If you would like a copy of this version please contact info@davaraudiobibles.org

ቦርኖን ሃንድር ታራ

<div class="version vid3252 iso6393bwo" data-vid="3252" data-iso6393="bwo">
 <div class="book bkMAT">
 <div class="chapter ch20" data-usfm="MAT.20">
 <div class="label">20</div><div class="s">Weyini mitwotsitse finit ashuwotsi k'at'arefok'o ariyetso</div><div class="p"> 1&#171;Dari mengst&#250; woyini miti beyoke finiru ashuwotsi k'at'arosh guuron keshts miti doonzoniye biariye. 2B&#237; ik ik aawosh ik ik dinariyo dashosh keeweyat, finirwotsi weyini mitook b&#769;woshi. 3Keez sa'atok'on kesht, fino bitst jebatse need'iru k'osh ashuwotsi b&#769;bek'i, 4&#8249;Itwere weyini mit boyok amr finore. Itsh imo geyit k'awntso dashetwe&#8250; b&#237; eti. 5Bowere weyini miti datsok boami, ando aaniy shrt sa'atonat jed'iy sa'atok'on kesht mank'o b&#769;k'ali. 6Tatse ik sa'atok'onowere k'osh ashuwotsi bo need'efere daatsdek't &#8249;Itm&#243; aaw jamo fino bitsat hanoke it need'ir eegishe?&#8250; ett b&#237;aati. 7Bowere &#8249;Noon k'at'arit asho t'&#250;t'atniye&#8250; boeti, b&#237;were &#8249;Beree itwere weyini mitwots beyok amr finore&#8250; b&#237;et.</div><div class="p"> 8 # 
 Lew. 19:13; Iwi. 24:15 &#171;Datso b&#769;iltsok'on weyini mitwots doonz fin manatse b&#769;naashitsosh &#8249;Finirwotsi s'eerr ili k'at'aretswotsatse tuuzr shin k'at'aretswotsok b&#769;borfetsosh bofintsi k'awntso boosh daye&#8250; b&#237; eti. 9Mansh tatse ik sa'aton k'at'aretswots ik ikon t'int ik ik dinariyo bodek'i. 10Shin k'at'aretswots bot'intsok'on bogshde bodek'etwok'o boosh b&#237;ar, ernm&#243; boowere ik ikon ik ik dinariya bodek'i. 11Gizo k'aa&#250; dek't&#769; weyini mito doonzats hank'o ett bomumundi, 12&#8249;Hanots il waat bofin ik sa'atoshe, ernm&#243; aaw jamo aaw k'es'atse mis'fetsat maawron jintswotsnton nonoton taal woshnk'ri.&#8250; 13Weyini miti doonzonwere, finirwotsitse ikosh hank'o ett b&#237; aaniyi, &#8249;T mashono! neen eegor daderatsee, nokewe ik aawon neesh ik dinariyo dashoshoshnaa? 14Eshe nbano de'er amee, neesh t&#237;mtsok'o bodtso iltsanshowere imo shunre. 15T took gizatse tshuntso k'alosh alo detsfoshna? Himo taa tewud doo twottsoshee nee n okoori?&#8250; &#187;</div><div class="p"> 16 # 
 Mat. 19:30; Mar. 10:31; Luk'. 13:30 Maniyere il Iyesus, &#171;Mank'o, shuutstsi teshtswots shintsi, shintsi teshtswots shuutstsi wotitune&#187; b&#237;et.</div><div class="s">Iyesus b&#769;k'iri jangonat k'irotse b&#769; tuwi jango &#250;tslo b&#769;keewtsok'o</div><div class="r">(Mar. 10:32-34; Luk'. 