Karikani B'aai 15 的热门经文

分享

Ao E kukurei te UEA iroun Aberam ngke e onimakinna.

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

Ao E kairiia te UEA nako tinaniku, ao E taku, “Taraa karawa, ao kataia ni wareki taiani itoi; a na riki kanoam kanga ai aron m'aitin taian itoi.”

Ao E a manga ongo b'anaan te UEA ae kaangai, “E na bon aki b'aini am b'ai am toro ane Erietera i mwiin matem; e na bon b'aib'ai natim te mm'aane i mwiim.”

Ao E taku te UEA nako ina, “A na riki kanoam b'a ianena n te aba teuana; a na riki b'a tooro ikekei, ao a na kairaki n te aro ae aki raoiroi i nanon abubua te ririki.

Ma e kaeka Aberam, “Te UEA ae Moan te M'aaka, tera bonganan kaniwangau ae Ko na anganai ngkai, ao e tuai man reke natiu? Ao e nang b'aib'ai i mwiiu ngkana I mate teuare Erietera are kaain Tamateko.

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti

A na reke aua te roro i m'aain okiia ami kariki, b'a N na bon aki kanakoia kaain Amora ni karokoa te tai are a rangi ni buakaka aia m'akuri iai, ao a bon riai ni katuaeaki.”