'ë, huajë cocare i̱ ye'yacohua'i pa'isicohua'ire quëañu'u cajë. 9Ja̱ huë'huëjëna, Jesupi ja̱ohua'ina ñaini pëpapi. Pëpaquëna, ja̱ maca Jesure i̱re papi cajë i̱ quë̱ona su'cuajë de'oquëre pani cahuë. 10Yo'ojëna, i̱pi capi, ja̱ohua'ire:
“Ca'rama'pë pa'ijë̱'ë. Sani quëajë̱'ë, yë'ë yo'je tsi̱re. Galileana sani yë'ëre ñañe pa'iji.”
Soldado Pa̱i Quëase'e
11Ja̱ yë'ta'a nomiohua'i saijëna, yecohua'i soldado pa̱i i̱ti ñasicohua'ipi pa̱i pa'i hue̱'ñana sani si'aye i̱ohua'i yo'oquëna, ñase'ere quëahuë, Maija'quë huë'e ñacaicohua'i ëjaohua'ire. 12Ëjaohua'ipi sani aiohua'i ja̱'re co̱ni cahuë, si'a yë'quë maca cuasaye pa'ija̱quë cajë. Ja̱je cajë ja̱ maca soldado pa̱ire jaiye curiquë i̱sihuë. 13I̱sijë cahuë, ja̱ohua'ire:
“Mësarupi cajë̱'ë: ‘ñami yëquë ca̱ni huesësi maca Jesús ye'yaquë pa'isicohua'ipi dani i̱ ca̱pë ñani sahuë.’ 14Ja̱re pa̱i ëjaëpi asa ti̱'ani, mësarute sa̱ñope yo'oye pa'ito yëquëpi i̱te ca de'huacañu'u. Cui'ne ai yo'oye pa'itoje̱ co̱caija̱'cohua'i a'ë, mësarute.”
15Ja̱ maca soldado pa̱ipi curiquë i̱mani, sani ja̱re i̱ohua'i yëhuojë case'eje̱ pa'ye quëahuë. Ja̱je pa'ina, yure iye mu'señaje judío pa̱i cui'ne quëajë pa'icohua'i a'ë.
Jesupi I̱ Jëjo Daocohua'ire Cua̱ñese'e
(Mr 16.14-18; Lc 24.36-49; Jn 20.19-23)
16Ja̱je du'ru ca nëose'e sëte i̱ ye'yacohua'i once pa'iohua'i Galileana saë'ë, Jesús quëa nëosi cu̱tihuëna. 17Ja̱rona Jesure ñani i̱te do're ja'runi de'oquëre pa'ni cajë yo'ohuë, ja̱ yë'ta'a yecohua'i jëa coejëta'a. 18Ja̱ maca Jesús ja̱ohua'ire tsioja̱ni capi:
“Yë'ëna si'aye tutu i̱sise'e pa'iji, ma'tëmo cui'ne yeja cua̱ñequërepa pa'ija̱'quëre. 19Ja̱je pa'ina, saijë̱'ë, coa si'a yejaña pa̱i pa'i hue̱'ñana. Sani yë'ëre ye'yecohua'ire necaijë̱'ë. Ja̱ohua'ire Maija'quë mamipi, i̱ mamaquë mamipi, cui'ne de'o joyo mamipi oco docaijë̱'ë. 20Ja̱je yo'ojë cui'ne ye'yajë̱'ë, yë'ë mësarute cua̱ñese'ere si'aye sehuoja̱jë cajë. Cui'ne cuasajë̱'ë, yë'ëpi mësaru ja̱'re si'a mu'seña pa'iji, yeja caraja̱isi macaja̱'a.” De'oji. Ja̱je pa'ija̱quë.
Currently Selected:
Mateo 28: sey
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2012, Wycliffe Bible Translators, Inc. All rights reserved.
Mateo 28
28
Jesús Ju̱i'siquëpi Huëise'e
(Mr 16.1-8; Lc 24.1-12; Jn 20.1-10)
1Huajë mu'se tëto sani du'ru macarepa semana mu'se ñata maca María Magdalena, cui'ne yeco María co̱ni ta̱si daripë ñañu'u cajë saë'ë. 2Saijëna, cuasama'tore papi tutu yeja ñu'cueye paji'i, Ja̱ cato Ëjaë hui̱ñaëpi ma'tëmopi ta̱si daripë quë'rona ti̱tani yo'opi, quë̱na pë coje si̱osiconi ne ta̱oni i̱o ë̱mëje'ena ja'rupi. 3Mujuë ye'hueye miañe ñañeje pa'irepa paji'i. Cui'ne i̱ ju'i ca̱pi po yëioje̱ pa'iorepa paji'i. 4Ja̱re ñani soldado pa̱ipi quëquë huesëni tsasijë ju̱'ise'eje̱ pa'iohua'i de'ohuë. 5Ja̱ maca ëjaë jo'yaëpi capi, nomiohua'ire:
“Ca'rama'pë pa'ijë̱'ë. Tsoe yë'ëpi asayë, Jesure que̱ni huani je̱osiquëre mësaru co'eye. 6I̱ño peoji. Tsoe huëji'i, i̱ case'eje̱ pa'ye. Dani ñajë'ë, i̱te o̱a sitore. 7Sani esa cajë̱'ë, i̱ ye'yacohua'ire: ‘I̱ cato ju̱'isiquë pa'isiquëpi huëji'i. Yure ja̱je pa'ipi mësaru Galilea ja̱ yë'ta'a ti̱'ama'pëna du'ru saija̱'quë api. Ja̱rona i̱te ñaja'cohua'i a'ë, mësaru.’ Iyese'e pa'iji, yë'ë mësarute casi'i cuasase'e.”