18:31-34)</div><div class="p"> 17Maniyere il Iyesus Iyerusalem maantsan b&#237;amfera b&#769;tesh, amoke bobefere weeratse tatsegit b&#769;danifwotsi boaali b&#769; maants s'eegdek't&#769; dek'amt&#769; hank'o boosh b&#237;et, 18&#171;Hamb, Iyerusalem maantse noamiri, manoknee Ash na'o kahni naashwotsnat nemo danifwotssh beshide imetwe, boowere k'iri angsho b&#237;ats angshit&#250;nee. 19Ik'i ashwoteraw ashuwotssho beshide imet&#250;nee, boowere trgc'o b&#237;atso kaashet&#250;ne, b&#237;no garafituno, b&#237;n jiitet&#250;nee, ernm&#243; keezl aawots k'irotse tuwitwee.&#187;</div><div class="s">Zebdiwos nana'&#250;wots ind Ik'o k'on k'ono</div><div class="r">(Mar. 10:35-45)</div><div class="p"> 20Maniyere il Zebdiwos nana'&#250;wots ind, b nana'&#250;wotsnton Iyesusmaants t'iinat b&#769; shinatse tuk'maldek'at ik keewo bish b&#769; k'alitwok'o b&#237;n b&#769; k'oni. 21Iyesuswere, &#171;Eege ngeyiri?&#187; b&#237; eti. Biwere, &#171;N mengstotse t nana'a gitets hanots iko giro maants, iko k'ano maants bobeetwok'owo taash woshwe!&#187; b&#237;et.</div><div class="p"> 22Iyesusm&#243; &#171;It itk'onirwo danatste, taa karnon t&#250;shet gondbek'i wanc'o &#250;shosh falituteya?&#187; b&#237;et. Bowere &#171;Ee falitwone!&#187; boeti.</div><div class="p"> 23Iyesuswere, &#171;Arikon taa t &#250;shet gond bek'i wanc'o &#250;shetute, ernm&#243; k'anonat giromaants bobetwok'o k'alitwo taanaliye, beyokman imetiye tnih boosh b&#769; k'anits ashuwots s'uzshe.&#187;</div><div class="p"> 24B&#769; danif tatswots bok'onts k'onman boshishtsok'on eshu git manotsats fayogedbok'ri. 25Iyesusm&#243; jametswotsi s'eegdek't hank'o boosh b&#237; eti. &#171;Ik' danaw ashuwotsatse naashtswots bo ash ashaatse alknee, boon jishirwotswere boon boaalefook'o danfte. 26#Luk'. 22:25-26 It dagotsnere mank'o woto geyiratse. Ernm&#243; it dagotse een wot geyirwo it guuts wotowe. 27#Mat. 23:11; Mar. 9:35; Luk'. 22:26 Mank'o ititse bogo wotosh geyirwo it guutso wotowe. 28Ash na'oniye b&#237; finar ayuwotsi kashiwosh b&#769; kasho beshide imoshe b&#769;weyi bako b&#237;sh fineyishaliyee&#187; b&#237;et.</div><div class="p"> 29Maniyere il Iyarikoyitse kesht boamfere ash ash aywots Iyesus jafrats botuwi. 30Ando weeri g&#250;ratse beyiru ash aaw dog gitetswots man weeron beshirwo Iyesusi b&#769; woto boshishtsok'on &#171;Dawit naay doonzono! oona neesha, noosh maac'o k'ewowe!&#187; ett bokuhi.</div><div class="p"> 31Ash ashonwere &#171;Ishooree!&#187; ett boon bofayi, bom&#243; &#171;Dawit naay doonzono! oona neesha noosh maac'o k'ewowe!&#187; et fetst ayidek't bok&#250;hi.</div><div class="p"> 32Iyesuswere need'dek't&#769; boon s'eegt &#171;Itsh eeg tk'ale itgeyiri?&#187; b&#237;et.</div><div class="p"> 33Bowere &#171;Doonzono! no &#225;&#225;wwots bok'eshetwok'o woshwe!&#187; boeti.</div><div class="p"> 34Iyesuswere boosh maac'o k'ewat bo &#225;&#225;wwotsi b&#769;shuu&#237;, bo &#225;&#225;wwotswere manoor bobek'i, boowere Iyesus jafrats boami.</div>
 </div>
 </div>
</div>

