ATITI AWM ANGCHEI NAI 6 的热门经文

分享

mymy ly khaileaung pri y khumi ai sa nai hawi, khumi ai khai nai ly tamang bo, nanai paleung ka-dawn pipi hawi y i, mymy ly khri pa-rei paleung ama bo.

Khaileaung pri verei y awm nai khumichi ly khumi aso y iy, paleung ka-dawn hawi y jojo nai sai ARENG my niu nai khala

Na i py Nova ly ARENG i paleung kangai hawi avum nai khumi ne.

Hini ly Nova i satang ne. Nova ly Sema, Hama, Japheth napi nai chapo leaung thomrei awm. Ni ly kamngo by y iy, huni deung i khumi bawibawichi theung y ni leaungrei naini khumi kahawi ne. Ni ly Tameuh hawi amkawm iy heng bo.

Naibaly mymy ly “Kaimy i sa nai hini khumichi ai khaileaung tleaung i nai katamyh vui ai; tavochi hawi amso mawichi ai py tamyh ai; nichi ai sa nai deaungkho y kai pipi paleung hawi y,” nanai thui bo.

Khaileaung pri verei y khumichi ly peung dudu i, chaniuchi py tapen nai ne. Kanicho phyreichi lyanglo hawi nai sai niu i, mychi ngai nai ngierei ai ly pom u bo. Naibaly ARENG my, “Kai ly khumichi ai heng sau hai y leang bo; nichi ly dei nai amjychi ne. Vai i dengdairei saneng 120 rei heng hai ai khyh bo,” napi. Huni neng khala y hawi kangkhym i neng khala py, kanichochi hawi khaileaung i khumi neampachychi apom iy tapen nai kangpreangchi ly khumi py len, atho py awm; jangni i amyn amthang nai sorai theu nai khumichi ne.

Tameuh my leu pei nai kamta Nova ly ati cheaungkhangchi sa angym bo.

Tameuh my Nova teng y, “Kaimy khumi angso bawibawichi ai tamyh vui ai nai dawn bo. Ati mana nai mo nabaly khaileaung pri ly khumichi i atho y khrukhra hai nairachi kawi nai deaungkho y kai ly nichi ai katamyh keng ai.

Nangmy i vui dengkeaung ngan kahawi hawi paleaung pui thiu ly panglaichi py so; theung mang py angam mang py dengkeaung katli pajui typ ba.

Tameuh my khaileaung pri y khen i, khumichi i heng nai sai hawi y nai niu.

Heng nai mawi cheaungkhangchi hawi tavo cheaungkhangchi theung i nu kalo ka-bomchi heng thai ai nai nangmy hawi vanrei paleaung pui theung y kun hai.