8Ja̱ maca nomiohua'ipi esa ta̱si daripë quë'ropi ca'rajë cui'ne ai sihuacohua'ipi huë'huëjë saë'ë, huajë cocare i̱ ye'yacohua'i pa'isicohua'ire quëañu'u cajë. 9Ja̱ huë'huëjëna, Jesupi ja̱ohua'ina ñaini pëpapi. Pëpaquëna, ja̱ maca Jesure i̱re papi cajë i̱ quë̱ona su'cuajë de'oquëre pani cahuë. 10Yo'ojëna, i̱pi capi, ja̱ohua'ire:
“Ca'rama'pë pa'ijë̱'ë. Sani quëajë̱'ë, yë'ë yo'je tsi̱re. Galileana sani yë'ëre ñañe pa'iji.”
Soldado Pa̱i Quëase'e
11Ja̱ yë'ta'a nomiohua'i saijëna, yecohua'i soldado pa̱i i̱ti ñasicohua'ipi pa̱i pa'i hue̱'ñana sani si'aye i̱ohua'i yo'oquëna, ñase'ere quëahuë, Maija'quë huë'e ñacaicohua'i ëjaohua'ire. 12Ëjaohua'ipi sani aiohua'i ja̱'re co̱ni cahuë, si'a yë'quë maca cuasaye pa'ija̱quë cajë. Ja̱je cajë ja̱ maca soldado pa̱ire jaiye curiquë i̱sihuë. 13I̱sijë cahuë, ja̱ohua'ire:
“Mësarupi cajë̱'ë: ‘ñami yëquë ca̱ni huesësi maca Jesús ye'yaquë pa'isicohua'ipi dani i̱ ca̱pë ñani sahuë.’ 14Ja̱re pa̱i ëjaëpi asa ti̱'ani, mësarute sa̱ñope yo'oye pa'ito yëquëpi i̱te ca de'huacañu'u. Cui'ne ai yo'oye pa'itoje̱ co̱caija̱'cohua'i a'ë, mësarute.”
15Ja̱ maca soldado pa̱ipi curiquë i̱mani, sani ja̱re i̱ohua'i yëhuojë case'eje̱ pa'ye quëahuë. Ja̱je pa'ina, yure iye mu'señaje judío pa̱i cui'ne quëajë pa'icohua'i a'ë.
Jesupi I̱ Jëjo Daocohua'ire Cua̱ñese'e
(Mr 16.14-18; Lc 24.36-49; Jn 20.19-23)
16Ja̱je du'ru ca nëose'e sëte i̱ ye'yacohua'i once pa'iohua'i Galileana saë'ë, Jesús quëa nëosi cu̱tihuëna. 17Ja̱rona Jesure ñani i̱te do're ja'runi de'oquëre pa'ni cajë yo'ohuë, ja̱ yë'ta'a yecohua'i jëa coejëta'a. 18Ja̱ maca Jesús ja̱ohua'ire tsioja̱ni capi:
“Yë'ëna si'aye tutu i̱sise'e pa'iji, ma'tëmo cui'ne yeja cua̱ñequërepa pa'ija̱'quëre. 19Ja̱je pa'ina, saijë̱'ë, coa si'a yejaña pa̱i pa'i hue̱'ñana. Sani yë'ëre ye'yecohua'ire necaijë̱'ë. Ja̱ohua'ire Maija'quë mamipi, i̱ mamaquë mamipi, cui'ne de'o joyo mamipi oco docaijë̱'ë. 20Ja̱je yo'ojë cui'ne ye'yajë̱'ë, yë'ë mësarute cua̱ñese'ere si'aye sehuoja̱jë cajë. Cui'ne cuasajë̱'ë, yë'ëpi mësaru ja̱'re si'a mu'seña pa'iji, yeja caraja̱isi macaja̱'a.” De'oji. Ja̱je pa'ija̱quë.
Currently Selected:
:
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
© 2012, Wycliffe Bible Translators, Inc. All rights reserved.