The Word for the World International Publishing PO Box 26363, Colorado Springs, CO 80919, USA

«Dari mengstú woyini miti beyoke finiru ashuwotsi k'at'arosh guuron keshts miti doonzoniye biariye. Bí ik ik aawosh ik ik dinariyo dashosh keeweyat, finirwotsi weyini mitook b́woshi. Keez sa'atok'on kesht, fino bitst jebatse need'iru k'osh ashuwotsi b́bek'i, ‹Itwere weyini mit boyok amr finore. Itsh imo geyit k'awntso dashetwe› bí eti. Bowere weyini miti datsok boami, ando aaniy shrt sa'atonat jed'iy sa'atok'on kesht mank'o b́k'ali. Tatse ik sa'atok'onowere k'osh ashuwotsi bo need'efere daatsdek't ‹Itmó aaw jamo fino bitsat hanoke it need'ir eegishe?› ett bíaati. Bowere ‹Noon k'at'arit asho t'út'atniye› boeti, bíwere ‹Beree itwere weyini mitwots beyok amr finore› bíet.
«Datso b́iltsok'on weyini mitwots doonz fin manatse b́naashitsosh ‹Finirwotsi s'eerr ili k'at'aretswotsatse tuuzr shin k'at'aretswotsok b́borfetsosh bofintsi k'awntso boosh daye› bí eti. Mansh tatse ik sa'aton k'at'aretswots ik ikon t'int ik ik dinariyo bodek'i. Shin k'at'aretswots bot'intsok'on bogshde bodek'etwok'o boosh bíar, ernmó boowere ik ikon ik ik dinariya bodek'i. Gizo k'aaú dek't́ weyini mito doonzats hank'o ett bomumundi, ‹Hanots il waat bofin ik sa'atoshe, ernmó aaw jamo aaw k'es'atse mis'fetsat maawron jintswotsnton nonoton taal woshnk'ri.› Weyini miti doonzonwere, finirwotsitse ikosh hank'o ett bí aaniyi, ‹T mashono! neen eegor daderatsee, nokewe ik aawon neesh ik dinariyo dashoshoshnaa? Eshe nbano de'er amee, neesh tímtsok'o bodtso iltsanshowere imo shunre. T took gizatse tshuntso k'alosh alo detsfoshna? Himo taa tewud doo twottsoshee nee n okoori?› »
Maniyere il Iyesus, «Mank'o, shuutstsi teshtswots shintsi, shintsi teshtswots shuutstsi wotitune» bíet.


Maniyere il Iyesus Iyerusalem maantsan bíamfera b́tesh, amoke bobefere weeratse tatsegit b́danifwotsi boaali b́ maants s'eegdek't́ dek'amt́ hank'o boosh bíet, «Hamb, Iyerusalem maantse noamiri, manoknee Ash na'o kahni naashwotsnat nemo danifwotssh beshide imetwe, boowere k'iri angsho bíats angshitúnee. Ik'i ashwoteraw ashuwotssho beshide imetúnee, boowere trgc'o bíatso kaashetúne, bíno garafituno, bín jiitetúnee, ernmó keezl aawots k'irotse tuwitwee.»


Maniyere il Zebdiwos nana'úwots ind, b nana'úwotsnton Iyesusmaants t'iinat b́ shinatse tuk'maldek'at ik keewo bish b́ k'alitwok'o bín b́ k'oni. Iyesuswere, «Eege ngeyiri?» bí eti. Biwere, «N mengstotse t nana'a gitets hanots iko giro maants, iko k'ano maants bobeetwok'owo taash woshwe!» bíet.
Iyesusmó «It itk'onirwo danatste, taa karnon túshet gondbek'i wanc'o úshosh falituteya?» bíet. Bowere «Ee falitwone!» boeti.
Iyesuswere, «Arikon taa t úshet gond bek'i wanc'o úshetute, ernmó k'anonat giromaants bobetwok'o k'alitwo taanaliye, beyokman imetiye tnih boosh b́ k'anits ashuwots s'uzshe.»
B́ danif tatswots bok'onts k'onman boshishtsok'on eshu git manotsats fayogedbok'ri. Iyesusmó jametswotsi s'eegdek't hank'o boosh bí eti. «Ik' danaw ashuwotsatse naashtswots bo ash ashaatse alknee, boon jishirwotswere boon boaalefook'o danfte. It dagotsnere mank'o woto geyiratse. Ernmó it dagotse een wot geyirwo it guuts wotowe. Mank'o ititse bogo wotosh geyirwo it guutso wotowe. Ash na'oniye bí finar ayuwotsi kashiwosh b́ kasho beshide imoshe b́weyi bako bísh fineyishaliyee» bíet.
Maniyere il Iyarikoyitse kesht boamfere ash ash aywots Iyesus jafrats botuwi. Ando weeri gúratse beyiru ash aaw dog gitetswots man weeron beshirwo Iyesusi b́ woto boshishtsok'on «Dawit naay doonzono! oona neesha, noosh maac'o k'ewowe!» ett bokuhi.
Ash ashonwere «Ishooree!» ett boon bofayi, bomó «Dawit naay doonzono! oona neesha noosh maac'o k'ewowe!» et fetst ayidek't bokúhi.
Iyesuswere need'dek't́ boon s'eegt «Itsh eeg tk'ale itgeyiri?» bíet.
Bowere «Doonzono! no ááwwots bok'eshetwok'o woshwe!» boeti.
Iyesuswere boosh maac'o k'ewat bo ááwwotsi b́shuuí, bo ááwwotswere manoor bobek'i, boowere Iyesus jafrats boami.

聆听 Matiwos Dooshishiyo 20