Alis I Ron 2018 NBTT NT Drama

Alis I Ron 2018 NBTT NT NonDrama

<div class="version vid3636 iso6393cla" data-vid="3636" data-iso6393="cla">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s">Yeso Fa Mashok Lo' Cala</div><div class="p"> 1Yeso lang ta kwang i ham, pis ta fit ti yes ashwa ames. 2Unai shini &#599;ufali si kolus ma&#599;ufal nin ima lo' ames shokus, yis raki si lapan hai. Myan ima Yeso &#599;ing ngga' ima si fa mulut ta, unai lak ma&#599;ufal ima lo' ames shokusi ni, &#8220;A al amen, jakaka! Si shwa mafwashi ama ya.&#8221;</div><div class="p"> 3Unai shini som kofiti si anggut hai si lak &#599;iyai ames si ni, &#8220;Ma&#599;ufal mai ma findel i ale'!&#8221;</div><div class="p"> 4Yeso shang ambe' ames, nyus, &#8220;A &#595;urti mi hu ambe' mafwashi ta mulwat amu ya? 5Anggi &#595;in mbwesh ya, ima si ni, &#8216;Si shwa mafwashi ama ya,&#8217; ahun si ni, &#8216;Luka fit, ha wa ya?&#8217; 6I wa kofsu &#595;a hu shangi nyai, Al i Ma&#599;ufal mati mbaitat i shwaiti mafwashi ya na naya.&#8221; Unai lak ma&#599;ufal ima lo' ames shokusi ni, &#8220;Luka fit, zana lapan ama, ha wa wur.&#8221;</div><div class="p"> 7Ma&#599;ufali luk fit wis wur. 8Myan ima su&#595;ut i &#599;ufal si &#599;ing a&#599;eng mai, si shok na fwai, si ha' asum i Dee&#385;we fit, yis ima fa &#599;ufal musut i mbaitat mai.</div><div class="s">Yeso Lai Matyu</div><div class="p"> 9Ta ta'i, myan ima Yeso cu wei ti &#599;a'at, &#599;ing ma&#599;ufal nin ma asum Matyu, yis amun ta kyel i mati cef i wufen, nyus, &#8220;Kolafai asuni,&#8221; unai Matyu luk fit kolfai asussi.</div><div class="p"> 10Myan ima Yeso yis cwai ti cwa i mukon ta wur i Matyu, som hyang i mat ti cef i wufen hu ima si laiyus ii &#8220;som mufwashi&#8221; si yes si cu tikul hu fe i ro ames. 11Myan ima Farisiyawa si &#599;ing a&#599;eng, mai, si lak fe i ro amesi si ni, &#8220;Ami kin makofiti amu ma cwai ma woi hu som i mati cef i wufen hu som mufwashi ya?&#8221;</div><div class="p"> 12Ti hal ti mai unai Yeso nyus, &#8220;Som ima si ti cala si wai kyel i mamanda kwa, a som mwatan. 13&#385;u hu mas ambe' ami mai a&#599;engi ma laki ya, &#8216;I &#595;wet ti gu'ti ashur, a tor ti kuna kwa.&#8217; I yes &#595;a i lai a som munderei kwa, a mufwashani.&#8221;#9:13 &#394;ing huni hwak: Hos 6:6.</div><div class="s">Ka'ti Fo ya tasi Cwa Hai</div><div class="p"> 14Mwen nin, fe i ro i Jwon si yes si lul ta Yeso, si ni, &#8220;Ami kin nin hu Farisiyawa ni kaa' fo ya tasi cwa hai, &#599;ak fe i ro ama si kaa' fo ya tasi cwa hai kwa ya?&#8221;</div><div class="p"> 15Yeso nyus, &#8220;Ma wa mas si ni, mwalmwat i zalang makunggo si kikyau ti mulwat myan ima sin tikul haa? Myan ma yes ima si wa zan ti zalangi ya ta kyel ames, &#599;ak si ka' fo ya tasi cwa hai.</div><div class="p"> 16&#8220;Ma&#599;ufal zan &#595;alang i fagin mamwayi, u tor tasi hai i fagin mawili kwa. &#385;alang mamwayi ma wa nggi' ti fagini ya, gwyaki u &#595;in ima ai rafat. 17Ma&#599;ufal shwai ham i mangg&#595;u'#9:17 ham i mangg&#595;u' Si mas rukul i shwaiti ham i mangg&#595;u'. Rukul mamwai ma &#595;wayan ya, mawili shwakus. Nasi shu ham mamwai ta ta&#599;asus &#595;urti shok ames. ta wii i rukul mawili kwa. Na masi andi, hami na can u ta&#599;as rukuli ya, u wis ya, rukuli hwak u rafatus. Wayou, ma&#599;ufali ma wa shwaiti ham i mangg&#595;u' ta rukul mamwai wi.&#8221;</div><div class="s">Al Mumoti hu Mbor Mumwatan</div><div class="p"> 18Yis saa ti laksus findel mai, mbai nin yes shu i mafwaran ta wei yusti ni, &#8220;Al asun ti motut mumwash ati. Ya ha zanut fit, &#595;a ti humkyel mushet.&#8221; 19Yeso luk fit kolfai asussi, fe i ro ames hwak si kolfai asussi.</div><div class="p"> 20Unai mbor nin tima mwatan i waya i wash, tima ti kofti asuti wilyal hure mulang apil, ti yes ta takfai ames, ti ngge' fo i fagin ames. 21Ti lak ta mulut amet nyai, &#8220;Na i ngge' fo i fagin ames kyek i wa njeng.&#8221;</div><div class="p"> 22Unai Yeso hatat &#599;ingut fo, nyut, &#8220;A al asun, jakak shi! Fati mulut amesh fash cala.&#8221; Si myani, mbori ti wis cala.</div><div class="p"> 23Myan ima Yeso lang ta wur i mbai nin, &#599;ing som i fu' ti njungkulet i shaat, hu &#599;ufal hyang sin bom. 24Unai ni, &#8220;Hun wa nati. Ali ti mot kwa, tima raki.&#8221; Si musasus. 25Su&#595;ut i &#599;ufali si rangya ta saikyel, yis lang ta ka' ra i ali, unai ti luk fit. 26Findel mai nggu' ta'i shak.</div><div class="s">Yeso fa Manzyau hu Mandu' Cala</div><div class="p"> 27Myan ima Yeso lang ya ta kyeli, manzyau shini apilal si kolfai asussi sin lai ti njeng nyai, &#8220;Gu'a nin ashur, a Al i Devid!&#8221;</div><div class="p"> 28Myani, tuu langus ta wii wur, unai manzyauwauwi si yes kyel ames. Yeso nyus, &#8220;Hu fa mulut nyai, i ndok &#595;a i fu cala haa?&#8221;</div><div class="p">Sin si ni, &#8220;Hei, a Deembai.&#8221;</div><div class="p"> 29Unai ngge' shishat ames nyus, &#8220;&#385;a u tehu hai ta ngga' ima hu fa mulut ta.&#8221; 30Unai shishat ames si ma&#595;u ya. &#394;ak Yeso dulus mwal fwet nyus, &#8220;Ka hu &#595;wet &#599;eng u hal findel mai kwa.&#8221; 31Shak ta andi, si rangya si but findeli ta si ta'i hai shak.</div><div class="p"> 32Myan ima sin mulangya ndai, shini sin yes ti ma&#599;ufal nin ma rin mafwashi ta kyel i Yeso. 33Yeso re' rin mafwashii ya, unai ma&#599;ufali lang findel. Su&#595;ut i &#599;ufal si shok na fwai si ni, &#8220;Mai a&#599;engi, a &#599;ama mamwai na Isar'ila.&#8221;</div><div class="p"> 34Shak ta andi, Farisiyawa si ni, &#8220;A ti njeng i makai i rin mafwashi, re' ti rin mai ya.&#8221;</div><div class="s">Som i Ro Si Yus Ndyong</div><div class="p"> 35Yeso at ta shak ashwaha mbayai hu muyayi, yis kofiti ta mareha ames, yis lak ti Muro Ma&#599;esi i kaitat i Dee&#385;we, yis fati som cala ima si ti mwatanan akat-akat hu han i lo'. 36Myan ima &#599;ing su&#595;ut i &#599;ufal, &#599;ing shum asussi, &#595;urti si yus kaciwa' bum, fota tutwai kaciwa' ma&#599;ingsus. 37Unai lak fe i ro ames ni, &#8220;Karat tima hyang, &#599;ak som roi si yus ndyong. 38Fwal hun Deembai i karat, u tuku som ro wa ya &#595;a si masus karat.&#8221;</div>
 </div>
 </div>
</div>

