Lucas 12 的热门经文

分享

Haska keskariai hatiãra ẽ matũ Hutxi Kayabi Iuwa ẽ ana hushanai tsuã unãmakẽ matunã, matũ hiwea pewakĩ keyutã ea manakubaĩshãkãwẽ— ikaya

Hakia hawara Deusũ abuai txibãkĩ ha dukũ Deus shanẽ ibuwakĩ xinãkubaĩshãkãwẽ. Mã haska wai ha katxu hawẽ hiweti piti inũ tari mã hayakũkaĩshanaii, Deusũ matu merabewarã— iwanã

yurã kaiã yuikĩ: —Mã mabuwẽ kemuairã, matu yuinũ nĩkakãwẽ. Mã mabuyabia hatũ matu hiwematirumawẽ taea hamapai mabu xarabu besti abui ha hayanũ ika mã kemukũkainairã, uĩrakãwẽ— iwanã

Hamẽ tsuabura hawẽ hiweti mabuwẽ kasmai Deuskiri xinaĩ mã Deus hiweshunairã, habiariri matũ xinãnẽ mã nuiai hayaki, nai anu kasmai mai anurã— iwanã

Ha inũ, tsuabura ibubis nuikĩ hawẽ mabu inũ hawẽ piti xinaĩwẽ taeshũ hawẽ hiwea ana txaipawatirumahairaki.

hanushũ Jesusũ hawẽ tsumabu besti ana yuikĩ: —Eska bestiwẽ taea matũmebi mã hamapaiwẽ dabanã imisbukiri matu yusĩnũ nĩkakãwẽ. Hiwe bestia pepakũkaĩnũ ika piti pi inũ tari sawenũ ika hawẽ dabanã iyamakubaĩshãkãwẽ. Hiwea hayairã, pitiwẽ besti mã itirubumaki. Yura hayairã, tari sawe bestinũ ika mã itirubumariki. Haskakẽ ha dabewẽ taea mã hiwenũ Deusũ matu hiwea inãma iniki.

Hamẽ matũ bu dasibi mirimabiakẽ Deusũ ma tana keyumistũ isa mixtĩ itxapa abubiakĩ Deusũ isa mixtĩ binumakĩ matu abuhairamiski. Haskakẽ hawaki dateyamakubaĩkãwẽ— iwanã

Jesusũ hawẽ tsumabu yusĩkubaĩkĩ yuikĩ: —Ẽ matu mekeawẽ taea mã ẽ txashuwã keskabuki. Ha inũ, mã ikũwaĩbu itxapamabiakẽ matũ Epa Deusũ hawenabu matu watã habe matu hiwemakubaĩshanikiki. Haskawẽ taea hawawẽ dateyamakãwẽ.

Ha inũ, nai anu peiyabukiri matu xinãmanũ nĩkakãwẽ. Habũ hawa mibã banama inũ hawa bimi tsekaisbuma inũ habũ piti aruti hayabumabiakẽ Deusũ hatu pimakubaĩmiski. Haskakẽ Deusũ matu abukĩ peiyabu matu binumakubainikiki.

Haskakẽ yura dasibibu mai hirabi anuabu piti inũ tariwẽ kemukĩ benakubaũmisbuki. Hakia maturã, mã betsaki. Matũ Epã matu unaĩwẽ taea ha piti inũ tari mã bikatsis imisrã, ana has xinaĩ hawẽ dabanã iyamakubaĩshãkãwẽ.

Hakia ni mashu huaya sepaxĩshũ kuamisbuki. Deusũ hua hawẽruawamistũ ha hua binumakĩ Deus matuwẽ nuikĩ matu tari sawematiruki, mã ikũ beshmas wabiayarã.

Hawara habũ hune akubaĩmisburã, ana huneama shabakabi dasibibũ unãshãkanikiki.