MA-TAI 5 的热门经文

分享

Dù uèn dăm dĕng mì laéo dso̍ dî dau, láeo dso̍ săng dsà̱ng dĕng, dsi ruóng dù uèn ndăeo rà̱n. Duông ka̍i su̍ mâe iàng ni ruóng dso̍ ko̍an dù uèn, zâeo dù uèn, nguóng răn rĕ ndĭ ka̍i su̍, dsîu yŏ dàe Bó ka̍i su̍ dso̍ săng mbĕn.

Ka̍i su̍ shĭ dûong săng bò̤ng, ndăn dsŭ yu̍ dso̍ săng bŏ shĭ mì ndai dsăm ko̤.

Dù uèn dsò̤ sâeo shĭ li fù, ı̍n uĕi sa̍o dı̍ lâi răn Sâng-dî.

Dù uèn ngáe kó rĕ ndĭ, lûm ye̍k lûm râu iàng ndiăo, shĭ li fù, i̍n uĕi sa̍o di̍ lâi ndai yı̍m.

Ku̍ da̍u lăng ka̍i su̍ nào, kâu kàu ka̍i su̍ mâe ngáe dı̍, bu záp suĕi ka̍i su̍ uĕi sa̍o dı̍ chiu fù, bu zĕn ka̍i su̍ mâe dò̤ sa̍o dı̍ ndĭ, bu viéh ka̍i su̍, zàm za̍i ka̍i su̍, mâe uĕi sa̍o dı̍ dáo kâu.

Dù uèn bí̱p ndăng shĭ li fù, i̍n uĕi kuèh mbĕn shĭ kùeh sa̍o dı̍.

Dù uèn gĭ̱n sa̍o ndák dung hó shĭ li fù, ı̍n uĕi sa̍o dı̍ lâi dàe kó lèk Sâng-dî.

Dù uèn gie̱̍t dsŏ̤ shĭ li fù, ı̍n uĕi sa̍o dı̍ lâi ndai dsúai dsŏ̤.

Dù uèn uĕi kó ndĭ dò̤k za̍i shĭ li fù, ı̍n uĕi̍ kùeh mbĕn shĭ kùeh sa̍o di̍.

Dù uèn ràk dâ shĭ li fù, ı̍n uĕi sa̍o dı̍ lâi ndai ràk dâ.

Nò dù uèn uĕi kên ngen ku̍ víeh ka̍i su̍, za̍i ka̍i su̍, dsi̍n dsá kâng su̍ da̍ng iàng mì ndĭ, Ka̍i su̍ li fù liao. Nên ka̍i a̱̍ng rĭu wŭng kuo̍ng, in uĕi̍ ka̍i su̍ dso̍ săng mbĕn lâi ndai sáng ndu̍m, bu ro ko̍an dso̍ koa̍n su̍, iei shĭ iàng ni dò̤k dù uèn za̍i.

Dù uèn uò we̍n shĭ li fù, ı̍n uĕi sa̍o di̍ lâi ndai bò̤ng nám.

Ka̍i su̍ shĭ kŭ săng bò̤ng, kŭ nò dók liao uêi dâu, ku̍ yu̍ dái nda̍ng? shĭ mì dsu̍ng iûng, mì mié̱n vì̱t dso̍ báe rúok dò̤k dù uèn ndia̍k liao.

Wĕi̍ mà ka̍i su̍ mâe lâi liao dsài, lûm Bó ka̍i su̍ dso̍ săng mbĕn liao dsài iàng ndiăo.

Ka̍i su̍ nào za̍o, shĭ, dsîu nào shĭ, mì shĭ, dsîu nào mì shĭ, nò dáe lăe kâng dsîu shĭ sung ka̍i ya̍k wo̍k mă.

Ka̍i su̍ ndai nyĭ li za̍o nào, dsúong dă béng dsúong dă̱, dsa vàn béng àsa vàn. Ku̍ da̍u lăng ka̍i su̍ nào, niâng lăng ka̍i ya̍k kó kâu duái, dù uèn dua̍i bung nâ báe kùa, mèng bung nâ báe suei iei dsı̱̍n da̍u mă dô dı̍ du̍ai.

Dă̱ kùa mèng zâeo mèng vă̱n rĕ, dsi mbét mă rúok vì̱t dô, nen dsá dók liao dsúong ndĭao, gíp ndai liao ndăng vì̱t dso̍ dî yù. Vèng kùa mèng zâeo mèng vă̱n rĕ, dsi ram mă lâ vì̱t dô, nen dsá dók liao za vèng ndiăo, gíp ndai liao ndăng băi dà̱ng ndăeo dî yù.