Luk tokbaut Zizas 11 的热门经文

分享

Nomata ip yupla nugud, yupla sabe wiskain po gibe ol gudting po pikinini blo yupla. Bat PapaGod blo yupla wea eben, em ebritaim redi po gibe yupla plenti gudting. So God i go gibe da OliSpirit po enibodi uda aske em.’

‘So ai spik yupla stret nau. Wen yupla aske God po wanem yupla nidem em go gibe yupla. Ip yupla lukraun, yupla go paine wanem yupla wandem. Ip yupla singaut ausaid wea doa blo God, em go lisen ane opene da doa po yupla.

Ebribodi uda go aske God po samting, God i go gibe dempla. Uda go lukraun, go paine em. Uda go singaut ausaid wea da doa, dat doa gobi open so dempla ken go insaid.

So Zizas bin spik po dempla baigen, ‘Orait. Wen yupla prea yupla mas spik diskain: PapaGod, mipla prea ol pipol go ona ane kare neim blo yu antap. Mipla prea da taim go kam kuikwan wen yu go ruloba ebribodi.

Pogibe mipla po ol dem nugudting mipla bin mekem, seimkain wase mipla pogibe ol dem nada pipol uda bin meke nugudting gense mipla. Pliz elpe mipla so mipla nogo gibap ane meke ol nugudting.’

Gibe mipla nap kaikai ebridei wanem mipla wandem po dat dei.

‘Ol ai blo yupla, i prapa wase lamp i meke lait wea laip blo yupla. Ip yupla mata luk raitwei po meke ebriting, laip blo yupla go kam wase lait i sain. Bat ip yupla luk rongwei po meke eniting, laip blo yupla i go kam wase yupla stap wea prapa nadakain dakples wea i nogad no lait.

Ane Zizas i kip spik, ‘Yupla sabe nobodi laite lamp ane aide em o putem andanit wea basket. No! Yupla angem antap wea ples blo lamp, solong uda kam insaid, dempla ken luk dat lait.