KWABASE-EFESE 5:18-20
KWABASE-EFESE 5:18-20 IZIBHALO EZINGCWELE (XHO75)
Kanjalo musani ukunxila yiwayini, ekukhoyo kuloo nto ukuzibhubhisa; manizaliswe nguMoya; níthetha omnye nomnye ngeendumiso, neengoma, nezango ezizezomoya, nivuma, nibetha uhadi entliziyweni yenu kuyo iNkosi, nimana nibulela ngenxa yeento zonke, egameni leNkosi yethu uYesu Kristu, kuye uThixo uYise
KWABASE-EFESE 5:18-20 IBHAYIBHILE (XHO96)
Musani ukunxila butywala obunonakalisayo. Ndaweni yaloo nto phuphumani nguMoya oyiNgcwele, nincokola ngeendumiso namaculo, neengoma, nivuma iingoma niyidumisa iNkosi ngentliziyo. Bulelani uThixo uBawo wethu imihla ngemihla ngenxa yeento zonke, ngegama leNkosi yethu uYesu Krestu.
KWABASE-EFESE 5:18-20 Contemporary Xhosa Bible 2024 (CXB24)
Musani ukunxila yiwayini, ekukhoyo kuloo nto ukuzibhubhisa; kodwa nizaliswe nguMoya; nithetha omnye komnye ngeendumiso neengoma nezango ezizezomoya, nivuma, nibetha uhadi entliziyweni yenu kuyo iNkosi, nimana nibulela ngenxa yeento zonke, egameni leNkosi yethu uYesu Kristu, kuye uThixo uYise
KWABASE-EFESE 5:18-20 Incwadi Yeziba̔lo Ezingcwele 1864, 1902 (Xhosa Appleyard) (XHO1902A)
Kanjalo ninganxili yiveyine, okukoyo ngako ububedengu; niti nizaliswe NGOMOYA; niteta omnye nomnye ngamaculo, nangengoma zokudumisa, nangezivumo ezibumoya, nivuma nicula nokucula entliziyweni yenu KWINKOSI, nibulela ngamaxesha onke ngenxa yazo zonke izinto kuye UTIXO noyise, egameni LENKOSI yetu u‐Yesu Kristu