Evangelium e Matejestar 24 的热门经文

分享

Thaj godolese so but ka ovel bikrisope, ka šudrol o kamlipe butengoro. Aj ko nakhavel đi o agor, godova ka inkalel pes.

Thaj ka vakerel pes akava evangelium e Thagaripestar po soro them bašo mothojpe sa e selorese. Thaj atoska ka ovel agor.

Ka šunen maribe thaj krle e maribastar. Dićhen kaj te na daran; kaj trubul sa godova te ovel. Aj pana naj agor.

Kaj ka uštel o seloro po seloro thaj o thagaripe po thagaripe thaj ka ovel bokhalipe thaj meripe thaj phuvjako izdrape po them. A godova si sa anglunipe e mudaripasko.

O badali thaj e phuv ka nakhen, aj mle lafija ni ka nakhen.

Kaj but đene ka aven ano alav mlo vakerindoj: Me sem o Hristos. Thaj buten ka xoxaven.

Atoska tumen ka den pe munke, thaj ka mudaren tumen, thaj sa tumen o seloro ka riton bašo mlo anav. Thaj atoska bute ka traden pes po bezeh, thaj ka den avral jek avere thaj ka riton jek avere. Thaj ka inkljon but xoxamne profetora thaj ka xoxaven buten.

Thaj irisarindoj o Isus phenđa lenge: Arakhen tumen ko te ni xoxavel tumen.

Godoleske vi tumen oven gatime; kaj ano savo časo ni den godi, ka avel o Čhavo e Manušesko.

Araćhen, akana, kaj ni đanen ano savo časo ka avel o Devljutno tumaro.

A katar o dive godova thaj katar o časo khoni ni đanel, ni phakale e badaleske, đi o Dad mlo korkoro.

Kaj ka mothoven pes xoxamne hristora thaj xoxamne profetora, thaj ka mothoven semne bare thaj ačharhimata te bi xoxavena, te si šaj, vi e alosarden

Kaj sar ine ano dive e Nojeske, ađaar ka ovel vi o avipe Ćhavesko e Manušesko. Kaj sar so ano dive anglal bašo tasipe e panjesa, xale thaj pile, unsurina pes thaj dindona đi godova dive kana o Noje dija ane barka, thaj ni haljarde đikaj ni avilo o baro pani thaj ingarda sa; ađaar ka ovel thaj o avipe Ćhavesko e Manušesko.