Àjọṣe mi pẹ̀lú Ọlọ́run ṣáájú ìṣàfilọ́lẹ̀ ohun-èlò Bíbélì dá lórí òye ti ara mi. Lákòókò wàhálà, àníyàn, ìpayà, ìrẹ̀wẹ̀sì, àti ìbínú máa ń pọ̀ sí i nítorí pé mi ò mọ Ọlọ́run. Mi ò lè nímọ̀lára ìfarabalẹ̀ Rẹ̀ tó tuni nínú, tàbí kí n nírìírí títóbi àti ọlá-ńlá Rẹ̀, tàbí kí n mọ bí ìfẹ́ tòótọ́ ṣe rí.

Ní oṣù kẹta Ọdún ẹgbàá-là-à-mẹ́rin, má mi fi ohun-èlò Bíbélì hàn mí. Ó ti ń kojú àwọn àkókò ìṣòro pẹ̀lú àwọn ọmọ ẹbí rẹ̀ míràn, ó sì sọ fún mi pé títẹ̀mọ́ ohun-èlò Bíbélì yìí yí ìgbésí ayé rẹ̀ padà. Mo pinnu láti gbìyànjú rẹ̀ wò, láti ìgbà náà wá, ìgbésí ayé mi ti yípadà ní ìyanu. Ìbáṣepọ̀ mi pẹ̀lú Ọlọ́run ti jinlẹ̀ gan-an báyìí, fún ìgbà àkọ́kọ́ nínú ìgbésí ayé mi, mo mọ bí ìfẹ́ tòótọ́ ṣe rí.

Ní gbogbo ìgbà tí mo bá ń lá àwọn àkókò ìṣòro kọjá, mo máa ń ṣí ohun-èlò Bíbélì mi láti kà á, kí n sì gbàdúrà. Nígbà tí mo bá ṣe bẹ́ẹ̀, mo máa ń nímọ̀lára àlàáfíà àti ìbàlẹ̀ ọkàn nítorí mo mọ̀ pé Ọlọ́run wà nítòsí mi. Ó dájú pé Ó ń gbọ́ mi, Ó sì ń tọ́ mi sọ́nà. Mo mọ̀ nínú ọkàn mi pé kò sí ohun tí ó ṣòro fún Un láti ṣe.

Ní gbogbo òwúrọ̀, tí mo bá jí, mo máa ń ṣe kọfí mi, n óò jókòó, n óò sì ṣí ohun-èlò Bíbélì mi láti ka Ẹsẹ Bíbélì Ọjọ́mọ́, Ìtọ́sọ́nà Ìwé Mímọ́, àti Àdúrà tó tẹ̀ lé e.