Yeso lang ta kwang i ham, pis ta fit ti yes ashwa ames. Unai shini ɗufali si kolus maɗufal nin ima lo' ames shokus, yis raki si lapan hai. Myan ima Yeso ɗing ngga' ima si fa mulut ta, unai lak maɗufal ima lo' ames shokusi ni, “A al amen, jakaka! Si shwa mafwashi ama ya.”
Unai shini som kofiti si anggut hai si lak ɗiyai ames si ni, “Maɗufal mai ma findel i ale'!”
Yeso shang ambe' ames, nyus, “A ɓurti mi hu ambe' mafwashi ta mulwat amu ya? Anggi ɓin mbwesh ya, ima si ni, ‘Si shwa mafwashi ama ya,’ ahun si ni, ‘Luka fit, ha wa ya?’ I wa kofsu ɓa hu shangi nyai, Al i Maɗufal mati mbaitat i shwaiti mafwashi ya na naya.” Unai lak maɗufal ima lo' ames shokusi ni, “Luka fit, zana lapan ama, ha wa wur.”
Maɗufali luk fit wis wur. Myan ima suɓut i ɗufal si ɗing aɗeng mai, si shok na fwai, si ha' asum i DeeƁwe fit, yis ima fa ɗufal musut i mbaitat mai.

