Čơdơ̆ng Phŭn 9 的热门经文

分享

Ơi Adai laĭ: “Anai jing gru kơnăl kơ kơnol pơgop hlŏng lar Kâo hmâo pơjing laih tơ̆ng krah Kâo hăng ƀing gih, hăng abih bang hlô mơnơ̆ng hơdip hlăk dŏ hrŏm hăng ƀing gih, găn kơ lu rơnŭk hơdip. Kâo dưm mrơ̆t Kâo ƀơi khul kơhiăng kiăng ngă gru kơnăl brơi kơ kơnol pơgop tơ̆ng krah Kâo hăng ƀing gih.

Tơ mrơ̆t tơbiă rai ƀơi khul kơhiăng, Kâo či lăng ñu kiăng kơ hơdơr glaĭ kơnol pơgop hlŏng lar tơ̆ng krah Ơi Adai hăng abih bang mơnơ̆ng, abih bang hlô hmâo asar đeh ƀơi lŏn tơnah.”

Hlơi pô ngă tuh drah ană mơnuih, Arăng či ngă tuh drah glaĭ kơ ñu; Yua kơ Ơi Adai hrih pơjing ană mơnuih Tui hăng rup hơbŏ Ñu Pô.

Ơi Adai brơi tơlơi mơyun hiam kơ Nôê hăng ƀing ană đah rơkơi ñu. Ñu laĭ hăng gơñu: “Brơi hmâo lu ană bĕ, tui anŭn kơnŭng djuai ih či lar hyu djŏp djang lŏn tơnah.

Abih bang mơnơ̆ng thâo pơpư̆ pơgơi laih anŭn hmâo tơlơi hơdip leng kơ či yua ngă mơnơ̆ng ƀơ̆ng brơi kơ ƀing gih. Kâo pha brơi ƀing gih abih mơnơ̆ng anŭn kar hăng Kâo hmâo brơi laih añăm rơ̆k kơ ƀing gih.

Abih bang hlô mơnơ̆ng amăng adai, khul hlô hro rui ƀơi lŏn tơnah, laih anŭn khul akan amăng ia rơsĭ, leng kơ či hwĭ kơ ƀing gih laih anŭn hmâo jao laih amăng tơngan ƀing gih.

Tui anŭn, brơi ƀing gih tơkeng rai lu ană bĕ, tui anŭn kơnŭng djuai ih či lar hyu djŏp djang lŏn tơnah.”