Ta ta'i, myan ima Yeso cu wei ti ɗa'at, ɗing maɗufal nin ma asum Matyu, yis amun ta kyel i mati cef i wufen, nyus, “Kolafai asuni,” unai Matyu luk fit kolfai asussi.
Myan ima Yeso yis cwai ti cwa i mukon ta wur i Matyu, som hyang i mat ti cef i wufen hu ima si laiyus ii “som mufwashi” si yes si cu tikul hu fe i ro ames. Myan ima Farisiyawa si ɗing aɗeng, mai, si lak fe i ro amesi si ni, “Ami kin makofiti amu ma cwai ma woi hu som i mati cef i wufen hu som mufwashi ya?”
Ti hal ti mai unai Yeso nyus, “Som ima si ti cala si wai kyel i mamanda kwa, a som mwatan. Ɓu hu mas ambe' ami mai aɗengi ma laki ya, ‘I ɓwet ti gu'ti ashur, a tor ti kuna kwa.’ I yes ɓa i lai a som munderei kwa, a mufwashani.”

Mwen nin, fe i ro i Jwon si yes si lul ta Yeso, si ni, “Ami kin nin hu Farisiyawa ni kaa' fo ya tasi cwa hai, ɗak fe i ro ama si kaa' fo ya tasi cwa hai kwa ya?”
Yeso nyus, “Ma wa mas si ni, mwalmwat i zalang makunggo si kikyau ti mulwat myan ima sin tikul haa? Myan ma yes ima si wa zan ti zalangi ya ta kyel ames, ɗak si ka' fo ya tasi cwa hai.
“Maɗufal zan ɓalang i fagin mamwayi, u tor tasi hai i fagin mawili kwa. Ɓalang mamwayi ma wa nggi' ti fagini ya, gwyaki u ɓin ima ai rafat. Maɗufal shwai ham i manggɓu' ta wii i rukul mawili kwa. Na masi andi, hami na can u taɗas rukuli ya, u wis ya, rukuli hwak u rafatus. Wayou, maɗufali ma wa shwaiti ham i manggɓu' ta rukul mamwai wi.”

Yis saa ti laksus findel mai, mbai nin yes shu i mafwaran ta wei yusti ni, “Al asun ti motut mumwash ati. Ya ha zanut fit, ɓa ti humkyel mushet.” Yeso luk fit kolfai asussi, fe i ro ames hwak si kolfai asussi.
Unai mbor nin tima mwatan i waya i wash, tima ti kofti asuti wilyal hure mulang apil, ti yes ta takfai ames, ti ngge' fo i fagin ames. Ti lak ta mulut amet nyai, “Na i ngge' fo i fagin ames kyek i wa njeng.”
Unai Yeso hatat ɗingut fo, nyut, “A al asun, jakak shi! Fati mulut amesh fash cala.” Si myani, mbori ti wis cala.
Myan ima Yeso lang ta wur i mbai nin, ɗing som i fu' ti njungkulet i shaat, hu ɗufal hyang sin bom. Unai ni, “Hun wa nati. Ali ti mot kwa, tima raki.” Si musasus. Suɓut i ɗufali si rangya ta saikyel, yis lang ta ka' ra i ali, unai ti luk fit. Findel mai nggu' ta'i shak.

Myan ima Yeso lang ya ta kyeli, manzyau shini apilal si kolfai asussi sin lai ti njeng nyai, “Gu'a nin ashur, a Al i Devid!”
Myani, tuu langus ta wii wur, unai manzyauwauwi si yes kyel ames. Yeso nyus, “Hu fa mulut nyai, i ndok ɓa i fu cala haa?”
Sin si ni, “Hei, a Deembai.”
Unai ngge' shishat ames nyus, “Ɓa u tehu hai ta ngga' ima hu fa mulut ta.” Unai shishat ames si maɓu ya. Ɗak Yeso dulus mwal fwet nyus, “Ka hu ɓwet ɗeng u hal findel mai kwa.” Shak ta andi, si rangya si but findeli ta si ta'i hai shak.
Myan ima sin mulangya ndai, shini sin yes ti maɗufal nin ma rin mafwashi ta kyel i Yeso. Yeso re' rin mafwashii ya, unai maɗufali lang findel. Suɓut i ɗufal si shok na fwai si ni, “Mai aɗengi, a ɗama mamwai na Isar'ila.”
Shak ta andi, Farisiyawa si ni, “A ti njeng i makai i rin mafwashi, re' ti rin mai ya.”

Yeso at ta shak ashwaha mbayai hu muyayi, yis kofiti ta mareha ames, yis lak ti Muro Maɗesi i kaitat i DeeƁwe, yis fati som cala ima si ti mwatanan akat-akat hu han i lo'. Myan ima ɗing suɓut i ɗufal, ɗing shum asussi, ɓurti si yus kaciwa' bum, fota tutwai kaciwa' maɗingsus. Unai lak fe i ro ames ni, “Karat tima hyang, ɗak som roi si yus ndyong. Fwal hun Deembai i karat, u tuku som ro wa ya ɓa si masus karat.”

聆听 Matyu 9